YOSHUA 4
4
Amagena ’ekeinyorio akobekwa amo
1Ekero abanto bonsi konya bambokire Yorodan, Omonene agatebia Yoshua, 2“Chora abanto ikomi na babere, oyomo korwa ase kera egesaku, 3obachike baimokie amagena ikomi na abere, korwa agwo gati‐gati ya Yorodan aase abakuani bateneine namagoro abo, bayaire na bayabeke amo ase moratoore obotuko obo.”
4Erio Yoshua akarangeria abanto baria ikomi na babere konya achorire korwa ase Abaisraeli, oyomo korwa ase kera egesaku, 5akabatebia, “Eta mogende bosio bw’Esanduku y’Omonene, Nyasae oino, goika gati‐gati ya Yorodan. Kera oyomo oino aimokie rigena erimo, aribeke ireko riaye, erimo ase kera egesaku ki’Abaisraeli. 6Amagena aya abe ekeinyorio asemore. Ekero abana baino barache kobaboria: Ninki engencho y’amagena aya? 7Mobatebie: Engencho yaye neye: Ekero Esanduku y’Okobwatana kw’Omonene yambogetigwe Yorodan, amache nigo nanachegete bosio bw’Esanduku eria. Ase ayio amagena aya nabe ekeinyorio ase Abaisraeli botambe.”
8Abaisraeli bagakora buna Yoshua abachigete. Bakaimokia amagena ikomi na abere korwa Yorodan, erimo ase kera egesaku ki’Abaisraeli, buna Omonene konya atebereirie Yoshua, bakayaira ase baare gochia gotoora, bakayabeka inse. 9Yoshua akabeka amo amagena ande ikomi na abere gati‐gati ya Yorodan, aase abakuani batenenete, abwo babogoretie Esanduku eria y’Okobwatana. Amagena aria nao are goika rero iga. 10Abakuani abwo babogoretie Esanduku eria bakaba bateneine gati‐gati ya Yorodan, goika amang’ana onsi agaikeranigwa, aya Omonene konya achikire Yoshua gotebia abanto. Aya naro Yoshua achigetwe na Musa.
Abanto bakaayerera kwamboka. 11Ekero abanto bonsi konya bambokire, Esanduku y’Omonene ekaambokigwa nabakuani, ekabekwa bosio bw’abanto. 12Abanto ba Reuben, na aba Gadi, na ekeng’ese ki’egesaku kia Manase bagatang’ana Abaisraeli, babogoretie ebirwanero bi’esegi, buna Musa abatebetie, 13Abanto koreng’ana chilifu emerongo ene babogoretie ebirwanero, baare ang’e korwana esegi, bagaetera ebirubo ebiomo ang’e na Yeriko, ase obosio bw’Omonene. 14Rituko riria Omonene akaimokereria Yoshua igoro, ase amasio ’abanto bonsi. Barabwo bakaba basigete Yoshua ase obogima bwaye bwonsi, buna basigete Musa.
15Erio Omonene agatebia Yoshua, 16“Bachike abakuani abwo babogoretie Esanduku eria ere ne chibao chirikire oborori, ng’a batiire korwa Yorodan.” 17Erio Yoshua agachika abakuani, akabatebia, “Karue agwo ase Yorodan.” 18Ekero abakuani abwo babogoretie Esanduku eria batiirete korwa Yorodan bagatacha ense enyomo. Erio bwango amache a Yorodan akairanerana, agaetania chingegu chiaye chionsi akaba buna arenge agwo ritang’ani.
19Abanto abwo bakaamboka Yorodan rituko ria ikomi ri’omotienyi bwe ritang’ani, bagatoora Giligali, ase orobebe rwa moocha ya Yeriko. 20Agwo Giligali Yoshua akabeka amo amagena aria ikomi na abere arusetigwe Yorodan. 21Agatebia Abaisraeli, “Ase engaki egochi‐gocha abana be chinderia chiaino kobaraborie abaise engencho y’amagena aya, 22mobatebie ng’a Abaisraeli nigo baambokerete Yorodan ase ense enkamoku. 23Omonene, Nyasae oino, nigo akamogetie amache a Yorodan bosio bwaino goika mokaamboka, naboigo buna akamogetie Enyancha Embariri bosio bwaito goika tokaamboka. 24Ase ayio, abanto bonsi b’ense engima mbamanye ng’a okoboko kw’Omonene nkore ne chinguru, erinde bamoiroke Omonene, Nyasae oino, botambe.”
