MATAYO 12
12
Okorenda Esabato
(Mar 2:23–28; Luk 6:1–5)
1Ase ekero keria Yeso ngoeta arenge ase emegondo ase rituko ri’Esabato, aborokigwa baye mbarenge nenchara, bagachaka kobutora ebigara, bakaria. 2Korende ekero Abafarisai bachia korora aya, bakamotebia, “Rigereria, aborokigwa bao buna bagokora eritari boronge gokorwa ase rituko ri’Esabato.” 3Akabatebia, “Timwana gosoma aya Daudi akorete, ekero arenge nenchara, ere na abarenge amo nere, 4buna asoete ase enyomba ya Nyasae, akaria emegati yarenge korugwa ase Nyasae, nero tiyarenge boronge asare ayerie, gose ase abwo barenge amo nere, otatiga ase abakuani boka? 5Gose timwana gosoma ase amachiko buna ase rituko ri’ Esabato abakuani be Hekalu nigo bagosaria Esabato, na barabwo tibakoba nokomocha? 6Inche nabatebirie, nkere aiga egento ekenene kobua Hekalu. 7Korende onye mwamanyete engencho y’amang’ana aya: Inche nigo ndigetie amabera, gose tari ekeng’wanso, anga timwagambia abatari nokomocha, 8ekiagera Omwana‐o‐mwanyabanto nere omonene bw’Esabato.”
Okogwenigwa kw’omonto ogataete okoboko
(Mar 3:1–6; Luk 6:6–11)
9Akarua aroro, agasoa ase esinagogi yabo. 10Na rora, narengeo omonto, okoboko kwaye kwagataete. Bakaboria Yeso, “Inee! Mboronge kogwenia ase rituko ri’Esabato?” Banyare komosoera. 11Nere akababoria, “Ning’o asemore ore neng’ondi eyemo, na eng’ondi eyio onye yagure ime ase engoro rituko ri’Esabato, takoyebwata ayerusieo? 12Inee! Omonto tabueti rigori ri’eng’ondi? Ase igo mboronge gokora amaya ase rituko ri’Esabato.” 13Erio agatebia omonto oria, “Rambora okoboko kwao.” Agakorambora; gokagwena, gokaba okogima buna okonde. 14Korende Abafarisai bagasoka isiko, bakagamba igoro ya Yeso buna barakore bamoite.
Omosomba omochore
15Yeso konya omanyire aya, akarua aroro. Abanto abange bakamotunyana, akabagwenia bonsi. 16Akabachika tibamoorokia. 17Eri nigo riabete, erinde rinyare goikerana eriatebetwe nomobani Isaya,
18“Rora, omosomba one oyonachorire,
omwanchwa one, omoyo one ogokirie nere.
Nimobekere Omoika one,
nere nararerie abanto b’Ebisaku ekina.
19Takwomana, gose tagoaka eriogi;
nonya nomonto takoigwa eriogi riaye
ase chinchera chinene.
20Egetonto giatachetwe tagokebuna,
gose orotambe rw’etaya rokoimoka erioki,
takororimia, goika arete oboronge ase okobua;
21na ase erieta riaye abanto b’Ebisaku inabarisemerie.”
Yeso okoiraneria igoro y’ogosoerwa ng’a nigo are gokora emeremo ase ogokonywa kwa Beelizebuli
(Mar 3:20–30; Luk 11:14–23; 12:10)
22Ekero ekio akarenterwa omonto obwatire nekerecha; ere nomouko orenge, naende nigo arenge rimama. Akamogwenia, goika oria orenge omouko ne rimama agakwana na korora. 23Abanto bonsi bagakumia, bakaborania, “Inee! Oyo nanyare koba omwana o Daudi?” 24Korende Abafarisai bagachia koyaigwa, bagateba, “Oyo tari korusia ebirecha otatiga ase Beelizebuli omonene bw’ebirecha.” 25Konya omanyire ebirengererio biabo, akabatebia, “Kera oboruoti kobwatananekanire borobwo obonyene tibogotenena; na kera omochie na enyomba kobiatananekanire, birobio ebinyene tibigotenena; 26na Saitani karaserie Saitani, igo bweatananire ere omonyene, Inee, oboruoti bwaye, naki boratenene? 27Na inche, onye ngoseria ebirecha ase Beelizebuli, Inee, abana baino nase ng’o bakobiseria? Ase engencho eyio, barabwo nababe abagambi baino. 28Korende onye ngoseria ebirecha ase Omoika o Nyasae, igo oboruoti bwa Nyasae bwabacheire. 29Gose naki omonto aranyare gosoa ase enyomba y’omonto omonyene chinguru na gosakora ebinto biaye, atamosibeti ritang’ani omonto oria omonyene chinguru? Erio nyuma anyare gosakora enyomba yaye. 30Omonto otari amo nainche nigo are mamincha asende. Nere oyotari gosangereria amo nainche nigo agoserebania. 31Ase engencho eyio nabatebirie, kera ebibe na okorama mwanyabanto nabaaberwe, korende onye bakorama Omoika tibakwaberwa. 32Na omonto onde bwensi orakwane ring’ana riibe igoro ase Omwana‐o‐mwanyabanto, naaberwe; korende onde bwensi orakwane ring’ana riibe igoro ase Omoika Omochenu takwaberwa ase ense eye, nonya nase eria egochi‐gocha.
