ABARUMI 1
1
Amakwania
1Inche Paulo, omosomba o Kristo Yeso, narangeretigwe koba omotomwa, nachoretwe korandia enchili ya Nyasae, 2eye Nyasae atang’anete koria eira ase emenwa y’ababani baye ase amariko amachenu. 3Eye nenchili igoro y’Omwana oye Yeso Kristo, Omonene oito. Ere akaiborwa buna mwanyabanto ase ororeria rwa Daudi, 4naende ase okobokigwa korwa ase abakure na ase chinguru chi’Omoika bw’Obochenu akaorokigwa koba Omwana o Nyasae. 5Asare ere ntwanyorete obuya na obotomwa, erio ase engencho y’erieta riaye tworokererie abanto b’ebisaku bionsi, erinde banyare koba nokoigwera gw’okwengena 6amo nainwe abanyene, inwe abamwarangeretigwe koba aba Yeso Kristo.
7Nabarikeire inwe mwensi abamomenyete Rumi, abanchwa ba Nyasae, abamwarangeretigwe koba abachenu.
Obuya bobe asemore na omorembe bikorwa ase Nyasae Tata oito, na ase Omonene Yeso Kristo.
Okogania gwa Paulo gw’okogenda Rumi
8Ritang’ani naakeire Nyasae one ng’a mbuya mono ase Yeso Kristo ase engencho yaino inwe mwensi, ekiagera okwegena kwaino kwamanyekanire ase ense yonsi. 9Naki Nyasae, oyo ngokorera ase omoika one korandia enchili y’Omwana oye, nere kirori one ng’a tintigeti kobaatora botambe ase ogosaba kwane. 10Botambe nigo ngosaba ng’a Nyasae karanche konyigorera enchera engiya, inchiche asemore. 11Nigo inde namaiga kororana nainwe na kobaa ekeegwa ase enchera y’Omoika Omochenu, erio mobekwe chinguru, 12erinde toremanie inche nainwe, kera omonto ase okwegena kw’oyonde, okwaino na okwane. 13Korende abaminto, nindigetie momanye ng’a ekero ase ekero nigo narengereretie gocha asemore (korende ngatangeka goika bono) erinde inyore okwama ase egati yaino, buna inde nakwo ase abanto b’Ebisaku binde. 14Ase ayio ninde nesira ase Abagiriki na ase abatari Abagiriki, ase abanyasemi na ase abariri. 15Ase ensemo yane nigo nganetie mono korandia enchili nonya nasemore abamomenyete Rumi.
Buma enchili ere
16Naki tinkororera enchili obosooku, ekiagera ero nokobua kwa Nyasae gokorenta ogotooreka ase onde bwensi oyoregene, ritang’ani ase Omoyahudi, na ase Omogiriki boigo. 17Ekiagera ime yaye oboronge bokorwa ase Nyasae bwaorokigwe korwa okwegena goika okwegena, buna erikire, “Omonyene oboronge nabe moyo ase okwegena.”
Obobe bw’abanto b’Ebisaku
18Naki endamwamu ya Nyasae yaorokigwe korwa igoro, igoro ase ogotamoiroka Nyasae gwonsi na obobe bwa mwanyabanto, abagotanga ekeene nobobe bwabo. 19Bono ayaranyare komanywa igoro ya Nyasae aorokigwe asebare, ekiagera Nyasae nabaorokeretie. 20Naki chingencho chiaye, echi chitari kororekana, engencho yaye okobua kwaye gwa kare na kare, na obonyasae bwaye, nchimanyekanete korwa ase ogotongwa gw’ense ase ebinto atongete. Ase igo tibari naya bagotaamera. 21Naki nonya bamanyete Nyasae, tibamosigete buna Nyasae, gose komoakera ng’a mbuya mono; korende ebirengererio biabo bikaba bosa, na emioyo yabo y’oboriri ekabekwa omosunte. 22Bagateba ng’a mbare nobong’aini, korende bakaririeka. 23Bakaonchoreria obonene bwa Nyasae, oyotari nogosareka, ase omogwekano bw’ekieni kia mwanyabanto oyore nogosareka, na obwe chinyoni, na obwe ching’iti chire namagoro ane, na obwe ching’iti chikwagura.
