YOSHUA 9
9
Abagibeoni bakong’aina Yoshua
1Obobui bw’Abaisraeli nigo bwamanyekanete ase abaruoti bonsi bamenyete bosongo ya Yorodan, ase ebitunwa, na ase ense omweya, na ense yonsi yare mbarabare y’Enyancha Enene, ebwatekaine gochia Lebanoni, abaruoti b’Abahiti, na Abaamori, na Abakanani, na Abaperisi, na Abahivi, na Abayebusi. 2Barabwo bakabwatana amo, erinde barwanie Yoshua na Abaisraeli.
3Ekero Abagibeoni baigwete buna Yoshua akorete emechie ya Yeriko na Ai, 4bakagamba bagende komong’ainereria nobong’aini. Bakamanora, bagasangereria ebinto bi’orogendo, bakaberekia chitigere chiabo chigunia chingotu, na ebirandi ebigotu bi’edivai, bikorire korwa ase amasankwa, bibekire ebiraka. 5Naende bakabeka ebikoroto ebigotu biatandogete, ne chiganchwa chingotu, na emegati bairete nigo yarenge emeboosu na emegundo. 6Erio bakagenda ase Yoshua ase egetwori kia Giligali bakamotebia ere amo n’Abaisraeli, “Intwe nigo twarure ense y’aare. Ntorigetie mokore okobwatana naintwe.”
7Korende Abaisraeli bagatebia Abahivi baria, “Naki rende torakore okobwatana nainwe? Aande gose nigo momenyete ase egati yaito.”
8Bagatebia Yoshua, “Intwe nabasomba bao tore.”
Yoshua akababoria, “Inwe mbanto ki more? Ng’ai mokorwa?”
9Erio bakamoiraneria, “Intwe abasomba bao nigo twarure ense y’aare, twaigure erieta ri’Omonene, Nyasae oo, buna riakumire. Twaigure amang’ana onsi ayakorete aria Misiri, 10na buna akorete abaruoti b’Abaamori, moocha ya Yorodan, nabwo Sihoni, omoruoti o Hesiboni, na Ogi, oyo o Basani, oyio omenyete Asitaroti. 11Abagaaka baito, na abanyene bonsi b’ense yaito, bagatotebia ng’a tobogorie endagera togochia koria inchera, na kogenda koumerana nainwe, na kobatebia ng’a ntorigetie koba abasomba baino, naende tobaborie mokore okobwatana naintwe. 12Rigereria emegatiyaito! Nigo yarenge morero korwa riko, ekero twachagete orogendo rwaito, na rora bono buna yaboosire, naende yagundire. 13Ebirandi ebi bi’edivai bikorire korwa ase amasankwa nigo biarenge ebiyia ekero twabiichoretie edivai, na rora bono biatandokire. Ne chianga chiaito na ebikoroto boigo tobegete biagotire ase engencho y’orogendo rwaito orotambe.”
14Abaisraeli bagancha koigwa endagera yabo, korende tibarigia ogosemia korwa ase Omonene. 15Yoshua agakora omorembe na kobwatana nabarabwo, akabaa ribaga babe moyo na komenyao. Abatang’ani b’omoganda bw’Abaisraeli bagancherana nokobwatana okwo ase ogotiana.
16Amatuko atato nyuma kobakorire okobwatana nabanto abwo, Abaisraeli bakaigwa ng’a barabwo ng’ang’e bamenyete. 17Ase ayio Abaisraeli bakamanora, bakagenda, na ase rituko ria gatato bagaika emechie yabo: Gibeoni, na Kefira, na Beroti, na Kiriati‐Yearimu. 18Abaisraeli bagatiga tibaita abanto baria, ekiagera abatang’ani babo konya barire eira ase ogotiana ase erieta ri’Omonene, Nyasae bw’Abaisraeli. Abanto b’omoganda bakemurunganeria abatang’ani. 19Korende abatang’ani baria bakabairaneria. “Intwe ntwabarierete eira na gotiana ase erieta ri’Omonene, Nyasae bw’Abaisraeli. Ase igo titokonyara kobakorera bobe. 20Aya naro torabakorere: Tobatige babe moyo ase engencho y’ogotiana okwo twatianete. Nyasae tabaisa gotoa egesusuro.” 21Naende bakabora, “Tobatige babe moyo, korende babe bagwatia chinko, naende babe bakorentera abanto bonsi amache.”
22Erio Yoshua akarangeria abanto baria, akababoria, “Nase ki mwatong’ainete na goteba ng’a nigo mokamenyete ense y’aare, na inwe nabanto momenyete ang’e aa ase egati yaito? 23Ase ayio mwaragererigwe. Inwe namobe abasomba botambe, mogwatia chinko na korenta amache ase enyomba ya Nyasae one.”
24Barabwo bakairaneria Yoshua, “Omonene, nigo twakorire aya, ekiagera twatebetigwe na koenekerigwa ng’a Omonene. Nyasae oo, nachigete Musa, omosomba oye, abae ense eye engima na gosiria bonsi abamenyete aa. Ase ayio tokaondoka, tokaba nobwoba obonene ng’a motoite; ayio akagera togakora aya. 25Intwe bono nao tore ase amaboko ao, otokorere aya oroche are amaya na amaronge.” 26Yoshua akabakorera igo, akabatooria korwa ase amaboko ’Abaisraeli, barabwo tibabaita. 27Na ase rituko riria akababeka babe bagwatia chinko na korenta amache ase omoganda na ase egesasimero ki’Omonene, aase aria Omonene achorete asasimerwe. Naboigo bagendererete gokora goika rero iga.
