ISAYA 5
5
Ogotera igoro y’omogondo bw’emesabibu
1Bono nimoterere omwanchi one,
nintere igoro y’omwanchi one na igoro y’omogondo oye bw’emesabibu.
Omwanchi one nabwate omogondo bw’emesabibu ase ekegoro egetobu.
2Akayorema, agachora amagena ase okoyobonga,
akarigia emesabibu emiya akayesi meka aroro;
ase egati yaye akaagacha omorobiri bw’okoyorendera,
agakunya egeteera gi’okomitera amasabibu.
Erio akaganya ore nogosemeria ng’a omogondo mbwame amasabibu amaya,
korende okama amasabibu amegarori.
3Ase ayio bono, inwe abanto momenyete Yerusalemu, na inwe Abayuda, nababoririe monache ekina ase egati yane na omogondo one. 4Inee! Ngento ki nanga nayokorerete goetania, ekio ntakorete? Ekero nasemeretie ng’a mbwame amasabibu amaya, Inee, nase ki bwamete amasabibu amegarori?
5Bono nkobatebia inde eki ngochia gokora ase omogondo oyio one bw’emesabibu: Nintagore orobago rwaye, ntagore na orwaki rwaye, na omogondo oyio obe okorisigwa na gotiringwa. 6Ninyotige ogenderere gosareka; emesabibu tegososwa gose koburugerwa; amageri na amagwa mbikineo na koyotuba; boigo ninchike amare tayotweria embura.
7Abaisraeli nabwo omogondo bw’emesabibu bw’Omonene bw’Emeganda,
na Abayuda nabwo ekemeri kiaye asimegete na gokegokera.
Ekero asemeretie arore ogokora kw’oboronge,
akarora abande bagokorerwa bobe,
na ekero asemeretie arore oboronge, akaigwa ebirero.
Amabe abanto bagokora
8Obobe nobwabo abwo bakwementera enyomba ase enyomba, naende bementera oboremo ase oboremo, goika bakoora aase onsi, erinde ng’a barabwo boka bamenye ase ense eyio engima. 9Omonene bw’Emeganda otianire ase inche inyigwete ogoteba, “Ekeene, chinyomba chinyinge, chinene ne chingiya, goika chitigare bosa chitamenyiri nabanto. 10Omogondo bw’emesabibu ore chieka ikomi nigo orame amasabibu akomitwa aisaine egetonga ekemo gioka, na embusuro eichire ebitonga ikomi nigo erame eyeisaine egetonga ekemo gioka.”
11Obobe nobwabo abwo bakoimoka mambia chuni, baminyoka gochia konywa ebinyugwa bigotindia, abwo bakogenderera kobeera agwo goika obotuko bokia, erinde edivai eyio yabasamba na kobaonchorana. 12Ase emeyega yabo nigo bakoba bare namakano ao ao, ne chinchigiri, na ebiroria, na edivai, korende tibari korengereria ogokora kw’Omonene, gose tibari korora emeremo y’amaboko aye. 13Ase ayio, abanto baane nigo bagwoswa na koirwa ase obosomba ase ogotaba nobong’aini; abanene babo abasike nigo bagokwa nenchara, na omoganda obo ore neburu‐buru orang’ire mono ase okoborwa amache. 14Ase ayio, aase abakure atoonire na gwasamia omonwa oye goetania ekerengo, na abare nobonene ase omochie oyio, na emeganda ere aroro, na ebiombe bire neburu‐buru, na bonsi abagochenga ime yaye, mbatirimboke gochia aase agwo.
15Mwanyabanto onde bwensi nigo arakumbwe, na abanto abanene bakeeigwe gocha inse, na amaiso ’obomwenu nigo arakanywe. 16Korende Omonene bw’Emeganda nigo akoimokererigwa igoro goetera ase ekina gi’ekeene, na Nyasae ore Omochenu bweorokia ng’a nomochenu are ase oboronge bwaye. 17Aase agwo nao ching’ondi chirabe chikorisia abe buna oborisia bwabo, na amatuuri atigirwe nabanda nairwe nabarisia bakonakong’anya‐ng’anya.
18Obobe nobwabo abwo bakweng’usera obobe ne chingori chi’obong’ainereria, abwo bakweng’usera ebibe buna ne chingori chie chigari, 19bateba, “Tiga Omonene ache bwango, aayererie emeremo yaye, erinde toyerore. Tiga aya Oyore Omochenu bw’Abaisraeli aroberetie asuke gocha ang’e aikerane, erio nario toranyare koyamanya.”
20Obobe nobwabo abwo bakoroka ayare amabe amaya, na ayare amaya amabe, na babeka omosunte ase oborabu bore, na oborabu ase omosunte ore, na babeka obororo ribaga ri’obwansu, na obwansu ribaga ri’obororo.
