OGOKORA KW’ABATOMWA 22
22
Ogokwana gwa Paulo ase Abayahudi
(Ogok 9:1–19; 26:12–18)
1“Inwe abaminto, na abatata, ntegerera aya ngwekengera omonyene asemore bono.”
2Na ekero bachia koigwa ng’a nigo agokwana nabarabwo ase omonwa bw’Ekeibirania, bakamenta gokira. Agakwana,
3“Inche n’Omoyahudi, naiboreretwe Tariso, omochie o Kilikia, nkarererwa ase omochie oyo ase amagoro a Gamalieli, nkorokererigwa bokong’u amachiko e chisokoro chiaito. Nkaba omonto oyore nomokia ase Nyasae, buna inwe mwensi more rero iga. 4Ngachanda abanto b’Enchera eye goika nkabaita bagakwa, ngasiba abasacha na abakungu na kobabeka echela ime, 5buna omokuani omonene na abagaaka bonsi b’ekegambero bare birori asende. Naetwe amarube nabarabwo ing’ire ase abaminto abarenge Damesiki, erio mbarente abarenge agwo, mbaire Yerusalemu basibire erinde baegwe egesusuro.
6“Erio ekero nare kogenda, konaikire ang’e na Damesiki, ekero kia mobaso gati mobosokano amasase akarwa igoro akambarera chinsemo chionsi. 7Nkagwa inse, nkaigwa eriogi rigontebia: Saulo, Saulo, nase ki gwanchandire? 8Nkairaneria: Naye ng’o Omonene? Agantebia: Ninche Yeso o Nazareti oyogwachandire aye. 9Na baria barenge amo nainche mbaroche amasase aria, korende tibaigwete eriogi ri’oria ore gokwana nainche. 10Nkaboria: Ninki ndakore Omonene? Omonene agantebia: Imoka ogende goika Damesiki, agwo notebigwe onsi aya gwachikirwe oyakore. 11Na ekero nasinyetwe korora ase engencho y’oborabu bw’amasase aria, nkaraagwa namaboko abo abarenge amo nainche, ngaika Damesiki.
12“Erio omonto oyomo ore korokwa Anania, omoiroki Nyasae ase ogotunyana amachiko, ore gokwanwa buya n’Abayahudi bonsi abamenyete agwo, 13aganchichera agatenena ang’e nainche, agantebia: Oyominto Saulo, nyora okorora. Ase ensa eria eria nkanyora okorora, nkamorora. 14Agantebia: Nyasae bwe chisokoro chiaito ogochorire onyare komanya ogwancha kwaye, na korora Omonyene Oboronge, na koigwa eriogi rikorwa ase omonwa oye. 15Naki nomobere kirori ase abanto bonsi igoro y’amang’ana ayakwarorire na koyaigwa. 16Gaki bono, inki ogotebanera? Tenena obatiswe, bwesibie ebibe biao, orangerie erieta riaye.
17“Ekero nairanete Yerusalemu, ngosaba narenge ase Hekalu ime, nkabwatwa nobogondereria, 18nkarora Omonene aroro, ogontebia: Ayerera, karue Yerusalemu bwango, ekiagera tibagwancha oborori bwao igoro yane. 19Na inche nkabora: Omonene, barabwo mbamanyete ng’a nigo narenge gosiba baria bakwegenete na kobaaka ase chisinagogi chionsi. 20Ekero amanyinga a Stefano, kirori oo, agoiterwa, inche nao narenge nateneine ang’e, ngancha aitwe, nkarenda chianga chiabo baria abamoitete. 21Nere agantebia: Genda, ekiagera inche ningotome aare ase abanto b’Ebisaku.”
Paulo ogoteba ng’a n’Omorumi are
22Bagategerera Paulo goika ring’ana riria rigakwanwa. Erio bagaaka eriogi riabo, bagateba, “Morusieo oyo ase ense, ekiagera tagwenereti abe moyo.” 23Bagachia kona‐goaka egeturi na gotandora chianga chiabo na gosiara‐siara ebuse gochia igoro. 24Omotang’ani bw’abarwani elifu agachika arentwe ime ase enyomba enene y’abarwani, agachika aborigwe amang’ana aye ase okong’wanigwa emecharichi, erinde amanye engencho bakomwogerera eriogi buna eri. 25Korende ekero bamosibire engori, Paulo akaboria omotang’ani bw’abarwani rigana, oyo oteneine ang’e nere, “Inee! Mboronge kong’wania omonto Omorumi emecharichi, na ere ataranacherwa ekina?”
26Omotang’ani oria ochia koigwa aya, akagenda akorokia omotang’ani oria omonene, akabora, “Naki origetie gokora? Ekiagera omonto oyo n’Omorumi are.”
27Omotang’ani oria omonene agacha, akamotebia, “Ntebia, n’Omorumi ore?” Agateba, “Ee.” 28Omotang’ani oria, omonene akairaneria, “Inche nigo nagorete obobiare obo ase chibesa chinyinge.” Paulo agateba, “Inche n’Omorumi omobiare.”
29Erio baria barenge ang’e komoboria bakaimoka, bakamotiga bwango, na oria omotang’ani omonene akoboa ekero aigwa ng’a n’Omorumi are, na konya omosibire.
Ogwekengera gwa Paulo bosio bw’ekegambero
30Rituko ria kabere akarengereria komanya boronge nase engencho ki asoeirwe n’Abayahudi, akamosibora, agachika abakuani abanene na abanto b’ekegambero bonsi bache. Agatirimbokia Paulo, akamobeka ase amasio abo.
