2 SAMWELI 13
13
Amunoni na Tamari
1Bono Abisalomu, mosinto o Daudi, narenge nomoiseke omwabo ore korokwa Tamari. Tamari nigo arenge omonyakieni mono. Omomura onde o Daudi ore korokwa Amunoni akaba omwanchete Tamari. 2Amunoni agachandeka mono ase okomogania Tamari, omoiseke omwabo, goika agekora buna nomorwaire are. Omoiseke oria nigo arenge omwekungi; Amunoni agasinywa komokorera buna aganetie. 3Korende ere nabwate omosani oyomo ore korokwa Yonadabu, mosinto o Simea, momura omwabo Daudi. Yonadabunigo arenge omong’aini mono bw’obong’ainereria. 4Ere akaboria Amunoni, “Aye omwana bw’omoruoti, naki okana‐korea iga nomoichano, rituko ase rituko? Togontebia rende?”
Amunoni akamoiraneria, “Nigo imwanchete Tamari, omoiseke omwabo Abisalomu, momura ominto.”
5Yonadabu akamotebia, “Genda orare borere, bwekore buna nomorwaire ore. Na ekero iso arache gokorora, omotebie; Koranche otebie Tamari ominto ache andoiserie endagera aa ase ndoche, erinde andagerie nokoboko kwaye.” 6Agwo Amunoni akarara, agekora buna nomorwaire are.
Ekero omoruoti achete korora Amunoni, nere akamotebia, “Koranche otebie Tamari ominto ache andoiserie emegati ebere aa ase ndoche, indie korwa ase okoboko kwaye.”
7Erio Daudi akarangeria Tamari korwa nyomba mwabo, akamotebia, “Genda nyomba mw’Amunoni, momura omino, omoroiserie endagera.” 8Tamari akagenda nyomba mw’Amunoni omwabo, na ere igo arenge oraire. Tamari akaimokia obosie, akabokonya, agakora emegati agwo ase Amunoni amorigereretie, akayesamba. 9Naende akaimokia esani ere nemegati eria, akayeterekera Amunoni, korende ere akaanga koria. Amunoni agateba, “Tiga abanto bonsi barue aa asende.” Ase igo kera omonto agasoka isiko. 10Amunoni agatebia Tamari, “Ndetere emegati eyio aa, inyerie korwa ase okoboko kwao.” Tamari akaimokia emegati eyio aroisetie, akayeirera Amunoni, momura omwabo, ase akanyomba ime. 11Ekero amoirerete emegati eyio ang’e ng’a arie, Amunoni akamobwata, akamotebia, “Inchuo torare komo, moiseke ominto.”
12Tamari akamokania, akamotebia, “Yaya taibo, omwana ominto, tagonkorera obosooku buna iga. Amang’ana buna aya tagokoreka ase Abaisraeli. Tobaisa gokora obonyaka buna obo. 13Ng’ai ngochia goeta nobosooku obo? Naye nigo orabe buna oyomo, bw’abakayayu bare ase Abaisraeli. Bono, koranche oborie omoruoti akoe ribaga onyuome.” 14Korende Amunoni tancha komoigwa. Ere akamobua chinguru, akamokorera obosooku ase okorara nere.
15Nyuma y’ayio Amunoni akagecha Tamari okogecha okonene, na okogecha okwo amogecha gokaba okonene kobua obwanchani boria amwanchete ritang’ani. Amunoni akamotebia, “Imoka, orue aa!”
16Tamari akamoiraneria, “Yaya taibo, oyominto. Bono ogoseria oko ogonseria nigo kore okobe kobua amang’ana aya gwankoreire.”
Korende Amunoni akaanga gotegerera amang’ana aye. 17Amunoni akarangeria omomura ore komokorera, akamotebia, “Rusia omokungu oyo aa asende, omoire isiko, osieke egesieri bokung’u.” 18Omosomba agasokia Tamari, oria agasieka egesieri.
Tamari nigo abegete eganchwa entambe, ekiagera chiganchwa buna echio nachio abaiseke abekungi b’omoruoti barenge kobeka. 19Tamari ageaka ribu ase omotwe oye, agatandora eganchwa eria entambe abegete, akabeka amaboko motwe, akagenda okona‐korera ase eriogi rinene. 20Erio Abisalomu omwabo akamoboria, “Inee! Amunoni omino nagokoreire amang’ana ’obosooku? Aye moiseke ominto, kirakiri; oyio noyomino, toichana ase enkoro yao. Tamari akamenya bw’Abisalomu omwabo, akaba otang’ang’ete na goichana mono.”
