1 ABAKORINTO 15
15
Okobokigwa gwa Kristo
1Bono baminto, nkobainyoria nde enchili eyio nabaranderetie; nero mwanyorete, na ase eyio nao moteneine, 2na ase eyio mwatoorigwe, onye mwabwatire mono amang’ana nabaranderetie. Onye taibo, rirorio nigo mwegenete bosa.
3Naki ritang’ani nabarenterete amang’ana aya nanyorete inche omonyene, ng’a Kristo nigo akwete ase engencho y’ebibe biaito, buna amariko agoteba; 4naende agatindekwa, erio akaboka rituko ria gatato, buna amariko agoteba; 5naende akaorokera Kefa; naende na baria ikomi na babere. 6Nyuma akaorokera abaminto kobua amagana atano amo. Abange ase abwo moyo bare nonya mbono, abande bakure. 7Nyuma y’ayio akaorokera Yakobo, erio abatomwa bonsi. 8Na omoerio akang’orokera nainche. Inche nigo inde buna oyoiboretwe ase ekero getare boronge. 9Naki inche nomoke ase abatomwa, ntagwenereti korokwa omotomwa, ekiagera nachandete ekanisa ya Nyasae. 10Korende ase obuya bwa Nyasae nabeire buna inde; na obuya bwaye bore asende tibwarenge bosa. Korende kobua mono nakorire emeremo goetania bonsi, gose tari inche, korende obuya bwa Nyasae obore amo nainche. 11Gaki onye ninche, onye mbaria, naboigo tokorandia, naboigo mwegenete.
Okobokigwa kw’abakure
12Bono onye Kristo orandigwe asemore buna nabogetigwe korwa ase abakure, naki rende abande asemore bagoteba ng’a kobokigwa kw’abakure tikori? 13Korende onye okobokigwa kw’abakure tikori, rirorio Kristo nere tabogetigwe. 14Naende onye Kristo tabogetigwe, rirorio okorandia gwaito nokwa bosa, na okwegena kwaino nokwa bosa. 15Ee, naintwe rirorio twarorekanire koba birori b’oborimo ba Nyasae, ekiagera twatebete ng’a Nyasae nigo abogetie Kristo, oyo rirorio tamobogetie, onye abakure tibakobokigwa. 16Naki onye abakure tibakobokigwa, rirorio Kristo nere tabogetigwe. 17Na onye Kristo tabogetigwe, okwegena kwaino nokwa bosa; nigo more nonya mbono ase ebibe biaino. 18Naende nabwo bakwete ase Kristo basirire. 19Onye nase obogima obo bwoka tosemeretie Kristo, rirorio intwe nabataka tore kobua abanto bonsi.
20Korende bono nekeene ng’a Kristo obokigwe korwa ase abakure buna ogotongorwa kw’abakure. 21Naki buna amakweri arentetwe nomonto, naboigo nokobokigwa kw’abakure kwarentirwe nomonto. 22Ekiagera buna ase Adamu bonsi bagokwa, naboigo nase Kristo bonsi nababe moyo, 23korende kera oyomo aase aye; Kristo agatongora, naende ekero arachiche, abare abaye nababe moyo. 24Erio agwo omoerio ochiche, ekero arae Nyasae Tata oboruoti, nyuma gasaririe kera obogambi na kera okobua ne chinguru. 25Naki negwenerete ere agambe, goika abeke ababisa bonsi inse ase amagoro aye. 26Omobisa bw’omoerio orasirigwe namakweri. 27“Naki Nyasae obekire ebinto bionsi inse ase amagoro aye.” Korende ekero agoteba, “Bionsi biabekirwe inse asare”, nigo amanyekanete ng’a Nyasae, oyobegete ebinto bionsi inse asare, tabariri ase ebinto ebio. 28Gaki ebinto bionsi kobiabekirwe inse asare, erio agwo Omwana omonyene nere nabekwe inse ase Nyasae, oyo obegete ebinto bionsi inse asare, erinde Nyasae abe nokobua ase bionsi.
