Mat 12
12
Kîûria kîgiî mûthenya wa thavatû
(Mar 2.23-28; Luka 6.1-5)
1 #
Gûco 23.25
Kavinda wa kau Jesû nîwavîtûkîrîre mîgûndarî ya ngano. Arutwa ake maarî avûtu na kwoguo nîmaambîrîrie gûtua igira cia ngano makîrîcaga. 2Nwatî rîrîa Afarisai moonire ûguo, nîmeerire Jesû atîrî, “Taroria! Arutwa aku mareka ûndû ûrîa watho wetû ûtetîkîrîtie gwîkwe mûthenya wa thavatû.”
3 #
1Sam 21.1-7
Nake Jesû nîwamacokerie atîrî, “Anga mue mûtiathoma ûrîa Daudi eekire vîndî îrîa ke na andû arîa maarî nake maarî avûtu? 4#Ala 24.9 Aatonyire nyombarî ya Ngai, na ke vamwe na andû arîa maarî nake nîmaarîre mîgate îrîa yarutîrîtwe Ngai, wana ethîrwa Watho ndwametîkîrîtie mamîrîe. Mîgate îo yagîrîrwe nî kûrîwa nî athînjîri-Ngai onga. 5#Nda 28.9-10 Anga mue mûtiathoma Wathorî wa Musa atî wa mûthenya wa thavatû athînjîri-Ngai nîmaunaga watho ûyû wîgiî mûthenya wa thavatû. Nwatî o matigîcaga na ûcuke nîûndû wa gwîka ûguo. 6Nie nîramwîra atî, ava varî na ûndû mûnene gûkîra hekarû. 7#Mat 9.13; Hos 6.6 Mandîko matheru maugîte atîrî, ‘Nie mendete andû megucanîre ntha gûkîra ûrîa mendete kûrutîrwa magongoona.’ Kethîrwa nama nwa mûmenye ûrîa ciugo icio ciugîte, mue mûtingîratuîra andû matarî na ûcuke. 8Kwoguo Mûrû wa Mûndû nî Mwathani wa mûthenya wa thavatû.”
Jesû nîwavonirie mûndû wonjete njara
(Mar 3.1-6; Luka 6.6-11)
9Vuva wa ûguo Jesû nîwathiîre na agîtonya îvoerorî, 10kûrîa kwarî na mûndû wonjete njara. Kûu îvoerorî kwarî na andû amwe maatuîragia ûndû ûrîa mangîmûthitanga naguo. Kwoguo nîmaamûririe atîrî, “Watho wetû nîwîtîkîrîtie kûvonania mûthenya wa thavatû?”
11 #
Luka 14.5
Nake Jesû nîwamacokeria atîrî, “Kethîrwa ûmwe wa cienyu arî na ng'ondu, nayo îgwe îrimarî îrikîru mûthenya wa thavatû, anga ndangîmînyita na amîrute? 12Mûndû arî vata mûno gûkîra ng'ondu! Kwoguo Watho nîûtwîtîkîrîtie gwîka waro mûthenya wa thavatû.” 13Jesû nîwacokire akîra mûndû ûcio wonjete njara atîrî, “Tambûrûkia njara yaku.”
Nake mûndû ûcio nîwatambûrûkirie njara îo, îkîvona na îgîkara ta îo îngî. 14Nao Afarisai arîa maarî vo nîmaaumire nja ya îvoero na makîthiî ndundu nîguo mavange ûrîa makûûragithia Jesû.
Ndungata îrîa Ngai ethuurîrîte
15Rîrîa Jesû aamenyire mîvango îrîa Afarisai maarî nayo, nîwaumire kûu na akîthiî. Andû eengî nîmaamûrûmîrîre, na akîvonia arîa maarî arûaru onthe. 16Ke nîwacokire akîmakaania matikeere andû ûvoro ûmwîgiî. 17Ekire ûguo nîguo maûndû marîa Ngai aaririe na njîra ya mûrathi Isaia mavinge rîrîa aaugire atîrî,
18 #
Isa 42.1-3
“Taroriani ndungata yakwa îrîa nie nîthuurîrîte,
nîo mendete na nîngenaga nî yo.
Nîngaamîva roho wakwa,
nayo nîîkamenyithia andû a ndûrîrî îtuîro rîakwa.
