2 SAMWELI 11
11
Daudi na Bati‐Seba
1Ase engaki y’ogosimeka, ekero abaruoti baare koba bakogenda korwana esegi, Daudi agatoma Yoabu na abasomba baye, amo n’Abaisraeli bonsi. Barabwo bagaita Abaamoni, bakanaaria omochie o Raba. Korende Daudi akabeera agwo Yerusalemu.
2Ekaba ase rituko erimo chinsa chia mogoroba, Daudi akaimoka korwa borere bwaye, akariina kerama igoro, ase enyomba yaye y’oboruoti. Ekero arenge gotaarao, akarora omokungu ogwesibia, na omokungu oyio nigo arenge omonyakieni mono. 3Erio agatoma omonto amanye ng’a omokungu oyo noyo ng’o. Agatebigwa ng’a, “Oria Bati‐Seba nomosubati o Eliamu, moka Uria Omohiti.” 4Erio Daudi agatoma abanto bamwoyie. Ere agacha ase Daudi, na Daudi akarara nere. Batiseba gakoorire gwechena korwa ase ogotechena kwaye, akaimoka, akairana mwaye. 5Omokungu oria akaba morito; agatoma amang’ana ase Daudi, akabora, “Nabeire morito.”
6Erio Daudi agatoma amang’ana ase Yoabu akamotebia, “Toma Uria oyio Omohiti ache asende,” na Yoabu akamotoma ase Daudi. 7Ekero Uria achete, Daudi akamoboria amang’ana igoro ya Yoabu buna are gokora, na amang’ana ’abanto, na buna esegi egendererete. 8Naende agatebia Uria, “Genda bwoo, bwesibie amagoro otimoke.” Uria akarua nyomba mw’omoruoti, na Daudi akamotunyaneria ekeegwa. 9Korende Uria akarara gesieri ki’enyomba y’omoruoti amo nabasomba bonsi b’omonene oye, tatirimboka gochia bwoye. 10Abanto bagatebia Daudi ng’a Uria tagendete bwoye. Daudi akamoboria, “Inee! Tikwarwete ase orogendo? Nase ki otagendete bwoo?”
11Uria akamoiraneria, “Esanduku y’Omonene, na Abaisraeli amo n’Abayuda nigo bamenyete ase ebigutu isiko. Yoabu, omonene one, na abasomba baye nigo bagatoorete isiko ase egetii. Inee! Inche ngende nyomba mwane koria na konywa, na korara na mokane? Ekeene, buna aye ore moyo, na omoika oo ore moyo, inche tingokora ring’ana buna erio.”
12Daudi agatebia Uria, “Beera aiga rero naende, ankio nkoe ribaga ogende.” Ase igo Uria akabeera Yerusalemu ase rituko riria, ne rituko ria kabere boigo. 13Daudi akamorangeria ache mwaye koragera na konywa amo nere, na igo akagera Uria agatinda. Ekero kia mogoroba Uria akagenda korara borere bwaye amo nabasomba b’omonene oye, korende tagenda bwoye.
14Bogakia mambia, Daudi akarikera Yoabu rirube, akaa Uria amoirere. 15Ase rirube erio nigo arigete iga: “Otang’anie Uria bosio bw’abarwani aase esegi ere entindi Erio morueo, momotige aroro aitwe akwe.” 16Ekero Yoabu anaaretie omochie, akabeka Uria aase amanyete ng’a naumerane nabarwani abatindi. 17Abanto b’omochie oria bagasoka korwana na Yoabu, na abanto bande ase abasomba ba Daudi bagaitwa, na Uria Omohiti nere agaitwa.
18Yoabu agatoma amang’ana onsi ase Daudi, buna esegi egendererete. 19Agatebereria omotomwa oria, “Ekero gwatebirie omoruoti amang’ana onsi ay’esegi, 20ande nabo arabe nendamwamu, akoborie: Naki mwakorete mokagenda ang’e nomochie? Inee! Timwamanyete ng’a abanto nigo bakoruta emegwe korwa ase orwaki? 21Ning’o oitete Abimeleki, mosinto o Yerubi‐Beseti? Tari omokungu orutete ensio korwa orwaki igoro, akamoita aaria Tebesi? Naki mwakorete mogaika orwaki ang’e igo? Omoruoti karakoberie igo, omotebie: Omosomba oo Uria Omohiti nere oitirwe boigo.”
22Erio omotomwa oria akagenda, agatebia Daudi amang’ana onsi aya Yoabu amotomete akwane. 23Omonto oria agatebia Daudi, “Abanto baria nigo barenge ne chinguru chinyinge gotobua, bagatotubokera agwo ase egetii aarabu. Nonya naboigo ntwababua, tokabairania gochia ase egeita ki’omochie. 24Abaruti emegwe bagatorasa intwe, abasomba bao, korwa orwaki igoro; abande b’abasomba bao bakure, na Uria Omohiti, omosomba oo, nere okure.”
25Daudi agatebia omotomwa oria, “Genda otebie Yoabu ng’a amang’ana ayio tabaisa komochanda, ekiagera omoro nigo ogoita oyo, oita noyonde. Omotebie ng’a abe ne chinguru, arwanie omochie oyio na koyosaria.”
26Ekero moka Uria aigwete ng’a omosacha oye okure, akaba okomoreera, 27na ekero omokungu oria akoorire korera Daudi agatoma omonto komwoyia. Batiseba akaba moga Daudi, na nyuma y’ayio akamoiborera omwana omoisia. Korende amang’ana ayio Daudi akorete akagechia Omonene.
