Mat 16
16
Afarisai na Asadukai nîmaaûririe maringîrwe kîama
(Mar 8.11-13; Luka 12.54-56)
1 #
Mat 12.38; Luka 11.16 Afarisai amwe na Asadukai nîmaathiîre kûrî Jesû makîenda kûmûgeria. Kwoguo nîmeerire Jesû amaringîre Kîamma kuuma îgûrû nîguo mamenye atî vinya wake umîte kûrî Ngai. 2Nwatî Jesû nîwamacokerie atîrî, “Vîndî îrîa îgûrû gwî gûtune riûa rîkîthûa mugaga atî, ‘Mûthenya nîûkethîrwa wî mwaro.’ 3Na kîraûko rîrîa matu marî mathimbu mugaga atî, ‘Ûmûnthî nî gûkura.’ Mue nwa mûrorie matu na mûkamenya ûrîa mûthenya ûkwîthîrwa wîkariî, nwatî mûtingîvota gûtaûra maûndû marîa marekîka mavinda mama! 4#Mat 12.39; Luka 11.29 Na kaî andû a rûciaro rûrû nî aganu na magatura wîtîkio-î! Mue mûrambûria nîmûringîre Kîamma! Gûtirî Kîamma mûkaaringîrwa tiga kîrîa mwaringîrwe nî Jona.” Kwoguo nîwamatigire akînathiî. #16.4 Mandîko mamwe matirî ciugo cia Jesû irîa irî 16.2-3.
Jesû nîwaringithanirie Afarisai na Asadukai na ndawa ya kwimbia mîgate
(Mar 8.14-21)
5Rîrîa arutwa maaringire mûringo ûcio wîngî wa îria, nîmaariganîrwe nî gûkua mîgate. 6#Luka 12.1 Nake Jesû nîwamerire atîrî, “Îîmenyagîrîreni kuuma kûrî ndawa ya kwimbia mîgate ya Afarisai na Asadukai.”
7Nao arutwa nîmaarîrîrie ûvoro ûcio makiugaga atîrî, “Arauga ûguo nîûndû tûtinakua mîgate.”
8Nake Jesû nîwamenyire ûrîa maaugaga. Kwoguo nîwamaûririe atîrî, “Nîndûî kîratûma mwarîrîrie ûvoro wa ûrîa mûtarî na mîgate? Na kaî wîtîkio wenyu nî mûnini-î? 9#Mat 14.17-21 Anga wana rîu mûtirataûkîrwa? Mûtiraririkana rîrîa nenyûrangîre arûme ngiri ithano mîgate? Mwaûnganirie ciondo ciîgana cia cienywa cia mîgate îrîa yatigarire? 10#Mat 15.34-38 Anga mûtiraririkana rîrîa nenyûrangîre arûme ngiri inya mîgate îrîa mûgwanja? Mwaûnganirie ciondo ciîgana cia cienywa cia mîgate îrîa yatigarire? 11Nî atîa mûtarataûkîrwa atî ndiraaragia namue ûvoro wîgiî mîgate? Îîmenyagîrîreni kuuma kûrî ndawa ya kwimbia mîgate ya Afarisai na Asadukai”
12Nao arutwa nîmaataûkîrwe atî Jesû ndaameeraga memenyerere kuuma kûrî ndawa îrîa imbagia mîgate, nwatî aameraga memenyerere kuuma kûrî maûndû marîa Afarisai na Asadukai mathomithagia.
Petero nîwaumbûrire atî Jesû nî Mesaya
(Mar 8.27-30; Luka 9.18-21)
13Rîrîa Jesû na arutwa ake maakinyire vakuvî na îtûûra rîa Kaisarea Filipi, nîwaûririe arutwa ake atîrî, “Andû maugaga Mûrû wa Mûndû nû?”
14 #
Mat 14.1-2; Mar 6.14-15; Luka 9.7-8 Nao nîmaamûcokerie atîrî, “Andû amwe maugaga atî nî Johana Mûvatithania, engî makauga nî Elija, nao engî makauga atî nî Jeremia kana ûmwe wa arathi.”
15Nîwacokire akîmaûria atîrî, “Mue namue mugaga nie nîrî û?”
16Nake Petero nîwamûcokerie atîrî, “We nîwe Mesaya Mûriû wa Ngai ûrîa ûtûûraga mwoyo.”
Nake Jesû nîwacokirie atîrî,
17“Kûrathimwa nîwe Simioni mûrû wa Jona. Tî mûndû ûkûmenyithîtie ûûma ûyû, nwatî nî Vava ûrîa ûrî îgûrû. 18Kwoguo nîrakwîra atîrî Petero, we ûrî îthiga, na îgûrû rîa îthiga rîîrî nie nîngaatuma kanitha wakwa, wana nginya gîkuû gîtigaatoria kanitha ûcio. 19#Mat 18.18; Joh 20.23 Nie nîngaakûva cavi cia Ûthamaki wa Îgûrû, na kîrîa kîonthe ûgaakanania gûkû nthî, wana îgûrû nîgîgaakananua. Na kîrîa kîonthe ûgeetîkîra gûkû nthî, wana îgûrû nîgîgeetîkîrwa.”
