प्रेरितां 15
15
यरूशलेम री सभा
1फेरी किछ यहूदी विश्वासी यहूदिया प्रदेशा ते आईने विश्वासियां जो सखाणे लगे : “जे मूसा री रितिया पर तुहांरा खतना नीं हुईरा हो तां तुहें छुटकारा नीं पाई सकदे।” 2पौलुस कने बरनबास तिन्हांने सैहमत नीं थे, तिन्हांरी बौहत बैहस कने झगड़ा हुआ तां ये मन्नया गया भई पौलुस कने बरनबास कने तिन्हां चते किछ विश्वासी लोक इसा गल्ला रा समाधान करने प्रेरितां कने प्राचीनां ले यरूशलेम जो जाओ।
3कलीसिया रे लोकें रोटी कने पैसा देईने तिन्हांरी यात्रा च जाणे जो मदद कित्ती; कने सै फीनीके कने सामरिया प्रदेशा चियें हुंदे हुये किस तरिके ने अन्यजातियां रे लोक खुशखबरी सुणीने यीशु मसीह पर विश्वास करी राँये ये खबर सुणान्दे रै, कने ये सुणीने सब विश्वासी बौहत खुश हुये। 4ताहली जे सै यरूशलेम नगरा च पुज्जे, तां कलीसिया रे लोक कने प्रेरित कने प्राचीन तिन्हांने खुशिया ने मिले, कने पौलुस कने बरनबासे दस्या भई परमेशरे तिन्हांने सौगी हुईने केढ़े-केढ़े काम्म कित्तिरे थे।
5पर फरीसियां रे दला चते तिन्हें जे विश्वास कित्या था, तिन्हां चते कईयें उट्ठीने गलाया, “होरीं जाति रे लोकां जो खतना कराणे कने मूसा री व्यवस्था जो मनणे रा हुक्म देणा चहिन्दा।” 6तां प्रेरित कने प्राचीन इसा गल्ला रे बारे च बचार करने खातर कट्ठे हुये।
7तां पतरसे बौहत बैहस हुणे ते बाद खड़े हुईने तिन्हांजो गलाया,
“भाईयो, तुहें जाणाँ ये भई बौहत दिन पैहले परमेशरे तुहां चते मिन्जो चुणीलरा भई मेरे जरिये अन्यजातियां रे लोक खुशखबरी सुणीने विश्वास करो। 8मना रे जाँचणे औल़े परमेशरे तिन्हांजो बी अहां साई पवित्र आत्मा देईने ये साबित कित्या भई तिने तिन्हांजो अपणयां लोकां साई ग्रहण कित्या; 9कने विश्वासा ते तिन्हांरे मन शुद्ध करीने अहां च कने तिन्हां च किछ भेद नीं रखया।
10“फेरी हुण तुहें काँह परमेशरा जो परखां ये भई चेलयां रिया गर्दना पर येढ़ा जुंगड़ा रखो, तिस्सो जे अहांरे पूर्वज बी चक्की नीं सक्के कने नां अहें चक्की सक्कां ये? 11हाँ, अहांरा ये निश्चा जरूर आ भई तियां-तियां ने प्रभु यीशुये रे अनुग्रह ते छुटकारा मिलणा; तियां-तियां इ अहांजो बी मिलणा।”
12तां सै सारी सभा चुपचाप बरनबासा कने पौलुसा री सुणने लगी, भई परमेशरे तिन्हांरे दवारा अन्यजातियां च कितणे बड्डे-बड्डे चमत्कार, कने नोखे काम्म दस्से।
13ताहली जे सै चुप हुये तां याकूब बोलणे लगया, “हे भाईयो, मेरी सुणा। 14शमौन पतरसे दस्या भई परमेशरे पैहले अन्यजातियां रे लोकां पर केढ़ी दया कित्ती भई तिन्हां चते अपणे लोक होणे खातर किछ लोकां जो चुणया। 15इसते भविष्यवक्तयां रियां गल्लां बी मिलां ईं, तेढ़ा जे पवित्रशास्त्रा च लिखिरा:
16‘इसते बाद मांज फेरी आईने दाऊद रा रूढ़िरा राज खड़ा करना,
कने तिसरे खण्डहराँ जो फेरी बनाणा, कने तिस्सो खड़ा करना,
17इस खातर भई बाकी माहणु, मतलब सब
जातियां रे लोक तिन्हांजो जे अपणे लोक हुणे रे खातर चुणीरा, प्रभुये जो टोल़ो,
18येढ़ा सैई प्रभु बोलां सै जे जगता रिया
उत्पतिया ते इन्हां गल्लां री खबर देन्दा आया।’
