YOSHUA 6
6
Okobugwa kw’omochie o Yeriko
1Ebiita bia Yeriko nigo biasiekire bokong’u ng’a Abaisraeli tibabaisa gosoa aroro. Onde tarenge gosoka gose gosoa imeo. 2Omonene agatebia Yoshua, “Rora, nabekire Yeriko amo nomoruoti oye, na abamura chituoni baye b’esegi, ase okoboko kwao. 3Aye amo nabarwani bao goika motaare moetanane omochie oyio ara rimo kera rituko ase engaki y’amatuko atano na rimo. 4Abakuani batano na babere babogorie ebitureri bi’omochengo na bagende bosio bw’Esanduku eria. Rituko ria gatano na kabere motaare, moetanane omochie oyio ara gatano na kabere, na abakuani babugie ebitureri biria. 5Ekero egetureri kerabugigwe eriogi ri’ekerondereria, na mokoigwa eriogi eri ri’omochengo, abanto bonsi baake eriogi rinene ri’esegi, erio agwo chindwaki chi’omochie nachigwe inse kegima. Erio abarwani bonsi bayoumokere, kera omonto agende bosio rimo rioka.”
6Nabo Yoshua, mosinto o Nuni, akarangeria abakuani, akabatebia, “Imokia Esanduku eria y’Okobwatana, na abakuani batano na babere babogorie ebitureri bi’omochengo bagende bosio bw’Esanduku eria y’Omonene.” 7Erio agatebia abanto, “Genda moetanane omochie oria, na abanto babwate ebirwanero bi’esegi bagende bosio bw’Esanduku eria y’Omonene.”
8Erio, buna Yoshua abachigete, abakuani batano na babere bakagenda bosio bw’Esanduku y’Omonene bakobugia ebitureri biria bi’omochengo, na Esanduku y’Okobwatana kw’Omonene ebogoirie korwa nyuma. 9Abarwani abarenge nebirwanero bagatang’ana abakuani abarenge kobugia ebitureri biria, na abarwani bande bakabwatia Esanduku eria ebitureri kobigendererete kobugigwa. 10Yoshua agachika abanto baria, akabatebia, “Timoaka eriogi ri’esegi, gose gokwana ing’ana rinde nonya ng’ake goika rituko riria ndabatebie ng’a moake eriogi ri’esegi. Erio nario moraake eriogi ri’esegi.” 11Esanduku eria ekabogorigwa goetanana omochie ara rimo. Erio bonsi bakairana ase batoorete, bakabeerao obotuko boria.
12Rituko ria kabere Yoshua akaimoka mambia chuni, na abakuani bakaimokia Esanduku eria y’Omonene. 13Abakuani baria batano na babere ababwate ebitureri bi’omochengo bitano na bibere, bakabibugia kobakogenda, bare bosio bw’Esanduku y’Omonene. Abanto ababwate ebirwanero bi’esegi bakabatang’ana, na abarwani bande bakabwatia Esanduku eria y’Omonene korwa nyuma. Ebitureri biria bikabugigwa kogenderera. 14Nabo rituko erio ria kabere bagataara na goetanana omochie ara rimo, naende bakairana ase batoorete. Bagakora boigo ase engaki y’amatuko atano na rimo.
15Rituko ria gatano na kabere bakaimoka mambia chuni, bagataara na goetanana omochie ara gatano na kabere igo igo, korende ase rituko erio rioka bakayoetanana ara gatano na kabere. 16Engaki ya gatano na kabere, abakuani kobagendererete kobugia ebitureri, Yoshua agatebia abanto, “Aka eriogi ri’esegi, ekiagera Omonene obaeire omochie oyo! 17Omochie oyo oragererigwe, na ebinto bionsi ebire imeo biatananirwe ase Omonene. Rahabu bweka, omokungu oria omotayayi, amo nabanto bare nyomba mwaye nabwo baratigare bare moyo, ekiagera ere abisete abanto baria twatomete koroota ense. 18Nainwe mwerende mono timoba nokogania koimokia gento kende kiaragererigwe na konyora emechando. Moise gokora bo, nigo moragere Abaisraeli bonsi baragererigwe na konyora emechando. 19Korende ebinto bionsi bie chifeta, na ebie chitahabu, na ebie chitaai, na ebi’ebioma, birobio nebi’Omonene, bibekwe ase ekungo yaye.”