20Nake Jesû nîwacokire agîkaania arutwa ake matikeere mûndû wana ûrîkû atî ke nîke Mesaya.
Jesû nîwaririe ûvoro wîgiî kûthînua na gûkua gwake
(Mar 8.31—9.1; Luka 9.22-27)
21Kuuma vîndî îo Jesû nîwambîrîrie kwîra arutwa ake atîrî, “Nwa nginya nthiî Jerusalemu na nyamarue nî athuuri, anene a athînjîri-Ngai na arimû a Watho. Nîmakaambûraga, nwatî mûthenya wa kathatû nîngaariûkua.”
22Nake Petero nîwetire Jesû. Na maathiî ndundu, nîwambîrîrie kûmûkaania akîmwîraga atîrî, “Mwathani, ûguo gûtingîvotekeka kûrî we.”
23Jesû nîwavûgûkire akîroria Petero na akîmwîra atîrî, “Uma vakuvî na nie, Caitani! We wî mûvînga kûrî nie, nîûndû meciria maku matiumîte kûrî Ngai maumîte kûrî andû.”
24 #
Mat 10.38; Luka 14.27 Nake Jesû nîwacokire akîîra arutwa ake atîrî, “Mûndû wa wonthe ûngîenda kûnûmîrîra nwa nginya erege, akuue mûtharava wake na anûmîrîre. 25#Mat 10.39; Luka 17.33; Joh 12.25 Nîûndû mûndû ûrîa wendaga kûvonokia mwoyo wake nîakaaûrwa nîguo. Nwatî mûndû ûrîa ûragwa nî mwoyo wake nîûndû wakwa nîakaawona. 26Kûrî umithio ûrîkû wa mûndû kûgîa na ûtonga wa nthî yonthe nwatî acoke aûrwe nî mwoyo wake? Gûtirî kîndû wana kîmwe mûndû angîkûûranania mwoyo wake nakîo. 27#Mat 25.31; Tha 62.12; Aro 2.6 Nîramwîra maûndû mama monthe nîûndû Mûrû wa Mûndû arî vakuvî gûka arî na riiri wa îthe na araika ake. Na nîagaacoka arîve mûndû wa wonthe kûringana na ciîko ciake. 28Nîramwîra nama atî kûrî na andû amwe marûngamîte ava matagaakua mbere ya moona Mûrû wa Mûndû agîûka arî Mûthamaki.”
Currently Selected:
Mat 16: KKB
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
Mat 16
16
Afarisai na Asadukai nîmaaûririe maringîrwe kîama
(Mar 8.11-13; Luka 12.54-56)
1 #
Mat 12.38; Luka 11.16 Afarisai amwe na Asadukai nîmaathiîre kûrî Jesû makîenda kûmûgeria. Kwoguo nîmeerire Jesû amaringîre Kîamma kuuma îgûrû nîguo mamenye atî vinya wake umîte kûrî Ngai. 2Nwatî Jesû nîwamacokerie atîrî, “Vîndî îrîa îgûrû gwî gûtune riûa rîkîthûa mugaga atî, ‘Mûthenya nîûkethîrwa wî mwaro.’ 3Na kîraûko rîrîa matu marî mathimbu mugaga atî, ‘Ûmûnthî nî gûkura.’ Mue nwa mûrorie matu na mûkamenya ûrîa mûthenya ûkwîthîrwa wîkariî, nwatî mûtingîvota gûtaûra maûndû marîa marekîka mavinda mama! 4#Mat 12.39; Luka 11.29 Na kaî andû a rûciaro rûrû nî aganu na magatura wîtîkio-î! Mue mûrambûria nîmûringîre Kîamma! Gûtirî Kîamma mûkaaringîrwa tiga kîrîa mwaringîrwe nî Jona.” Kwoguo nîwamatigire akînathiî. #16.4 Mandîko mamwe matirî ciugo cia Jesû irîa irî 16.2-3.
Jesû nîwaringithanirie Afarisai na Asadukai na ndawa ya kwimbia mîgate
(Mar 8.14-21)
5Rîrîa arutwa maaringire mûringo ûcio wîngî wa îria, nîmaariganîrwe nî gûkua mîgate. 6#Luka 12.1 Nake Jesû nîwamerire atîrî, “Îîmenyagîrîreni kuuma kûrî ndawa ya kwimbia mîgate ya Afarisai na Asadukai.”
7Nao arutwa nîmaarîrîrie ûvoro ûcio makiugaga atîrî, “Arauga ûguo nîûndû tûtinakua mîgate.”