29Inee! Aba bakobatiswa ase engencho y’abakure, naki rende bagokora? Onye abakure tibakoboka nonya ng’ake, nase ki bakobatiswa ase engencho yabo? 30Nase ki tore nemechando kera engaki? 31Ekeene baminto, ase ogwetogia kwane inde nakwo asemore ase Kristo Yeso Omonene oito, nigo n gokwa kera rituko. 32Onye, nase engencho ya mwanyabanto, nkarwana ne ching’iti chintindi aaria Efeso, inki erangwenere? Onye abakure tibakoboka, “Tiga torie na konywa, ekiagera ankio natokwe.” 33Timong’aineka! “Egosori embe nigo egosaria chingencho chingiya.” 34Boka buna egwenerete ase oboronge, timokora ebibe naende. Naki abande tibamomanyeti Nyasae. Natebire aya ase okobasookia.
35Korende omonto naborie, “Naki abakure baraboke? Naende mobere ki barache noro?” 36Omoriri oyo, eke ogosimeka aye, tikeri komera getakweti. 37Neke ogosimeka, tori gosimeka egento keria kegocha koba, korende embusuro yoka; onye nengano gose mbusuru ende yonsi. 38Korende Nyasae ayea ekieni buna anchete, na kera embusuro ayea ekieni kiaye. 39Chinyama chionsi tichiri echimo; korende echinde nechia mwanyabanto, echinde nechie ching’iti, echinde nechie chinyoni, na echinde nechie chinswe. 40Naende mbire igoro ebitongwa bitongire, na mbire ase ense ebitongwa bitongire, korende obonene bw’ebia igoro nigo bore ao, na obonene bw’ebia nse nigo bore ao. 41Obonene bw’erioba nigo bore ao, na obonene bw’omotienyi nigo bore ao, na obonene bwe ching’enang’eni nigo bore ao, naende ogwatananekana nkore ase egati ye ching’enang’eni chinyene ase obonene.
42Naboigo nokobokigwa kw’abakure. Osimekwa ase ogosareka, obokigwa ase ogotasareka. 43Osimekwa ase obosooku, obokigwa ase obonene; osimekwa ase oboreu, obokigwa ase chinguru. 44Omobere o mwanyabanto osimekwa, korende omobere bw’omoika obokigwa. Onye omobere o mwanyabanto oreo, naboigo noyo bw’omoika noreo. 45Naboigo erikire, “Omonto bwe ritang’ani Adamu akaba omonto ore moyo”, Adamu bw’omoerio akaba omoika bw’okoa obogima. 46Korende oria orenge bw’omoika, tari oro orenge bwe ritang’ani, korende noria bw’omobere o mwanyabanto orenge bwe ritang’ani; nyuma y’ayio oria bw’omoika. 47Omonto bwe ritang’ani akarwa inse, agatongwa korwa ase amaroba; omonto o kabere akarwa igoro. 48Buna omonto oyo bw’amaroba arenge, naboigo nab’amaroba bare; na buna omonto o igoro are, naboigo naba igoro bare. 49Na buna tobogoretie ekieni ki’oria bw’amaroba, naboigo torabogorie ekieni ki’oria o igoro. 50Abaminto, aya nkobatebia naya, ng’a omobere na amanyinga tibikonyora omwando bw’oboruoti bwa Nyasae; gose ogosareka tigokonyora omwando bw’ogotasareka.
51Rigereria, aya nkobatebia nobobisi. Titogokwa intwe twensi, korende twensi natoonchorwe, 52ase ekero egesinini, okomiamia na okoramokia, ekero ki’egetureri ki’omoerio. Naki egetureri nakebuge, na abakure nababokigwe, tibaba nogosareka, na intwe natoonchorwe. 53Naki ogosareka kwagweneire koboigwe ogotasareka, na ogokwa koboigwe ogotakwa. 54Ekero oyo bw’ogosareka oranyore ogotasareka, na oyo bw’ogokwa oranyore ogotakwa; erio naribe ring’ana riria ririkire,
“Amakweri amerirwe ase okobua.”
55“Amakweri, ng’ai okobua kwao kore?
Amakweri, ng’ai obororo bwao bore?”
56Obororo bw’amakweri nebibe, ne chinguru chi’ebibe namachiko. 57Korende mbuya mono ase Nyasae, ere oyogotoa okobua goetera ase Omonene oito Yeso Kristo.
58Gaki baminto, abanchwa, mobe ne chinguru, motari gotengechingwa, momente mono gokora emeremo y’Omonene ase amatuko onsi, momanye ng’a emeremo yaino ase Omonene teri bosa.