33“Kora omote obe omuya, na amatunda aye abe amaya; gose kora omote obe omobe, na amatunda aye abe amabe; naki omote nigo okomanyekana ase amatunda aye. 34Inwe oroiboro rwe ching’iti! Naki moranyare gokwana amaya ekero more ababe? Ekiagera ebiichire ase enkoro, nabio omonwa ogokwana. 35Omonto omuya, ase emonga yaye engiya nigo akorua amaya, na omonto omobe, ase emonga yaye embe nigo akorua amabe. 36Korende nabatebirie, ng’a ase kera ring’ana ritari nengencho mwanyabanto barakwane, ase rituko ri’ekina nabache korua omobaro. 37Naki ase amang’ana ao noegwe oboronge, na ase amang’ana ao nogambigwe.”
Yeso okwanga koorokia egekone
(Mar 8:11–12; Luk 11:29–32)
38Erio abande ase aborokia b’amariko na Abafarisai bakamotebia, “Omworokia, ntorigetie torore egekone buna ekemanyererio korwa asore.” 39Korende akabairaneria, “Ekegori ekebe ki’obotomani kerigetie egekone, korende tigekoegwa egekone otatiga eki’omobani Yona. 40Naki buna Yona abete ime ase enda y’enswe enene ase engaki y’emebaso etato na amatuko atato, nabo na Omwana‐o‐mwanyabanto nere arabe ime ase enkoro y’ense emebaso etato na amatuko atato. 41Abanto ba Nineva nabatenene ase rituko ri’ekina amo nabanto b’ekegori eke, na barabwo nabakenachere ekina, ekiagera barabwo nigo baonchogete ase okorandia kwa Yona, na rora, oyobuete Yona naiga are. 42Eting’ana ya Irianyi netenene ase ekina amo nabanto b’ekegori eke; ere nabanachere ekina, ekiagera arwete ase chinsinyo chi’ense anyare koigwa obong’aini bwa Sulemani, na rora, oyobuete Sulemani naiga are.
Obobe bw’ogotaonchoka kegima
(Luk 11:24–26)
43“Ekero ekerecha ki’eubi kiarure ase omonto, nigo kegoeta gati aase atari namache, kiarigia aase kegotimokera, korende tigekonyora. 44Erio kiabora: Ning’irane ase enyomba yane aase narwete. Gakegocha kiayenyora nenchwa, yaabusirwe, yaroisigwe. 45Erio kiagenda, kiarentana ebirecha binde bitano na bibere, ebire ebibe kobua kerokio ekenyene. Nabirobio biasoa na komenya aroro; okoba kw’omoerio kw’omonto oyio kwaba okobe kobua okwe ritang’ani. Naboigo erache koba ase ekegori eke ekebe.”
Obomwabo bw’ekeene
(Mar 3:31–35; Luk 8:19–21)
46Ekero arenge gokwana nabanto, rora, ng’ina na bamura bamwabo nigo bateneine isiko, barigetie gokwana nere. 47Omonto oyomo akamotebia, “Rora, nyoko na bamura bamino mbateneine isiko, barigetie gokwana naye.” 48Korende akairaneria oria omotebetie, akabora, “Baba nere ng’o? Na bamura baminto mbarabi?” 49Akarambora okoboko kwaye ase aborokigwa baye, akabora, “Rora baba na bamura baminto! 50Ekiagera oyorakore ogwancha gwa Tata one ore igoro, oyio nere momura ominto, na mosubati ominto, na baba.”