8Nake Jesû nîwamenyire ûrîa maaugaga. Kwoguo nîwamaûririe atîrî, “Nîndûî kîratûma mwarîrîrie ûvoro wa ûrîa mûtarî na mîgate? Na kaî wîtîkio wenyu nî mûnini-î? 9#Mat 14.17-21 Anga wana rîu mûtirataûkîrwa? Mûtiraririkana rîrîa nenyûrangîre arûme ngiri ithano mîgate? Mwaûnganirie ciondo ciîgana cia cienywa cia mîgate îrîa yatigarire? 10#Mat 15.34-38 Anga mûtiraririkana rîrîa nenyûrangîre arûme ngiri inya mîgate îrîa mûgwanja? Mwaûnganirie ciondo ciîgana cia cienywa cia mîgate îrîa yatigarire? 11Nî atîa mûtarataûkîrwa atî ndiraaragia namue ûvoro wîgiî mîgate? Îîmenyagîrîreni kuuma kûrî ndawa ya kwimbia mîgate ya Afarisai na Asadukai”
12Nao arutwa nîmaataûkîrwe atî Jesû ndaameeraga memenyerere kuuma kûrî ndawa îrîa imbagia mîgate, nwatî aameraga memenyerere kuuma kûrî maûndû marîa Afarisai na Asadukai mathomithagia.
Petero nîwaumbûrire atî Jesû nî Mesaya
(Mar 8.27-30; Luka 9.18-21)
13Rîrîa Jesû na arutwa ake maakinyire vakuvî na îtûûra rîa Kaisarea Filipi, nîwaûririe arutwa ake atîrî, “Andû maugaga Mûrû wa Mûndû nû?”
14 #
Mat 14.1-2; Mar 6.14-15; Luka 9.7-8 Nao nîmaamûcokerie atîrî, “Andû amwe maugaga atî nî Johana Mûvatithania, engî makauga nî Elija, nao engî makauga atî nî Jeremia kana ûmwe wa arathi.”
15Nîwacokire akîmaûria atîrî, “Mue namue mugaga nie nîrî û?”
16Nake Petero nîwamûcokerie atîrî, “We nîwe Mesaya Mûriû wa Ngai ûrîa ûtûûraga mwoyo.”
Nake Jesû nîwacokirie atîrî,
17“Kûrathimwa nîwe Simioni mûrû wa Jona. Tî mûndû ûkûmenyithîtie ûûma ûyû, nwatî nî Vava ûrîa ûrî îgûrû. 18Kwoguo nîrakwîra atîrî Petero, we ûrî îthiga, na îgûrû rîa îthiga rîîrî nie nîngaatuma kanitha wakwa, wana nginya gîkuû gîtigaatoria kanitha ûcio. 19#Mat 18.18; Joh 20.23 Nie nîngaakûva cavi cia Ûthamaki wa Îgûrû, na kîrîa kîonthe ûgaakanania gûkû nthî, wana îgûrû nîgîgaakananua. Na kîrîa kîonthe ûgeetîkîra gûkû nthî, wana îgûrû nîgîgeetîkîrwa.”
20Nake Jesû nîwacokire agîkaania arutwa ake matikeere mûndû wana ûrîkû atî ke nîke Mesaya.
Jesû nîwaririe ûvoro wîgiî kûthînua na gûkua gwake
(Mar 8.31—9.1; Luka 9.22-27)
21Kuuma vîndî îo Jesû nîwambîrîrie kwîra arutwa ake atîrî, “Nwa nginya nthiî Jerusalemu na nyamarue nî athuuri, anene a athînjîri-Ngai na arimû a Watho. Nîmakaambûraga, nwatî mûthenya wa kathatû nîngaariûkua.”
22Nake Petero nîwetire Jesû. Na maathiî ndundu, nîwambîrîrie kûmûkaania akîmwîraga atîrî, “Mwathani, ûguo gûtingîvotekeka kûrî we.”
23Jesû nîwavûgûkire akîroria Petero na akîmwîra atîrî, “Uma vakuvî na nie, Caitani! We wî mûvînga kûrî nie, nîûndû meciria maku matiumîte kûrî Ngai maumîte kûrî andû.”
24 #
Mat 10.38; Luka 14.27 Nake Jesû nîwacokire akîîra arutwa ake atîrî, “Mûndû wa wonthe ûngîenda kûnûmîrîra nwa nginya erege, akuue mûtharava wake na anûmîrîre. 25#Mat 10.39; Luka 17.33; Joh 12.25 Nîûndû mûndû ûrîa wendaga kûvonokia mwoyo wake nîakaaûrwa nîguo. Nwatî mûndû ûrîa ûragwa nî mwoyo wake nîûndû wakwa nîakaawona. 26Kûrî umithio ûrîkû wa mûndû kûgîa na ûtonga wa nthî yonthe nwatî acoke aûrwe nî mwoyo wake? Gûtirî kîndû wana kîmwe mûndû angîkûûranania mwoyo wake nakîo. 27#Mat 25.31; Tha 62.12; Aro 2.6 Nîramwîra maûndû mama monthe nîûndû Mûrû wa Mûndû arî vakuvî gûka arî na riiri wa îthe na araika ake. Na nîagaacoka arîve mûndû wa wonthe kûringana na ciîko ciake. 28Nîramwîra nama atî kûrî na andû amwe marûngamîte ava matagaakua mbere ya moona Mûrû wa Mûndû agîûka arî Mûthamaki.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019