Currently Selected:
1 ABAKORINTO 15: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
1 ABAKORINTO 15
15
Okobokigwa gwa Kristo
1Bono baminto, nkobainyoria nde enchili eyio nabaranderetie; nero mwanyorete, na ase eyio nao moteneine, 2na ase eyio mwatoorigwe, onye mwabwatire mono amang’ana nabaranderetie. Onye taibo, rirorio nigo mwegenete bosa.
3Naki ritang’ani nabarenterete amang’ana aya nanyorete inche omonyene, ng’a Kristo nigo akwete ase engencho y’ebibe biaito, buna amariko agoteba; 4naende agatindekwa, erio akaboka rituko ria gatato, buna amariko agoteba; 5naende akaorokera Kefa; naende na baria ikomi na babere. 6Nyuma akaorokera abaminto kobua amagana atano amo. Abange ase abwo moyo bare nonya mbono, abande bakure. 7Nyuma y’ayio akaorokera Yakobo, erio abatomwa bonsi. 8Na omoerio akang’orokera nainche. Inche nigo inde buna oyoiboretwe ase ekero getare boronge. 9Naki inche nomoke ase abatomwa, ntagwenereti korokwa omotomwa, ekiagera nachandete ekanisa ya Nyasae. 10Korende ase obuya bwa Nyasae nabeire buna inde; na obuya bwaye bore asende tibwarenge bosa. Korende kobua mono nakorire emeremo goetania bonsi, gose tari inche, korende obuya bwa Nyasae obore amo nainche. 11Gaki onye ninche, onye mbaria, naboigo tokorandia, naboigo mwegenete.
Okobokigwa kw’abakure
12Bono onye Kristo orandigwe asemore buna nabogetigwe korwa ase abakure, naki rende abande asemore bagoteba ng’a kobokigwa kw’abakure tikori? 13Korende onye okobokigwa kw’abakure tikori, rirorio Kristo nere tabogetigwe. 14Naende onye Kristo tabogetigwe, rirorio okorandia gwaito nokwa bosa, na okwegena kwaino nokwa bosa. 15Ee, naintwe rirorio twarorekanire koba birori b’oborimo ba Nyasae, ekiagera twatebete ng’a Nyasae nigo abogetie Kristo, oyo rirorio tamobogetie, onye abakure tibakobokigwa. 16Naki onye abakure tibakobokigwa, rirorio Kristo nere tabogetigwe. 17Na onye Kristo tabogetigwe, okwegena kwaino nokwa bosa; nigo more nonya mbono ase ebibe biaino. 18Naende nabwo bakwete ase Kristo basirire. 19Onye nase obogima obo bwoka tosemeretie Kristo, rirorio intwe nabataka tore kobua abanto bonsi.
20Korende bono nekeene ng’a Kristo obokigwe korwa ase abakure buna ogotongorwa kw’abakure. 21Naki buna amakweri arentetwe nomonto, naboigo nokobokigwa kw’abakure kwarentirwe nomonto. 22Ekiagera buna ase Adamu bonsi bagokwa, naboigo nase Kristo bonsi nababe moyo, 23korende kera oyomo aase aye; Kristo agatongora, naende ekero arachiche, abare abaye nababe moyo. 24Erio agwo omoerio ochiche, ekero arae Nyasae Tata oboruoti, nyuma gasaririe kera obogambi na kera okobua ne chinguru. 25Naki negwenerete ere agambe, goika abeke ababisa bonsi inse ase amagoro aye. 26Omobisa bw’omoerio orasirigwe namakweri. 27“Naki Nyasae obekire ebinto bionsi inse ase amagoro aye.” Korende ekero agoteba, “Bionsi biabekirwe inse asare”, nigo amanyekanete ng’a Nyasae, oyobegete ebinto bionsi inse asare, tabariri ase ebinto ebio. 28Gaki ebinto bionsi kobiabekirwe inse asare, erio agwo Omwana omonyene nere nabekwe inse ase Nyasae, oyo obegete ebinto bionsi inse asare, erinde Nyasae abe nokobua ase bionsi.
