YOSHUA 11
11
Yabini na abwo babwatanete nere bakobugwa na Yoshua
1Yabini, omoruoti o Hasori, akaigwa amang’ana ayio. Erio agatoma amang’ana ase Yobabu, omoruoti o Madoni, na ase abaruoti ba Simuroni na ase Akisafu, 2na ase abaruoti bamenyete sugusu, ase ense y’ebitunwa, na ase Ekerubo Ekiomo, irianyi ya Kinereti, na ase ense omweya amo nabwo b’engegu, ang’e na Dori, ensemo ya bosongo. 3Naboigo agatoma amang’ana ase Abakanani ba moocha na bosongo, ase Abaamori na Abahiti, na Abaperisi, na Abayebusi ase ense y’ebitunwa, amo n’Abahivi abamenyete ang’e na Herimoni, egetunwa gi’ense ya Misipa. 4Barabwo bagacha nabarwani babo bonsi, omoganda bw’abanto abange buna omokenye bw’engegu y’enyancha. Nigo barenge ne chibarasi ne chigari chinyinge mono. 5Abaruoti abwo bonsi bakabwatana, bakagenda bagatoora amo, ang’e ne chinsoko chia Meromu, ase okorwania Abaisraeli.
6Omonene agatebia Yoshua, “Toiroka abanto aba, ekiagera ankio, engaki buna eye, nimbarue bonsi bakwe ase amaboko ’Abaisraeli. Nainwe monache chibarasi chiabo chinteng’e na mosambe chigari chiabo nomorero.” 7Yoshua amo nabarwani baye bonsi bakabachiera mobosokano, bakabarwania agwo Meromu, ase chinsoko chiarenge. 8Na Omonene akababeka ase amaboko ’Abaisraeli, nabarabwo bakabaumokera na kobaseria gochia Sidoni, omochie omonene, na Misirefoti‐Maimu, na goika ebate ya Misipa, ensemo ya moocha. Bakabaita; monto tatigara nonya noyomo. 9Yoshua akabakora buna Omonene amochigete; akanacha chibarasi chiabo chinteng’e agasamba chigari chiabo nomorero.
10Nyuma y’ayio Yoshua akairana gochia Hasori, akayobwata, agaita omoruoti bw’aroro nomoro. (Engaki eria Hasori nigo orenge omochie omonene bw’amaruoti aria onsi). 11Bagaita bonsi abarenge ase omochie oyio ime, bakabasiria kegima, tibatigaria nonya noyomo ore moyo, na omochie obo bakayosamba nomorero. 12Nabo Yoshua akaira emechie yonsi y’abaruoti baria, na abaruoti abanyene amo na bonsi abarengeo akabaita nemioro, akabasiria kegima, buna Musa, omosomba bw’Omonene, konya achikire. 13Abaisraeli tibasambete emechie eyio yaagachetwe ase ebigoro igoro, otatiga Hazori bwoka, noro Yoshua asambete. 14Abaisraeli bagasakora ebinto bionsi bi’emechie eyio, ne chitugo chionsi bakaira chikaba echiabo. Korende bagaita abanto bonsi nemioro, bakabasiria kegima, tibatigaria nonya noyomo ore moyo. 15Buna Omonene achigete Musa, omosomba oye, naboigo Musa achigete Yoshua. Na Yoshua agakora ayio onsi, tatigete kende gionsi ase ayio onsi Omonene achigete Musa.
Yoshua okoira ense eria
16Yoshua akaira ense eria engima: Ense y’ebitunwa, na Negebu engima, na ense yonsi ya Goseni, na ense omweya, na Ekerubo Ekiomo, amo nebitunwa bi’Abaisraeli na ense omweya y’aroro. 17Akaira ense eria yonsi gochakera egetunwa kia Halaki agwo irianyi, kegotiirerwa gochia Seiri na goikera Baali‐Gadi agwo sugusu ase ebate ya Lebanoni, inse y’egetunwa kia Herimoni. Agoosa abaruoti bonsi b’agwo, akabaaka na kobaita. 18Yoshua konya obeire okorwania abaruoti abwo ase engaki entambe. 19Omochie onde tori, nonya noyomo, okorete omorembe na kobwatana n’Abaisraeli, otatiga Gibeoni ase Abahivi bamenyete. Emechie ende yonsi nigo yabuetwe ase esegi eria. 20Omonene nere okong’etie chinkoro chiabo ng’a barwanie Abaisraeli, erinde barabwo abanyene basirigwe kegima batari kororerwa amabera. Nabo Omonene konya achikire Musa.
21Ase engaki eria Yoshua akagenda gosiria Abaanaki, abamenyete ase ense y’ebitunwa, na ase Heburoni, na Debiri, na Anabu, na ase ense yonsi y’ebitunwa bi ’Abayuda na ebi’Abaisraeli, Yoshua akabasiria kegima amo nemechie yabo. 22Abaanaki bande tibatigarete ase ense y’Abaisraeli nonya noyomo. Ase Gati, na Asidodi nao bake batigarete’.
23Yoshua akaira ense eria engima, buna Omonene konya achikire Musa. Akayea Abaisraeli ebe omwando obo, akayiatananera kera egesaku ensemo yaye.
Na bono ense eria ekaba nomorembe etari nesegi.
