YOELI 2
2
Ogokurerwa kwe rituko ri’Omonene goetera ase chingige
1Bugia egetureri ase Sayoni,
ee, bugia egetureri ki’ogotabobora ase egetunwa kiane egechenu.
Tiga abanto bonsi bamenyete ase ense baiguswe,
ekiagera rituko ri’Omonene ngocha rire; nigo rire ang’e.
2Nigo rirabe rituko ri’omosunte na eri’amataturi,
rituko ri’amare na omosunte ekerima.
Omoganda omonene bwe chinguru nochiche,
nigo orarande igoro ase ebitunwa buna ogokiamoka kwa mambia.
Omogwekano bw’amang’ana ayio tana koba korwa kare,
gose takoba nonya ng’ake ase ebigori bigochi‐gocha.
3Bosio bwabo omorero nigo ogosamba,
na magega yabo chimeme chi’omorero nigo chigosamba boigo.
Bosio bwabo ense eyio yarenge buna omogondo o Edeni,
korende magega yabo ekaba buna erooro yatigaire bosa,
korwa ase chingige echio onde tari oratame atooreke.
4Okororekana kwabo nigo konga buna ogwe chibarasi;
nigo chikominyoka buna chibarasi chi’okorwana esegi.
5Ekero chigoeta igoro ase ebitunwa,
ebititiro biabo nigo binga buna ebie chigari,
naende nigo binga buna ogotoreka kw’omorero ogosamba amasakwe;
chirochio nigo chire buna abarwani esegi bare ne chinguru baroberigwe.
6Ekero abanto bagochirora nigo bagoichana,
amaiso ’abanto bonsi nigo akoonchoka arachoka.
7Nigo chikominyoka gochia korwana esegi buna abarwani esegi chituoni;
nigo chikoriina chindwaki igoro buna abarwani esegi.
Kera eyemo nigo eragenderere gochia bosio,
ende teri eragobere esire enchera ebwatetie.
8Tichikomigererania,
kera eyemo nigo egoeta omong’ororia oye;
nigo chigoeta gati‐gati y’ebirwanero, tichigotangeka.
9Nigo chikorindokera omochie,
na kominyoka ase chindwaki igoro;
nigo chikoriina ase chinyomba chisoa ime
na chietera ase chitirisa buna abaibi.
10Ense netengeche bosio bwabo,
na igoro nchinyegerigwe.
Erioba na omotienyi nabibekwe omosunte;
ne ching’enang’eni tichikobara.
11Eriogi ri’Omonene ndiigugwe bosio bw’omoganda oye bw’esegi,
ekiagera omoganda oye bw’esegi nigo ore omonene mono;
echio chigoikerania amang’ana aye, nigo chire ne chinguru.
Rituko ri’Omonene nigo rire rinene na eri’okoirokia.
Ning’o oranyare koriremereria?
Okorangerigwa gw’okoonchoka
12Omonene otebire,
“Nonya mbono ng’iranere ne chinkoro chiaino chionsi,
ase okweng’ata, na okorera, na okweng’ereria.
13Tandora chinkoro chiaino ase ogweitia,
gose tari ogotandora chianga chiaino.”
Irana gochia ase Omonene, Nyasae oino,
ekiagera ere nomuya na omonyamabera;
ere tari omwango ase okoba nendamwamu;
obwanchani bwaye nobwa botambe,
nigo akoonchoka otiga kobarentera amabe.
14Ning’o omanyete, ande gose Omonene naonchoke atige kobarentera amabe,
korende abatigere ogosesenigwa,
erinde moruere Omonene, Nyasae oino, okoruegwa kw’endagera, na ogw’ekenyugwa?
15Bugia egetureri ase Sayoni;
raria engaki y’okweng’ata ogochenu,
rangeria omosangererekano bw’ogosasima!
16Sangereria abanto amo,
ochene omosangererekano oyio;
sangereria abagaaka,
sangereria nabana, nonya nabakogonka.
Tiga omonyuomi asoke korwa mwaye,
na omoriakari korwa eero mwaye.
17Abakuani abwo bakomokorera Omonene
tiga barere ase egati y’egesona na egesasimero,
bakwane iga, “Aye Omonene, rorera abanto bao amabera;
totiga abanto abwo bare omwando oo bachecherigwe,
bakwanwe bobe ase egati y’abanto b’ebisaku.
Nase ki abanto baraborie:
Ng’ai Nyasae obo are”?
Nyasae okoirania obotobu ase ense
18Erio Omonene akaba ne risemi ase engencho y’ense yaye,
akarorera abanto baye amabeebe.
19Omonene akairaneria abanto baye, akabatebia,
“Rora, nkobatomera nde endagera, na edivai, na amaguta,
na inwe namoisaneke;
tinkobatiga mogenderere gochaywa ase egati y’abanto b’ebisaku.
20Ninserie omoganda okorwa sugusu orue asemore, obeere are,
ninyoserie ogende ase ense enyomo ere bosa,
ensemo etang’aine egende gochia ase Enyancha ya Moocha,
na ensemo ekorwa nyuma egende gochia ase Enyancha ya Bosongo.
