Mat 18
18
Nî ûrîkû mûnene makîria ya arîa engî onthe
(Mar 9.33-37; Luka 9.46-48)
1 #
Luka 22.24
Vîndî îo arutwa a Jesû nîmaathiîre kûrîke na makîmûria atîrî, “Nî ûrîkû mûnene makîria ya arîa engî ûthamakirî wa îgûrû?”
2Nake Jesû nîwetire kaana, agîkarûngamia mbere yao, 3#Mar 10.15; Luka 18.17 na akîmeera atîrî, “Nie nîramwîra na ma atî, tiga nwa mûgarûrûkire na mûtuîke ta ciana, mûtigaatonya Ûthamakirî wa îgûrû. 4Mûndû ûrîa mûnene ûthamakirî wa îgûrû, nî ûrîa wînyivagia na agatuîka ta kaana gaka. 5Mûndû wa wonthe ûgwataga kaana ta gaka ûgeni nîûndû wakwa, nî nie agwataga ûgeni.
Magerio
(Mar 9.42-48; Luka 17.1-2)
6“Mûndû wa wonthe angîvîtithia kamwe ga twana tûtû tûmbîtîkîtie, nîkava mûndû ûcio overerwe îthiga rîa kîthîi ngingo, na acoke aikue îriarî kûrîa kûrikîru. 7Na kaî nthî îrî na thîna-î, nîûndû atî kûrî na maûndû matûmaga andû mevie. Maûndû ta mau magatuîkîkaga vingo cionthe, nwatî mûndû ûrîa ûtûmaga maûndû mau mekîke arî na thîna. 8#Mat 5.30 Ethîrwa njara yaku kana kûgûrû gwaku nwa gûtûme wîvie, gûtinie na ûgûte, nî kava ûtonye mwoyorî wa tene na tene wî kîonje kana wî kîthua gûkîra kwîthîrwa na njara ciîrî kana magûrû maîrî na wikue mwakirî wa tene na tene. 9#Mat 5.29 Na ethîrwa riitho rîaku nwa rîtûme wîvie, rîkûûre na ûrîte, nî kava ûtonye mwoyorî wa tene na tene na riitho rîmwe, gûkîra wîthîrwe na metho moîrî na wikue îcuarî rîa mwaki.
Ngerekano ya ng'ondu îrîa yaûrîte
(Luka 15.3-7)
10“Menyererani atî mûtikae kûnyarara kaana wana kamwe ga tûtû tûnini. Nîramwîra na ma atî araika a tuo arîa marî îgûrû methagîrwa marî varî Ngai Vava ûrîa ûrî îgûrû. [11#Luka 19.10 Nîûndû Mûrû wa Mûndû aaûkire kûvonokia arîa maûrîte.]#18.11 Mandîko mamwe matirî 18.11. 12Mûreciria mûndû ûrîa wîthagîrwa na ng'ondu ciake îgana rîmwe, na îmwe ya cio yûre ekaga atîa? Ke nîatiganagîria icio ciîngî mîrongo kenda na kenda nakûu irîmarî na akathiî gûcaria ng'ondu îrîa yûrîte. 13Nîramwîra na ma atî mûndû ûcio ona ng'ondu îo îraûrîte, nîakenaga mûno gûkîra ûrîa akenagua nî ng'ondu mîrongo kenda na kenda irîa itararî mbûru. 14Na njîra wata îo, îthe wenyu ûrîa wî îgûrû ndendaga kamwe ga twana tûtû tûnini tûûra.
Kûrekanîra
15 #
Luka 17.3
“Ethîrwa Mûrwanyûkwe nwa akûvîtîrie, thiî ûmwîre mavîtia make mûrî aîrî tu. Ke angîkûthikîrîria, nîmwacokanîrîra. 16#Gûco 19.15 Nwatî angîrega gûkûthikîrîria, thiî kûrîke mûrî na mûndû ûmwe kana aîrî, nîguo ûndû wa wonthe mûkaaria wîkîrwe vinya nî ûira wa andû aîrî kana athatû. 17Ethîrwa mûrwanyûkwe tîamathikîrîria, îra kanitha ûvoro ûcio; na angîrega kûthikîrîria kanitha, mûtue ta mûndû ûtetîkîtie kana ta mwîtia mbeca cia gooti.