21Ekero omoruoti Daudi aigwete amang’ana ayio, akaba nekeririanda ekenene. 22Abisalomu tarenge gokwana n’Amunoni nonya ne ring’ana erimo; nigo amogechete ekiagera ere akorerete Tamari, omoiseke omwabo, obosooku.
Abisalomu okorusia egesiomba
23Nyuma y’emiaka ebere koyaerire, Abisalomu akaba nabanto baare konacha ching’ondi chiaye amarionya, aaria Baali‐Hasori, ang’e norogongo rwa Efraimu, agachika abamura bonsi b’omoruoti bagende aroro. 24Abisalomu akagenda ase omoruoti, akamotebia, “Rora bono, inche, omosomba oo, nimbwate abanto bakonacha ching’ondi chiane amarionya. Koranche, aye omoruoti, ochiche amo nabasomba bao.”
25Korende omoruoti akamokania, akamotebia, “Yaya taibo, omwana one, titokogenda twensi. Toise kogenda twensi nigo torakobuchere.” Abisalomu akamosorora mono, korende omoruoti tancha kogenda, otatiga amosesenetie.
26Erio Abisalomu akamoboria, “Onye togocha, koranche ong’e Amunoni ominto agende naintwe.”
Omoruoti akamoboria, “Nase ki ere aragende nainwe?” 27Abisalomu agasorora omoruoti mono goika ere akamwanchera Amunoni amo nabamura bande bonsi baye bagende nere.
28Abisalomu agachika abasomba baye, akabatebia, “Morigererie ekero Amunoni anyure atindire, na moigwe ekero ndabatebie ng’a moake Amunoni. Erio agwo momoake kegima, momoite akwe. Timwoboa! Inche nabachika ng’a mokore bo. Mobe abakong’u na abaremu.” 29Ase igo abasomba b’Abisalomu bagakora Amunoni buna Abisalomu abachigete. Nyuma y’ayio abamura bonsi b’omoruoti bakaimoka, bakariina, kera omonto eyombo yaye, bagatama.
30Ekaba kobare inchera kogenda sobo, Daudi agatebigwa ng’a, “Abisalomu oitire abamura bao bonsi, onde tatigareti nonya noyomo.” 31Erio omoruoti akaimoka, agatandora chianga chiaye, akarara inse ase amaroba, na abasomba baye abateneineo bagatandora chianga chiabo. 32Korende Yonadabu, mosinto o Simea omwabo Daudi, akabora, “Omonene one, tokaga ng’a mbonsi baitirwe; Amunoni nere bweka oitwa okwa. Aya igo Abisalomu ayaroberetie ase ebirengererio biaye korwa rituko riria Amunoni akorerete Tamari, omoiseke omwabo, amang’ana ’obosooku. 33Gaki aye omoruoti, omonene one, tobaisa kwegena amang’ana ayio ng’a abamura bao bonsi mbaitire; Amunoni bweka nere okure.”
34Bono Abisalomu konya otamire.
Omomura omorendi orenge otengerete agachia korigereria, akarora abanto abange mono bagotirimboka korwa ekegoro ensemo, magega yaye. 35Yonadabu agatebia omoruoti, “Rigereria, abamura bao abwo bagocha, buna inche, omosomba oo, nagotebia.” 36Ekero akoorire gokwana, abamura b’omoruoti bakaoroka, bagaaka amariogi abo bakorera; na omoruoti boigo akarera, na abasomba baye bonsi bakarera ekerero ekenene.
37Korende Abisalomu agatama, akagenda ase Talimai, mosinto bw’Amihudi, omoruoti bw’Abagesuri. Daudi akaba okoreera omwana oye rituko ase rituko. 38Ekero Abisalomu atamete, akagenda akamenya Gesuri ase engaki y’emiaka etato. 39Ekero omoruoti konya aremigwe nyuma y’ogokwa kw’Amunoni, akaba namaiga korora Abisalomu.