Currently Selected:
2 SAMWELI 11: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
2 SAMWELI 11
11
Daudi na Bati‐Seba
1Ase engaki y’ogosimeka, ekero abaruoti baare koba bakogenda korwana esegi, Daudi agatoma Yoabu na abasomba baye, amo n’Abaisraeli bonsi. Barabwo bagaita Abaamoni, bakanaaria omochie o Raba. Korende Daudi akabeera agwo Yerusalemu.
2Ekaba ase rituko erimo chinsa chia mogoroba, Daudi akaimoka korwa borere bwaye, akariina kerama igoro, ase enyomba yaye y’oboruoti. Ekero arenge gotaarao, akarora omokungu ogwesibia, na omokungu oyio nigo arenge omonyakieni mono. 3Erio agatoma omonto amanye ng’a omokungu oyo noyo ng’o. Agatebigwa ng’a, “Oria Bati‐Seba nomosubati o Eliamu, moka Uria Omohiti.” 4Erio Daudi agatoma abanto bamwoyie. Ere agacha ase Daudi, na Daudi akarara nere. Batiseba gakoorire gwechena korwa ase ogotechena kwaye, akaimoka, akairana mwaye. 5Omokungu oria akaba morito; agatoma amang’ana ase Daudi, akabora, “Nabeire morito.”
6Erio Daudi agatoma amang’ana ase Yoabu akamotebia, “Toma Uria oyio Omohiti ache asende,” na Yoabu akamotoma ase Daudi. 7Ekero Uria achete, Daudi akamoboria amang’ana igoro ya Yoabu buna are gokora, na amang’ana ’abanto, na buna esegi egendererete. 8Naende agatebia Uria, “Genda bwoo, bwesibie amagoro otimoke.” Uria akarua nyomba mw’omoruoti, na Daudi akamotunyaneria ekeegwa. 9Korende Uria akarara gesieri ki’enyomba y’omoruoti amo nabasomba bonsi b’omonene oye, tatirimboka gochia bwoye. 10Abanto bagatebia Daudi ng’a Uria tagendete bwoye. Daudi akamoboria, “Inee! Tikwarwete ase orogendo? Nase ki otagendete bwoo?”
11Uria akamoiraneria, “Esanduku y’Omonene, na Abaisraeli amo n’Abayuda nigo bamenyete ase ebigutu isiko. Yoabu, omonene one, na abasomba baye nigo bagatoorete isiko ase egetii. Inee! Inche ngende nyomba mwane koria na konywa, na korara na mokane? Ekeene, buna aye ore moyo, na omoika oo ore moyo, inche tingokora ring’ana buna erio.”
12Daudi agatebia Uria, “Beera aiga rero naende, ankio nkoe ribaga ogende.” Ase igo Uria akabeera Yerusalemu ase rituko riria, ne rituko ria kabere boigo. 13Daudi akamorangeria ache mwaye koragera na konywa amo nere, na igo akagera Uria agatinda. Ekero kia mogoroba Uria akagenda korara borere bwaye amo nabasomba b’omonene oye, korende tagenda bwoye.
14Bogakia mambia, Daudi akarikera Yoabu rirube, akaa Uria amoirere. 15Ase rirube erio nigo arigete iga: “Otang’anie Uria bosio bw’abarwani aase esegi ere entindi Erio morueo, momotige aroro aitwe akwe.” 16Ekero Yoabu anaaretie omochie, akabeka Uria aase amanyete ng’a naumerane nabarwani abatindi. 17Abanto b’omochie oria bagasoka korwana na Yoabu, na abanto bande ase abasomba ba Daudi bagaitwa, na Uria Omohiti nere agaitwa.
18Yoabu agatoma amang’ana onsi ase Daudi, buna esegi egendererete. 19Agatebereria omotomwa oria, “Ekero gwatebirie omoruoti amang’ana onsi ay’esegi, 20ande nabo arabe nendamwamu, akoborie: Naki mwakorete mokagenda ang’e nomochie? Inee! Timwamanyete ng’a abanto nigo bakoruta emegwe korwa ase orwaki? 21Ning’o oitete Abimeleki, mosinto o Yerubi‐Beseti? Tari omokungu orutete ensio korwa orwaki igoro, akamoita aaria Tebesi? Naki mwakorete mogaika orwaki ang’e igo? Omoruoti karakoberie igo, omotebie: Omosomba oo Uria Omohiti nere oitirwe boigo.”
22Erio omotomwa oria akagenda, agatebia Daudi amang’ana onsi aya Yoabu amotomete akwane. 23Omonto oria agatebia Daudi, “Abanto baria nigo barenge ne chinguru chinyinge gotobua, bagatotubokera agwo ase egetii aarabu. Nonya naboigo ntwababua, tokabairania gochia ase egeita ki’omochie. 24Abaruti emegwe bagatorasa intwe, abasomba bao, korwa orwaki igoro; abande b’abasomba bao bakure, na Uria Omohiti, omosomba oo, nere okure.”
25Daudi agatebia omotomwa oria, “Genda otebie Yoabu ng’a amang’ana ayio tabaisa komochanda, ekiagera omoro nigo ogoita oyo, oita noyonde. Omotebie ng’a abe ne chinguru, arwanie omochie oyio na koyosaria.”
26Ekero moka Uria aigwete ng’a omosacha oye okure, akaba okomoreera, 27na ekero omokungu oria akoorire korera Daudi agatoma omonto komwoyia. Batiseba akaba moga Daudi, na nyuma y’ayio akamoiborera omwana omoisia. Korende amang’ana ayio Daudi akorete akagechia Omonene.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020