2 SAMWELI 5
5
Daudi okoba omoruoti bw’Abaisraeli na Abayuda
(1 Am ’Eb 11:1–9; 14:1–7)
1Abanto b’ebisaku bionsi bi’Abaisraeli bakagenda ase Daudi agwo Heburoni, bakamotebia, “Naama! Intwe nigo tore abamo naye, aba amanyinga ayamo na omobere oyomo. 2Ase engaki yaetire, ekero Saulo arenge omoruoti igoro yaito, naye kwarenge gotang’ana Abaisraeli kobakogenda korwana esegi, naende kobakoirana. Omonene konya ogotebirie ng’a naye orabe omorisia bw’Abaisraeli, abanto baye, na obe omogambi igoro yabo.” 3Ase igo abagaaka bonsi b’Abaisraeli bagacha ase Daudi omoruoti agwo Heburoni; ere agakora okobwatana kw’ogotianania nabarabwo ase obosio bw’Omonene agwo Heburoni. 4Daudi konya okoorire emiaka emerongo etato ekero achagete kogamba, na akagamba emiaka emerongo ene. 5Agwo Heburoni akagambera Abayuda ase engaki y’emiaka etano na ebere, na emetienyi etano nomo, naende agwo Yerusalemu akagambera Abaisraeli bonsi amo n’Abayuda ase engaki y’emiaka emerongo etato, na atato.
6Erio Daudi omoruoti na abanto baye bakagenda Yerusalemu, erinde barwanie Abayebusi, abanyene ense eria. Barabwo bagatebia Daudi. “Aye tokonyara gocha aiga nonya ng’ake; emeuko na ebirema nabwo baranyare kogoseria kegima.” Abayebusi nigo barengereretie ng’a Daudi takonyara gosoa aroro. 7Korende Daudi akabua eburi ya Sayoni, oyo noro Omochie o Daudi.
8Daudi agakwana ase rituko riria, “Onde bwensi otagete goita Abayebusi, tiga atiire gochia ase omotarobw’amache, aite emeuko eyio na ebirema ebio inche Daudi ngechete.” Ase ayio abanto nigo bagoteba, “Emeuko na ebirema tibakonyara gosoa ase enyomba.”
9Daudi akamenya ase eburi eyio, akayeroka “Omochie o Daudi.” Agwo Daudi akaagacha omochie oyeetanaine, gochakera korwa Milo na goikera ime ase eburi yarenge. 10Daudi akamentekana mono koba ne chinguru, ekiagera Omonene, Nyasae bw’Emeganda, arenge amo nere.
11Hiramu, omoruoti o Turo, agatoma abanto ase Daudi. Abwo bakamoirera emete y’emecharake. Boigo agatoma ababaachi, na abaagachi, na barabwo bakamoagachera enyomba. 12Erio Daudi akamanya ng’a Omonene omokong’irie ase okoba omoruoti bw’Abaisraeli, na oimokereirie igoro oboruoti bwaye ase engencho y’abanto baye Abaisraeli.
13Nyuma karure Heburoni, Daudi akamenta koira abakungu ba sere‐sere na abakungu bande korwa Yerusalemu; akaiborerwa abana bande abange, abamura na abaiseke. 14Aya naro amarieta ’abana abwo baiboretwe asare agwo Yerusalemu; Samua na Sobabu, Nathani na Sulemani; 15Ibuhari na Elisua, Nefegi na Yafia; 16Elisama, na Eliada, na Elifeleti.
Abafilisti bakobugwa
(1 Am ’Eb 14:8–17)
17Ekero Abafilisti baigwete ng’a Daudi oakirwe amaguta koba omoruoti igoro y’Abaisraeli bonsi, bagatiira gochia komorigia. Daudi kaigure ayio, agatirimboka gochia ase eburi ime, 18na Abafilisti bagacha bagesiarera ase ense omweya y’Abarefai. 19Erio Daudi akaboria Omonene, “Inee! Ndagenda korwania Abafilisti? Nobabeke ase amaboko aane gose?”
Omonene akamoiraneria, “Ee genda, nimbabeke ase amaboko ao.”
20Daudi agacha Baali‐Perasimu, akababua agwo. Erio akabora, “Omonene okoroorire ababisa baane buna chiooro chi’amache are nemerindo.” Ase igo aase aria akarokwa Baali‐Perasimu. 21Abafilisti bagatiga emegwekano yabo y’ogosasimwa aroro, na Daudi na abanto baye bakayerusiao na koyeira.
22Naende Abafilisti bakagendao eria kabere, bagesiarera ase rikura ri’Abarefai. 23Naende Daudi akaboria Omonene, nere akamokania, akamotebia, “Tobaumokera korwa aa, korende ogende obanaarie korwa nyuma, erio obatubokere korwa ase emete ereo ekorokwa balisamu. 24Ekero oraigwe eriogi ri’ebititiro bigoeta igoro ase emete eyio, erio bwebeke ang’e, omanye ng’a inche Omonene nasokire, nagotang’anire kobua abarwani b’Abafilisti.” 25Daudi agakora buna Omonene amotebetie, agaita Abafilisti korwa Geba goika Geseri.