Currently Selected:
YOSHUA 11: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
YOSHUA 11
11
Yabini na abwo babwatanete nere bakobugwa na Yoshua
1Yabini, omoruoti o Hasori, akaigwa amang’ana ayio. Erio agatoma amang’ana ase Yobabu, omoruoti o Madoni, na ase abaruoti ba Simuroni na ase Akisafu, 2na ase abaruoti bamenyete sugusu, ase ense y’ebitunwa, na ase Ekerubo Ekiomo, irianyi ya Kinereti, na ase ense omweya amo nabwo b’engegu, ang’e na Dori, ensemo ya bosongo. 3Naboigo agatoma amang’ana ase Abakanani ba moocha na bosongo, ase Abaamori na Abahiti, na Abaperisi, na Abayebusi ase ense y’ebitunwa, amo n’Abahivi abamenyete ang’e na Herimoni, egetunwa gi’ense ya Misipa. 4Barabwo bagacha nabarwani babo bonsi, omoganda bw’abanto abange buna omokenye bw’engegu y’enyancha. Nigo barenge ne chibarasi ne chigari chinyinge mono. 5Abaruoti abwo bonsi bakabwatana, bakagenda bagatoora amo, ang’e ne chinsoko chia Meromu, ase okorwania Abaisraeli.
6Omonene agatebia Yoshua, “Toiroka abanto aba, ekiagera ankio, engaki buna eye, nimbarue bonsi bakwe ase amaboko ’Abaisraeli. Nainwe monache chibarasi chiabo chinteng’e na mosambe chigari chiabo nomorero.” 7Yoshua amo nabarwani baye bonsi bakabachiera mobosokano, bakabarwania agwo Meromu, ase chinsoko chiarenge. 8Na Omonene akababeka ase amaboko ’Abaisraeli, nabarabwo bakabaumokera na kobaseria gochia Sidoni, omochie omonene, na Misirefoti‐Maimu, na goika ebate ya Misipa, ensemo ya moocha. Bakabaita; monto tatigara nonya noyomo. 9Yoshua akabakora buna Omonene amochigete; akanacha chibarasi chiabo chinteng’e agasamba chigari chiabo nomorero.
10Nyuma y’ayio Yoshua akairana gochia Hasori, akayobwata, agaita omoruoti bw’aroro nomoro. (Engaki eria Hasori nigo orenge omochie omonene bw’amaruoti aria onsi). 11Bagaita bonsi abarenge ase omochie oyio ime, bakabasiria kegima, tibatigaria nonya noyomo ore moyo, na omochie obo bakayosamba nomorero. 12Nabo Yoshua akaira emechie yonsi y’abaruoti baria, na abaruoti abanyene amo na bonsi abarengeo akabaita nemioro, akabasiria kegima, buna Musa, omosomba bw’Omonene, konya achikire. 13Abaisraeli tibasambete emechie eyio yaagachetwe ase ebigoro igoro, otatiga Hazori bwoka, noro Yoshua asambete. 14Abaisraeli bagasakora ebinto bionsi bi’emechie eyio, ne chitugo chionsi bakaira chikaba echiabo. Korende bagaita abanto bonsi nemioro, bakabasiria kegima, tibatigaria nonya noyomo ore moyo. 15Buna Omonene achigete Musa, omosomba oye, naboigo Musa achigete Yoshua. Na Yoshua agakora ayio onsi, tatigete kende gionsi ase ayio onsi Omonene achigete Musa.
Yoshua okoira ense eria
16Yoshua akaira ense eria engima: Ense y’ebitunwa, na Negebu engima, na ense yonsi ya Goseni, na ense omweya, na Ekerubo Ekiomo, amo nebitunwa bi’Abaisraeli na ense omweya y’aroro. 17Akaira ense eria yonsi gochakera egetunwa kia Halaki agwo irianyi, kegotiirerwa gochia Seiri na goikera Baali‐Gadi agwo sugusu ase ebate ya Lebanoni, inse y’egetunwa kia Herimoni. Agoosa abaruoti bonsi b’agwo, akabaaka na kobaita. 18Yoshua konya obeire okorwania abaruoti abwo ase engaki entambe. 19Omochie onde tori, nonya noyomo, okorete omorembe na kobwatana n’Abaisraeli, otatiga Gibeoni ase Abahivi bamenyete. Emechie ende yonsi nigo yabuetwe ase esegi eria. 20Omonene nere okong’etie chinkoro chiabo ng’a barwanie Abaisraeli, erinde barabwo abanyene basirigwe kegima batari kororerwa amabera. Nabo Omonene konya achikire Musa.
21Ase engaki eria Yoshua akagenda gosiria Abaanaki, abamenyete ase ense y’ebitunwa, na ase Heburoni, na Debiri, na Anabu, na ase ense yonsi y’ebitunwa bi ’Abayuda na ebi’Abaisraeli, Yoshua akabasiria kegima amo nemechie yabo. 22Abaanaki bande tibatigarete ase ense y’Abaisraeli nonya noyomo. Ase Gati, na Asidodi nao bake batigarete’.
23Yoshua akaira ense eria engima, buna Omonene konya achikire Musa. Akayea Abaisraeli ebe omwando obo, akayiatananera kera egesaku ensemo yaye.
Na bono ense eria ekaba nomorembe etari nesegi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020