Mat 14
14
Gûkua kwa Johana Mûvatithania
(Mar 6.14-29; Luka 9.7-9)
1Kavinda wa kau, Herode ûrîa wathanaga Galili nîwegwire ngumo ya Jesû, 2na akîîra ndungata ciake atîrî, “Ûyû nî Johana Mûvatithania ûriûkîte, na nîkîo arî na ûvoti wa kûringa ciama.”
3 #
Luka 3.19-20
Mbere ya ûguo Herode nîwathanîte Johana anyitwe, ovwe na mvîngû na acoke aikue njeera. Herode eekire ûguo nîûndû wa Herodia ûrîa warî mûka wa mûrwang'ina Filipu. 4#Ala 18.16; 20.21 Johana nîwekaraga akîîraga Herode atîrî, “Watho ndûgwîtîkîrîtie ûvikie Herodia!” 5Herode nîwendaga kûûragithia Johana, nwatî nîwetigagîra Ayahudi nîûndû o meetîkîtie atî Johana aarî mûrathi.
6Rîrîa mûthenya wa gûkûngûîra gûciarwa kwa Herode wakinyire, mwarî wa Herodia nîweinirie arî mbere ya ageni onthe. Herode nîwakenirue mûno nî mwîrîtu ûcio, 7na akîîrîra mwîrîtu ûcio akîîvîtaga atî nîakûmûva kîndû wa kîonthe kîrîa angîmwîtia.
8Nake mwîrîtu ûcio nîwerirwe nî ng'ina kîrîa agwîtia. Kwoguo nîwerire Herode atîrî, “Mva wa rîu kîongo Kîam Johana Mûvatithania kîrî thaanirî.”
9Mûthamaki nîwegwire kîeva kîîngî mûno, nwatî nîûndû wa ûrîa eevîtîte arî mbere ya ageni ake, ke nîwathanire atî mwîrîtu ûcio anengerwe kîrîa eetîtie. 10Kwoguo Herode nîwatûmanire njeera Johana agatinue kîongo. 11Nakîo kîongo kîu nîkîaretirwe kîrî thaanirî na gîkînengerwa mwîrîtu ûcio nake agîkîvira kûrî ng'ina. 12Nao arutwa a Johana nîmaathiîre magîoca mwîrî wake na makîûthika, nao nîmaacokire makîthiî na makîra Jesû.
Jesû nîwavaithirie kîrîndî kînene
(Mar 6.30-44; Luka 9.10-17; Joh 6.1-14)
13Rîrîa Jesû eegwire ûvoro wîgiî Johana, nîwatwîre gatarûrî akiuma kûu na akîthiî vandû vataarî na andû arî wenga. Nwatî rîrîa andû meegwire ûguo, nîmaaumire matûûrarî mao na makîmûrûmîrîra mathiîte na magûrû. 14Rîrîa Jesû aakinyire rûtererî rwa îria, nîwonire kîrîndî kînene na akîringwa nî ntha nîûndû wakîo na akîvonia arîa maarî arwaru.
15Kîvwaî kîu, arutwa a Jesû nîmaathiîre kûrî ke na makîmwîra atîrî, “Gûkû tûrî nî werûrî na nîgûtukire, rekereria andû mathiî na kûu icagirî nîguo makegûrîre kîndû mangîrîa.” 16Nake Jesû nîwamacokerie atîrî, “Matiagîrîrwe nî kûthiî, mue manengereni kîndû mangîrîa.” 17Nao nîmaamûcokerie atîrî, “Ava tûrî na mîgate îtano na nthamaki igîrî tu.” 18Nake Jesû nîwamerire atîrî, “Ireteni ava nîrî.” 19Jesû nîwacokire akîra andû mekare nthî nyakirî. Ke nîwacokire agîoca mîgate îo îtano na nthamaki icio igîrî, akîroria na îgûrû, agîcokia ngatho kûrî Ngai na akîmîrathima. Nîwamîenyûrangire na akîmînenganîra kûrî arutwa magaîre andû. 20Andû onthe nîmaarîre na makîvaa. Nao arutwa nîmaacokire makîûngania matigari na magîcûra ciondo îkûmi na igîrî. 21Andû arîa maarîre mîgate na nthamaki, marî arûme ta ngiri ithano, gûtagûtarwa aka na ciana.
Jesû nîwathiîrîre manjîrî na magûrû
(Mar 6.45-52; Joh 6.15-21)
22Jesû nîwacokire akîra arutwa ake matwe îtarûrî nîguo maringe mûringo ûcio wîngî wa îria mwerua arekereria kîrîndî kînûke. 23Vuva wa kûrekereria kîrîndî, Jesû nîwaunûkirie kîrîmarî arî wenga kûvoya. Na kîvwaî gîakinya, Jesû aarî kîrîmarî arî wenga. 24Kavindarî kau îtarû rîarî îriarî vandû varaca kuuma nthî nyûmû. Narîo îtarû nîrîaikanagua nî makûmbî ma manjî, nîûndû rûkûngi nîrwavurutanaga rwerekerete na kûrîa îtarû rîaumaga.
