OGOKORA KW’ABATOMWA 27
27
Orogendo rwa Paulo gochia Rumi goetera Kirete
1Ekero amang’ana achikwa ng’a togende nemeeri goika Italia, bakabeka Paulo na abasibwa bande ase amaboko a Yulio, omotang’ani bw’abarwani rigana ase ekeombe ki’abarwani ki’omogambi Augusto. 2Togasoa ase emeeri y’Aderamiti eyarenge ang’e kogenda goika emechie ye chingegu chi’Asia, tokaimoka. Aristarko, Omomakedonia o Tesaloniki, nigo arenge amo naintwe. 3Rituko ria kabere togaika Sidoni. Yulio akarenda Paulo buya, akamoa ribaga agende ase abasani baye akonywe nabarabwo. 4Korwa agwo tokagenda ase enyancha, togakengana ase egesinka gekorokwa Kuporo, ekiagera chimbeo chiarenge korua bosio. 5Togaeta enyancha ensemo ya Kilikia na Pamfulia, togaika Mira, omochie o Likia. 6Aria omotang’ani oria akanyora emeeri y’Aleksanderia eyarenge ang’e kogenda gochia Italia, agatoriinia. 7Tokagenda ng’ora ase ekero ki’amatuko amange, togaika Kinido ase obokong’u, na ekiagera embeo yatotangete, togaeta ang’e na Kirete maate, erinde tokengane embeo ang’e na Salimone. 8Togaeta ase obokong’u engegu ase engegu, togaika aase akorokwa Ebiambokero Ebiya. Ang’e nagwo norengeo omochie ore korokwa Lasaya.
Gochia Melita. Omwaga na ogotagorwa kw’emeeri
9Naende ekero ekenge konya giaetire, na orogendo rwabeire nobokong’u, ekiagera amatuko ’okweng’ata konya aetire, Paulo akabatebia, 10“Inwe abasacha, narorire ng’a orogendo oro narobe nemechando na ogosira okonge, tari ase chigurube na emeeri bioka, korende nonya nase obogima bwaito boigo.” 11Korende omotang’ani oria akaigwera omoraai na omonyene emeeri kobua aya Paulo akwanete. 12Ekiagera ekiambokero eke tikiarenge ekiya ase abanto komenya aroro ekero ki’obokendu, abange babo bakarigia mono korua aroro, erinde keranyarekane, baike Foiniki na kobeera aroro ekero ki’obokendu. Na kerokio nekiambokero gia Kirete, kerigereretie gati ya irianyi ya bosongo na sugusu ya bosongo.
13Naende embeo ya irianyi egachia kogusa ake, bagakaga ng’a banyorire eki barigetie konyora, bakang’usa ekerochi, bakagenda ang’e na Kirete, ang’e mono nengegu. 14Nyuma ase ekero egeke omwaga bwe chinguru okorokwa Eurakilo, ore gocha buna ekembugu‐mbugu ogaaka emeeri. 15Ekero emeeri yatwometwe na tiyare konyara goeta ase omwaga, tokayetiga etoire ase ekoirwa gochia. 16Togaeta togakengana ase egesinka egeke gekorokwa Kilaudia, tokanyara ase obokong’u kobogoria obwato oboke. 17Nyuma kobakoorire kobotiria bakabogoria chingori chi’ogokonya, bagachietanania emeeri. Bakairoka ng’a tibabaisa korateera ase omokenye okorokwa Siriti, bagasibora ebitambaa, bakairwa bosa. 18Ekiagera konya twatwomirwe mono nomwaga oria, rituko ria kabere bagachaka gotuguta chigurube nyancha ime. 19Rituko ria gatato bagatuguta ebinto bi’emeeri namaboko abo abanyene. 20Ekero erioba ne ching’enang’eni bitarorekanete ase amatuko amange, na omwaga omonene mono ogatotuba, tokerusia moyo ase ogotooreka.