19“इस खातर मेरा बचार येआ भई अन्यजातियां चते सै जे किछ लोक परमेशरा खा फिराँ ये अहें तिन्हांजो दुख नीं दईये; 20पर तिन्हांजो इक चिट्ठी लिखीने भेजिये भई सै मूर्तां पर चढ़ाईरी किसी बी खाणे रिया चीज़ा जो नीं खायां कने व्यभिचारा ते दूर रैयां कने गल़ा घुट्ठीरे जानवरा रा मांस नां खाये कने जानवरा रा खून्न नीं पीये। 21काँह्भई बौहत बगता ते कई नगराँ च मूसा री व्यवस्था रा प्रचार करदे आये, कने सै हर विस्रामा रे दिन यहूदी सभा घर च पढ़ियां जांईयां।”
अन्यजाति बिश्वासियां जो चिट्ठी
22फेरी यरूशलेम री सारी कलीसियां रे लोकां समेत प्रेरितां कने प्राचीनां जो ये खरा लगया भई अप्पूँ चते किछ माहणुआं जो चुणीने, मतलब यहूदा तिस्सो जे बरसब्बा बोलां ये, कने सीलासा जो सै जे विश्वासियां च अगुवे; कने तिन्हांजो पौलुस कने बरनबासा सौगी अन्ताकिया नगरा रिया कलीसिया च भेज्या। 23कने तिन्हें चिट्ठी तिन्हांरे साथ भेज्जी : “अन्ताकिया नगर कने सीरिया कने किलिकिया प्रदेशा रे रैहणे औल़े विश्वासियां जो सै जे अन्यजातियां रे लोकां चते हुये, प्रेरितां कने प्राचीन विश्वासियां रा नमस्कार।
24“अहें सुणीरा भई अहां चते कंईंयें तित्थी आईने तुहांजो अपणियां गल्लां ते घबराई तरा; कने तुहांरे मन पुट्ठे करी तरे, पर अहें तिन्हांजो हुक्म नीं दित्तिरा था। 25इस खातर अहें इक मन हुईने ठीक समझया भई किछ माहणुआं जो चुणीने अपणे प्यारे बरनबासा कने पौलुसा सौगी तुहांले भेजिये। 26ये येढ़े माहणु ये तिन्हें जे अपणे प्राण अहांरे प्रभु यीशु मसीह रे खातर मुश्कला च पाईरे।”
27“अहें यहूदा कने सीलासा जो भेज्या राँये, तिन्हां तुहांजो अपणे मुँआं ते इन्हां सारियां गल्लां जो दसणा। 28पवित्र आत्मा जो कने अहां जोये ठीक लगया भई इन्हां जरूरी गल्लां जो छड्डिने, तुहां परा कने बजन नीं पाईये; 29भई तुहें मूरतां पर बल़ि कित्तिरे कने खून्ना ते, कने गल़ा घुट्ठीरे मासा ते, कने व्यभिचारा ते दूर रहो। इन्हांते दूर रहो तां तुहांरा भला हूणा। अग्गे शुभकामना।”
30फेरी सै विदा हुईने अन्ताकिया नगरा च पुज्जे, कने सभा जो कट्ठी करीने सै पत्री तिन्हांजो दईती। 31सै तिसा पत्रिया पढ़ीने तिन्हां उपदेशां रियां गल्लां ते बौहत खुश हुये। 32यहूदा कने सीलासे सै जे अप्पूँ बी भविष्यवक्ता ये, बौहत गल्लां ते विश्वासियां जो उपदेश देईने मजबूत कित्या। 33सै किछ दिन रईने, विश्वासियां ते शान्तिया री आशीष पाईने अपणे भेजणे औल़यां ले विदा कित्ते। 34(कने सीलासा जो तित्थी रैहणा खरा लगया, पर यहूदा वापस यरूशलेम चलिग्या।) 35कने पौलुस कने बरनबास अन्ताकिया नगरा च रईगे : कने होरी मतयां लोकां ने सौगी प्रभु यीशुये रे वचना रा उपदेश देन्दे कने खुशखबरी सुणांदे रये।
पौलुस री दुज्जी प्रचार यात्रा, पौलुस कने बरनबासा च मतभेद