Ogotioka kw’obogundo bwaye nkoimokerere igoro,
ekiagera okorire ayare amanene mono.”
21“Aye ense, toiroka!
Aye orogongo, goka na gochenga,
ekiagera Omonene okorire ayare amanene.
22Inwe ching’iti chi’orosana, timoiroka,
ekiagera amarisio are ase erooro amerire obonyansi;
emete yamire amatunda,
emeko na emesabibu yamire okwama kwabo okonene.”
23“Inwe abanto ba Sayoni, goka,
mochenge ase Omonene, Nyasae oino,
ekiagera obaeire embura entang’ani ebaisaine;
nere okobatweria embura botambe,
eye ritang’ani na ey’okwamia endagera.
24Ebiooreri bikoorerwa mbiichorwe ne chindagera;
na ebimitero mbiichore nedivai na amaguta goika biiteke.
25Nimbairanerie ebi’emiaka eria biasaretigwe ne chinyanchaba,
ne chingige, na ebisase, ne chingeeti,
omoganda oyio omonene natomete gocha ase egati yaino.
26Monyore endagera enyinge mokoria moigote,
erio motogie erieta ri’Omonene, Nyasae oino,
oyio obakoreire amakumia.
Abanto baane tibagochaywa naende.
27Erio namomanye ng’a inche nigo inde ase egati y’Abaisraeli,
naende ng’a inche ninche Omonene, Nyasae oino,
naende Nyasae onde omoao tari.
Abanto baane tibagochaywa naende.”
Rituko ri’Omonene
28“Nebe ase amatuko agochi‐gocha,
nimbaiterere abanto bonsi Omoika one;
abana baino, abamura na abaiseke, inababane,
na abagaaka baino nabarote chindoto,
na abamura baino nabarore amaroro.
29Naboigo ase amatuko ayio nimbaiterere abasomba baane,
abasacha na abakungu, Omoika one.
30“Ning’orokie ebikone igoro na ase ense;
amanyinga, na omorero, ne rikundesi ri’erioki.
31Erioba narionchoke ribe omosunte,
na omotienyi nobe amanyiga,
ekero rituko riria ri’Omonene,
erire rinene, na eri’okoondokia, ritaracha.
32Naende nebe ng’a kera oyorarangerie erieta ri’Omonene
natoorigwe, ekiagera ase egetunwa gia Sayoni, na ime ya Yerusalemu,
mbabe aroro abanto baratooreke,
buna Omonene atebire,
na ase egati y’abwo baratigare nigo barabe abwo Omonene arangeirie.”
Currently Selected:
YOELI 2: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
YOELI 2
2
Ogokurerwa kwe rituko ri’Omonene goetera ase chingige
1Bugia egetureri ase Sayoni,
ee, bugia egetureri ki’ogotabobora ase egetunwa kiane egechenu.
Tiga abanto bonsi bamenyete ase ense baiguswe,
ekiagera rituko ri’Omonene ngocha rire; nigo rire ang’e.
2Nigo rirabe rituko ri’omosunte na eri’amataturi,
rituko ri’amare na omosunte ekerima.
Omoganda omonene bwe chinguru nochiche,
nigo orarande igoro ase ebitunwa buna ogokiamoka kwa mambia.
Omogwekano bw’amang’ana ayio tana koba korwa kare,
gose takoba nonya ng’ake ase ebigori bigochi‐gocha.
3Bosio bwabo omorero nigo ogosamba,
na magega yabo chimeme chi’omorero nigo chigosamba boigo.
Bosio bwabo ense eyio yarenge buna omogondo o Edeni,
korende magega yabo ekaba buna erooro yatigaire bosa,
korwa ase chingige echio onde tari oratame atooreke.
4Okororekana kwabo nigo konga buna ogwe chibarasi;
nigo chikominyoka buna chibarasi chi’okorwana esegi.
5Ekero chigoeta igoro ase ebitunwa,
ebititiro biabo nigo binga buna ebie chigari,
naende nigo binga buna ogotoreka kw’omorero ogosamba amasakwe;
chirochio nigo chire buna abarwani esegi bare ne chinguru baroberigwe.
6Ekero abanto bagochirora nigo bagoichana,
amaiso ’abanto bonsi nigo akoonchoka arachoka.
7Nigo chikominyoka gochia korwana esegi buna abarwani esegi chituoni;
nigo chikoriina chindwaki igoro buna abarwani esegi.
Kera eyemo nigo eragenderere gochia bosio,
ende teri eragobere esire enchera ebwatetie.
8Tichikomigererania,
kera eyemo nigo egoeta omong’ororia oye;
nigo chigoeta gati‐gati y’ebirwanero, tichigotangeka.
9Nigo chikorindokera omochie,
na kominyoka ase chindwaki igoro;
nigo chikoriina ase chinyomba chisoa ime
na chietera ase chitirisa buna abaibi.
10Ense netengeche bosio bwabo,
na igoro nchinyegerigwe.
Erioba na omotienyi nabibekwe omosunte;
ne ching’enang’eni tichikobara.
