ABARUMI 13
13
Igoro y’okoigwera abare nokobua
1Tiga kera omonto abe inse ase okoigwera ase abare nokobua, ekiagera okobua konde tikori gotarueti ase Nyasae, na koria koreo nokobekire na Nyasae. 2Naboigo oyotari koigwera oyore nokobua, nigo akoamererania naya Nyasae achikire; na barabwo abakoamererania nabenyorere ekina. 3Naki abakogamba tibari kogosa abanto ase engencho y’ogokora okuya, korende nase engencho y’ogokora okobe. Inee! Torigeti komoiroka oyore nokobua? Kora ayare amaya, na aye nonyore ogotogigwa ase amaya aria. 4Naki oyore nokobua, ere nomokoreri o Nyasae ase ogokonyorera amaya. Korende korakore amabe nekogwenerete oiroke; naki ere tabogoreti omoro bosa, ekiagera nomokoreri o Nyasae ase ogoakana egesiomba ase omokori amabe na komoa egesusuro. 5Ase ayio negwenerete kera oyomo aigwere, tari ase engencho y ’endamwamu ya Nyasae yoka, korende aigwere boigo, erinde enkoro yaye temogambia. 6Ase engencho eyio naende nakio mokoruera ebango, ekiagera abare nokobua nigo bare abakoreri ba Nyasae, ase ogokora emeremo eyio eyio. 7Bae bonsi ebia boronge biabo: omonto bw’ebango, ebango; na omonto bw’ogochoga, ogochoga; oyogwenerete koirokwa, tiga airokwe; na oyogwenerete gosikwa, tiga asikwe.
Mobe nobwanchani inwe ase inwe
8Timoba nesira ase onde bwensi otatiga ogwanchana, ekiagera oyomwanchete omogisangio oye oikeranirie amachiko. 9Naki amachiko aya, “Totomana, Toita, Toiba, Toba nokogania okobe”, na gakorabeo gochika konde gwonsi, kwabekeranigwe amo ase ring’ana eri, “Ancha omogisangio oo buna bweanchete.” 10Obwanchani tibogokorera omogisangio oo bobe; naboigo, obwanchani nabwo bogoikerania amachiko.
Ogocha kwe rituko ria Kristo
11Kora ayio, ekiagera mwamanyire ng’a amatuko aikire, na engaki yaino y’okoboka korwa ase chitoro yabeire ang’e. Naki bono ogotooreka nigo kore ang’e naintwe kobua ekero keria twachagete kwegena. 12Obotuko bwaisire koera, omobaso obeire ang’e. Torusie ogokora kw’omosunte; tweboyie ebirwanero bi’omobaso. 13Totaare buna egwenerete ase omobaso; tari ase okoria bobe na gotinda, tari ase obotomani aa ase obonyaka, tari ase eriomana ne ribero. 14Korende mweboyie Omonene Yeso Kristo, timoa omobere ribaga goikerania okogania kwaye kw’ebibe.
Currently Selected:
ABARUMI 13: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
ABARUMI 13
13
Igoro y’okoigwera abare nokobua
1Tiga kera omonto abe inse ase okoigwera ase abare nokobua, ekiagera okobua konde tikori gotarueti ase Nyasae, na koria koreo nokobekire na Nyasae. 2Naboigo oyotari koigwera oyore nokobua, nigo akoamererania naya Nyasae achikire; na barabwo abakoamererania nabenyorere ekina. 3Naki abakogamba tibari kogosa abanto ase engencho y’ogokora okuya, korende nase engencho y’ogokora okobe. Inee! Torigeti komoiroka oyore nokobua? Kora ayare amaya, na aye nonyore ogotogigwa ase amaya aria. 4Naki oyore nokobua, ere nomokoreri o Nyasae ase ogokonyorera amaya. Korende korakore amabe nekogwenerete oiroke; naki ere tabogoreti omoro bosa, ekiagera nomokoreri o Nyasae ase ogoakana egesiomba ase omokori amabe na komoa egesusuro. 5Ase ayio negwenerete kera oyomo aigwere, tari ase engencho y ’endamwamu ya Nyasae yoka, korende aigwere boigo, erinde enkoro yaye temogambia. 6Ase engencho eyio naende nakio mokoruera ebango, ekiagera abare nokobua nigo bare abakoreri ba Nyasae, ase ogokora emeremo eyio eyio. 7Bae bonsi ebia boronge biabo: omonto bw’ebango, ebango; na omonto bw’ogochoga, ogochoga; oyogwenerete koirokwa, tiga airokwe; na oyogwenerete gosikwa, tiga asikwe.
Mobe nobwanchani inwe ase inwe
8Timoba nesira ase onde bwensi otatiga ogwanchana, ekiagera oyomwanchete omogisangio oye oikeranirie amachiko. 9Naki amachiko aya, “Totomana, Toita, Toiba, Toba nokogania okobe”, na gakorabeo gochika konde gwonsi, kwabekeranigwe amo ase ring’ana eri, “Ancha omogisangio oo buna bweanchete.” 10Obwanchani tibogokorera omogisangio oo bobe; naboigo, obwanchani nabwo bogoikerania amachiko.
Ogocha kwe rituko ria Kristo
11Kora ayio, ekiagera mwamanyire ng’a amatuko aikire, na engaki yaino y’okoboka korwa ase chitoro yabeire ang’e. Naki bono ogotooreka nigo kore ang’e naintwe kobua ekero keria twachagete kwegena. 12Obotuko bwaisire koera, omobaso obeire ang’e. Torusie ogokora kw’omosunte; tweboyie ebirwanero bi’omobaso. 13Totaare buna egwenerete ase omobaso; tari ase okoria bobe na gotinda, tari ase obotomani aa ase obonyaka, tari ase eriomana ne ribero. 14Korende mweboyie Omonene Yeso Kristo, timoa omobere ribaga goikerania okogania kwaye kw’ebibe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020