25Kîraûko tene mûno Jesû nîwakinyire kûrî arutwa ake athiîrîrîte manjîrî. 26Na rîrîa arutwa maamwonire athiîrîrîte manjîrî nîmaamakire mûno na makiuga atîrî, “Îno nî ngoma.” Nao nîmaaugire mbu mûno nîûndû wa guoya.
27Nake Jesû nîwamaarîrie wa rîmwe na akîmeera atîrî, “Nînie, tigani gwîtigîra, îyûmîrîrieni.”
28Nake Petero nîwacokerie Jesû atîrî, “Mwathani, ethîrwa nîwe mbîra mbûke kûrî we nthiîrîrîte manjîrî îgûrû.”
29Nake Jesû nîwamwîrire atîrî, “Ûka.” Kwoguo Petero nîwaumire îtarûrî, na akîambîrîria kûthiîra manjîrî îgûrû erekerete kûrî Jesû. 30Nwatî rîrîa oonire rûkûngi rûnene nîwetigîre, na akîambîrîria kûvorokera manjîrî. Nake nîwaugîrîrie atîrî, “Mwathani, mvonokia!”
31Na wa rîmwe Jesû nîwatambûrûkirie njara akîmûnyita na akîmwîra atîrî, “Kaî wîtîkio waku nî mûnini-î! Nîkî gîtûmire ûgîe na nganja?”
32Rîrîa Jesû na Petero maatwîre gatarûrî, rûkûngi nîrwatigire kûvurutana. 33Nao arutwa arîa maarî gatarûrî nîmaagoocire Jesû makiugaga atîrî, “Nî ma we ûrî Mûriû wa Ngai!”
Jesû nîwavonirie arwaru arî Genesareti
(Mar 6.53-56)
34Rîrîa maaringire îria nîmaakinyire vûrûrirî wa Genesareti. 35Nao andû a vûrûri ûcio nîmaamenyire Jesû. Na kwoguo nîmaatûmanîre andû onthe arîa maarî arwaru nîguo mavirwe kûrî ke. 36Nao nîmaathaithire Jesû etîkîre arwaru mavûrûrie wana ethîrwa nî mîthiia ya nguo yake. Nao arîa onthe maamîvûrûririe nîmaavonirue.
Currently Selected:
Mat 14: KKB
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
Mat 14
14
Gûkua kwa Johana Mûvatithania
(Mar 6.14-29; Luka 9.7-9)
1Kavinda wa kau, Herode ûrîa wathanaga Galili nîwegwire ngumo ya Jesû, 2na akîîra ndungata ciake atîrî, “Ûyû nî Johana Mûvatithania ûriûkîte, na nîkîo arî na ûvoti wa kûringa ciama.”
3 #
Luka 3.19-20
Mbere ya ûguo Herode nîwathanîte Johana anyitwe, ovwe na mvîngû na acoke aikue njeera. Herode eekire ûguo nîûndû wa Herodia ûrîa warî mûka wa mûrwang'ina Filipu. 4#Ala 18.16; 20.21 Johana nîwekaraga akîîraga Herode atîrî, “Watho ndûgwîtîkîrîtie ûvikie Herodia!” 5Herode nîwendaga kûûragithia Johana, nwatî nîwetigagîra Ayahudi nîûndû o meetîkîtie atî Johana aarî mûrathi.
6Rîrîa mûthenya wa gûkûngûîra gûciarwa kwa Herode wakinyire, mwarî wa Herodia nîweinirie arî mbere ya ageni onthe. Herode nîwakenirue mûno nî mwîrîtu ûcio, 7na akîîrîra mwîrîtu ûcio akîîvîtaga atî nîakûmûva kîndû wa kîonthe kîrîa angîmwîtia.
8Nake mwîrîtu ûcio nîwerirwe nî ng'ina kîrîa agwîtia. Kwoguo nîwerire Herode atîrî, “Mva wa rîu kîongo Kîam Johana Mûvatithania kîrî thaanirî.”
9Mûthamaki nîwegwire kîeva kîîngî mûno, nwatî nîûndû wa ûrîa eevîtîte arî mbere ya ageni ake, ke nîwathanire atî mwîrîtu ûcio anengerwe kîrîa eetîtie. 10Kwoguo Herode nîwatûmanire njeera Johana agatinue kîongo. 11Nakîo kîongo kîu nîkîaretirwe kîrî thaanirî na gîkînengerwa mwîrîtu ûcio nake agîkîvira kûrî ng'ina. 12Nao arutwa a Johana nîmaathiîre magîoca mwîrî wake na makîûthika, nao nîmaacokire makîthiî na makîra Jesû.
