ABARUMI 7
7
Okworokereria korwa ase okonynomana
1Timomanyeti, baminto (inche nigo ngokwana nabwo bamanyete amachiko) ng’a amachiko nigo akogambera omonto ekero are moyo?
2Naki omokungu onyuomire igo asibire namachiko ase omosacha oye, ekero ere are moyo, korende omosacha oye karakwe, rirorio osiboirwe korwa ase amachiko aria amosibete ase omosacha oria. 3Naboigo ekero omosacha oye are moyo, aise koba nomosacha onde nigo akorokwa omotomani; korende omosacha oye karakwe, rirorio osiboirwe korwa ase amachiko ayio. Naisa konyuomwa nomosacha onde, takorokwa omotomani.
4Naboigo baminto, nainwe mwakwereire amachiko ase enchera y’omobere o Kristo, erinde monyare koba ab’omoao, abaye ere oyobogetigwe korwa ase abakure, erinde tomwamere Nyasae okwama. 5Naki ekero twarenge ime y’engencho yaito y’ebibe okogania gwaito kw’ebibe gokaboka ase engencho y’amachiko, kogakora emeremo ase ebiimo biaito goika tokaamera amakweri okwama. 6Korende bono twasiboirwe korwa ase amachiko, twakwereire ayatosibete, erinde tonyare gokorera ase obogima oboyia bw’Omoika, tari inse y’amachiko a kare ayarikire.
Amachiko na ebibe
7Ninki rende toratebe? Amachiko nebibe? Yaya, taibo! Korende tinare komanya ebibe onye amachiko atarengeo; naki tinare komanya okogania okobe, onye ogochika gotagoteba, “Toba nokogania okobe.” 8Korende ebibe bikanyora ribaga ase ogochika koria, bikabokia ime asende chingencho chionsi chi’okogania okobe. Ase amachiko atari, rirorio ebibe mbikwete. 9Inche iga narenge moyo agwo ritang’ani ekero ntarenge namachiko, korende ekero ogochika koria gwachete, ebibe bikaboka, na inche ngakwa. 10Ogochika koria gw’okong’a obogima, gokarorekana gokondetera amakweri. 11Naki ebibe bikanyora ribaga ase ogochika koria, bikang’aina, na ase korokwo bikang’ita. 12Naboigo amachiko namachenu, na ogochika nogochenu, na okwa boronge, na okuya.
13Bono inee, riria erire rigiya ndiabeire amakweri asende? Yaya, taibo! Ebibe bikang’ita ase enchera y’erire rigiya, erio ebibe birorekane ng’a nebibe, erinde ase ogochika koria ebibe bimenteke koba bitari nekerengo.
Chingencho ibere chia mwanyabanto
14Naki twamanyire ng’a amachiko nay’Omoika, korende inche nomonto bw’engencho y’ebibe; nigo naoonetigwe inse ase obosomba bw’ebibe. 15Naki timanyeti aya ngokora, ekiagera aya nyanchete, tindi koyakora, korende aya ngechete naro ngokora. 16Korende onye ngokora aya ntancheti, rirorio nanchire ng’a amachiko namaya. 17Ase ayio, bono tari inche nkoyakora, korende nebibe biria bimenyete ime asende. 18Naki namanyire ng’a ime asende, ase engencho yane y’obobe, kende kiya tikeiyo; okorigia kw’ogokora okuya nkoreo, korende tinkonyara kogokora. 19Naki keria kere ekiya nyanchete, tindi kogekora, korende keria kere ekebe ntancheti, nakio ngokora. 20Onye ngokora keria ntancheti, bono tari inche nkogekora, korende nebibe biria bimenyete ime asende.
21Narorire ogochika oko, ng’a kondigetie gokora ekere ekiya, ekere ekebe nigo kenyesungetie. 22Naki nigo ngosasoka mono ase omoyo one ase engencho y’amachiko a Nyasae, 23korende ase ebiimo biane narorire ogochika konde nkoreo, gokorwana esegi nogochika gw’okomanya kwane na kogonkora koba omosakorwa bw’ogochika koria kw’ebibe kore ase ebiimo biane. 24Obobe nobwane inche mwanyabanto! Ning’o oransibore korwa ase omobere oyo bw’amakweri? 25Namoakeire Nyasae ng’a mbuya mono ase Yeso Kristo Omonene oito! Naki inche omonyene ase okomanya kwane nigo ngokorera amachiko a Nyasae, korende ase engencho y’obobe bwane nigo ngokorera amachiko ’ebibe.