24Ase ayio Nyasae akabatiga ase okogania okobe gwe chinkoro chiabo, batunyane obonyaka goika bagasarerania ogosika ase emebere yabo barabwo ase barabwo, 25ekiagera batigete ekeene kia Nyasae, bagachora oborimo, bagasasima na gokorera ebitongwa ribaga ri’Omotongi, oyorabakwe kare na kare! Amina.
26Ase engencho eyio Nyasae akabatiga batunyane okogania kwabo kw’obosooku, goika abakungu babo bakaonchoreria okomenyana kw’omobere kwa boronge ase oko gotari kwa boronge. 27Na abasacha boigo bagatiga okomenyana nabakungu kwa boronge, bagasambwa ase okorigania abasacha ase abasacha, bagakora ogokora kw’obosooku, bakanyora abanyene ogoakanwa kwa boronge kw’ogosaria kwabo.
28Ekiagera batabarete ng’a ngento komomanya Nyasae, Nyasae akabatiga ase ebirengererio bie chingencho chiabo chimbe, bakore ayatagwenereti. 29Bagaichorwa ne chingencho chionsi chitari boronge, na obobe, na okogania okobe, na okorengereria okobe, ne ribero, na oboiti, na eriomana, na obong’ainereria, na okogechana. Bakaba abagenkani, 30abaitania, abamogechete Nyasae, abachayi, abaenenu, abetogia, abaroisia amabe, abatari koigwera abaibori babo, 31abariri, abatari abegenwa, abatari nobwanchani, abatari namabera. 32Barabwo abanyene mbamanyete mono ekina kia Nyasae kia boronge, ng’a abagokora ayaiga nebagwenerete amakweri; tibakorete aya oka, korende nigo bagwancherana nabwo bakoyakora.
Currently Selected:
ABARUMI 1: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
ABARUMI 1
1
Amakwania
1Inche Paulo, omosomba o Kristo Yeso, narangeretigwe koba omotomwa, nachoretwe korandia enchili ya Nyasae, 2eye Nyasae atang’anete koria eira ase emenwa y’ababani baye ase amariko amachenu. 3Eye nenchili igoro y’Omwana oye Yeso Kristo, Omonene oito. Ere akaiborwa buna mwanyabanto ase ororeria rwa Daudi, 4naende ase okobokigwa korwa ase abakure na ase chinguru chi’Omoika bw’Obochenu akaorokigwa koba Omwana o Nyasae. 5Asare ere ntwanyorete obuya na obotomwa, erio ase engencho y’erieta riaye tworokererie abanto b’ebisaku bionsi, erinde banyare koba nokoigwera gw’okwengena 6amo nainwe abanyene, inwe abamwarangeretigwe koba aba Yeso Kristo.
7Nabarikeire inwe mwensi abamomenyete Rumi, abanchwa ba Nyasae, abamwarangeretigwe koba abachenu.
Obuya bobe asemore na omorembe bikorwa ase Nyasae Tata oito, na ase Omonene Yeso Kristo.
Okogania gwa Paulo gw’okogenda Rumi
8Ritang’ani naakeire Nyasae one ng’a mbuya mono ase Yeso Kristo ase engencho yaino inwe mwensi, ekiagera okwegena kwaino kwamanyekanire ase ense yonsi. 9Naki Nyasae, oyo ngokorera ase omoika one korandia enchili y’Omwana oye, nere kirori one ng’a tintigeti kobaatora botambe ase ogosaba kwane. 10Botambe nigo ngosaba ng’a Nyasae karanche konyigorera enchera engiya, inchiche asemore. 11Nigo inde namaiga kororana nainwe na kobaa ekeegwa ase enchera y’Omoika Omochenu, erio mobekwe chinguru, 12erinde toremanie inche nainwe, kera omonto ase okwegena kw’oyonde, okwaino na okwane. 13Korende abaminto, nindigetie momanye ng’a ekero ase ekero nigo narengereretie gocha asemore (korende ngatangeka goika bono) erinde inyore okwama ase egati yaino, buna inde nakwo ase abanto b’Ebisaku binde. 14Ase ayio ninde nesira ase Abagiriki na ase abatari Abagiriki, ase abanyasemi na ase abariri. 15Ase ensemo yane nigo nganetie mono korandia enchili nonya nasemore abamomenyete Rumi.