19Ndîgaakararania na andû kana îthiî îkiugagîrîria,
wana kana îvecane ûvoro njîrarî yugîrîrîtie.
20Îkethagîrwa îrî mvoreri mbere ya arîa matarî vinya
na eguîre ntha arîa matarî na ûtethio.
Ndîgaakua ngoro nginya rîrîa kîvooto gîkavootana.
21Nao andû a ndûrîrî nîmakaaiga mwîvoko wao kûrî ke.”
Jesû na Belizebuli
(Mar 3.20-30; Luka 11.14-23)
22Na vuva wa ûguo, andû amwe nîmaavirîre Jesû mûndû warî mûtumumu na ûtangîavotire kwaria nîûndû aarî na ndaimono. Nake Jesû nîwavonirie mûndû ûcio, na akîvota kwaria na kwona. 23Andû onthe nîmaamakire nîûndû wa ûrîa Jesû eekîte na makîûria atîrî, “Mûndû ûyû nwa ethîrwe arî ke mûrû wa Daudi?”
24 #
Mat 9.34; 10.25 Nwatî rîrîa Afarisai meegwire ûguo nîmaaugire atîrî, “Mûndû ûyû arutûrûraga ndaimono na vinya wa Belizebuli mûnene wa ndaimono.”
25Nake Jesû nîwecî ûrîa meciragia, na kwoguo nîwamerire atîrî, “Ûthamaki wa wonthe ûngîgaûkana na andû a guo mambîrîrie kûrûa o ene, ûthamaki ûcio ndûngîvota kwîrûngamia. Narîo îtûûra wa rîonthe, kana nyomba îngîgaûkana, nao andû a îtûûra rîu kana nyomba îo mambîrîrie kûrûa o ene, nîkûvaragana mavaraganaga. 26Kwoguo, ethîrwa Caitani nîarutûrûraga Caitani, ke nîmûgaûkanu na ûthamaki wake ndûngîvota kûrûngama. 27Mue mugaga ndutûrûraga ndaimono mvetwe vinya nî Belizebuli, nao arûmîrîri enyu-î mairutûrûraga mavetwe vinya nû? Kwoguo arûmîrîri enyu nîo makaamûtuîra ciira. 28Nwatî ethîrwa ndutûrûraga ndaimono mvetwe vinya nî Roho wa Ngai, ûguo nîkwonania atî Ûthamaki wa Ngai nîmûkinyu kûrî mue.
29“Gûtirî mûndû ûngîvunja nyomba ya mûndû njamba na atonye kuo na amûcune indo ciake atambîte kûthaîkania. Nwa aambire kûmûthaîkania nîguo avote kûmûcuuna indo.
30 #
Mar 9.40
“Mûndû wa wonthe ûtarî vamwe nanie nî nthû yakwa, na mûndû wa wonthe ûtandethagîrîria gûcokanîrîria, nîkwa anyagarûkanagia. 31Kwoguo nîramwîra na ma atî andû nwa moverwe wîvia wa wonthe, na ûndû wa wonthe mûcûku mangiuga, nwatî mûndû wa wonthe ûrumaga Roho Mûtheru ndakooverwa. 32#Luka 12.10 Mûndû wa wonthe ûrumaga Mûrû wa Mûndû nîakooverwa, nwatî mûndû wa wonthe ûrumaga Roho Mûtheru ndakooverwa îvindarî rîîrî kana rîrîa rîgaaûka.
Mûtî ûmenyekaga na maciaro maaguo
(Luka 6.43-45)
33 #
Mat 7.20; Luka 6.44 “Vuithia mûtî namo maciaro maguo methîrwe marî maro, kana ûcûkie mûtî namo maciaro maguo methîrwe marî macûku. Mûtî ûmenyekaga na maciaro maguo. 34#Mat 3.7; 23.33; 15.18; Luka 3.7; 6.45 Mue rûciaro rwa njoka, mûngîvota atîa kwaria maûndû maro na mûrî andû acûku? Kanyua karagia maûndû marîa mecûrîte ngororî. 35Mûndû mwaro aragia maûndû maro marîa aigîte ngororî yake. Nake mûndû mûcûku aragia maûndû macûku marîa aigîte ngororî yake.