Ûndû ûrîa mûrege na ûrîa mwîtîkîrie
18 #
Mat 16.19; Joh 20.23 “Kwoguo nie nîramwîra nama atîrî, ûndû wa wonthe mûkarega gûkû nthî, wana îgûrû nîûkaaregwa. Naguo ûndû wa wonthe mûgeetîkîra gûkû nthî, wana îgûrû nî ûgeetîkîrwa. 19Na rîngî nîramwîra atî, ethîrwa andû aîrî gatagatîrî kenyu magetîkanîria ûndû ûrîa makûvoya, nîmakaavingîrua ûndû ûcio nî Vava ûrîa ûrî îgûrû. 20Nîûndû varîa andû aîrî kana athatû magomanîte nîûndû wa rîîtwa rîakwa, ngeethagîrwa nîrî vamwe nao.”
Ngerekano ya ndungata îrîa yaregire kûovanîra
21 #
Luka 17.3-4
Nake Petero nîwathiîre kûrî Jesû na akîmûria atîrî, “Mwathani, Mûrwaiya angîmvîtîria maita megana ngîmwovagîra? Nî maita mûgwanja?”
22Nake Jesû nîwamûcokerie atîrî, “Naarî, tî maita mûgwanja, nwatî mîrongo mûgwanja maita mûgwanja. 23Nîûndû ûthamaki wa îgûrû wîkariî ta mûthamaki ûmwe wendire kûmenya ûvoro wa indo ciake irîa ciarî na ndungata ciake. 24Na vîndî îrîa aambîrîrie gûtuîria indo ciake, nîwavirîrwe ndungata îmwe yarî na thirî wake wa mbeca milioni îmwe. 25Na ndungata îo ndîngîavotire kûrîva mûnene wayo mbeca icio. Kwoguo mûthamaki nîwathanire yendue îgatuîke ngombo, wa vamwe na mûka na ciana, na indo cionthe irîa aarî nacio nîguo thirî ûcio ûrîvîke. 26Nayo ndungata îo nîyaturirie maru mbere ya mûthamaki, na îkîmûthaitha îkîmwîraga atîrî, ‘Mwathani, ngirîrîria na nîngaakûrîva thirî waku wonthe.’ 27Nake mûthamaki nîweguîrîre ndungata îo ntha, akîmîrekera thirî ûcio, na akîmîrekereria îthiî.
28“Nayo ndungata îo nîyacokire îkiuma, na îgîtûngana na ndungata îmwe ya arîa maarutaga wîra nayo na yarî na thirî wake wa mbeca îgana rîmwe. Ndungata îo nîyamûnyitire ngingo na vinya îkîmîvivinya mîmero îkîmîraga atîrî, ‘Ndîva thirî wakwa wonthe.’ 29Nayo ndungata îo nîyaturirie maru na îkîmûthaitha atîrî, ‘Ngirîrîria na nîngaakûrîva thirî waku.’ 30Nayo ndungata îo nîyaregire kûmûkirîrîria, na îthenya rîa ûguo, nîyaugire ndungata îo yarî na thirî wake iikue njeera nginya rîrîa îkaarîva thirî. 31Nacio ndungata icio ciîngî ciona ûrîa gwekîkîte nîciarakarire mûno. Nacio nîciathiîre kûrî mûthamaki na ikîmwîra ûrîa wonthe wekîkire. 32Kwoguo mûthamaki nîwetire ndungata îo aarekerete thirî. Nake nîwamîrire atîrî, ‘We ndungata îno mbaganu, nîrakûrekere thirî wa mbeca cionthe irîa ûraarî nacio, nîûndû nîûranthaithire ngûrekere. 33We wanawe nîûragîrîrwe nî kwîguîra ndungata îo mûrutaga wîra nayo ntha, wata ûrîa nie nîrakwîguîrîre ntha.’ 34Nake mûthamaki nîwarakarire mûno na akîathana ndungata îo iikue njeera na îverithue nginya rîrîa îkaamûrîva thirî wake wonthe.”
35Nake Jesû akîrîkîrîria nîwamerire atîrî, “Ûguo nwaguo Ngai Vava ûrîa wî îgûrû ageeka kûrî mûndû wa wonthe wa cienyu, mûngîrega kûrekera aa mûrwanyûkwe kuuma ngororî cienyu.”
