2 SAMWELI 8
8
Daudi okonyora obobui ase esegi
(1 Am ’Eb 18:1–17)
1Nyuma y’ayio Daudi akarwania Abafilisti, akababua, akabua nomochie obo omonene akayobeka inse y’obogambi bwaye.
2Naende akabua Abamoabu. Akabachika barare inse ase chindwaro. Erio akarenga chindwaro ibere chi’abanto, agachika abwo baitwe bakwe, na abanto b’orwaro oromo agachika batigwe babe moyo. Bono Abamoabu bakaba abasomba ba Daudi bakaba bakomo rentera ebango.
3Naende Daudi akabua Hadadeseri mosinto o Rehobu, omoruoti o Soba, ekero ere agendete kogareyia obogambi bwaye gochia ase orooche rw’Eufarati. 4Daudi agoosa abariini chibarasi elifu eyemo, na amagana atano na abere (1,700), na abarwani abaare kogendera amagoro chilifu emerongo ebere (20,000). Erio akabutora chibarasi chinteng’e, korende agatiga chibarasi rigana erimo chibe chikong’usa chigari.
5Na ekero Abasiiria ba Damesiki bachete gokonya Hadadeseri, omoruoti o Soba, Daudi akabarwania, agaita abanto chilifu emerongo ebere na ibere (22,000). 6Erio akabeka abarwani ase egati y’Abasiiria agwo Damesiki, na Abasiiria abwo bakaba abasomba ba Daudi bakaba bakomorentera ebango. Omonene akaa Daudi obobui aande onsi ase are kogenda korwana. 7Daudi agasakora chinguba chie chitahabu, echio abasomba ba Hadadeseri babogoretie, agachiira Yerusalemu. 8Naende omoruoti Daudi akaira chitaai chinyinge mono korwa Bera na Berotai, emechie Hadadeseri arenge kogambera.
9Toi, omoruoti o Hamati, agachia koigwa ng’a Daudi obuire abarwani bonsi ba Hadadeseri, 10agatoma Yoramu, momura oye, ase omoruoti Daudi amokwanie na komosesenia, ekiagera ere konya arwanirie Hadadeseri omobuirie. Hadadeseri nigo abete okona‐korwania Toi. Boigo Yoramu akairera Daudi ebinto bi’etahabu, na ebi’efeta, na ebi’etaai. 11Ebinto ebio omoruoti Daudi akabiatananera Omonene, buna akorete ne chitaai ne chitahabu chiria arusetie korwa ase abanto b’ebisaku biria abuete: 12Abaedomu, na Abamoabu, na Abaamoni, na Abafilisti, na Abaameleki. Boigo agaatananera Omonene ebisakorwa arusetie korwa ase Hadadeseri, mosinto o Rehobu, omoruoti o Soba.
13Daudi akenyorera erieta rinene ekero arenge koirana, gaitire Abaedomu chilifu ikomi na isano na isato (18,000) ase Riranya ri’Omonyo. 14Daudi akabeka abarwani aande onsi ase egati y’Abaedomu, na barabwo bonsi bakaba abasomba ba Daudi, na Omonene akaa Daudi obobui aande onsi ase arenge kogenda korwana.
15Bono Daudi akaba okogambera Abaisraeli bonsi, akaba ogokorera abanto baye bonsi oboronge na ekeene. 16Yoabu, omomura bw’omokungu Seruya, nere orenge omochiki bw’emeganda y’abarwani, na Yehosafati, mosinto bw’Ahiludi, nere orenge omoriki bw’amang’ana are gokoreka. 17Zadoki, mosinto bw’Ahitubu, na Ahimeleki, mosinto bw’Abiatari, nabwo barenge abakuani, na Seraya nere orenge omoriki; 18Benaya, mosinto o Yehoyada, nere orenge omoteneneri bw’Abakereti, na Abapeleti, na basinto ba Daudi nabwo barenge abakuani.