Currently Selected:
2 SAMWELI 5: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
2 SAMWELI 5
5
Daudi okoba omoruoti bw’Abaisraeli na Abayuda
(1 Am ’Eb 11:1–9; 14:1–7)
1Abanto b’ebisaku bionsi bi’Abaisraeli bakagenda ase Daudi agwo Heburoni, bakamotebia, “Naama! Intwe nigo tore abamo naye, aba amanyinga ayamo na omobere oyomo. 2Ase engaki yaetire, ekero Saulo arenge omoruoti igoro yaito, naye kwarenge gotang’ana Abaisraeli kobakogenda korwana esegi, naende kobakoirana. Omonene konya ogotebirie ng’a naye orabe omorisia bw’Abaisraeli, abanto baye, na obe omogambi igoro yabo.” 3Ase igo abagaaka bonsi b’Abaisraeli bagacha ase Daudi omoruoti agwo Heburoni; ere agakora okobwatana kw’ogotianania nabarabwo ase obosio bw’Omonene agwo Heburoni. 4Daudi konya okoorire emiaka emerongo etato ekero achagete kogamba, na akagamba emiaka emerongo ene. 5Agwo Heburoni akagambera Abayuda ase engaki y’emiaka etano na ebere, na emetienyi etano nomo, naende agwo Yerusalemu akagambera Abaisraeli bonsi amo n’Abayuda ase engaki y’emiaka emerongo etato, na atato.
6Erio Daudi omoruoti na abanto baye bakagenda Yerusalemu, erinde barwanie Abayebusi, abanyene ense eria. Barabwo bagatebia Daudi. “Aye tokonyara gocha aiga nonya ng’ake; emeuko na ebirema nabwo baranyare kogoseria kegima.” Abayebusi nigo barengereretie ng’a Daudi takonyara gosoa aroro. 7Korende Daudi akabua eburi ya Sayoni, oyo noro Omochie o Daudi.
8Daudi agakwana ase rituko riria, “Onde bwensi otagete goita Abayebusi, tiga atiire gochia ase omotarobw’amache, aite emeuko eyio na ebirema ebio inche Daudi ngechete.” Ase ayio abanto nigo bagoteba, “Emeuko na ebirema tibakonyara gosoa ase enyomba.”
9Daudi akamenya ase eburi eyio, akayeroka “Omochie o Daudi.” Agwo Daudi akaagacha omochie oyeetanaine, gochakera korwa Milo na goikera ime ase eburi yarenge. 10Daudi akamentekana mono koba ne chinguru, ekiagera Omonene, Nyasae bw’Emeganda, arenge amo nere.
11Hiramu, omoruoti o Turo, agatoma abanto ase Daudi. Abwo bakamoirera emete y’emecharake. Boigo agatoma ababaachi, na abaagachi, na barabwo bakamoagachera enyomba. 12Erio Daudi akamanya ng’a Omonene omokong’irie ase okoba omoruoti bw’Abaisraeli, na oimokereirie igoro oboruoti bwaye ase engencho y’abanto baye Abaisraeli.
13Nyuma karure Heburoni, Daudi akamenta koira abakungu ba sere‐sere na abakungu bande korwa Yerusalemu; akaiborerwa abana bande abange, abamura na abaiseke. 14Aya naro amarieta ’abana abwo baiboretwe asare agwo Yerusalemu; Samua na Sobabu, Nathani na Sulemani; 15Ibuhari na Elisua, Nefegi na Yafia; 16Elisama, na Eliada, na Elifeleti.
Abafilisti bakobugwa
(1 Am ’Eb 14:8–17)
17Ekero Abafilisti baigwete ng’a Daudi oakirwe amaguta koba omoruoti igoro y’Abaisraeli bonsi, bagatiira gochia komorigia. Daudi kaigure ayio, agatirimboka gochia ase eburi ime, 18na Abafilisti bagacha bagesiarera ase ense omweya y’Abarefai. 19Erio Daudi akaboria Omonene, “Inee! Ndagenda korwania Abafilisti? Nobabeke ase amaboko aane gose?”
Omonene akamoiraneria, “Ee genda, nimbabeke ase amaboko ao.”
20Daudi agacha Baali‐Perasimu, akababua agwo. Erio akabora, “Omonene okoroorire ababisa baane buna chiooro chi’amache are nemerindo.” Ase igo aase aria akarokwa Baali‐Perasimu. 21Abafilisti bagatiga emegwekano yabo y’ogosasimwa aroro, na Daudi na abanto baye bakayerusiao na koyeira.
22Naende Abafilisti bakagendao eria kabere, bagesiarera ase rikura ri’Abarefai. 23Naende Daudi akaboria Omonene, nere akamokania, akamotebia, “Tobaumokera korwa aa, korende ogende obanaarie korwa nyuma, erio obatubokere korwa ase emete ereo ekorokwa balisamu. 24Ekero oraigwe eriogi ri’ebititiro bigoeta igoro ase emete eyio, erio bwebeke ang’e, omanye ng’a inche Omonene nasokire, nagotang’anire kobua abarwani b’Abafilisti.” 25Daudi agakora buna Omonene amotebetie, agaita Abafilisti korwa Geba goika Geseri.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020