Currently Selected:
YOSHUA 9: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
YOSHUA 9
9
Abagibeoni bakong’aina Yoshua
1Obobui bw’Abaisraeli nigo bwamanyekanete ase abaruoti bonsi bamenyete bosongo ya Yorodan, ase ebitunwa, na ase ense omweya, na ense yonsi yare mbarabare y’Enyancha Enene, ebwatekaine gochia Lebanoni, abaruoti b’Abahiti, na Abaamori, na Abakanani, na Abaperisi, na Abahivi, na Abayebusi. 2Barabwo bakabwatana amo, erinde barwanie Yoshua na Abaisraeli.
3Ekero Abagibeoni baigwete buna Yoshua akorete emechie ya Yeriko na Ai, 4bakagamba bagende komong’ainereria nobong’aini. Bakamanora, bagasangereria ebinto bi’orogendo, bakaberekia chitigere chiabo chigunia chingotu, na ebirandi ebigotu bi’edivai, bikorire korwa ase amasankwa, bibekire ebiraka. 5Naende bakabeka ebikoroto ebigotu biatandogete, ne chiganchwa chingotu, na emegati bairete nigo yarenge emeboosu na emegundo. 6Erio bakagenda ase Yoshua ase egetwori kia Giligali bakamotebia ere amo n’Abaisraeli, “Intwe nigo twarure ense y’aare. Ntorigetie mokore okobwatana naintwe.”
7Korende Abaisraeli bagatebia Abahivi baria, “Naki rende torakore okobwatana nainwe? Aande gose nigo momenyete ase egati yaito.”
8Bagatebia Yoshua, “Intwe nabasomba bao tore.”
Yoshua akababoria, “Inwe mbanto ki more? Ng’ai mokorwa?”
9Erio bakamoiraneria, “Intwe abasomba bao nigo twarure ense y’aare, twaigure erieta ri’Omonene, Nyasae oo, buna riakumire. Twaigure amang’ana onsi ayakorete aria Misiri, 10na buna akorete abaruoti b’Abaamori, moocha ya Yorodan, nabwo Sihoni, omoruoti o Hesiboni, na Ogi, oyo o Basani, oyio omenyete Asitaroti. 11Abagaaka baito, na abanyene bonsi b’ense yaito, bagatotebia ng’a tobogorie endagera togochia koria inchera, na kogenda koumerana nainwe, na kobatebia ng’a ntorigetie koba abasomba baino, naende tobaborie mokore okobwatana naintwe. 12Rigereria emegatiyaito! Nigo yarenge morero korwa riko, ekero twachagete orogendo rwaito, na rora bono buna yaboosire, naende yagundire. 13Ebirandi ebi bi’edivai bikorire korwa ase amasankwa nigo biarenge ebiyia ekero twabiichoretie edivai, na rora bono biatandokire. Ne chianga chiaito na ebikoroto boigo tobegete biagotire ase engencho y’orogendo rwaito orotambe.”
14Abaisraeli bagancha koigwa endagera yabo, korende tibarigia ogosemia korwa ase Omonene. 15Yoshua agakora omorembe na kobwatana nabarabwo, akabaa ribaga babe moyo na komenyao. Abatang’ani b’omoganda bw’Abaisraeli bagancherana nokobwatana okwo ase ogotiana.
16Amatuko atato nyuma kobakorire okobwatana nabanto abwo, Abaisraeli bakaigwa ng’a barabwo ng’ang’e bamenyete. 17Ase ayio Abaisraeli bakamanora, bakagenda, na ase rituko ria gatato bagaika emechie yabo: Gibeoni, na Kefira, na Beroti, na Kiriati‐Yearimu. 18Abaisraeli bagatiga tibaita abanto baria, ekiagera abatang’ani babo konya barire eira ase ogotiana ase erieta ri’Omonene, Nyasae bw’Abaisraeli. Abanto b’omoganda bakemurunganeria abatang’ani. 19Korende abatang’ani baria bakabairaneria. “Intwe ntwabarierete eira na gotiana ase erieta ri’Omonene, Nyasae bw’Abaisraeli. Ase igo titokonyara kobakorera bobe. 20Aya naro torabakorere: Tobatige babe moyo ase engencho y’ogotiana okwo twatianete. Nyasae tabaisa gotoa egesusuro.” 21Naende bakabora, “Tobatige babe moyo, korende babe bagwatia chinko, naende babe bakorentera abanto bonsi amache.”
22Erio Yoshua akarangeria abanto baria, akababoria, “Nase ki mwatong’ainete na goteba ng’a nigo mokamenyete ense y’aare, na inwe nabanto momenyete ang’e aa ase egati yaito? 23Ase ayio mwaragererigwe. Inwe namobe abasomba botambe, mogwatia chinko na korenta amache ase enyomba ya Nyasae one.”
24Barabwo bakairaneria Yoshua, “Omonene, nigo twakorire aya, ekiagera twatebetigwe na koenekerigwa ng’a Omonene. Nyasae oo, nachigete Musa, omosomba oye, abae ense eye engima na gosiria bonsi abamenyete aa. Ase ayio tokaondoka, tokaba nobwoba obonene ng’a motoite; ayio akagera togakora aya. 25Intwe bono nao tore ase amaboko ao, otokorere aya oroche are amaya na amaronge.” 26Yoshua akabakorera igo, akabatooria korwa ase amaboko ’Abaisraeli, barabwo tibabaita. 27Na ase rituko riria akababeka babe bagwatia chinko na korenta amache ase omoganda na ase egesasimero ki’Omonene, aase aria Omonene achorete asasimerwe. Naboigo bagendererete gokora goika rero iga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020