21Bagachia koba ekero egetambe batari koria endagera, Paulo agatenena gati‐gati yabo, akabora, “Inwe abasacha, onye mwanyigwerete timorua Kirete, nanga titwanyora emechando na ogosira buna oko. 22Bono nabatebirie, remia chinkoro chiaino, ekiagera monto tagosira, otatiga emeeri yoka. 23Ekiagera obotuko obo bwa rero omomalaika o Nyasae, oria inche inde omonto oye, naende nere ngosasima, 24natenenete ang’e nainche agantebia: Paulo toiroka, nogwenerete gotenena ase obosio bwa Kaisari. Naende rora, Nyasae okoeire abanto bonsi, abakogenda amo naye. 25Ase ayio abasacha, remia chinkoro chiaino, ekiagera ninde nokwegena ase Nyasae, ng’a nabe buna natebetigwe. 26Korende netogwenerete goikigwa ase egesinka gete.”
27Goika obotuko bwa ikomi na kane bogachia goika tokairwa gochia aria na aria ase enyancha y’Adiria. Botuko gati abagendia b’emeeri bagakaga ng’a baikire ang’e ase ense enyomo. 28Bakaruta ekerengo, bakanyora ebirengo bi’amaboko emerongo ebere. Bakagenderera ake, bakaruta ekerengo naende, bakanyora ebirengo bi’amaboko ikomi na bitano. 29Bakoboa ng’a mbabaise gotwomerigwa ase ebitare, bakaruta ebirochi bine bia nyuma, bagasaba ng’a bokie. 30Naende abagendia bagachia korigia gotama na gotiga emeeri, bagaikia obwato oboke gochia nyancha, bakang’ainereria buna mbarigetie koruta ebirochi korwa bosio bw’emeeri. 31Paulo agatebia omotang’ani oria bw’abarwani rigana, na abarwani, “Aba bataikaranseti ase emeeri ime timokonyara gotooreka.” 32Erio abarwani bakanacha chingori chi’obwato, bakabotiga bogwe amache ime.
33Bogachia gokiamoka Paulo agasorora bonsi barie endagera, akabora, “Rero nerituko ria ikomi na kane moganyete na mogendererete motana koria gento. 34Gaki nabasoroire morie endagera, nebe ase ogotooreka kwaino; naki tikagosira nonya nagatukia akamo k’omotwe bw’oyomo oino.” 35Gakoorire gokwana aya, akabogoria omogati akairaneria ng’a mbuya mono ase Nyasae ase amasio abo bonsi, akayosamunyora, agachaka koria. 36Erio bonsi bakagonkomoka, na barabwo bakaria endagera. 37(Na ase emeeri ime nigo twarenge abanto amagana abere, na emerongo etano na ebere, na batano nomo.) 38Kobaigotire bakagusuyia emeeri ase ogotuguta engano ase enyancha ime.
39Kobwachia gokia, tibamanya ense eria, otatiga baroche omosomo ore nengegu, bagatebania gosoyia emeeri aroro, keranyarekane. 40Bakaruta ebirochi biria, bakabitiga nyancha ime, bakarorobia chingori chi’ebionchori, bagatiiria egetambaa kia bosio embeo ekeguserere, bakaonchora emeeri gochia engegu. 41Bagaika aase chinsanganio chie chinyancha ibere, bakaroria emeeri aroro goika ekarateera; obosio bw’emeeri bogasensema omokenye, ekabwatwa kegima, korende korwa nyuma egatagorwa ne chinguru chi’emerindo. 42Omoroberio bw’abarwani nigo orenge ng’a baite abasibwa, omonto terema abaise gotama. 43Korende omotang’ani oria akarigia gotooria Paulo, akabatanga, tibakora buna barengereretie. Agachika baria baranyare kwerema berute nyancha ime, bagende ense enyomo. 44Abaratigare bagende, abande ase chibao, na abande ase ebinto binde bi’emeeri. Naboigo abanto bonsi bagaika ase ense enyomo buya.