36“Nie nîramwîra atî mûthenya wa îtuîro andû onthe nîmakaavecana gîtûmi gîa ciugo cionthe itarî vata irîa manaaria. 37Ciugo ciaku nîcio igaatûmîrwa gûgûtuîra wî mûndû mwaro kana wî mûndû mûcûku.”
Andû nîmaaûririe maringîrwe kîama
(Mar 8.11-12; Luka 11.29-32)
38 #
Mat 16.1; Mar 8.11; Luka 11.16 Nao arimû amwe a Watho na Afarisai nîmeerire Jesû atîrî, “Mwarimû, tue tûrenda kwona ûkîringa Kîamma.”
39 #
Mat 16.4; Mar 8.12 Nwatî Jesû nîwamacokerie atîrî, “Na kaî andû a rûciaro rûrû nîacûku na matiîtîkitie Ngai-î! Na mûkînambûria nîmûringîre Kîamma? Gûtirî Kîamma mûngîringîrwa tiga wa Kîamma kîrîa Ngai aaringîre mûrathi Jona. 40#Joh 1.17 Wata ûrîa Jona eekarire ndarî ya nthamaki nene mîthenya îthatû, nwa ta guo Mûrû wa Mûndû ageekara na gûkû nthî kûrîa kûriku mûno mîthenya îthatû.
41 #
Joh 3.5
“Mûthenya wa îtuîro andû a Nineve nîmakaarûngama na moonanie ûrîa mue andû a rûciaro rûrû mûrî acûku. Vîndî îrîa Jona aamavunjîrie nîmeeririre. Nie nîramwîra atî, ava varî na mûndû mûnene gûkîra Jona. 42Mûthenya wa îtuîro, mûndûmûka mûthamaki wa Sheba nîakaarûngama na onanie ûrîa mue andû a rûciaro rûrû mûrî acûku. Mûndûmûka ûcio nîwathiîre rûgendo rûraca kûthikîrîria ûûgî wa mûthamaki Solomoni. Nie nîramwîra atî ava varî na mûndû mûnene gûkîra Solomoni.
Gûcoka kwa ngoma
(Luka 11.24-26)
43“Ngoma îrauma kûrî mûndû, nîîvîtûkagîrîra kûndû gûtarî manjî îgîcaria vandû va kûvurûka, nwatî ndîvonaga. 44Kwoguo nîîraga atîrî, ‘Nie nîngûcoka nyomba gwakwa kûrîa nîraumîte.’ Ngoma îo yacoka îthagîra nyomba îrî ntheri, îrî ntheru na îrî mvarîrie. 45#1Atha 10.1-10; 2Maû 9.1-12 Ngoma îo nîîthiîcaga îkagîra ngoma ciîngî mûgwanja njûku kûmîkîra, nacio igaûka igatûûra kûu. Nake mûndû ûcio nîacûkagîrwa mûno makîria ya ûrîa eekariî mbere. Ûguo nîguo mue andû a rûciaro rûrû rûcûku mûkeethîrwa mwîkariî.”
Ng'ina wa Jesû na arîa maaciaranîrîtue na Jesû
(Mar 3.31-35; Luka 8.19-21)
46Kavinda wa kau Jesû wa akîaragîria andû, ng'ina na arîa maaciaranîrîtue nake nî maakinyire. Nao nîmaarûngamire vau nja makîenda kwaria nake. [47Na mûndû ûmwe wa arîa maarî vo nîwerire Jesû atîrî, “Nyûkwe na arîa mûciaranîrîtue nao marûngamîte ava nja na nîmarenda kwaria nawe.”]#12.47 Mandîko mamwe matirî 12.47.
48Nwatî Jesû nîwacokerie mûndû ûcio atîrî, “Nyanya, na arîa njiaranîrîtue nao-î nî a?” 49Nake Jesû nîwacokire akîorota arutwa ake na akiuga atîrî, “Taroriani! Aya nîo aa nyanya na arîa njiaranîrîtue nao. 50Mûndû wa wonthe wîkaga ûrîa Vava ûrîa ûrî Îgûrû endaga, nîke mûrwaiya na mwarwaiya na nîke nyanya.”