Currently Selected:
OGOKORA KW’ABATOMWA 22: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
OGOKORA KW’ABATOMWA 22
22
Ogokwana gwa Paulo ase Abayahudi
(Ogok 9:1–19; 26:12–18)
1“Inwe abaminto, na abatata, ntegerera aya ngwekengera omonyene asemore bono.”
2Na ekero bachia koigwa ng’a nigo agokwana nabarabwo ase omonwa bw’Ekeibirania, bakamenta gokira. Agakwana,
3“Inche n’Omoyahudi, naiboreretwe Tariso, omochie o Kilikia, nkarererwa ase omochie oyo ase amagoro a Gamalieli, nkorokererigwa bokong’u amachiko e chisokoro chiaito. Nkaba omonto oyore nomokia ase Nyasae, buna inwe mwensi more rero iga. 4Ngachanda abanto b’Enchera eye goika nkabaita bagakwa, ngasiba abasacha na abakungu na kobabeka echela ime, 5buna omokuani omonene na abagaaka bonsi b’ekegambero bare birori asende. Naetwe amarube nabarabwo ing’ire ase abaminto abarenge Damesiki, erio mbarente abarenge agwo, mbaire Yerusalemu basibire erinde baegwe egesusuro.
6“Erio ekero nare kogenda, konaikire ang’e na Damesiki, ekero kia mobaso gati mobosokano amasase akarwa igoro akambarera chinsemo chionsi. 7Nkagwa inse, nkaigwa eriogi rigontebia: Saulo, Saulo, nase ki gwanchandire? 8Nkairaneria: Naye ng’o Omonene? Agantebia: Ninche Yeso o Nazareti oyogwachandire aye. 9Na baria barenge amo nainche mbaroche amasase aria, korende tibaigwete eriogi ri’oria ore gokwana nainche. 10Nkaboria: Ninki ndakore Omonene? Omonene agantebia: Imoka ogende goika Damesiki, agwo notebigwe onsi aya gwachikirwe oyakore. 11Na ekero nasinyetwe korora ase engencho y’oborabu bw’amasase aria, nkaraagwa namaboko abo abarenge amo nainche, ngaika Damesiki.
12“Erio omonto oyomo ore korokwa Anania, omoiroki Nyasae ase ogotunyana amachiko, ore gokwanwa buya n’Abayahudi bonsi abamenyete agwo, 13aganchichera agatenena ang’e nainche, agantebia: Oyominto Saulo, nyora okorora. Ase ensa eria eria nkanyora okorora, nkamorora. 14Agantebia: Nyasae bwe chisokoro chiaito ogochorire onyare komanya ogwancha kwaye, na korora Omonyene Oboronge, na koigwa eriogi rikorwa ase omonwa oye. 15Naki nomobere kirori ase abanto bonsi igoro y’amang’ana ayakwarorire na koyaigwa. 16Gaki bono, inki ogotebanera? Tenena obatiswe, bwesibie ebibe biao, orangerie erieta riaye.
17“Ekero nairanete Yerusalemu, ngosaba narenge ase Hekalu ime, nkabwatwa nobogondereria, 18nkarora Omonene aroro, ogontebia: Ayerera, karue Yerusalemu bwango, ekiagera tibagwancha oborori bwao igoro yane. 19Na inche nkabora: Omonene, barabwo mbamanyete ng’a nigo narenge gosiba baria bakwegenete na kobaaka ase chisinagogi chionsi. 20Ekero amanyinga a Stefano, kirori oo, agoiterwa, inche nao narenge nateneine ang’e, ngancha aitwe, nkarenda chianga chiabo baria abamoitete. 21Nere agantebia: Genda, ekiagera inche ningotome aare ase abanto b’Ebisaku.”
Paulo ogoteba ng’a n’Omorumi are
22Bagategerera Paulo goika ring’ana riria rigakwanwa. Erio bagaaka eriogi riabo, bagateba, “Morusieo oyo ase ense, ekiagera tagwenereti abe moyo.” 23Bagachia kona‐goaka egeturi na gotandora chianga chiabo na gosiara‐siara ebuse gochia igoro. 24Omotang’ani bw’abarwani elifu agachika arentwe ime ase enyomba enene y’abarwani, agachika aborigwe amang’ana aye ase okong’wanigwa emecharichi, erinde amanye engencho bakomwogerera eriogi buna eri. 25Korende ekero bamosibire engori, Paulo akaboria omotang’ani bw’abarwani rigana, oyo oteneine ang’e nere, “Inee! Mboronge kong’wania omonto Omorumi emecharichi, na ere ataranacherwa ekina?”
26Omotang’ani oria ochia koigwa aya, akagenda akorokia omotang’ani oria omonene, akabora, “Naki origetie gokora? Ekiagera omonto oyo n’Omorumi are.”
27Omotang’ani oria omonene agacha, akamotebia, “Ntebia, n’Omorumi ore?” Agateba, “Ee.” 28Omotang’ani oria, omonene akairaneria, “Inche nigo nagorete obobiare obo ase chibesa chinyinge.” Paulo agateba, “Inche n’Omorumi omobiare.”
29Erio baria barenge ang’e komoboria bakaimoka, bakamotiga bwango, na oria omotang’ani omonene akoboa ekero aigwa ng’a n’Omorumi are, na konya omosibire.
Ogwekengera gwa Paulo bosio bw’ekegambero
30Rituko ria kabere akarengereria komanya boronge nase engencho ki asoeirwe n’Abayahudi, akamosibora, agachika abakuani abanene na abanto b’ekegambero bonsi bache. Agatirimbokia Paulo, akamobeka ase amasio abo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020