Currently Selected:
MATAYO 12: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
MATAYO 12
12
Okorenda Esabato
(Mar 2:23–28; Luk 6:1–5)
1Ase ekero keria Yeso ngoeta arenge ase emegondo ase rituko ri’Esabato, aborokigwa baye mbarenge nenchara, bagachaka kobutora ebigara, bakaria. 2Korende ekero Abafarisai bachia korora aya, bakamotebia, “Rigereria, aborokigwa bao buna bagokora eritari boronge gokorwa ase rituko ri’Esabato.” 3Akabatebia, “Timwana gosoma aya Daudi akorete, ekero arenge nenchara, ere na abarenge amo nere, 4buna asoete ase enyomba ya Nyasae, akaria emegati yarenge korugwa ase Nyasae, nero tiyarenge boronge asare ayerie, gose ase abwo barenge amo nere, otatiga ase abakuani boka? 5Gose timwana gosoma ase amachiko buna ase rituko ri’ Esabato abakuani be Hekalu nigo bagosaria Esabato, na barabwo tibakoba nokomocha? 6Inche nabatebirie, nkere aiga egento ekenene kobua Hekalu. 7Korende onye mwamanyete engencho y’amang’ana aya: Inche nigo ndigetie amabera, gose tari ekeng’wanso, anga timwagambia abatari nokomocha, 8ekiagera Omwana‐o‐mwanyabanto nere omonene bw’Esabato.”
Okogwenigwa kw’omonto ogataete okoboko
(Mar 3:1–6; Luk 6:6–11)
9Akarua aroro, agasoa ase esinagogi yabo. 10Na rora, narengeo omonto, okoboko kwaye kwagataete. Bakaboria Yeso, “Inee! Mboronge kogwenia ase rituko ri’Esabato?” Banyare komosoera. 11Nere akababoria, “Ning’o asemore ore neng’ondi eyemo, na eng’ondi eyio onye yagure ime ase engoro rituko ri’Esabato, takoyebwata ayerusieo? 12Inee! Omonto tabueti rigori ri’eng’ondi? Ase igo mboronge gokora amaya ase rituko ri’Esabato.” 13Erio agatebia omonto oria, “Rambora okoboko kwao.” Agakorambora; gokagwena, gokaba okogima buna okonde. 14Korende Abafarisai bagasoka isiko, bakagamba igoro ya Yeso buna barakore bamoite.
Omosomba omochore
15Yeso konya omanyire aya, akarua aroro. Abanto abange bakamotunyana, akabagwenia bonsi. 16Akabachika tibamoorokia. 17Eri nigo riabete, erinde rinyare goikerana eriatebetwe nomobani Isaya,
18“Rora, omosomba one oyonachorire,
omwanchwa one, omoyo one ogokirie nere.
Nimobekere Omoika one,
nere nararerie abanto b’Ebisaku ekina.
19Takwomana, gose tagoaka eriogi;
nonya nomonto takoigwa eriogi riaye
ase chinchera chinene.
20Egetonto giatachetwe tagokebuna,
gose orotambe rw’etaya rokoimoka erioki,
takororimia, goika arete oboronge ase okobua;
21na ase erieta riaye abanto b’Ebisaku inabarisemerie.”
Yeso okoiraneria igoro y’ogosoerwa ng’a nigo are gokora emeremo ase ogokonywa kwa Beelizebuli
(Mar 3:20–30; Luk 11:14–23; 12:10)
22Ekero ekio akarenterwa omonto obwatire nekerecha; ere nomouko orenge, naende nigo arenge rimama. Akamogwenia, goika oria orenge omouko ne rimama agakwana na korora. 23Abanto bonsi bagakumia, bakaborania, “Inee! Oyo nanyare koba omwana o Daudi?” 24Korende Abafarisai bagachia koyaigwa, bagateba, “Oyo tari korusia ebirecha otatiga ase Beelizebuli omonene bw’ebirecha.” 25Konya omanyire ebirengererio biabo, akabatebia, “Kera oboruoti kobwatananekanire borobwo obonyene tibogotenena; na kera omochie na enyomba kobiatananekanire, birobio ebinyene tibigotenena; 26na Saitani karaserie Saitani, igo bweatananire ere omonyene, Inee, oboruoti bwaye, naki boratenene? 27Na inche, onye ngoseria ebirecha ase Beelizebuli, Inee, abana baino nase ng’o bakobiseria? Ase engencho eyio, barabwo nababe abagambi baino. 28Korende onye ngoseria ebirecha ase Omoika o Nyasae, igo oboruoti bwa Nyasae bwabacheire. 29Gose naki omonto aranyare gosoa ase enyomba y’omonto omonyene chinguru na gosakora ebinto biaye, atamosibeti ritang’ani omonto oria omonyene chinguru? Erio nyuma anyare gosakora enyomba yaye. 30Omonto otari amo nainche nigo are mamincha asende. Nere oyotari gosangereria amo nainche nigo agoserebania. 31Ase engencho eyio nabatebirie, kera ebibe na okorama mwanyabanto nabaaberwe, korende onye bakorama Omoika tibakwaberwa. 32Na omonto onde bwensi orakwane ring’ana riibe igoro ase Omwana‐o‐mwanyabanto, naaberwe; korende onde bwensi orakwane ring’ana riibe igoro ase Omoika Omochenu takwaberwa ase ense eye, nonya nase eria egochi‐gocha.