Currently Selected:
2 SAMWELI 13: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
2 SAMWELI 13
13
Amunoni na Tamari
1Bono Abisalomu, mosinto o Daudi, narenge nomoiseke omwabo ore korokwa Tamari. Tamari nigo arenge omonyakieni mono. Omomura onde o Daudi ore korokwa Amunoni akaba omwanchete Tamari. 2Amunoni agachandeka mono ase okomogania Tamari, omoiseke omwabo, goika agekora buna nomorwaire are. Omoiseke oria nigo arenge omwekungi; Amunoni agasinywa komokorera buna aganetie. 3Korende ere nabwate omosani oyomo ore korokwa Yonadabu, mosinto o Simea, momura omwabo Daudi. Yonadabunigo arenge omong’aini mono bw’obong’ainereria. 4Ere akaboria Amunoni, “Aye omwana bw’omoruoti, naki okana‐korea iga nomoichano, rituko ase rituko? Togontebia rende?”
Amunoni akamoiraneria, “Nigo imwanchete Tamari, omoiseke omwabo Abisalomu, momura ominto.”
5Yonadabu akamotebia, “Genda orare borere, bwekore buna nomorwaire ore. Na ekero iso arache gokorora, omotebie; Koranche otebie Tamari ominto ache andoiserie endagera aa ase ndoche, erinde andagerie nokoboko kwaye.” 6Agwo Amunoni akarara, agekora buna nomorwaire are.
Ekero omoruoti achete korora Amunoni, nere akamotebia, “Koranche otebie Tamari ominto ache andoiserie emegati ebere aa ase ndoche, indie korwa ase okoboko kwaye.”
7Erio Daudi akarangeria Tamari korwa nyomba mwabo, akamotebia, “Genda nyomba mw’Amunoni, momura omino, omoroiserie endagera.” 8Tamari akagenda nyomba mw’Amunoni omwabo, na ere igo arenge oraire. Tamari akaimokia obosie, akabokonya, agakora emegati agwo ase Amunoni amorigereretie, akayesamba. 9Naende akaimokia esani ere nemegati eria, akayeterekera Amunoni, korende ere akaanga koria. Amunoni agateba, “Tiga abanto bonsi barue aa asende.” Ase igo kera omonto agasoka isiko. 10Amunoni agatebia Tamari, “Ndetere emegati eyio aa, inyerie korwa ase okoboko kwao.” Tamari akaimokia emegati eyio aroisetie, akayeirera Amunoni, momura omwabo, ase akanyomba ime. 11Ekero amoirerete emegati eyio ang’e ng’a arie, Amunoni akamobwata, akamotebia, “Inchuo torare komo, moiseke ominto.”
12Tamari akamokania, akamotebia, “Yaya taibo, omwana ominto, tagonkorera obosooku buna iga. Amang’ana buna aya tagokoreka ase Abaisraeli. Tobaisa gokora obonyaka buna obo. 13Ng’ai ngochia goeta nobosooku obo? Naye nigo orabe buna oyomo, bw’abakayayu bare ase Abaisraeli. Bono, koranche oborie omoruoti akoe ribaga onyuome.” 14Korende Amunoni tancha komoigwa. Ere akamobua chinguru, akamokorera obosooku ase okorara nere.
15Nyuma y’ayio Amunoni akagecha Tamari okogecha okonene, na okogecha okwo amogecha gokaba okonene kobua obwanchani boria amwanchete ritang’ani. Amunoni akamotebia, “Imoka, orue aa!”
16Tamari akamoiraneria, “Yaya taibo, oyominto. Bono ogoseria oko ogonseria nigo kore okobe kobua amang’ana aya gwankoreire.”
Korende Amunoni akaanga gotegerera amang’ana aye. 17Amunoni akarangeria omomura ore komokorera, akamotebia, “Rusia omokungu oyo aa asende, omoire isiko, osieke egesieri bokung’u.” 18Omosomba agasokia Tamari, oria agasieka egesieri.