Currently Selected:
Mat 18: KKB
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
Mat 18
18
Nî ûrîkû mûnene makîria ya arîa engî onthe
(Mar 9.33-37; Luka 9.46-48)
1 #
Luka 22.24
Vîndî îo arutwa a Jesû nîmaathiîre kûrîke na makîmûria atîrî, “Nî ûrîkû mûnene makîria ya arîa engî ûthamakirî wa îgûrû?”
2Nake Jesû nîwetire kaana, agîkarûngamia mbere yao, 3#Mar 10.15; Luka 18.17 na akîmeera atîrî, “Nie nîramwîra na ma atî, tiga nwa mûgarûrûkire na mûtuîke ta ciana, mûtigaatonya Ûthamakirî wa îgûrû. 4Mûndû ûrîa mûnene ûthamakirî wa îgûrû, nî ûrîa wînyivagia na agatuîka ta kaana gaka. 5Mûndû wa wonthe ûgwataga kaana ta gaka ûgeni nîûndû wakwa, nî nie agwataga ûgeni.
Magerio
(Mar 9.42-48; Luka 17.1-2)
6“Mûndû wa wonthe angîvîtithia kamwe ga twana tûtû tûmbîtîkîtie, nîkava mûndû ûcio overerwe îthiga rîa kîthîi ngingo, na acoke aikue îriarî kûrîa kûrikîru. 7Na kaî nthî îrî na thîna-î, nîûndû atî kûrî na maûndû matûmaga andû mevie. Maûndû ta mau magatuîkîkaga vingo cionthe, nwatî mûndû ûrîa ûtûmaga maûndû mau mekîke arî na thîna. 8#Mat 5.30 Ethîrwa njara yaku kana kûgûrû gwaku nwa gûtûme wîvie, gûtinie na ûgûte, nî kava ûtonye mwoyorî wa tene na tene wî kîonje kana wî kîthua gûkîra kwîthîrwa na njara ciîrî kana magûrû maîrî na wikue mwakirî wa tene na tene. 9#Mat 5.29 Na ethîrwa riitho rîaku nwa rîtûme wîvie, rîkûûre na ûrîte, nî kava ûtonye mwoyorî wa tene na tene na riitho rîmwe, gûkîra wîthîrwe na metho moîrî na wikue îcuarî rîa mwaki.
Ngerekano ya ng'ondu îrîa yaûrîte
(Luka 15.3-7)
10“Menyererani atî mûtikae kûnyarara kaana wana kamwe ga tûtû tûnini. Nîramwîra na ma atî araika a tuo arîa marî îgûrû methagîrwa marî varî Ngai Vava ûrîa ûrî îgûrû. [11#Luka 19.10 Nîûndû Mûrû wa Mûndû aaûkire kûvonokia arîa maûrîte.]#18.11 Mandîko mamwe matirî 18.11. 12Mûreciria mûndû ûrîa wîthagîrwa na ng'ondu ciake îgana rîmwe, na îmwe ya cio yûre ekaga atîa? Ke nîatiganagîria icio ciîngî mîrongo kenda na kenda nakûu irîmarî na akathiî gûcaria ng'ondu îrîa yûrîte. 13Nîramwîra na ma atî mûndû ûcio ona ng'ondu îo îraûrîte, nîakenaga mûno gûkîra ûrîa akenagua nî ng'ondu mîrongo kenda na kenda irîa itararî mbûru. 14Na njîra wata îo, îthe wenyu ûrîa wî îgûrû ndendaga kamwe ga twana tûtû tûnini tûûra.
Kûrekanîra
15 #
Luka 17.3
“Ethîrwa Mûrwanyûkwe nwa akûvîtîrie, thiî ûmwîre mavîtia make mûrî aîrî tu. Ke angîkûthikîrîria, nîmwacokanîrîra. 16#Gûco 19.15 Nwatî angîrega gûkûthikîrîria, thiî kûrîke mûrî na mûndû ûmwe kana aîrî, nîguo ûndû wa wonthe mûkaaria wîkîrwe vinya nî ûira wa andû aîrî kana athatû. 17Ethîrwa mûrwanyûkwe tîamathikîrîria, îra kanitha ûvoro ûcio; na angîrega kûthikîrîria kanitha, mûtue ta mûndû ûtetîkîtie kana ta mwîtia mbeca cia gooti.