Jesû nîwavaithirie kîrîndî kînene
(Mar 6.30-44; Luka 9.10-17; Joh 6.1-14)
13Rîrîa Jesû eegwire ûvoro wîgiî Johana, nîwatwîre gatarûrî akiuma kûu na akîthiî vandû vataarî na andû arî wenga. Nwatî rîrîa andû meegwire ûguo, nîmaaumire matûûrarî mao na makîmûrûmîrîra mathiîte na magûrû. 14Rîrîa Jesû aakinyire rûtererî rwa îria, nîwonire kîrîndî kînene na akîringwa nî ntha nîûndû wakîo na akîvonia arîa maarî arwaru.
15Kîvwaî kîu, arutwa a Jesû nîmaathiîre kûrî ke na makîmwîra atîrî, “Gûkû tûrî nî werûrî na nîgûtukire, rekereria andû mathiî na kûu icagirî nîguo makegûrîre kîndû mangîrîa.” 16Nake Jesû nîwamacokerie atîrî, “Matiagîrîrwe nî kûthiî, mue manengereni kîndû mangîrîa.” 17Nao nîmaamûcokerie atîrî, “Ava tûrî na mîgate îtano na nthamaki igîrî tu.” 18Nake Jesû nîwamerire atîrî, “Ireteni ava nîrî.” 19Jesû nîwacokire akîra andû mekare nthî nyakirî. Ke nîwacokire agîoca mîgate îo îtano na nthamaki icio igîrî, akîroria na îgûrû, agîcokia ngatho kûrî Ngai na akîmîrathima. Nîwamîenyûrangire na akîmînenganîra kûrî arutwa magaîre andû. 20Andû onthe nîmaarîre na makîvaa. Nao arutwa nîmaacokire makîûngania matigari na magîcûra ciondo îkûmi na igîrî. 21Andû arîa maarîre mîgate na nthamaki, marî arûme ta ngiri ithano, gûtagûtarwa aka na ciana.
Jesû nîwathiîrîre manjîrî na magûrû
(Mar 6.45-52; Joh 6.15-21)
22Jesû nîwacokire akîra arutwa ake matwe îtarûrî nîguo maringe mûringo ûcio wîngî wa îria mwerua arekereria kîrîndî kînûke. 23Vuva wa kûrekereria kîrîndî, Jesû nîwaunûkirie kîrîmarî arî wenga kûvoya. Na kîvwaî gîakinya, Jesû aarî kîrîmarî arî wenga. 24Kavindarî kau îtarû rîarî îriarî vandû varaca kuuma nthî nyûmû. Narîo îtarû nîrîaikanagua nî makûmbî ma manjî, nîûndû rûkûngi nîrwavurutanaga rwerekerete na kûrîa îtarû rîaumaga.
25Kîraûko tene mûno Jesû nîwakinyire kûrî arutwa ake athiîrîrîte manjîrî. 26Na rîrîa arutwa maamwonire athiîrîrîte manjîrî nîmaamakire mûno na makiuga atîrî, “Îno nî ngoma.” Nao nîmaaugire mbu mûno nîûndû wa guoya.
27Nake Jesû nîwamaarîrie wa rîmwe na akîmeera atîrî, “Nînie, tigani gwîtigîra, îyûmîrîrieni.”
28Nake Petero nîwacokerie Jesû atîrî, “Mwathani, ethîrwa nîwe mbîra mbûke kûrî we nthiîrîrîte manjîrî îgûrû.”
29Nake Jesû nîwamwîrire atîrî, “Ûka.” Kwoguo Petero nîwaumire îtarûrî, na akîambîrîria kûthiîra manjîrî îgûrû erekerete kûrî Jesû. 30Nwatî rîrîa oonire rûkûngi rûnene nîwetigîre, na akîambîrîria kûvorokera manjîrî. Nake nîwaugîrîrie atîrî, “Mwathani, mvonokia!”
31Na wa rîmwe Jesû nîwatambûrûkirie njara akîmûnyita na akîmwîra atîrî, “Kaî wîtîkio waku nî mûnini-î! Nîkî gîtûmire ûgîe na nganja?”
32Rîrîa Jesû na Petero maatwîre gatarûrî, rûkûngi nîrwatigire kûvurutana. 33Nao arutwa arîa maarî gatarûrî nîmaagoocire Jesû makiugaga atîrî, “Nî ma we ûrî Mûriû wa Ngai!”
Jesû nîwavonirie arwaru arî Genesareti
(Mar 6.53-56)
34Rîrîa maaringire îria nîmaakinyire vûrûrirî wa Genesareti. 35Nao andû a vûrûri ûcio nîmaamenyire Jesû. Na kwoguo nîmaatûmanîre andû onthe arîa maarî arwaru nîguo mavirwe kûrî ke. 36Nao nîmaathaithire Jesû etîkîre arwaru mavûrûrie wana ethîrwa nî mîthiia ya nguo yake. Nao arîa onthe maamîvûrûririe nîmaavonirue.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019