Currently Selected:
Mat 12: KKB
Highlight
Share
Copy

Want to have your highlights saved across all your devices? Sign up or sign in
©Bible Society of Kenya, 2019
Mat 12
12
Kîûria kîgiî mûthenya wa thavatû
(Mar 2.23-28; Luka 6.1-5)
1 #
Gûco 23.25
Kavinda wa kau Jesû nîwavîtûkîrîre mîgûndarî ya ngano. Arutwa ake maarî avûtu na kwoguo nîmaambîrîrie gûtua igira cia ngano makîrîcaga. 2Nwatî rîrîa Afarisai moonire ûguo, nîmeerire Jesû atîrî, “Taroria! Arutwa aku mareka ûndû ûrîa watho wetû ûtetîkîrîtie gwîkwe mûthenya wa thavatû.”
3 #
1Sam 21.1-7
Nake Jesû nîwamacokerie atîrî, “Anga mue mûtiathoma ûrîa Daudi eekire vîndî îrîa ke na andû arîa maarî nake maarî avûtu? 4#Ala 24.9 Aatonyire nyombarî ya Ngai, na ke vamwe na andû arîa maarî nake nîmaarîre mîgate îrîa yarutîrîtwe Ngai, wana ethîrwa Watho ndwametîkîrîtie mamîrîe. Mîgate îo yagîrîrwe nî kûrîwa nî athînjîri-Ngai onga. 5#Nda 28.9-10 Anga mue mûtiathoma Wathorî wa Musa atî wa mûthenya wa thavatû athînjîri-Ngai nîmaunaga watho ûyû wîgiî mûthenya wa thavatû. Nwatî o matigîcaga na ûcuke nîûndû wa gwîka ûguo. 6Nie nîramwîra atî, ava varî na ûndû mûnene gûkîra hekarû. 7#Mat 9.13; Hos 6.6 Mandîko matheru maugîte atîrî, ‘Nie mendete andû megucanîre ntha gûkîra ûrîa mendete kûrutîrwa magongoona.’ Kethîrwa nama nwa mûmenye ûrîa ciugo icio ciugîte, mue mûtingîratuîra andû matarî na ûcuke. 8Kwoguo Mûrû wa Mûndû nî Mwathani wa mûthenya wa thavatû.”
Jesû nîwavonirie mûndû wonjete njara
(Mar 3.1-6; Luka 6.6-11)
9Vuva wa ûguo Jesû nîwathiîre na agîtonya îvoerorî, 10kûrîa kwarî na mûndû wonjete njara. Kûu îvoerorî kwarî na andû amwe maatuîragia ûndû ûrîa mangîmûthitanga naguo. Kwoguo nîmaamûririe atîrî, “Watho wetû nîwîtîkîrîtie kûvonania mûthenya wa thavatû?”
11 #
Luka 14.5
Nake Jesû nîwamacokeria atîrî, “Kethîrwa ûmwe wa cienyu arî na ng'ondu, nayo îgwe îrimarî îrikîru mûthenya wa thavatû, anga ndangîmînyita na amîrute? 12Mûndû arî vata mûno gûkîra ng'ondu! Kwoguo Watho nîûtwîtîkîrîtie gwîka waro mûthenya wa thavatû.” 13Jesû nîwacokire akîra mûndû ûcio wonjete njara atîrî, “Tambûrûkia njara yaku.”
Nake mûndû ûcio nîwatambûrûkirie njara îo, îkîvona na îgîkara ta îo îngî. 14Nao Afarisai arîa maarî vo nîmaaumire nja ya îvoero na makîthiî ndundu nîguo mavange ûrîa makûûragithia Jesû.
Ndungata îrîa Ngai ethuurîrîte
15Rîrîa Jesû aamenyire mîvango îrîa Afarisai maarî nayo, nîwaumire kûu na akîthiî. Andû eengî nîmaamûrûmîrîre, na akîvonia arîa maarî arûaru onthe. 16Ke nîwacokire akîmakaania matikeere andû ûvoro ûmwîgiî. 17Ekire ûguo nîguo maûndû marîa Ngai aaririe na njîra ya mûrathi Isaia mavinge rîrîa aaugire atîrî,
18 #
Isa 42.1-3
“Taroriani ndungata yakwa îrîa nie nîthuurîrîte,
nîo mendete na nîngenaga nî yo.
Nîngaamîva roho wakwa,
nayo nîîkamenyithia andû a ndûrîrî îtuîro rîakwa.