Tamari nigo abegete eganchwa entambe, ekiagera chiganchwa buna echio nachio abaiseke abekungi b’omoruoti barenge kobeka. 19Tamari ageaka ribu ase omotwe oye, agatandora eganchwa eria entambe abegete, akabeka amaboko motwe, akagenda okona‐korera ase eriogi rinene. 20Erio Abisalomu omwabo akamoboria, “Inee! Amunoni omino nagokoreire amang’ana ’obosooku? Aye moiseke ominto, kirakiri; oyio noyomino, toichana ase enkoro yao. Tamari akamenya bw’Abisalomu omwabo, akaba otang’ang’ete na goichana mono.”
21Ekero omoruoti Daudi aigwete amang’ana ayio, akaba nekeririanda ekenene. 22Abisalomu tarenge gokwana n’Amunoni nonya ne ring’ana erimo; nigo amogechete ekiagera ere akorerete Tamari, omoiseke omwabo, obosooku.
Abisalomu okorusia egesiomba
23Nyuma y’emiaka ebere koyaerire, Abisalomu akaba nabanto baare konacha ching’ondi chiaye amarionya, aaria Baali‐Hasori, ang’e norogongo rwa Efraimu, agachika abamura bonsi b’omoruoti bagende aroro. 24Abisalomu akagenda ase omoruoti, akamotebia, “Rora bono, inche, omosomba oo, nimbwate abanto bakonacha ching’ondi chiane amarionya. Koranche, aye omoruoti, ochiche amo nabasomba bao.”
25Korende omoruoti akamokania, akamotebia, “Yaya taibo, omwana one, titokogenda twensi. Toise kogenda twensi nigo torakobuchere.” Abisalomu akamosorora mono, korende omoruoti tancha kogenda, otatiga amosesenetie.
26Erio Abisalomu akamoboria, “Onye togocha, koranche ong’e Amunoni ominto agende naintwe.”
Omoruoti akamoboria, “Nase ki ere aragende nainwe?” 27Abisalomu agasorora omoruoti mono goika ere akamwanchera Amunoni amo nabamura bande bonsi baye bagende nere.
28Abisalomu agachika abasomba baye, akabatebia, “Morigererie ekero Amunoni anyure atindire, na moigwe ekero ndabatebie ng’a moake Amunoni. Erio agwo momoake kegima, momoite akwe. Timwoboa! Inche nabachika ng’a mokore bo. Mobe abakong’u na abaremu.” 29Ase igo abasomba b’Abisalomu bagakora Amunoni buna Abisalomu abachigete. Nyuma y’ayio abamura bonsi b’omoruoti bakaimoka, bakariina, kera omonto eyombo yaye, bagatama.
30Ekaba kobare inchera kogenda sobo, Daudi agatebigwa ng’a, “Abisalomu oitire abamura bao bonsi, onde tatigareti nonya noyomo.” 31Erio omoruoti akaimoka, agatandora chianga chiaye, akarara inse ase amaroba, na abasomba baye abateneineo bagatandora chianga chiabo. 32Korende Yonadabu, mosinto o Simea omwabo Daudi, akabora, “Omonene one, tokaga ng’a mbonsi baitirwe; Amunoni nere bweka oitwa okwa. Aya igo Abisalomu ayaroberetie ase ebirengererio biaye korwa rituko riria Amunoni akorerete Tamari, omoiseke omwabo, amang’ana ’obosooku. 33Gaki aye omoruoti, omonene one, tobaisa kwegena amang’ana ayio ng’a abamura bao bonsi mbaitire; Amunoni bweka nere okure.”
34Bono Abisalomu konya otamire.
Omomura omorendi orenge otengerete agachia korigereria, akarora abanto abange mono bagotirimboka korwa ekegoro ensemo, magega yaye. 35Yonadabu agatebia omoruoti, “Rigereria, abamura bao abwo bagocha, buna inche, omosomba oo, nagotebia.” 36Ekero akoorire gokwana, abamura b’omoruoti bakaoroka, bagaaka amariogi abo bakorera; na omoruoti boigo akarera, na abasomba baye bonsi bakarera ekerero ekenene.
37Korende Abisalomu agatama, akagenda ase Talimai, mosinto bw’Amihudi, omoruoti bw’Abagesuri. Daudi akaba okoreera omwana oye rituko ase rituko. 38Ekero Abisalomu atamete, akagenda akamenya Gesuri ase engaki y’emiaka etato. 39Ekero omoruoti konya aremigwe nyuma y’ogokwa kw’Amunoni, akaba namaiga korora Abisalomu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020