11Eriogi ri’Omonene ndiigugwe bosio bw’omoganda oye bw’esegi,
ekiagera omoganda oye bw’esegi nigo ore omonene mono;
echio chigoikerania amang’ana aye, nigo chire ne chinguru.
Rituko ri’Omonene nigo rire rinene na eri’okoirokia.
Ning’o oranyare koriremereria?
Okorangerigwa gw’okoonchoka
12Omonene otebire,
“Nonya mbono ng’iranere ne chinkoro chiaino chionsi,
ase okweng’ata, na okorera, na okweng’ereria.
13Tandora chinkoro chiaino ase ogweitia,
gose tari ogotandora chianga chiaino.”
Irana gochia ase Omonene, Nyasae oino,
ekiagera ere nomuya na omonyamabera;
ere tari omwango ase okoba nendamwamu;
obwanchani bwaye nobwa botambe,
nigo akoonchoka otiga kobarentera amabe.
14Ning’o omanyete, ande gose Omonene naonchoke atige kobarentera amabe,
korende abatigere ogosesenigwa,
erinde moruere Omonene, Nyasae oino, okoruegwa kw’endagera, na ogw’ekenyugwa?
15Bugia egetureri ase Sayoni;
raria engaki y’okweng’ata ogochenu,
rangeria omosangererekano bw’ogosasima!
16Sangereria abanto amo,
ochene omosangererekano oyio;
sangereria abagaaka,
sangereria nabana, nonya nabakogonka.
Tiga omonyuomi asoke korwa mwaye,
na omoriakari korwa eero mwaye.
17Abakuani abwo bakomokorera Omonene
tiga barere ase egati y’egesona na egesasimero,
bakwane iga, “Aye Omonene, rorera abanto bao amabera;
totiga abanto abwo bare omwando oo bachecherigwe,
bakwanwe bobe ase egati y’abanto b’ebisaku.
Nase ki abanto baraborie:
Ng’ai Nyasae obo are”?
Nyasae okoirania obotobu ase ense
18Erio Omonene akaba ne risemi ase engencho y’ense yaye,
akarorera abanto baye amabeebe.
19Omonene akairaneria abanto baye, akabatebia,
“Rora, nkobatomera nde endagera, na edivai, na amaguta,
na inwe namoisaneke;
tinkobatiga mogenderere gochaywa ase egati y’abanto b’ebisaku.
20Ninserie omoganda okorwa sugusu orue asemore, obeere are,
ninyoserie ogende ase ense enyomo ere bosa,
ensemo etang’aine egende gochia ase Enyancha ya Moocha,
na ensemo ekorwa nyuma egende gochia ase Enyancha ya Bosongo.
Ogotioka kw’obogundo bwaye nkoimokerere igoro,
ekiagera okorire ayare amanene mono.”
21“Aye ense, toiroka!
Aye orogongo, goka na gochenga,
ekiagera Omonene okorire ayare amanene.
22Inwe ching’iti chi’orosana, timoiroka,
ekiagera amarisio are ase erooro amerire obonyansi;
emete yamire amatunda,
emeko na emesabibu yamire okwama kwabo okonene.”
23“Inwe abanto ba Sayoni, goka,
mochenge ase Omonene, Nyasae oino,
ekiagera obaeire embura entang’ani ebaisaine;
nere okobatweria embura botambe,
eye ritang’ani na ey’okwamia endagera.
24Ebiooreri bikoorerwa mbiichorwe ne chindagera;
na ebimitero mbiichore nedivai na amaguta goika biiteke.
25Nimbairanerie ebi’emiaka eria biasaretigwe ne chinyanchaba,
ne chingige, na ebisase, ne chingeeti,
omoganda oyio omonene natomete gocha ase egati yaino.
26Monyore endagera enyinge mokoria moigote,
erio motogie erieta ri’Omonene, Nyasae oino,
oyio obakoreire amakumia.
Abanto baane tibagochaywa naende.
27Erio namomanye ng’a inche nigo inde ase egati y’Abaisraeli,
naende ng’a inche ninche Omonene, Nyasae oino,
naende Nyasae onde omoao tari.
Abanto baane tibagochaywa naende.”
Rituko ri’Omonene
28“Nebe ase amatuko agochi‐gocha,
nimbaiterere abanto bonsi Omoika one;
abana baino, abamura na abaiseke, inababane,
na abagaaka baino nabarote chindoto,
na abamura baino nabarore amaroro.
29Naboigo ase amatuko ayio nimbaiterere abasomba baane,
abasacha na abakungu, Omoika one.
30“Ning’orokie ebikone igoro na ase ense;
amanyinga, na omorero, ne rikundesi ri’erioki.
31Erioba narionchoke ribe omosunte,
na omotienyi nobe amanyiga,
ekero rituko riria ri’Omonene,
erire rinene, na eri’okoondokia, ritaracha.
32Naende nebe ng’a kera oyorarangerie erieta ri’Omonene
natoorigwe, ekiagera ase egetunwa gia Sayoni, na ime ya Yerusalemu,
mbabe aroro abanto baratooreke,
buna Omonene atebire,
na ase egati y’abwo baratigare nigo barabe abwo Omonene arangeirie.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020