Currently Selected:
OGOKORA KW’ABATOMWA 27: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
OGOKORA KW’ABATOMWA 27
27
Orogendo rwa Paulo gochia Rumi goetera Kirete
1Ekero amang’ana achikwa ng’a togende nemeeri goika Italia, bakabeka Paulo na abasibwa bande ase amaboko a Yulio, omotang’ani bw’abarwani rigana ase ekeombe ki’abarwani ki’omogambi Augusto. 2Togasoa ase emeeri y’Aderamiti eyarenge ang’e kogenda goika emechie ye chingegu chi’Asia, tokaimoka. Aristarko, Omomakedonia o Tesaloniki, nigo arenge amo naintwe. 3Rituko ria kabere togaika Sidoni. Yulio akarenda Paulo buya, akamoa ribaga agende ase abasani baye akonywe nabarabwo. 4Korwa agwo tokagenda ase enyancha, togakengana ase egesinka gekorokwa Kuporo, ekiagera chimbeo chiarenge korua bosio. 5Togaeta enyancha ensemo ya Kilikia na Pamfulia, togaika Mira, omochie o Likia. 6Aria omotang’ani oria akanyora emeeri y’Aleksanderia eyarenge ang’e kogenda gochia Italia, agatoriinia. 7Tokagenda ng’ora ase ekero ki’amatuko amange, togaika Kinido ase obokong’u, na ekiagera embeo yatotangete, togaeta ang’e na Kirete maate, erinde tokengane embeo ang’e na Salimone. 8Togaeta ase obokong’u engegu ase engegu, togaika aase akorokwa Ebiambokero Ebiya. Ang’e nagwo norengeo omochie ore korokwa Lasaya.
Gochia Melita. Omwaga na ogotagorwa kw’emeeri
9Naende ekero ekenge konya giaetire, na orogendo rwabeire nobokong’u, ekiagera amatuko ’okweng’ata konya aetire, Paulo akabatebia, 10“Inwe abasacha, narorire ng’a orogendo oro narobe nemechando na ogosira okonge, tari ase chigurube na emeeri bioka, korende nonya nase obogima bwaito boigo.” 11Korende omotang’ani oria akaigwera omoraai na omonyene emeeri kobua aya Paulo akwanete. 12Ekiagera ekiambokero eke tikiarenge ekiya ase abanto komenya aroro ekero ki’obokendu, abange babo bakarigia mono korua aroro, erinde keranyarekane, baike Foiniki na kobeera aroro ekero ki’obokendu. Na kerokio nekiambokero gia Kirete, kerigereretie gati ya irianyi ya bosongo na sugusu ya bosongo.
13Naende embeo ya irianyi egachia kogusa ake, bagakaga ng’a banyorire eki barigetie konyora, bakang’usa ekerochi, bakagenda ang’e na Kirete, ang’e mono nengegu. 14Nyuma ase ekero egeke omwaga bwe chinguru okorokwa Eurakilo, ore gocha buna ekembugu‐mbugu ogaaka emeeri. 15Ekero emeeri yatwometwe na tiyare konyara goeta ase omwaga, tokayetiga etoire ase ekoirwa gochia. 16Togaeta togakengana ase egesinka egeke gekorokwa Kilaudia, tokanyara ase obokong’u kobogoria obwato oboke. 17Nyuma kobakoorire kobotiria bakabogoria chingori chi’ogokonya, bagachietanania emeeri. Bakairoka ng’a tibabaisa korateera ase omokenye okorokwa Siriti, bagasibora ebitambaa, bakairwa bosa. 18Ekiagera konya twatwomirwe mono nomwaga oria, rituko ria kabere bagachaka gotuguta chigurube nyancha ime. 19Rituko ria gatato bagatuguta ebinto bi’emeeri namaboko abo abanyene. 20Ekero erioba ne ching’enang’eni bitarorekanete ase amatuko amange, na omwaga omonene mono ogatotuba, tokerusia moyo ase ogotooreka.