21Obobe nobwabo abwo bagwekora abang’aini, naende bagwekora abamanyi.
22Obobe nobwabo abwo bare chituoni ase okonywa edivai, naende bare abaremu ase ogwochogania amo ebinyugwa bigotindia, 23abwo bakoegwa riaaki baa oyore nokomocha oboronge, erio barina omonyene oboronge oboronge bwaye. 24Ase ayio, buna koreng’ana chimeme chi’omorero chigosamba amasakwe, na buna obonyansi obwomo bokoyia bwasira, naboigo na omori bw’abanto abwo oragunde, na ebisicha biabo birurukigwe buna orotu, ekiagera bangire amachiko ’Omonene bw’Emeganda, na bachayire ring’ana ri’Omonene bw’Abaisraeli. 25Ase ayio endamwamu y’Omonene yokire ase abanto baye, na ere oramboire okoboko kwaye asebare obaakire. Ebitunwa biatengechigwe, na emebere y’abanto bakwete nebe buna eubi ase chinchera. Nonya ayio onsi agochia koba igo, endamwamu yaye tekoera; okoboko kwaye nigo koragenderere korua egesururo.
26Omonene natenenie ekemanyererio gi’okorangeria egesaku kemenyete aare, nabugie omororia akerangerie geche korwa ensinyo y’ense, na rora, nkeminyoke geche bwango. 27Ase abanto abwo onde takorosa, gose kogochwa, gose gosundoka, gose korara chitoro, gose orokini rwa kenema tirokonyanyoka, gose chinuga chi’ebikoroto tichikobutoka. 28Emegwe yabo nigo ere emioge, na amata abo nigo atingire; ebitaago bie chibarasi chiabo nigo binga buna amagena amakong’u, na amagoro e chigari chiabo nigo akominyoka buna ekerambauti. 29Ooruma kwabo nigo konga buna okw’endo, nigo bakoruma buna chindo chinsae na koronya; nigo bakobwata na koira ebisakore na abooswa, na onde tari oranyare gotooria.
30Ee, ase rituko erio nigo bararumere abanto buna enyancha ekoruma. Omonto kararigererie ense, nigo ararore omosunte na emechando, na oborabu mbotubwe nomosunte.
Currently Selected:
ISAYA 5: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
ISAYA 5
5
Ogotera igoro y’omogondo bw’emesabibu
1Bono nimoterere omwanchi one,
nintere igoro y’omwanchi one na igoro y’omogondo oye bw’emesabibu.
Omwanchi one nabwate omogondo bw’emesabibu ase ekegoro egetobu.
2Akayorema, agachora amagena ase okoyobonga,
akarigia emesabibu emiya akayesi meka aroro;
ase egati yaye akaagacha omorobiri bw’okoyorendera,
agakunya egeteera gi’okomitera amasabibu.
Erio akaganya ore nogosemeria ng’a omogondo mbwame amasabibu amaya,
korende okama amasabibu amegarori.
3Ase ayio bono, inwe abanto momenyete Yerusalemu, na inwe Abayuda, nababoririe monache ekina ase egati yane na omogondo one. 4Inee! Ngento ki nanga nayokorerete goetania, ekio ntakorete? Ekero nasemeretie ng’a mbwame amasabibu amaya, Inee, nase ki bwamete amasabibu amegarori?
5Bono nkobatebia inde eki ngochia gokora ase omogondo oyio one bw’emesabibu: Nintagore orobago rwaye, ntagore na orwaki rwaye, na omogondo oyio obe okorisigwa na gotiringwa. 6Ninyotige ogenderere gosareka; emesabibu tegososwa gose koburugerwa; amageri na amagwa mbikineo na koyotuba; boigo ninchike amare tayotweria embura.
7Abaisraeli nabwo omogondo bw’emesabibu bw’Omonene bw’Emeganda,
na Abayuda nabwo ekemeri kiaye asimegete na gokegokera.
Ekero asemeretie arore ogokora kw’oboronge,
akarora abande bagokorerwa bobe,
na ekero asemeretie arore oboronge, akaigwa ebirero.
Amabe abanto bagokora
8Obobe nobwabo abwo bakwementera enyomba ase enyomba, naende bementera oboremo ase oboremo, goika bakoora aase onsi, erinde ng’a barabwo boka bamenye ase ense eyio engima. 9Omonene bw’Emeganda otianire ase inche inyigwete ogoteba, “Ekeene, chinyomba chinyinge, chinene ne chingiya, goika chitigare bosa chitamenyiri nabanto. 10Omogondo bw’emesabibu ore chieka ikomi nigo orame amasabibu akomitwa aisaine egetonga ekemo gioka, na embusuro eichire ebitonga ikomi nigo erame eyeisaine egetonga ekemo gioka.”