Currently Selected:
2 SAMWELI 8: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
2 SAMWELI 8
8
Daudi okonyora obobui ase esegi
(1 Am ’Eb 18:1–17)
1Nyuma y’ayio Daudi akarwania Abafilisti, akababua, akabua nomochie obo omonene akayobeka inse y’obogambi bwaye.
2Naende akabua Abamoabu. Akabachika barare inse ase chindwaro. Erio akarenga chindwaro ibere chi’abanto, agachika abwo baitwe bakwe, na abanto b’orwaro oromo agachika batigwe babe moyo. Bono Abamoabu bakaba abasomba ba Daudi bakaba bakomo rentera ebango.
3Naende Daudi akabua Hadadeseri mosinto o Rehobu, omoruoti o Soba, ekero ere agendete kogareyia obogambi bwaye gochia ase orooche rw’Eufarati. 4Daudi agoosa abariini chibarasi elifu eyemo, na amagana atano na abere (1,700), na abarwani abaare kogendera amagoro chilifu emerongo ebere (20,000). Erio akabutora chibarasi chinteng’e, korende agatiga chibarasi rigana erimo chibe chikong’usa chigari.
5Na ekero Abasiiria ba Damesiki bachete gokonya Hadadeseri, omoruoti o Soba, Daudi akabarwania, agaita abanto chilifu emerongo ebere na ibere (22,000). 6Erio akabeka abarwani ase egati y’Abasiiria agwo Damesiki, na Abasiiria abwo bakaba abasomba ba Daudi bakaba bakomorentera ebango. Omonene akaa Daudi obobui aande onsi ase are kogenda korwana. 7Daudi agasakora chinguba chie chitahabu, echio abasomba ba Hadadeseri babogoretie, agachiira Yerusalemu. 8Naende omoruoti Daudi akaira chitaai chinyinge mono korwa Bera na Berotai, emechie Hadadeseri arenge kogambera.
9Toi, omoruoti o Hamati, agachia koigwa ng’a Daudi obuire abarwani bonsi ba Hadadeseri, 10agatoma Yoramu, momura oye, ase omoruoti Daudi amokwanie na komosesenia, ekiagera ere konya arwanirie Hadadeseri omobuirie. Hadadeseri nigo abete okona‐korwania Toi. Boigo Yoramu akairera Daudi ebinto bi’etahabu, na ebi’efeta, na ebi’etaai. 11Ebinto ebio omoruoti Daudi akabiatananera Omonene, buna akorete ne chitaai ne chitahabu chiria arusetie korwa ase abanto b’ebisaku biria abuete: 12Abaedomu, na Abamoabu, na Abaamoni, na Abafilisti, na Abaameleki. Boigo agaatananera Omonene ebisakorwa arusetie korwa ase Hadadeseri, mosinto o Rehobu, omoruoti o Soba.
13Daudi akenyorera erieta rinene ekero arenge koirana, gaitire Abaedomu chilifu ikomi na isano na isato (18,000) ase Riranya ri’Omonyo. 14Daudi akabeka abarwani aande onsi ase egati y’Abaedomu, na barabwo bonsi bakaba abasomba ba Daudi, na Omonene akaa Daudi obobui aande onsi ase arenge kogenda korwana.
15Bono Daudi akaba okogambera Abaisraeli bonsi, akaba ogokorera abanto baye bonsi oboronge na ekeene. 16Yoabu, omomura bw’omokungu Seruya, nere orenge omochiki bw’emeganda y’abarwani, na Yehosafati, mosinto bw’Ahiludi, nere orenge omoriki bw’amang’ana are gokoreka. 17Zadoki, mosinto bw’Ahitubu, na Ahimeleki, mosinto bw’Abiatari, nabwo barenge abakuani, na Seraya nere orenge omoriki; 18Benaya, mosinto o Yehoyada, nere orenge omoteneneri bw’Abakereti, na Abapeleti, na basinto ba Daudi nabwo barenge abakuani.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020