21Bagachia koba ekero egetambe batari koria endagera, Paulo agatenena gati‐gati yabo, akabora, “Inwe abasacha, onye mwanyigwerete timorua Kirete, nanga titwanyora emechando na ogosira buna oko. 22Bono nabatebirie, remia chinkoro chiaino, ekiagera monto tagosira, otatiga emeeri yoka. 23Ekiagera obotuko obo bwa rero omomalaika o Nyasae, oria inche inde omonto oye, naende nere ngosasima, 24natenenete ang’e nainche agantebia: Paulo toiroka, nogwenerete gotenena ase obosio bwa Kaisari. Naende rora, Nyasae okoeire abanto bonsi, abakogenda amo naye. 25Ase ayio abasacha, remia chinkoro chiaino, ekiagera ninde nokwegena ase Nyasae, ng’a nabe buna natebetigwe. 26Korende netogwenerete goikigwa ase egesinka gete.”
27Goika obotuko bwa ikomi na kane bogachia goika tokairwa gochia aria na aria ase enyancha y’Adiria. Botuko gati abagendia b’emeeri bagakaga ng’a baikire ang’e ase ense enyomo. 28Bakaruta ekerengo, bakanyora ebirengo bi’amaboko emerongo ebere. Bakagenderera ake, bakaruta ekerengo naende, bakanyora ebirengo bi’amaboko ikomi na bitano. 29Bakoboa ng’a mbabaise gotwomerigwa ase ebitare, bakaruta ebirochi bine bia nyuma, bagasaba ng’a bokie. 30Naende abagendia bagachia korigia gotama na gotiga emeeri, bagaikia obwato oboke gochia nyancha, bakang’ainereria buna mbarigetie koruta ebirochi korwa bosio bw’emeeri. 31Paulo agatebia omotang’ani oria bw’abarwani rigana, na abarwani, “Aba bataikaranseti ase emeeri ime timokonyara gotooreka.” 32Erio abarwani bakanacha chingori chi’obwato, bakabotiga bogwe amache ime.
33Bogachia gokiamoka Paulo agasorora bonsi barie endagera, akabora, “Rero nerituko ria ikomi na kane moganyete na mogendererete motana koria gento. 34Gaki nabasoroire morie endagera, nebe ase ogotooreka kwaino; naki tikagosira nonya nagatukia akamo k’omotwe bw’oyomo oino.” 35Gakoorire gokwana aya, akabogoria omogati akairaneria ng’a mbuya mono ase Nyasae ase amasio abo bonsi, akayosamunyora, agachaka koria. 36Erio bonsi bakagonkomoka, na barabwo bakaria endagera. 37(Na ase emeeri ime nigo twarenge abanto amagana abere, na emerongo etano na ebere, na batano nomo.) 38Kobaigotire bakagusuyia emeeri ase ogotuguta engano ase enyancha ime.
39Kobwachia gokia, tibamanya ense eria, otatiga baroche omosomo ore nengegu, bagatebania gosoyia emeeri aroro, keranyarekane. 40Bakaruta ebirochi biria, bakabitiga nyancha ime, bakarorobia chingori chi’ebionchori, bagatiiria egetambaa kia bosio embeo ekeguserere, bakaonchora emeeri gochia engegu. 41Bagaika aase chinsanganio chie chinyancha ibere, bakaroria emeeri aroro goika ekarateera; obosio bw’emeeri bogasensema omokenye, ekabwatwa kegima, korende korwa nyuma egatagorwa ne chinguru chi’emerindo. 42Omoroberio bw’abarwani nigo orenge ng’a baite abasibwa, omonto terema abaise gotama. 43Korende omotang’ani oria akarigia gotooria Paulo, akabatanga, tibakora buna barengereretie. Agachika baria baranyare kwerema berute nyancha ime, bagende ense enyomo. 44Abaratigare bagende, abande ase chibao, na abande ase ebinto binde bi’emeeri. Naboigo abanto bonsi bagaika ase ense enyomo buya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020