1 ABAKORINTO 4
4
Oboteneneri bw’abatomwa ase obosio bwa Nyasae
1Omonto natobare iga, ng’a nabasomba ba Kristo tore, na abarendi b’obobisi bwa Nyasae. 2Agwo naende ayarigirie ase abarendi naro aya: banyorekane ng’a nabegenwa bare. 3Asende inche, tai gento ngambigwe nainwe, gose na kegambero kende gionsi kia mwanyabanto. Nonya ninche omonyene tinkwegambia. 4Naki timanyeti engencho y’ogwesoera inche omonyene, korende timbareiri oboronge ase engencho y’ayio. Omonene nere orangambie. 5Ase ayio timogamba ing’ana rinde rionsi engaki etaraika, ekero Omonene ataracha; nere orabaorokerie ayabisegete ase omosunte, na koorokia amang’ana are ase chinkoro ime. Erio nario kera omonto aranyore ogotogigwa kwaye korwa ase Nyasae.
6Amang’ana aya, baminto, nayakwanire igoro yane na igoro y’Apolo ase engencho yaino, erinde ase amang’ana aito monyare kweorokereria timotamboka ase amang’ana arikire. Omonto taenena ase oyomo mamincha y’oria onde. 7Naki ning’o ogwatananire aye noyonde? Inki ore nakio otanyoreti buna ekeegwa? Onye gwakenyorire buna ekeegwa, inki rende ogwetogeria buna tikiarenge ekeegwa?
8Mwaikire koigota! Mwaikire konyora obotenenku! Mwanyorire oboruoti intwe totaiyo! Anga mbuya onye mwagambete, erinde naintwe togambe amo nainwe! 9Naki nigo ndoche ng’a Nyasae otobekire intwe abatomwa tobe ab’omoerio ase bonsi, buna abanto bagambetigwe ng’a baitwe, ekiagera twabeire ekiorokererio ki’ogosekererwa ase ense, na ase abamalaika, na ase mwanyabanto. 10Intwe nigo tore abariri ase engencho ya Kristo, korende inwe nigo more abang’aini ase Kristo. Intwe nigo tore abareu, korende inwe nigo more ne chinguru. Inwe nigo mosikire, korende intwe tochayire. 11Nonya ngoika egeka eke kia bono ntore nenchara na erang’o, naende nigo tore gesobono; iga togoakwa chinkundi titori nobomenyo, 12naende nigo togochandeka gatogokora emeremo namaboko aito abanyene. Ekero tokoramwa, twasesenia; ekero togochandwa, twaremereria; 13ekero togokwanwa bobe, intwe twaebereria. Twakorirwe buna eogoto y’ense na eubi y’ebinto bionsi goika bono.
Obotebereria bwa ise bw’obwanchani, na ogokurera
14Tinyarigeti aya ase okobasookia, korende nkobakurera buna abana nyanchete. 15Naki nonya more nabatebereria chilifu ikomi ase Kristo, timori nabaiso abange. Naki ase Kristo Yeso nabeire buna iso, obaiboire ase enchili. 16Gaki nabasoroire, mobe abegi baane. 17Ase ayio natomire Timotheo asemore, oyore omwana one omwanchwa, na omwegenwa ase Omonene. Nere orabainyorie buna chingencho chiane chire ase Kristo, buna nkoborokereria kera aase ase kera ekanisa, 18Abande asemore baenenire ekiagera bakagire ng’a tindi gocha asemore. 19Korende ninchiche asemore bwango, Omonene karanche, na inche nimanye chinguru chiabo abwo bakoenena, gose tari ogokwana kwabo. 20Naki oboruoti bwa Nyasae tibori ase ogokwana, korende ase chinguru. 21Naki morigetie? Inchiche asemore nenyimbo gose nobwanchani ase omoika bw’obwororo?
Currently Selected:
1 ABAKORINTO 4: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
1 ABAKORINTO 4
4
Oboteneneri bw’abatomwa ase obosio bwa Nyasae
1Omonto natobare iga, ng’a nabasomba ba Kristo tore, na abarendi b’obobisi bwa Nyasae. 2Agwo naende ayarigirie ase abarendi naro aya: banyorekane ng’a nabegenwa bare. 3Asende inche, tai gento ngambigwe nainwe, gose na kegambero kende gionsi kia mwanyabanto. Nonya ninche omonyene tinkwegambia. 4Naki timanyeti engencho y’ogwesoera inche omonyene, korende timbareiri oboronge ase engencho y’ayio. Omonene nere orangambie. 5Ase ayio timogamba ing’ana rinde rionsi engaki etaraika, ekero Omonene ataracha; nere orabaorokerie ayabisegete ase omosunte, na koorokia amang’ana are ase chinkoro ime. Erio nario kera omonto aranyore ogotogigwa kwaye korwa ase Nyasae.
6Amang’ana aya, baminto, nayakwanire igoro yane na igoro y’Apolo ase engencho yaino, erinde ase amang’ana aito monyare kweorokereria timotamboka ase amang’ana arikire. Omonto taenena ase oyomo mamincha y’oria onde. 7Naki ning’o ogwatananire aye noyonde? Inki ore nakio otanyoreti buna ekeegwa? Onye gwakenyorire buna ekeegwa, inki rende ogwetogeria buna tikiarenge ekeegwa?
8Mwaikire koigota! Mwaikire konyora obotenenku! Mwanyorire oboruoti intwe totaiyo! Anga mbuya onye mwagambete, erinde naintwe togambe amo nainwe! 9Naki nigo ndoche ng’a Nyasae otobekire intwe abatomwa tobe ab’omoerio ase bonsi, buna abanto bagambetigwe ng’a baitwe, ekiagera twabeire ekiorokererio ki’ogosekererwa ase ense, na ase abamalaika, na ase mwanyabanto. 10Intwe nigo tore abariri ase engencho ya Kristo, korende inwe nigo more abang’aini ase Kristo. Intwe nigo tore abareu, korende inwe nigo more ne chinguru. Inwe nigo mosikire, korende intwe tochayire. 11Nonya ngoika egeka eke kia bono ntore nenchara na erang’o, naende nigo tore gesobono; iga togoakwa chinkundi titori nobomenyo, 12naende nigo togochandeka gatogokora emeremo namaboko aito abanyene. Ekero tokoramwa, twasesenia; ekero togochandwa, twaremereria; 13ekero togokwanwa bobe, intwe twaebereria. Twakorirwe buna eogoto y’ense na eubi y’ebinto bionsi goika bono.
Obotebereria bwa ise bw’obwanchani, na ogokurera
14Tinyarigeti aya ase okobasookia, korende nkobakurera buna abana nyanchete. 15Naki nonya more nabatebereria chilifu ikomi ase Kristo, timori nabaiso abange. Naki ase Kristo Yeso nabeire buna iso, obaiboire ase enchili. 16Gaki nabasoroire, mobe abegi baane. 17Ase ayio natomire Timotheo asemore, oyore omwana one omwanchwa, na omwegenwa ase Omonene. Nere orabainyorie buna chingencho chiane chire ase Kristo, buna nkoborokereria kera aase ase kera ekanisa, 18Abande asemore baenenire ekiagera bakagire ng’a tindi gocha asemore. 19Korende ninchiche asemore bwango, Omonene karanche, na inche nimanye chinguru chiabo abwo bakoenena, gose tari ogokwana kwabo. 20Naki oboruoti bwa Nyasae tibori ase ogokwana, korende ase chinguru. 21Naki morigetie? Inchiche asemore nenyimbo gose nobwanchani ase omoika bw’obwororo?
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020