YOSHUA 13
13
Ense yatigarete konya etarairwa
1Bono Yoshua konya ogotire mono. Omonene akamotebia, “Aye bono kwagotire mono, korende ensemo enene y’ense netigarete etarairwa. 2Chinsemo chiatigaire nachio echi: Chinsemo chionsi chi’Abafilisti, na ense yonsi y’Abagesuri. 3(Ense yonsi gochakera orooche rwa Sihori, moocha ya Misiri, goikera orobebe rw’Ekironi aria sugusu nigo ebarire ng’a ney’Abakanani. Abagambi batano b’Abafilisti nigo bamenyete Gasa, na Asidodi, na Asikeloni, na Gati, na Ekironi.) Naende nero ense y’Abaavi, 4na gochia irianyi ense yonsi y’Abakanani, korwa Meara eyare kogamberwa n’Abasidoni, goika Afeki na goika orobebe rw’Abaamori; 5ense y’Abagebali amo na Lebanoni yonsi gochia moocha, na korwa Baali‐Gadi inse y’egetunwa kia Herimoni goika enchera ekogenda Hamati. 6Abasidoni abwo bonsi bamenyete ase ense y’ebitunwa egati y’egetunwa kia Lebanoni na omochie o Misirefoti‐Maimu, inche omonyene nimbaserie barue bosio bw’Abaisraeli. Aye goika bwatananere Abaisraeli ense eyio ebe omwando obo, ase okoyeakera obomera, buna nagochigete. 7Ase igo bono atanana ense eye ase egati y’ebisaku kianda amo nekeng’ese ki’egesaku kia Manase, ebe omwando obo.”
Chingongo chia Reuben, na Gadi, na Manase, moocha ya Yorodan
8Abanto b’egesaku kia Reuben, na ekia Gadi, amo nekeng’ese ki’egesaku kia Manase, konya bairire ense ere ng’umbu, moocha ya Yorodan ekaba, omwando obo. Eyio nero Musa, omosomba bw’Omonene, konya abaeire. 9Ense yabo nigo yachakerete korwa Aroeri, ang’e ne rigoko ri’Arinoni, na omochie ore gati‐gati ye rigoko riria, ekabwaterania nense eimokererete igoro ere enteremu, korwa Medeba goika Diboni, 10amo nemechie yonsi ya Sihoni, omoruoti bw’Abaamori, oria orenge kogambera Hesiboni, goikera orogongo rw’Abaamori. 11Naende ekabwaterania Gileadi na orogongo rw’Abagesuri na orw’Abamaaka, amo negetunwa gionsi kia Herimoni, na Basani yonsi goika Saleka, 12na ime ase Basani oboruoti bwonsi bwa Ogi, oyo orenge kogambera Asitaroti na Edirei. (Ogi nere oyo otigarete korwa ase Abarefai.) Abwo Musa konya abuire na kobaseria. 13Abaisraeli tibaseretie Abagesuri na Abamaaka: barabwo nigo bamenyete ase egati y’Abaisraeli goika rero iga.
14Abanto b’egesaku kia Lawi Musa tabaete ensemo ende yonsi ebe omwando obo. Barabwo nigo barabe bakonyora omwando obo obatungetie korwa ase ekeng’wanso ki’ogosambwa, egekoruegwa ase egesasimero ki’Omonene, Nyasae bw’Abaisraeli, buna Omonene atebetie Musa.
15Musa konya oeire kera eamate y’egesaku kia Reuben ensemo y’ense ebe omwando obo. 16Orogongo rwabo nigo rwabwateranetie omochie bw’Aroeri, ang’e ne rigoko ri’Arinoni, amo nomochie ore gati‐gati ye rigoko, na ense eimokererete igoro ere enteremu, yaetanaine Medeba, 17na Hesiboni, na emechie yonsi ase ense eimokererete igoro ere enteremu; Diboni, na Bamoti‐Baali, na Beti‐Baali‐Meoni; 18Yahasi na Kedemoti, na Mefaati; 19Kiriataimu, na Sibuma, na Sereti‐Sahari, oyore ase ekegoro kie rigoko; 20Beti‐Peori amo nebitirimboko bi’egetunwa gia Pisiga, na Beti‐Yesimoti; 21emechie yonsi y’ense eimokererete igoro ere enteremu, na oboruoti bwonsi bwa Sihoni, omoruoti bw’Abaamori, oyio konya ogambeire Hesiboni. Musa konya omobuire ere amo nabanene bonsi b’Abamidiani: Evi, na Rekemu, na Suri, na Huri, na Reba. Abwo bonsi barenge kogamba inse ya Sihoni bamenyete ase ense eria. 22Baalamu, omoringoria, mosinto o Beori, nigo arenge oyomo bw’abwo Abaisraeli baitete nemioro. 23Orooche rwa Yorodan nigo rwarenge orobebe rwa bosongo rw’orogongo rw’egesaku kia Reuben. Emechie eyio amo nebichie biabo nigo yaatananetwe ase kera eamate y’egesaku kia Reuben, ekaba omwando obo.