Buma enchili ere
16Naki tinkororera enchili obosooku, ekiagera ero nokobua kwa Nyasae gokorenta ogotooreka ase onde bwensi oyoregene, ritang’ani ase Omoyahudi, na ase Omogiriki boigo. 17Ekiagera ime yaye oboronge bokorwa ase Nyasae bwaorokigwe korwa okwegena goika okwegena, buna erikire, “Omonyene oboronge nabe moyo ase okwegena.”
Obobe bw’abanto b’Ebisaku
18Naki endamwamu ya Nyasae yaorokigwe korwa igoro, igoro ase ogotamoiroka Nyasae gwonsi na obobe bwa mwanyabanto, abagotanga ekeene nobobe bwabo. 19Bono ayaranyare komanywa igoro ya Nyasae aorokigwe asebare, ekiagera Nyasae nabaorokeretie. 20Naki chingencho chiaye, echi chitari kororekana, engencho yaye okobua kwaye gwa kare na kare, na obonyasae bwaye, nchimanyekanete korwa ase ogotongwa gw’ense ase ebinto atongete. Ase igo tibari naya bagotaamera. 21Naki nonya bamanyete Nyasae, tibamosigete buna Nyasae, gose komoakera ng’a mbuya mono; korende ebirengererio biabo bikaba bosa, na emioyo yabo y’oboriri ekabekwa omosunte. 22Bagateba ng’a mbare nobong’aini, korende bakaririeka. 23Bakaonchoreria obonene bwa Nyasae, oyotari nogosareka, ase omogwekano bw’ekieni kia mwanyabanto oyore nogosareka, na obwe chinyoni, na obwe ching’iti chire namagoro ane, na obwe ching’iti chikwagura.
24Ase ayio Nyasae akabatiga ase okogania okobe gwe chinkoro chiabo, batunyane obonyaka goika bagasarerania ogosika ase emebere yabo barabwo ase barabwo, 25ekiagera batigete ekeene kia Nyasae, bagachora oborimo, bagasasima na gokorera ebitongwa ribaga ri’Omotongi, oyorabakwe kare na kare! Amina.
26Ase engencho eyio Nyasae akabatiga batunyane okogania kwabo kw’obosooku, goika abakungu babo bakaonchoreria okomenyana kw’omobere kwa boronge ase oko gotari kwa boronge. 27Na abasacha boigo bagatiga okomenyana nabakungu kwa boronge, bagasambwa ase okorigania abasacha ase abasacha, bagakora ogokora kw’obosooku, bakanyora abanyene ogoakanwa kwa boronge kw’ogosaria kwabo.
28Ekiagera batabarete ng’a ngento komomanya Nyasae, Nyasae akabatiga ase ebirengererio bie chingencho chiabo chimbe, bakore ayatagwenereti. 29Bagaichorwa ne chingencho chionsi chitari boronge, na obobe, na okogania okobe, na okorengereria okobe, ne ribero, na oboiti, na eriomana, na obong’ainereria, na okogechana. Bakaba abagenkani, 30abaitania, abamogechete Nyasae, abachayi, abaenenu, abetogia, abaroisia amabe, abatari koigwera abaibori babo, 31abariri, abatari abegenwa, abatari nobwanchani, abatari namabera. 32Barabwo abanyene mbamanyete mono ekina kia Nyasae kia boronge, ng’a abagokora ayaiga nebagwenerete amakweri; tibakorete aya oka, korende nigo bagwancherana nabwo bakoyakora.
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020