Currently Selected:
ABARUMI 7: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
ABARUMI 7
7
Okworokereria korwa ase okonynomana
1Timomanyeti, baminto (inche nigo ngokwana nabwo bamanyete amachiko) ng’a amachiko nigo akogambera omonto ekero are moyo?
2Naki omokungu onyuomire igo asibire namachiko ase omosacha oye, ekero ere are moyo, korende omosacha oye karakwe, rirorio osiboirwe korwa ase amachiko aria amosibete ase omosacha oria. 3Naboigo ekero omosacha oye are moyo, aise koba nomosacha onde nigo akorokwa omotomani; korende omosacha oye karakwe, rirorio osiboirwe korwa ase amachiko ayio. Naisa konyuomwa nomosacha onde, takorokwa omotomani.
4Naboigo baminto, nainwe mwakwereire amachiko ase enchera y’omobere o Kristo, erinde monyare koba ab’omoao, abaye ere oyobogetigwe korwa ase abakure, erinde tomwamere Nyasae okwama. 5Naki ekero twarenge ime y’engencho yaito y’ebibe okogania gwaito kw’ebibe gokaboka ase engencho y’amachiko, kogakora emeremo ase ebiimo biaito goika tokaamera amakweri okwama. 6Korende bono twasiboirwe korwa ase amachiko, twakwereire ayatosibete, erinde tonyare gokorera ase obogima oboyia bw’Omoika, tari inse y’amachiko a kare ayarikire.
Amachiko na ebibe
7Ninki rende toratebe? Amachiko nebibe? Yaya, taibo! Korende tinare komanya ebibe onye amachiko atarengeo; naki tinare komanya okogania okobe, onye ogochika gotagoteba, “Toba nokogania okobe.” 8Korende ebibe bikanyora ribaga ase ogochika koria, bikabokia ime asende chingencho chionsi chi’okogania okobe. Ase amachiko atari, rirorio ebibe mbikwete. 9Inche iga narenge moyo agwo ritang’ani ekero ntarenge namachiko, korende ekero ogochika koria gwachete, ebibe bikaboka, na inche ngakwa. 10Ogochika koria gw’okong’a obogima, gokarorekana gokondetera amakweri. 11Naki ebibe bikanyora ribaga ase ogochika koria, bikang’aina, na ase korokwo bikang’ita. 12Naboigo amachiko namachenu, na ogochika nogochenu, na okwa boronge, na okuya.
13Bono inee, riria erire rigiya ndiabeire amakweri asende? Yaya, taibo! Ebibe bikang’ita ase enchera y’erire rigiya, erio ebibe birorekane ng’a nebibe, erinde ase ogochika koria ebibe bimenteke koba bitari nekerengo.
Chingencho ibere chia mwanyabanto
14Naki twamanyire ng’a amachiko nay’Omoika, korende inche nomonto bw’engencho y’ebibe; nigo naoonetigwe inse ase obosomba bw’ebibe. 15Naki timanyeti aya ngokora, ekiagera aya nyanchete, tindi koyakora, korende aya ngechete naro ngokora. 16Korende onye ngokora aya ntancheti, rirorio nanchire ng’a amachiko namaya. 17Ase ayio, bono tari inche nkoyakora, korende nebibe biria bimenyete ime asende. 18Naki namanyire ng’a ime asende, ase engencho yane y’obobe, kende kiya tikeiyo; okorigia kw’ogokora okuya nkoreo, korende tinkonyara kogokora. 19Naki keria kere ekiya nyanchete, tindi kogekora, korende keria kere ekebe ntancheti, nakio ngokora. 20Onye ngokora keria ntancheti, bono tari inche nkogekora, korende nebibe biria bimenyete ime asende.
21Narorire ogochika oko, ng’a kondigetie gokora ekere ekiya, ekere ekebe nigo kenyesungetie. 22Naki nigo ngosasoka mono ase omoyo one ase engencho y’amachiko a Nyasae, 23korende ase ebiimo biane narorire ogochika konde nkoreo, gokorwana esegi nogochika gw’okomanya kwane na kogonkora koba omosakorwa bw’ogochika koria kw’ebibe kore ase ebiimo biane. 24Obobe nobwane inche mwanyabanto! Ning’o oransibore korwa ase omobere oyo bw’amakweri? 25Namoakeire Nyasae ng’a mbuya mono ase Yeso Kristo Omonene oito! Naki inche omonyene ase okomanya kwane nigo ngokorera amachiko a Nyasae, korende ase engencho y’obobe bwane nigo ngokorera amachiko ’ebibe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020