24Musa konya oeire kera eamate y’egesaku kia Gadi ensemo y’ense eria ebe omwando obo. 25Orogongo rwabo nigo rwabwateranetie Yaeseri na emechie yonsi ya Gileadi, na ekeng’se gi’ense y’Abaamori goika Aroeri, oyore moocha ya Raba, 26na ense korwa Hesiboni goika Ramati‐Misipa na Betonimu, na korwa Mahanaimu goika orobebe rwa Debiri. 27Ase riranya ria Yorodan orogongo rwabo nigo rwabwateranetie Beti‐Haramu na Beti‐Nimura, na Sukoti, na Safoni, na ensemo eye yatigarete ey’oboruoti bwa Sihoni o Hesiboni. Crooche rwa Yorodan narwo rwarenge orobebe rwabo rwa bosongo gochia sugusu goika enyancha ya Kinereti. 28Emechie eyio amo nebichie biabo nigo yaatananetwe ase kera eamate y’egesaku kia Gadi ebe omwando obo.
29Musa konya oeire kera eamate y’ekeng’ese ki’egesaku kia Manase ensemo y’ense eyio, ebe omwando obo. 30Orogongo rwabo nigo rwachakerete Mahanaimu, na nigo rwabwateranetie Basani engima oboruoti bwonsi bw’Ogi, omoruoti o Basani, amo nemechie yonsi emerongo etano nomo ya Yairi agwo Basani. 31Orogongo rwabo nigo rwabwateranetie naende ekeng’ese kia Gileadi amo n’Asitaroti, na Edirei, emechie emenene y’oboruoti bw’Ogi, omoruoti o Basani. Eyio nigo yarwetwe ase kera eamate y’ekeng’ese ki’egesaku kia Makiri, mosinto o Manase, ekaba omwando obo.
32Eyio nero emiando Musa aatananete agwo ase ebirubo ebiomo bia Moabu, moocha ya Yorodan, kororia Yeriko. 33Korende Musa taete egesaku kia Lawi ensemo ende yonsi ebe omwando obo. Omonene, Nyasae bw’Abaisraeli, nere obete omwando obo, buna abatebetie.
Currently Selected:
YOSHUA 13: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
YOSHUA 13
13
Ense yatigarete konya etarairwa
1Bono Yoshua konya ogotire mono. Omonene akamotebia, “Aye bono kwagotire mono, korende ensemo enene y’ense netigarete etarairwa. 2Chinsemo chiatigaire nachio echi: Chinsemo chionsi chi’Abafilisti, na ense yonsi y’Abagesuri. 3(Ense yonsi gochakera orooche rwa Sihori, moocha ya Misiri, goikera orobebe rw’Ekironi aria sugusu nigo ebarire ng’a ney’Abakanani. Abagambi batano b’Abafilisti nigo bamenyete Gasa, na Asidodi, na Asikeloni, na Gati, na Ekironi.) Naende nero ense y’Abaavi, 4na gochia irianyi ense yonsi y’Abakanani, korwa Meara eyare kogamberwa n’Abasidoni, goika Afeki na goika orobebe rw’Abaamori; 5ense y’Abagebali amo na Lebanoni yonsi gochia moocha, na korwa Baali‐Gadi inse y’egetunwa kia Herimoni goika enchera ekogenda Hamati. 6Abasidoni abwo bonsi bamenyete ase ense y’ebitunwa egati y’egetunwa kia Lebanoni na omochie o Misirefoti‐Maimu, inche omonyene nimbaserie barue bosio bw’Abaisraeli. Aye goika bwatananere Abaisraeli ense eyio ebe omwando obo, ase okoyeakera obomera, buna nagochigete. 7Ase igo bono atanana ense eye ase egati y’ebisaku kianda amo nekeng’ese ki’egesaku kia Manase, ebe omwando obo.”
Chingongo chia Reuben, na Gadi, na Manase, moocha ya Yorodan
8Abanto b’egesaku kia Reuben, na ekia Gadi, amo nekeng’ese ki’egesaku kia Manase, konya bairire ense ere ng’umbu, moocha ya Yorodan ekaba, omwando obo. Eyio nero Musa, omosomba bw’Omonene, konya abaeire. 9Ense yabo nigo yachakerete korwa Aroeri, ang’e ne rigoko ri’Arinoni, na omochie ore gati‐gati ye rigoko riria, ekabwaterania nense eimokererete igoro ere enteremu, korwa Medeba goika Diboni, 10amo nemechie yonsi ya Sihoni, omoruoti bw’Abaamori, oria orenge kogambera Hesiboni, goikera orogongo rw’Abaamori. 11Naende ekabwaterania Gileadi na orogongo rw’Abagesuri na orw’Abamaaka, amo negetunwa gionsi kia Herimoni, na Basani yonsi goika Saleka, 12na ime ase Basani oboruoti bwonsi bwa Ogi, oyo orenge kogambera Asitaroti na Edirei. (Ogi nere oyo otigarete korwa ase Abarefai.) Abwo Musa konya abuire na kobaseria. 13Abaisraeli tibaseretie Abagesuri na Abamaaka: barabwo nigo bamenyete ase egati y’Abaisraeli goika rero iga.