19Ndîgaakararania na andû kana îthiî îkiugagîrîria,
wana kana îvecane ûvoro njîrarî yugîrîrîtie.
20Îkethagîrwa îrî mvoreri mbere ya arîa matarî vinya
na eguîre ntha arîa matarî na ûtethio.
Ndîgaakua ngoro nginya rîrîa kîvooto gîkavootana.
21Nao andû a ndûrîrî nîmakaaiga mwîvoko wao kûrî ke.”
Jesû na Belizebuli
(Mar 3.20-30; Luka 11.14-23)
22Na vuva wa ûguo, andû amwe nîmaavirîre Jesû mûndû warî mûtumumu na ûtangîavotire kwaria nîûndû aarî na ndaimono. Nake Jesû nîwavonirie mûndû ûcio, na akîvota kwaria na kwona. 23Andû onthe nîmaamakire nîûndû wa ûrîa Jesû eekîte na makîûria atîrî, “Mûndû ûyû nwa ethîrwe arî ke mûrû wa Daudi?”
24 #
Mat 9.34; 10.25 Nwatî rîrîa Afarisai meegwire ûguo nîmaaugire atîrî, “Mûndû ûyû arutûrûraga ndaimono na vinya wa Belizebuli mûnene wa ndaimono.”
25Nake Jesû nîwecî ûrîa meciragia, na kwoguo nîwamerire atîrî, “Ûthamaki wa wonthe ûngîgaûkana na andû a guo mambîrîrie kûrûa o ene, ûthamaki ûcio ndûngîvota kwîrûngamia. Narîo îtûûra wa rîonthe, kana nyomba îngîgaûkana, nao andû a îtûûra rîu kana nyomba îo mambîrîrie kûrûa o ene, nîkûvaragana mavaraganaga. 26Kwoguo, ethîrwa Caitani nîarutûrûraga Caitani, ke nîmûgaûkanu na ûthamaki wake ndûngîvota kûrûngama. 27Mue mugaga ndutûrûraga ndaimono mvetwe vinya nî Belizebuli, nao arûmîrîri enyu-î mairutûrûraga mavetwe vinya nû? Kwoguo arûmîrîri enyu nîo makaamûtuîra ciira. 28Nwatî ethîrwa ndutûrûraga ndaimono mvetwe vinya nî Roho wa Ngai, ûguo nîkwonania atî Ûthamaki wa Ngai nîmûkinyu kûrî mue.
29“Gûtirî mûndû ûngîvunja nyomba ya mûndû njamba na atonye kuo na amûcune indo ciake atambîte kûthaîkania. Nwa aambire kûmûthaîkania nîguo avote kûmûcuuna indo.
30 #
Mar 9.40
“Mûndû wa wonthe ûtarî vamwe nanie nî nthû yakwa, na mûndû wa wonthe ûtandethagîrîria gûcokanîrîria, nîkwa anyagarûkanagia. 31Kwoguo nîramwîra na ma atî andû nwa moverwe wîvia wa wonthe, na ûndû wa wonthe mûcûku mangiuga, nwatî mûndû wa wonthe ûrumaga Roho Mûtheru ndakooverwa. 32#Luka 12.10 Mûndû wa wonthe ûrumaga Mûrû wa Mûndû nîakooverwa, nwatî mûndû wa wonthe ûrumaga Roho Mûtheru ndakooverwa îvindarî rîîrî kana rîrîa rîgaaûka.
Mûtî ûmenyekaga na maciaro maaguo
(Luka 6.43-45)
33 #
Mat 7.20; Luka 6.44 “Vuithia mûtî namo maciaro maguo methîrwe marî maro, kana ûcûkie mûtî namo maciaro maguo methîrwe marî macûku. Mûtî ûmenyekaga na maciaro maguo. 34#Mat 3.7; 23.33; 15.18; Luka 3.7; 6.45 Mue rûciaro rwa njoka, mûngîvota atîa kwaria maûndû maro na mûrî andû acûku? Kanyua karagia maûndû marîa mecûrîte ngororî. 35Mûndû mwaro aragia maûndû maro marîa aigîte ngororî yake. Nake mûndû mûcûku aragia maûndû macûku marîa aigîte ngororî yake.