36किछ दिना बाद पौलुसे बरनबासा ने गलाया, “तिन्हां-तिन्हां नगराँ च जे अहें प्रभुये रा वचन सुणाई रा, आओ, फेरी भीं तिन्हां च चलिये कने अपणे विश्वासियां जो देखिये भई सै केढ़े।” 37तां बरनबासे यूहन्ना जो तिस्सो जे मरकुस बोलां ये, सौगी नेणे रा बचार कित्या। 38पर पौलुसे तिस्सो सौगी नेणा अच्छा नीं समझया काँह्भई पंफूलिया प्रदेशा च सै तिन्हांते लग हुईगरा था, कने कम्मा पर तिन्हां सौगी नीं गया था। 39मतलब येढ़ि बैहस हुई भई पौलुस कने बरनबास इक्की दूये ते लग हुईगे; कने बरनबास, मरकुसा जो लईने जहाजा पर साइप्रस टापुये जो चलिग्या।
40पर पौलुसे सीलासा जो चुणी लया, कने विश्वासियां ते परमेशरा रे अनुग्रह च सौंपया जाईने अन्ताकिया नगरा ते चली गया; 41कने सै सीरिया कने किलिकिया प्रदेशा ते हुन्दे हुये कलीसिया रे लोकां जो मजबूत करदा गया।
Currently Selected:
प्रेरितां 15: KFSNT
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
प्रेरितां 15
15
यरूशलेम री सभा
1फेरी किछ यहूदी विश्वासी यहूदिया प्रदेशा ते आईने विश्वासियां जो सखाणे लगे : “जे मूसा री रितिया पर तुहांरा खतना नीं हुईरा हो तां तुहें छुटकारा नीं पाई सकदे।” 2पौलुस कने बरनबास तिन्हांने सैहमत नीं थे, तिन्हांरी बौहत बैहस कने झगड़ा हुआ तां ये मन्नया गया भई पौलुस कने बरनबास कने तिन्हां चते किछ विश्वासी लोक इसा गल्ला रा समाधान करने प्रेरितां कने प्राचीनां ले यरूशलेम जो जाओ।
3कलीसिया रे लोकें रोटी कने पैसा देईने तिन्हांरी यात्रा च जाणे जो मदद कित्ती; कने सै फीनीके कने सामरिया प्रदेशा चियें हुंदे हुये किस तरिके ने अन्यजातियां रे लोक खुशखबरी सुणीने यीशु मसीह पर विश्वास करी राँये ये खबर सुणान्दे रै, कने ये सुणीने सब विश्वासी बौहत खुश हुये। 4ताहली जे सै यरूशलेम नगरा च पुज्जे, तां कलीसिया रे लोक कने प्रेरित कने प्राचीन तिन्हांने खुशिया ने मिले, कने पौलुस कने बरनबासे दस्या भई परमेशरे तिन्हांने सौगी हुईने केढ़े-केढ़े काम्म कित्तिरे थे।
5पर फरीसियां रे दला चते तिन्हें जे विश्वास कित्या था, तिन्हां चते कईयें उट्ठीने गलाया, “होरीं जाति रे लोकां जो खतना कराणे कने मूसा री व्यवस्था जो मनणे रा हुक्म देणा चहिन्दा।” 6तां प्रेरित कने प्राचीन इसा गल्ला रे बारे च बचार करने खातर कट्ठे हुये।
7तां पतरसे बौहत बैहस हुणे ते बाद खड़े हुईने तिन्हांजो गलाया,
“भाईयो, तुहें जाणाँ ये भई बौहत दिन पैहले परमेशरे तुहां चते मिन्जो चुणीलरा भई मेरे जरिये अन्यजातियां रे लोक खुशखबरी सुणीने विश्वास करो। 8मना रे जाँचणे औल़े परमेशरे तिन्हांजो बी अहां साई पवित्र आत्मा देईने ये साबित कित्या भई तिने तिन्हांजो अपणयां लोकां साई ग्रहण कित्या; 9कने विश्वासा ते तिन्हांरे मन शुद्ध करीने अहां च कने तिन्हां च किछ भेद नीं रखया।
10“फेरी हुण तुहें काँह परमेशरा जो परखां ये भई चेलयां रिया गर्दना पर येढ़ा जुंगड़ा रखो, तिस्सो जे अहांरे पूर्वज बी चक्की नीं सक्के कने नां अहें चक्की सक्कां ये? 11हाँ, अहांरा ये निश्चा जरूर आ भई तियां-तियां ने प्रभु यीशुये रे अनुग्रह ते छुटकारा मिलणा; तियां-तियां इ अहांजो बी मिलणा।”
12तां सै सारी सभा चुपचाप बरनबासा कने पौलुसा री सुणने लगी, भई परमेशरे तिन्हांरे दवारा अन्यजातियां च कितणे बड्डे-बड्डे चमत्कार, कने नोखे काम्म दस्से।