14Abanto b’egesaku kia Lawi Musa tabaete ensemo ende yonsi ebe omwando obo. Barabwo nigo barabe bakonyora omwando obo obatungetie korwa ase ekeng’wanso ki’ogosambwa, egekoruegwa ase egesasimero ki’Omonene, Nyasae bw’Abaisraeli, buna Omonene atebetie Musa.
15Musa konya oeire kera eamate y’egesaku kia Reuben ensemo y’ense ebe omwando obo. 16Orogongo rwabo nigo rwabwateranetie omochie bw’Aroeri, ang’e ne rigoko ri’Arinoni, amo nomochie ore gati‐gati ye rigoko, na ense eimokererete igoro ere enteremu, yaetanaine Medeba, 17na Hesiboni, na emechie yonsi ase ense eimokererete igoro ere enteremu; Diboni, na Bamoti‐Baali, na Beti‐Baali‐Meoni; 18Yahasi na Kedemoti, na Mefaati; 19Kiriataimu, na Sibuma, na Sereti‐Sahari, oyore ase ekegoro kie rigoko; 20Beti‐Peori amo nebitirimboko bi’egetunwa gia Pisiga, na Beti‐Yesimoti; 21emechie yonsi y’ense eimokererete igoro ere enteremu, na oboruoti bwonsi bwa Sihoni, omoruoti bw’Abaamori, oyio konya ogambeire Hesiboni. Musa konya omobuire ere amo nabanene bonsi b’Abamidiani: Evi, na Rekemu, na Suri, na Huri, na Reba. Abwo bonsi barenge kogamba inse ya Sihoni bamenyete ase ense eria. 22Baalamu, omoringoria, mosinto o Beori, nigo arenge oyomo bw’abwo Abaisraeli baitete nemioro. 23Orooche rwa Yorodan nigo rwarenge orobebe rwa bosongo rw’orogongo rw’egesaku kia Reuben. Emechie eyio amo nebichie biabo nigo yaatananetwe ase kera eamate y’egesaku kia Reuben, ekaba omwando obo.
24Musa konya oeire kera eamate y’egesaku kia Gadi ensemo y’ense eria ebe omwando obo. 25Orogongo rwabo nigo rwabwateranetie Yaeseri na emechie yonsi ya Gileadi, na ekeng’se gi’ense y’Abaamori goika Aroeri, oyore moocha ya Raba, 26na ense korwa Hesiboni goika Ramati‐Misipa na Betonimu, na korwa Mahanaimu goika orobebe rwa Debiri. 27Ase riranya ria Yorodan orogongo rwabo nigo rwabwateranetie Beti‐Haramu na Beti‐Nimura, na Sukoti, na Safoni, na ensemo eye yatigarete ey’oboruoti bwa Sihoni o Hesiboni. Crooche rwa Yorodan narwo rwarenge orobebe rwabo rwa bosongo gochia sugusu goika enyancha ya Kinereti. 28Emechie eyio amo nebichie biabo nigo yaatananetwe ase kera eamate y’egesaku kia Gadi ebe omwando obo.
29Musa konya oeire kera eamate y’ekeng’ese ki’egesaku kia Manase ensemo y’ense eyio, ebe omwando obo. 30Orogongo rwabo nigo rwachakerete Mahanaimu, na nigo rwabwateranetie Basani engima oboruoti bwonsi bw’Ogi, omoruoti o Basani, amo nemechie yonsi emerongo etano nomo ya Yairi agwo Basani. 31Orogongo rwabo nigo rwabwateranetie naende ekeng’ese kia Gileadi amo n’Asitaroti, na Edirei, emechie emenene y’oboruoti bw’Ogi, omoruoti o Basani. Eyio nigo yarwetwe ase kera eamate y’ekeng’ese ki’egesaku kia Makiri, mosinto o Manase, ekaba omwando obo.
32Eyio nero emiando Musa aatananete agwo ase ebirubo ebiomo bia Moabu, moocha ya Yorodan, kororia Yeriko. 33Korende Musa taete egesaku kia Lawi ensemo ende yonsi ebe omwando obo. Omonene, Nyasae bw’Abaisraeli, nere obete omwando obo, buna abatebetie.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020