20Abakuani bakabugia ebitureri, na abanto kobabiigure bagaaka eriogi rinene ri’esegi, ne chindwaki chikagwa inse kegima. Erio abanto bakagenda bosio, bagatiira gochia omochie, bakayoira. 21Bagaita abanto bonsi b’omochie, abasacha na abakungu, abasae na abagotu, nemioro, bagaita boigo chiombe, ne ching’ondi, ne chitigere.
22Yoshua agatebia abanto baria, babere batometwe koroota ense eria, “Soa nyomba mw’omotayayi oria, momosokie amo nabanto baye bonsi, buna mwamorierete eira na gotiana.” 23Erio abamura baria chirooti bakagenda, bagasokia Rahabu, na ise, na ng’ina, na abana bamwabo, na abanto ba nyomba mwaye, amo neamate yaye yonsi, bakabaa ribaga bamenye ang’e negetwori ki’Abaisraeli. 24Erio bagasamba omochie nomorero, amo nebinto bionsi, otatiga ebie chifeta, na ebie chitahabu, na ebi’ebioma. Ebinto ebio bikabekwa ase ekungo y’enyomba y’Omonene. 25Yoshua agatooria obogima bwa Rahabu, na obw’abanto b’enyomba ya ise, na obw’abanto baye bonsi, ekiagera abisete abanto baria batometwe nere koroota Yeriko. Ase ayio Rahabu, oria omotayayi, nigo amenyete amo n’Abaisraeli, ororeria rwaye nao romenyete goika rero iga.
26Erio agwo Yoshua akaragereria omochie o Yeriko, agateba, “Omonene aragererie onde bwensi oraagache omochie oyo naende.
“Oyo orabeke oboroso,
omwana oye omomura omotangi akwe;
na oyo oratenenie ebiita,
omwana oye omomura omokogoti akwe.”
27Omonene nigo abete amo na Yoshua, ne chinkuma chiaye chigasarera ase ense yonsi.
Currently Selected:
YOSHUA 6: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
YOSHUA 6
6
Okobugwa kw’omochie o Yeriko
1Ebiita bia Yeriko nigo biasiekire bokong’u ng’a Abaisraeli tibabaisa gosoa aroro. Onde tarenge gosoka gose gosoa imeo. 2Omonene agatebia Yoshua, “Rora, nabekire Yeriko amo nomoruoti oye, na abamura chituoni baye b’esegi, ase okoboko kwao. 3Aye amo nabarwani bao goika motaare moetanane omochie oyio ara rimo kera rituko ase engaki y’amatuko atano na rimo. 4Abakuani batano na babere babogorie ebitureri bi’omochengo na bagende bosio bw’Esanduku eria. Rituko ria gatano na kabere motaare, moetanane omochie oyio ara gatano na kabere, na abakuani babugie ebitureri biria. 5Ekero egetureri kerabugigwe eriogi ri’ekerondereria, na mokoigwa eriogi eri ri’omochengo, abanto bonsi baake eriogi rinene ri’esegi, erio agwo chindwaki chi’omochie nachigwe inse kegima. Erio abarwani bonsi bayoumokere, kera omonto agende bosio rimo rioka.”
6Nabo Yoshua, mosinto o Nuni, akarangeria abakuani, akabatebia, “Imokia Esanduku eria y’Okobwatana, na abakuani batano na babere babogorie ebitureri bi’omochengo bagende bosio bw’Esanduku eria y’Omonene.” 7Erio agatebia abanto, “Genda moetanane omochie oria, na abanto babwate ebirwanero bi’esegi bagende bosio bw’Esanduku eria y’Omonene.”
8Erio, buna Yoshua abachigete, abakuani batano na babere bakagenda bosio bw’Esanduku y’Omonene bakobugia ebitureri biria bi’omochengo, na Esanduku y’Okobwatana kw’Omonene ebogoirie korwa nyuma. 9Abarwani abarenge nebirwanero bagatang’ana abakuani abarenge kobugia ebitureri biria, na abarwani bande bakabwatia Esanduku eria ebitureri kobigendererete kobugigwa. 10Yoshua agachika abanto baria, akabatebia, “Timoaka eriogi ri’esegi, gose gokwana ing’ana rinde nonya ng’ake goika rituko riria ndabatebie ng’a moake eriogi ri’esegi. Erio nario moraake eriogi ri’esegi.” 11Esanduku eria ekabogorigwa goetanana omochie ara rimo. Erio bonsi bakairana ase batoorete, bakabeerao obotuko boria.