33“Kora omote obe omuya, na amatunda aye abe amaya; gose kora omote obe omobe, na amatunda aye abe amabe; naki omote nigo okomanyekana ase amatunda aye. 34Inwe oroiboro rwe ching’iti! Naki moranyare gokwana amaya ekero more ababe? Ekiagera ebiichire ase enkoro, nabio omonwa ogokwana. 35Omonto omuya, ase emonga yaye engiya nigo akorua amaya, na omonto omobe, ase emonga yaye embe nigo akorua amabe. 36Korende nabatebirie, ng’a ase kera ring’ana ritari nengencho mwanyabanto barakwane, ase rituko ri’ekina nabache korua omobaro. 37Naki ase amang’ana ao noegwe oboronge, na ase amang’ana ao nogambigwe.”
Yeso okwanga koorokia egekone
(Mar 8:11–12; Luk 11:29–32)
38Erio abande ase aborokia b’amariko na Abafarisai bakamotebia, “Omworokia, ntorigetie torore egekone buna ekemanyererio korwa asore.” 39Korende akabairaneria, “Ekegori ekebe ki’obotomani kerigetie egekone, korende tigekoegwa egekone otatiga eki’omobani Yona. 40Naki buna Yona abete ime ase enda y’enswe enene ase engaki y’emebaso etato na amatuko atato, nabo na Omwana‐o‐mwanyabanto nere arabe ime ase enkoro y’ense emebaso etato na amatuko atato. 41Abanto ba Nineva nabatenene ase rituko ri’ekina amo nabanto b’ekegori eke, na barabwo nabakenachere ekina, ekiagera barabwo nigo baonchogete ase okorandia kwa Yona, na rora, oyobuete Yona naiga are. 42Eting’ana ya Irianyi netenene ase ekina amo nabanto b’ekegori eke; ere nabanachere ekina, ekiagera arwete ase chinsinyo chi’ense anyare koigwa obong’aini bwa Sulemani, na rora, oyobuete Sulemani naiga are.
Obobe bw’ogotaonchoka kegima
(Luk 11:24–26)
43“Ekero ekerecha ki’eubi kiarure ase omonto, nigo kegoeta gati aase atari namache, kiarigia aase kegotimokera, korende tigekonyora. 44Erio kiabora: Ning’irane ase enyomba yane aase narwete. Gakegocha kiayenyora nenchwa, yaabusirwe, yaroisigwe. 45Erio kiagenda, kiarentana ebirecha binde bitano na bibere, ebire ebibe kobua kerokio ekenyene. Nabirobio biasoa na komenya aroro; okoba kw’omoerio kw’omonto oyio kwaba okobe kobua okwe ritang’ani. Naboigo erache koba ase ekegori eke ekebe.”
Obomwabo bw’ekeene
(Mar 3:31–35; Luk 8:19–21)
46Ekero arenge gokwana nabanto, rora, ng’ina na bamura bamwabo nigo bateneine isiko, barigetie gokwana nere. 47Omonto oyomo akamotebia, “Rora, nyoko na bamura bamino mbateneine isiko, barigetie gokwana naye.” 48Korende akairaneria oria omotebetie, akabora, “Baba nere ng’o? Na bamura baminto mbarabi?” 49Akarambora okoboko kwaye ase aborokigwa baye, akabora, “Rora baba na bamura baminto! 50Ekiagera oyorakore ogwancha gwa Tata one ore igoro, oyio nere momura ominto, na mosubati ominto, na baba.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020