SEFANIA 3
3
Ebibe bia Yerusalemu na okoboorigwa kwaye
1Obobe nobwaye omochie oria osaririe na obeire oyo otachenegeti, oyio ochandire abanto baye! 2Tori koigwera eriogi rinde rionsi, tori gwancha korongeigwa; tori komosemeria Omonene, gose komoika Nyasae oye ang’e. 3Abagambi bare ime yaye nigo banga buna chindo chikoronya, na abagambi ebina baye nigo banga buna chisese chi’orosana chikoria mogoroba, tichiri gotigaria kende goika mambia. 4Ababani baye nigo bagwetogia ase amang’ana abo abanyene; nigo bare abanto abang’ainereria; abakuani baye bakorire ekere egechenu koba egetachenegeti, na basaririe amachiko. 5Omonene nigo agendererete gokora ayare ay’oboronge ime y’omochie oria, tari gokora ayare amabe; emambia ase emambia nigo akoorokia oboronge bwaye bwamoreka; ere tari komocha koboorokia, korende abwo batari abanyaboronge tibari korora obosooku.
6“Nasiririe abanto b’ebisaku; chiburi chiabo chi’ogwekengera nachitagoire. Natigire chinchera chiabo chire bosa, onde tari ogoetera aroro; emechie yabo yatagoirwe yabeire amaturi, onde tamenyeti aroro. 7Nigo natebetie abanto b’omochie oyo ng’a goika banyiroke na banche amorokererio ay’okobarongeyia, erinde tinsiria aase abo bamenyete, buna nabachikerete. Korende nigo bagendererete koba ababe goetania ase ogokora kwabo gwonsi.”
8Bono Omonene nigo agoteba iga: “Ase ayio monganye goika rituko riria riike ekero ndaimoke koira abooswa baane, ekiagera nanachire amang’ana aane ng’a nsangererie abanto b’ebisaku, na ab’amaruoti mbabeke amo, mbaumorere ekeririanda kiane na endamwamu yane yonsi entindi; ense yonsi esambwe nomorero bwe risemi riane.
9“Ase engaki eyio ning’iranerie abanto enkwana y’emenwa echenegete, erinde bonsi babe bakorangeria erieta riane inche Omonene, na bagonkorera bare nomoyo oyomo. 10Nonya nkorwa ng’umbu ye chindooche chi’Etiopia abanto baane abwo bagonsasima, abwo basiareretwe, mbandetere ebing’wanso. 11Ase rituko erio inwe timogosookigwa ase engencho y’ogosaria gwonsi okwo mwakorete asende. Ekero ekio nindusie korwa ase egati yaino abanto baria abaenenu abeimokereria igoro, na inwe timokogenderera kweimokereria igoro mamincha y’egetunwa kiane egechenu. 12Nintige ase egati yaino abanto abaitongo abagwekeyia. Abwo mbabe bagotamera erieta riane inche Omonene. 13Abatigari b’Abaisraeli tibagokora ayare amabe, gose tibagokwana oborimo; chinkwana chi’obong’ainereria tichikorua ase emenwa yabo. Mbabe bakoragera na korara, na onde tari araboboyie.”
Ogotera kw’omogoko
14Inwe abanto ba Sayoni, tera neriogi rinene!
Inwe Abaisraeli, aka eriogi!
Inwe abanto ba Yerusalemu, goka na gochenga ne chinkoro chiaino chionsi!
15Omonene orusirie asemore ekina eke konya mwanacheirwe,
oseririe ababisa baino.
Omonene, omoruoti bw’Abaisraeli, nigo are ase egati yaino,
timokoiroka bobe bonde.
16Ase rituko riria amang’ana aya nakwanwe ase Yerusalemu:
“Aye Sayoni, toiroka; totiga amaboko ao abe amoro.
17Omonene, Nyasae oo, oyomenyete ase egati yao,
nigo are omorwani etuoni okogotooria.
Ere nigo akogokerete nomogoko omonene.
Nabe okirete‐kiri ore nobwanchani bwaye;
akogokere nogotera kw’omogoko.”
18“Ninsangererie amo abwo baichanete,
ekiagera berusananirie korwa ase omosangererekano bw’ogosasima.
Barabwo nigo bare abao,
betwekire chigurube chi’ogochaywa.
19Rora, ase engaki eyio ning’ee abakogochanda bonsi egesusuro.
Nintoorie ebirema, na nsangererie abwo baseretigwe.
Abwo mbabe bagotogigwa na komanyekana buya,
agwo ase kera ense babeire bachayire.
20Ase engaki eyio nimbarente inka,
ee, ase engaki eyio nimbasangererie.
Nimbae erieta rinene rimanyekane,
mobe mogotogigwa ase egati y’abanto bonsi b’ense,
ekero ndabairanerie amaya aino moyarore.”
Nabo Omonene akwanire.