Currently Selected:
YOSHUA 4: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
YOSHUA 4
4
Amagena ’ekeinyorio akobekwa amo
1Ekero abanto bonsi konya bambokire Yorodan, Omonene agatebia Yoshua, 2“Chora abanto ikomi na babere, oyomo korwa ase kera egesaku, 3obachike baimokie amagena ikomi na abere, korwa agwo gati‐gati ya Yorodan aase abakuani bateneine namagoro abo, bayaire na bayabeke amo ase moratoore obotuko obo.”
4Erio Yoshua akarangeria abanto baria ikomi na babere konya achorire korwa ase Abaisraeli, oyomo korwa ase kera egesaku, 5akabatebia, “Eta mogende bosio bw’Esanduku y’Omonene, Nyasae oino, goika gati‐gati ya Yorodan. Kera oyomo oino aimokie rigena erimo, aribeke ireko riaye, erimo ase kera egesaku ki’Abaisraeli. 6Amagena aya abe ekeinyorio asemore. Ekero abana baino barache kobaboria: Ninki engencho y’amagena aya? 7Mobatebie: Engencho yaye neye: Ekero Esanduku y’Okobwatana kw’Omonene yambogetigwe Yorodan, amache nigo nanachegete bosio bw’Esanduku eria. Ase ayio amagena aya nabe ekeinyorio ase Abaisraeli botambe.”
8Abaisraeli bagakora buna Yoshua abachigete. Bakaimokia amagena ikomi na abere korwa Yorodan, erimo ase kera egesaku ki’Abaisraeli, buna Omonene konya atebereirie Yoshua, bakayaira ase baare gochia gotoora, bakayabeka inse. 9Yoshua akabeka amo amagena ande ikomi na abere gati‐gati ya Yorodan, aase abakuani batenenete, abwo babogoretie Esanduku eria y’Okobwatana. Amagena aria nao are goika rero iga. 10Abakuani abwo babogoretie Esanduku eria bakaba bateneine gati‐gati ya Yorodan, goika amang’ana onsi agaikeranigwa, aya Omonene konya achikire Yoshua gotebia abanto. Aya naro Yoshua achigetwe na Musa.
Abanto bakaayerera kwamboka. 11Ekero abanto bonsi konya bambokire, Esanduku y’Omonene ekaambokigwa nabakuani, ekabekwa bosio bw’abanto. 12Abanto ba Reuben, na aba Gadi, na ekeng’ese ki’egesaku kia Manase bagatang’ana Abaisraeli, babogoretie ebirwanero bi’esegi, buna Musa abatebetie, 13Abanto koreng’ana chilifu emerongo ene babogoretie ebirwanero, baare ang’e korwana esegi, bagaetera ebirubo ebiomo ang’e na Yeriko, ase obosio bw’Omonene. 14Rituko riria Omonene akaimokereria Yoshua igoro, ase amasio ’abanto bonsi. Barabwo bakaba basigete Yoshua ase obogima bwaye bwonsi, buna basigete Musa.
15Erio Omonene agatebia Yoshua, 16“Bachike abakuani abwo babogoretie Esanduku eria ere ne chibao chirikire oborori, ng’a batiire korwa Yorodan.” 17Erio Yoshua agachika abakuani, akabatebia, “Karue agwo ase Yorodan.” 18Ekero abakuani abwo babogoretie Esanduku eria batiirete korwa Yorodan bagatacha ense enyomo. Erio bwango amache a Yorodan akairanerana, agaetania chingegu chiaye chionsi akaba buna arenge agwo ritang’ani.
19Abanto abwo bakaamboka Yorodan rituko ria ikomi ri’omotienyi bwe ritang’ani, bagatoora Giligali, ase orobebe rwa moocha ya Yeriko. 20Agwo Giligali Yoshua akabeka amo amagena aria ikomi na abere arusetigwe Yorodan. 21Agatebia Abaisraeli, “Ase engaki egochi‐gocha abana be chinderia chiaino kobaraborie abaise engencho y’amagena aya, 22mobatebie ng’a Abaisraeli nigo baambokerete Yorodan ase ense enkamoku. 23Omonene, Nyasae oino, nigo akamogetie amache a Yorodan bosio bwaino goika mokaamboka, naboigo buna akamogetie Enyancha Embariri bosio bwaito goika tokaamboka. 24Ase ayio, abanto bonsi b’ense engima mbamanye ng’a okoboko kw’Omonene nkore ne chinguru, erinde bamoiroke Omonene, Nyasae oino, botambe.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020