29Inee! Aba bakobatiswa ase engencho y’abakure, naki rende bagokora? Onye abakure tibakoboka nonya ng’ake, nase ki bakobatiswa ase engencho yabo? 30Nase ki tore nemechando kera engaki? 31Ekeene baminto, ase ogwetogia kwane inde nakwo asemore ase Kristo Yeso Omonene oito, nigo n gokwa kera rituko. 32Onye, nase engencho ya mwanyabanto, nkarwana ne ching’iti chintindi aaria Efeso, inki erangwenere? Onye abakure tibakoboka, “Tiga torie na konywa, ekiagera ankio natokwe.” 33Timong’aineka! “Egosori embe nigo egosaria chingencho chingiya.” 34Boka buna egwenerete ase oboronge, timokora ebibe naende. Naki abande tibamomanyeti Nyasae. Natebire aya ase okobasookia.
35Korende omonto naborie, “Naki abakure baraboke? Naende mobere ki barache noro?” 36Omoriri oyo, eke ogosimeka aye, tikeri komera getakweti. 37Neke ogosimeka, tori gosimeka egento keria kegocha koba, korende embusuro yoka; onye nengano gose mbusuru ende yonsi. 38Korende Nyasae ayea ekieni buna anchete, na kera embusuro ayea ekieni kiaye. 39Chinyama chionsi tichiri echimo; korende echinde nechia mwanyabanto, echinde nechie ching’iti, echinde nechie chinyoni, na echinde nechie chinswe. 40Naende mbire igoro ebitongwa bitongire, na mbire ase ense ebitongwa bitongire, korende obonene bw’ebia igoro nigo bore ao, na obonene bw’ebia nse nigo bore ao. 41Obonene bw’erioba nigo bore ao, na obonene bw’omotienyi nigo bore ao, na obonene bwe ching’enang’eni nigo bore ao, naende ogwatananekana nkore ase egati ye ching’enang’eni chinyene ase obonene.
42Naboigo nokobokigwa kw’abakure. Osimekwa ase ogosareka, obokigwa ase ogotasareka. 43Osimekwa ase obosooku, obokigwa ase obonene; osimekwa ase oboreu, obokigwa ase chinguru. 44Omobere o mwanyabanto osimekwa, korende omobere bw’omoika obokigwa. Onye omobere o mwanyabanto oreo, naboigo noyo bw’omoika noreo. 45Naboigo erikire, “Omonto bwe ritang’ani Adamu akaba omonto ore moyo”, Adamu bw’omoerio akaba omoika bw’okoa obogima. 46Korende oria orenge bw’omoika, tari oro orenge bwe ritang’ani, korende noria bw’omobere o mwanyabanto orenge bwe ritang’ani; nyuma y’ayio oria bw’omoika. 47Omonto bwe ritang’ani akarwa inse, agatongwa korwa ase amaroba; omonto o kabere akarwa igoro. 48Buna omonto oyo bw’amaroba arenge, naboigo nab’amaroba bare; na buna omonto o igoro are, naboigo naba igoro bare. 49Na buna tobogoretie ekieni ki’oria bw’amaroba, naboigo torabogorie ekieni ki’oria o igoro. 50Abaminto, aya nkobatebia naya, ng’a omobere na amanyinga tibikonyora omwando bw’oboruoti bwa Nyasae; gose ogosareka tigokonyora omwando bw’ogotasareka.
51Rigereria, aya nkobatebia nobobisi. Titogokwa intwe twensi, korende twensi natoonchorwe, 52ase ekero egesinini, okomiamia na okoramokia, ekero ki’egetureri ki’omoerio. Naki egetureri nakebuge, na abakure nababokigwe, tibaba nogosareka, na intwe natoonchorwe. 53Naki ogosareka kwagweneire koboigwe ogotasareka, na ogokwa koboigwe ogotakwa. 54Ekero oyo bw’ogosareka oranyore ogotasareka, na oyo bw’ogokwa oranyore ogotakwa; erio naribe ring’ana riria ririkire,
“Amakweri amerirwe ase okobua.”
55“Amakweri, ng’ai okobua kwao kore?
Amakweri, ng’ai obororo bwao bore?”
56Obororo bw’amakweri nebibe, ne chinguru chi’ebibe namachiko. 57Korende mbuya mono ase Nyasae, ere oyogotoa okobua goetera ase Omonene oito Yeso Kristo.
58Gaki baminto, abanchwa, mobe ne chinguru, motari gotengechingwa, momente mono gokora emeremo y’Omonene ase amatuko onsi, momanye ng’a emeremo yaino ase Omonene teri bosa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020