36“Nie nîramwîra atî mûthenya wa îtuîro andû onthe nîmakaavecana gîtûmi gîa ciugo cionthe itarî vata irîa manaaria. 37Ciugo ciaku nîcio igaatûmîrwa gûgûtuîra wî mûndû mwaro kana wî mûndû mûcûku.”
Andû nîmaaûririe maringîrwe kîama
(Mar 8.11-12; Luka 11.29-32)
38 #
Mat 16.1; Mar 8.11; Luka 11.16 Nao arimû amwe a Watho na Afarisai nîmeerire Jesû atîrî, “Mwarimû, tue tûrenda kwona ûkîringa Kîamma.”
39 #
Mat 16.4; Mar 8.12 Nwatî Jesû nîwamacokerie atîrî, “Na kaî andû a rûciaro rûrû nîacûku na matiîtîkitie Ngai-î! Na mûkînambûria nîmûringîre Kîamma? Gûtirî Kîamma mûngîringîrwa tiga wa Kîamma kîrîa Ngai aaringîre mûrathi Jona. 40#Joh 1.17 Wata ûrîa Jona eekarire ndarî ya nthamaki nene mîthenya îthatû, nwa ta guo Mûrû wa Mûndû ageekara na gûkû nthî kûrîa kûriku mûno mîthenya îthatû.
41 #
Joh 3.5
“Mûthenya wa îtuîro andû a Nineve nîmakaarûngama na moonanie ûrîa mue andû a rûciaro rûrû mûrî acûku. Vîndî îrîa Jona aamavunjîrie nîmeeririre. Nie nîramwîra atî, ava varî na mûndû mûnene gûkîra Jona. 42Mûthenya wa îtuîro, mûndûmûka mûthamaki wa Sheba nîakaarûngama na onanie ûrîa mue andû a rûciaro rûrû mûrî acûku. Mûndûmûka ûcio nîwathiîre rûgendo rûraca kûthikîrîria ûûgî wa mûthamaki Solomoni. Nie nîramwîra atî ava varî na mûndû mûnene gûkîra Solomoni.
Gûcoka kwa ngoma
(Luka 11.24-26)
43“Ngoma îrauma kûrî mûndû, nîîvîtûkagîrîra kûndû gûtarî manjî îgîcaria vandû va kûvurûka, nwatî ndîvonaga. 44Kwoguo nîîraga atîrî, ‘Nie nîngûcoka nyomba gwakwa kûrîa nîraumîte.’ Ngoma îo yacoka îthagîra nyomba îrî ntheri, îrî ntheru na îrî mvarîrie. 45#1Atha 10.1-10; 2Maû 9.1-12 Ngoma îo nîîthiîcaga îkagîra ngoma ciîngî mûgwanja njûku kûmîkîra, nacio igaûka igatûûra kûu. Nake mûndû ûcio nîacûkagîrwa mûno makîria ya ûrîa eekariî mbere. Ûguo nîguo mue andû a rûciaro rûrû rûcûku mûkeethîrwa mwîkariî.”
Ng'ina wa Jesû na arîa maaciaranîrîtue na Jesû
(Mar 3.31-35; Luka 8.19-21)
46Kavinda wa kau Jesû wa akîaragîria andû, ng'ina na arîa maaciaranîrîtue nake nî maakinyire. Nao nîmaarûngamire vau nja makîenda kwaria nake. [47Na mûndû ûmwe wa arîa maarî vo nîwerire Jesû atîrî, “Nyûkwe na arîa mûciaranîrîtue nao marûngamîte ava nja na nîmarenda kwaria nawe.”]#12.47 Mandîko mamwe matirî 12.47.
48Nwatî Jesû nîwacokerie mûndû ûcio atîrî, “Nyanya, na arîa njiaranîrîtue nao-î nî a?” 49Nake Jesû nîwacokire akîorota arutwa ake na akiuga atîrî, “Taroriani! Aya nîo aa nyanya na arîa njiaranîrîtue nao. 50Mûndû wa wonthe wîkaga ûrîa Vava ûrîa ûrî Îgûrû endaga, nîke mûrwaiya na mwarwaiya na nîke nyanya.”
Currently Selected:
:
Highlight
Share
Copy

Want to have your highlights saved across all your devices? Sign up or sign in
©Bible Society of Kenya, 2019