11Obobe nobwabo abwo bakoimoka mambia chuni, baminyoka gochia konywa ebinyugwa bigotindia, abwo bakogenderera kobeera agwo goika obotuko bokia, erinde edivai eyio yabasamba na kobaonchorana. 12Ase emeyega yabo nigo bakoba bare namakano ao ao, ne chinchigiri, na ebiroria, na edivai, korende tibari korengereria ogokora kw’Omonene, gose tibari korora emeremo y’amaboko aye. 13Ase ayio, abanto baane nigo bagwoswa na koirwa ase obosomba ase ogotaba nobong’aini; abanene babo abasike nigo bagokwa nenchara, na omoganda obo ore neburu‐buru orang’ire mono ase okoborwa amache. 14Ase ayio, aase abakure atoonire na gwasamia omonwa oye goetania ekerengo, na abare nobonene ase omochie oyio, na emeganda ere aroro, na ebiombe bire neburu‐buru, na bonsi abagochenga ime yaye, mbatirimboke gochia aase agwo.
15Mwanyabanto onde bwensi nigo arakumbwe, na abanto abanene bakeeigwe gocha inse, na amaiso ’obomwenu nigo arakanywe. 16Korende Omonene bw’Emeganda nigo akoimokererigwa igoro goetera ase ekina gi’ekeene, na Nyasae ore Omochenu bweorokia ng’a nomochenu are ase oboronge bwaye. 17Aase agwo nao ching’ondi chirabe chikorisia abe buna oborisia bwabo, na amatuuri atigirwe nabanda nairwe nabarisia bakonakong’anya‐ng’anya.
18Obobe nobwabo abwo bakweng’usera obobe ne chingori chi’obong’ainereria, abwo bakweng’usera ebibe buna ne chingori chie chigari, 19bateba, “Tiga Omonene ache bwango, aayererie emeremo yaye, erinde toyerore. Tiga aya Oyore Omochenu bw’Abaisraeli aroberetie asuke gocha ang’e aikerane, erio nario toranyare koyamanya.”
20Obobe nobwabo abwo bakoroka ayare amabe amaya, na ayare amaya amabe, na babeka omosunte ase oborabu bore, na oborabu ase omosunte ore, na babeka obororo ribaga ri’obwansu, na obwansu ribaga ri’obororo.
21Obobe nobwabo abwo bagwekora abang’aini, naende bagwekora abamanyi.
22Obobe nobwabo abwo bare chituoni ase okonywa edivai, naende bare abaremu ase ogwochogania amo ebinyugwa bigotindia, 23abwo bakoegwa riaaki baa oyore nokomocha oboronge, erio barina omonyene oboronge oboronge bwaye. 24Ase ayio, buna koreng’ana chimeme chi’omorero chigosamba amasakwe, na buna obonyansi obwomo bokoyia bwasira, naboigo na omori bw’abanto abwo oragunde, na ebisicha biabo birurukigwe buna orotu, ekiagera bangire amachiko ’Omonene bw’Emeganda, na bachayire ring’ana ri’Omonene bw’Abaisraeli. 25Ase ayio endamwamu y’Omonene yokire ase abanto baye, na ere oramboire okoboko kwaye asebare obaakire. Ebitunwa biatengechigwe, na emebere y’abanto bakwete nebe buna eubi ase chinchera. Nonya ayio onsi agochia koba igo, endamwamu yaye tekoera; okoboko kwaye nigo koragenderere korua egesururo.
26Omonene natenenie ekemanyererio gi’okorangeria egesaku kemenyete aare, nabugie omororia akerangerie geche korwa ensinyo y’ense, na rora, nkeminyoke geche bwango. 27Ase abanto abwo onde takorosa, gose kogochwa, gose gosundoka, gose korara chitoro, gose orokini rwa kenema tirokonyanyoka, gose chinuga chi’ebikoroto tichikobutoka. 28Emegwe yabo nigo ere emioge, na amata abo nigo atingire; ebitaago bie chibarasi chiabo nigo binga buna amagena amakong’u, na amagoro e chigari chiabo nigo akominyoka buna ekerambauti. 29Ooruma kwabo nigo konga buna okw’endo, nigo bakoruma buna chindo chinsae na koronya; nigo bakobwata na koira ebisakore na abooswa, na onde tari oranyare gotooria.
30Ee, ase rituko erio nigo bararumere abanto buna enyancha ekoruma. Omonto kararigererie ense, nigo ararore omosunte na emechando, na oborabu mbotubwe nomosunte.
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020