12Rituko ria kabere Yoshua akaimoka mambia chuni, na abakuani bakaimokia Esanduku eria y’Omonene. 13Abakuani baria batano na babere ababwate ebitureri bi’omochengo bitano na bibere, bakabibugia kobakogenda, bare bosio bw’Esanduku y’Omonene. Abanto ababwate ebirwanero bi’esegi bakabatang’ana, na abarwani bande bakabwatia Esanduku eria y’Omonene korwa nyuma. Ebitureri biria bikabugigwa kogenderera. 14Nabo rituko erio ria kabere bagataara na goetanana omochie ara rimo, naende bakairana ase batoorete. Bagakora boigo ase engaki y’amatuko atano na rimo.
15Rituko ria gatano na kabere bakaimoka mambia chuni, bagataara na goetanana omochie ara gatano na kabere igo igo, korende ase rituko erio rioka bakayoetanana ara gatano na kabere. 16Engaki ya gatano na kabere, abakuani kobagendererete kobugia ebitureri, Yoshua agatebia abanto, “Aka eriogi ri’esegi, ekiagera Omonene obaeire omochie oyo! 17Omochie oyo oragererigwe, na ebinto bionsi ebire imeo biatananirwe ase Omonene. Rahabu bweka, omokungu oria omotayayi, amo nabanto bare nyomba mwaye nabwo baratigare bare moyo, ekiagera ere abisete abanto baria twatomete koroota ense. 18Nainwe mwerende mono timoba nokogania koimokia gento kende kiaragererigwe na konyora emechando. Moise gokora bo, nigo moragere Abaisraeli bonsi baragererigwe na konyora emechando. 19Korende ebinto bionsi bie chifeta, na ebie chitahabu, na ebie chitaai, na ebi’ebioma, birobio nebi’Omonene, bibekwe ase ekungo yaye.”
20Abakuani bakabugia ebitureri, na abanto kobabiigure bagaaka eriogi rinene ri’esegi, ne chindwaki chikagwa inse kegima. Erio abanto bakagenda bosio, bagatiira gochia omochie, bakayoira. 21Bagaita abanto bonsi b’omochie, abasacha na abakungu, abasae na abagotu, nemioro, bagaita boigo chiombe, ne ching’ondi, ne chitigere.
22Yoshua agatebia abanto baria, babere batometwe koroota ense eria, “Soa nyomba mw’omotayayi oria, momosokie amo nabanto baye bonsi, buna mwamorierete eira na gotiana.” 23Erio abamura baria chirooti bakagenda, bagasokia Rahabu, na ise, na ng’ina, na abana bamwabo, na abanto ba nyomba mwaye, amo neamate yaye yonsi, bakabaa ribaga bamenye ang’e negetwori ki’Abaisraeli. 24Erio bagasamba omochie nomorero, amo nebinto bionsi, otatiga ebie chifeta, na ebie chitahabu, na ebi’ebioma. Ebinto ebio bikabekwa ase ekungo y’enyomba y’Omonene. 25Yoshua agatooria obogima bwa Rahabu, na obw’abanto b’enyomba ya ise, na obw’abanto baye bonsi, ekiagera abisete abanto baria batometwe nere koroota Yeriko. Ase ayio Rahabu, oria omotayayi, nigo amenyete amo n’Abaisraeli, ororeria rwaye nao romenyete goika rero iga.
26Erio agwo Yoshua akaragereria omochie o Yeriko, agateba, “Omonene aragererie onde bwensi oraagache omochie oyo naende.
“Oyo orabeke oboroso,
omwana oye omomura omotangi akwe;
na oyo oratenenie ebiita,
omwana oye omomura omokogoti akwe.”
27Omonene nigo abete amo na Yoshua, ne chinkuma chiaye chigasarera ase ense yonsi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020