Ûndû ûrîa mûrege na ûrîa mwîtîkîrie
18 #
Mat 16.19; Joh 20.23 “Kwoguo nie nîramwîra nama atîrî, ûndû wa wonthe mûkarega gûkû nthî, wana îgûrû nîûkaaregwa. Naguo ûndû wa wonthe mûgeetîkîra gûkû nthî, wana îgûrû nî ûgeetîkîrwa. 19Na rîngî nîramwîra atî, ethîrwa andû aîrî gatagatîrî kenyu magetîkanîria ûndû ûrîa makûvoya, nîmakaavingîrua ûndû ûcio nî Vava ûrîa ûrî îgûrû. 20Nîûndû varîa andû aîrî kana athatû magomanîte nîûndû wa rîîtwa rîakwa, ngeethagîrwa nîrî vamwe nao.”
Ngerekano ya ndungata îrîa yaregire kûovanîra
21 #
Luka 17.3-4
Nake Petero nîwathiîre kûrî Jesû na akîmûria atîrî, “Mwathani, Mûrwaiya angîmvîtîria maita megana ngîmwovagîra? Nî maita mûgwanja?”
22Nake Jesû nîwamûcokerie atîrî, “Naarî, tî maita mûgwanja, nwatî mîrongo mûgwanja maita mûgwanja. 23Nîûndû ûthamaki wa îgûrû wîkariî ta mûthamaki ûmwe wendire kûmenya ûvoro wa indo ciake irîa ciarî na ndungata ciake. 24Na vîndî îrîa aambîrîrie gûtuîria indo ciake, nîwavirîrwe ndungata îmwe yarî na thirî wake wa mbeca milioni îmwe. 25Na ndungata îo ndîngîavotire kûrîva mûnene wayo mbeca icio. Kwoguo mûthamaki nîwathanire yendue îgatuîke ngombo, wa vamwe na mûka na ciana, na indo cionthe irîa aarî nacio nîguo thirî ûcio ûrîvîke. 26Nayo ndungata îo nîyaturirie maru mbere ya mûthamaki, na îkîmûthaitha îkîmwîraga atîrî, ‘Mwathani, ngirîrîria na nîngaakûrîva thirî waku wonthe.’ 27Nake mûthamaki nîweguîrîre ndungata îo ntha, akîmîrekera thirî ûcio, na akîmîrekereria îthiî.
28“Nayo ndungata îo nîyacokire îkiuma, na îgîtûngana na ndungata îmwe ya arîa maarutaga wîra nayo na yarî na thirî wake wa mbeca îgana rîmwe. Ndungata îo nîyamûnyitire ngingo na vinya îkîmîvivinya mîmero îkîmîraga atîrî, ‘Ndîva thirî wakwa wonthe.’ 29Nayo ndungata îo nîyaturirie maru na îkîmûthaitha atîrî, ‘Ngirîrîria na nîngaakûrîva thirî waku.’ 30Nayo ndungata îo nîyaregire kûmûkirîrîria, na îthenya rîa ûguo, nîyaugire ndungata îo yarî na thirî wake iikue njeera nginya rîrîa îkaarîva thirî. 31Nacio ndungata icio ciîngî ciona ûrîa gwekîkîte nîciarakarire mûno. Nacio nîciathiîre kûrî mûthamaki na ikîmwîra ûrîa wonthe wekîkire. 32Kwoguo mûthamaki nîwetire ndungata îo aarekerete thirî. Nake nîwamîrire atîrî, ‘We ndungata îno mbaganu, nîrakûrekere thirî wa mbeca cionthe irîa ûraarî nacio, nîûndû nîûranthaithire ngûrekere. 33We wanawe nîûragîrîrwe nî kwîguîra ndungata îo mûrutaga wîra nayo ntha, wata ûrîa nie nîrakwîguîrîre ntha.’ 34Nake mûthamaki nîwarakarire mûno na akîathana ndungata îo iikue njeera na îverithue nginya rîrîa îkaamûrîva thirî wake wonthe.”
35Nake Jesû akîrîkîrîria nîwamerire atîrî, “Ûguo nwaguo Ngai Vava ûrîa wî îgûrû ageeka kûrî mûndû wa wonthe wa cienyu, mûngîrega kûrekera aa mûrwanyûkwe kuuma ngororî cienyu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019