Currently Selected:
SEFANIA 3: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
SEFANIA 3
3
Ebibe bia Yerusalemu na okoboorigwa kwaye
1Obobe nobwaye omochie oria osaririe na obeire oyo otachenegeti, oyio ochandire abanto baye! 2Tori koigwera eriogi rinde rionsi, tori gwancha korongeigwa; tori komosemeria Omonene, gose komoika Nyasae oye ang’e. 3Abagambi bare ime yaye nigo banga buna chindo chikoronya, na abagambi ebina baye nigo banga buna chisese chi’orosana chikoria mogoroba, tichiri gotigaria kende goika mambia. 4Ababani baye nigo bagwetogia ase amang’ana abo abanyene; nigo bare abanto abang’ainereria; abakuani baye bakorire ekere egechenu koba egetachenegeti, na basaririe amachiko. 5Omonene nigo agendererete gokora ayare ay’oboronge ime y’omochie oria, tari gokora ayare amabe; emambia ase emambia nigo akoorokia oboronge bwaye bwamoreka; ere tari komocha koboorokia, korende abwo batari abanyaboronge tibari korora obosooku.
6“Nasiririe abanto b’ebisaku; chiburi chiabo chi’ogwekengera nachitagoire. Natigire chinchera chiabo chire bosa, onde tari ogoetera aroro; emechie yabo yatagoirwe yabeire amaturi, onde tamenyeti aroro. 7Nigo natebetie abanto b’omochie oyo ng’a goika banyiroke na banche amorokererio ay’okobarongeyia, erinde tinsiria aase abo bamenyete, buna nabachikerete. Korende nigo bagendererete koba ababe goetania ase ogokora kwabo gwonsi.”
8Bono Omonene nigo agoteba iga: “Ase ayio monganye goika rituko riria riike ekero ndaimoke koira abooswa baane, ekiagera nanachire amang’ana aane ng’a nsangererie abanto b’ebisaku, na ab’amaruoti mbabeke amo, mbaumorere ekeririanda kiane na endamwamu yane yonsi entindi; ense yonsi esambwe nomorero bwe risemi riane.
9“Ase engaki eyio ning’iranerie abanto enkwana y’emenwa echenegete, erinde bonsi babe bakorangeria erieta riane inche Omonene, na bagonkorera bare nomoyo oyomo. 10Nonya nkorwa ng’umbu ye chindooche chi’Etiopia abanto baane abwo bagonsasima, abwo basiareretwe, mbandetere ebing’wanso. 11Ase rituko erio inwe timogosookigwa ase engencho y’ogosaria gwonsi okwo mwakorete asende. Ekero ekio nindusie korwa ase egati yaino abanto baria abaenenu abeimokereria igoro, na inwe timokogenderera kweimokereria igoro mamincha y’egetunwa kiane egechenu. 12Nintige ase egati yaino abanto abaitongo abagwekeyia. Abwo mbabe bagotamera erieta riane inche Omonene. 13Abatigari b’Abaisraeli tibagokora ayare amabe, gose tibagokwana oborimo; chinkwana chi’obong’ainereria tichikorua ase emenwa yabo. Mbabe bakoragera na korara, na onde tari araboboyie.”
Ogotera kw’omogoko
14Inwe abanto ba Sayoni, tera neriogi rinene!
Inwe Abaisraeli, aka eriogi!
Inwe abanto ba Yerusalemu, goka na gochenga ne chinkoro chiaino chionsi!
15Omonene orusirie asemore ekina eke konya mwanacheirwe,
oseririe ababisa baino.
Omonene, omoruoti bw’Abaisraeli, nigo are ase egati yaino,
timokoiroka bobe bonde.
16Ase rituko riria amang’ana aya nakwanwe ase Yerusalemu:
“Aye Sayoni, toiroka; totiga amaboko ao abe amoro.
17Omonene, Nyasae oo, oyomenyete ase egati yao,
nigo are omorwani etuoni okogotooria.
Ere nigo akogokerete nomogoko omonene.
Nabe okirete‐kiri ore nobwanchani bwaye;
akogokere nogotera kw’omogoko.”
18“Ninsangererie amo abwo baichanete,
ekiagera berusananirie korwa ase omosangererekano bw’ogosasima.
Barabwo nigo bare abao,
betwekire chigurube chi’ogochaywa.
19Rora, ase engaki eyio ning’ee abakogochanda bonsi egesusuro.
Nintoorie ebirema, na nsangererie abwo baseretigwe.
Abwo mbabe bagotogigwa na komanyekana buya,
agwo ase kera ense babeire bachayire.
20Ase engaki eyio nimbarente inka,
ee, ase engaki eyio nimbasangererie.
Nimbae erieta rinene rimanyekane,
mobe mogotogigwa ase egati y’abanto bonsi b’ense,
ekero ndabairanerie amaya aino moyarore.”
Nabo Omonene akwanire.
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020