13ताहली जे सै चुप हुये तां याकूब बोलणे लगया, “हे भाईयो, मेरी सुणा। 14शमौन पतरसे दस्या भई परमेशरे पैहले अन्यजातियां रे लोकां पर केढ़ी दया कित्ती भई तिन्हां चते अपणे लोक होणे खातर किछ लोकां जो चुणया। 15इसते भविष्यवक्तयां रियां गल्लां बी मिलां ईं, तेढ़ा जे पवित्रशास्त्रा च लिखिरा:
16‘इसते बाद मांज फेरी आईने दाऊद रा रूढ़िरा राज खड़ा करना,
कने तिसरे खण्डहराँ जो फेरी बनाणा, कने तिस्सो खड़ा करना,
17इस खातर भई बाकी माहणु, मतलब सब
जातियां रे लोक तिन्हांजो जे अपणे लोक हुणे रे खातर चुणीरा, प्रभुये जो टोल़ो,
18येढ़ा सैई प्रभु बोलां सै जे जगता रिया
उत्पतिया ते इन्हां गल्लां री खबर देन्दा आया।’
19“इस खातर मेरा बचार येआ भई अन्यजातियां चते सै जे किछ लोक परमेशरा खा फिराँ ये अहें तिन्हांजो दुख नीं दईये; 20पर तिन्हांजो इक चिट्ठी लिखीने भेजिये भई सै मूर्तां पर चढ़ाईरी किसी बी खाणे रिया चीज़ा जो नीं खायां कने व्यभिचारा ते दूर रैयां कने गल़ा घुट्ठीरे जानवरा रा मांस नां खाये कने जानवरा रा खून्न नीं पीये। 21काँह्भई बौहत बगता ते कई नगराँ च मूसा री व्यवस्था रा प्रचार करदे आये, कने सै हर विस्रामा रे दिन यहूदी सभा घर च पढ़ियां जांईयां।”
अन्यजाति बिश्वासियां जो चिट्ठी
22फेरी यरूशलेम री सारी कलीसियां रे लोकां समेत प्रेरितां कने प्राचीनां जो ये खरा लगया भई अप्पूँ चते किछ माहणुआं जो चुणीने, मतलब यहूदा तिस्सो जे बरसब्बा बोलां ये, कने सीलासा जो सै जे विश्वासियां च अगुवे; कने तिन्हांजो पौलुस कने बरनबासा सौगी अन्ताकिया नगरा रिया कलीसिया च भेज्या। 23कने तिन्हें चिट्ठी तिन्हांरे साथ भेज्जी : “अन्ताकिया नगर कने सीरिया कने किलिकिया प्रदेशा रे रैहणे औल़े विश्वासियां जो सै जे अन्यजातियां रे लोकां चते हुये, प्रेरितां कने प्राचीन विश्वासियां रा नमस्कार।
24“अहें सुणीरा भई अहां चते कंईंयें तित्थी आईने तुहांजो अपणियां गल्लां ते घबराई तरा; कने तुहांरे मन पुट्ठे करी तरे, पर अहें तिन्हांजो हुक्म नीं दित्तिरा था। 25इस खातर अहें इक मन हुईने ठीक समझया भई किछ माहणुआं जो चुणीने अपणे प्यारे बरनबासा कने पौलुसा सौगी तुहांले भेजिये। 26ये येढ़े माहणु ये तिन्हें जे अपणे प्राण अहांरे प्रभु यीशु मसीह रे खातर मुश्कला च पाईरे।”
27“अहें यहूदा कने सीलासा जो भेज्या राँये, तिन्हां तुहांजो अपणे मुँआं ते इन्हां सारियां गल्लां जो दसणा। 28पवित्र आत्मा जो कने अहां जोये ठीक लगया भई इन्हां जरूरी गल्लां जो छड्डिने, तुहां परा कने बजन नीं पाईये; 29भई तुहें मूरतां पर बल़ि कित्तिरे कने खून्ना ते, कने गल़ा घुट्ठीरे मासा ते, कने व्यभिचारा ते दूर रहो। इन्हांते दूर रहो तां तुहांरा भला हूणा। अग्गे शुभकामना।”
30फेरी सै विदा हुईने अन्ताकिया नगरा च पुज्जे, कने सभा जो कट्ठी करीने सै पत्री तिन्हांजो दईती। 31सै तिसा पत्रिया पढ़ीने तिन्हां उपदेशां रियां गल्लां ते बौहत खुश हुये। 32यहूदा कने सीलासे सै जे अप्पूँ बी भविष्यवक्ता ये, बौहत गल्लां ते विश्वासियां जो उपदेश देईने मजबूत कित्या। 33सै किछ दिन रईने, विश्वासियां ते शान्तिया री आशीष पाईने अपणे भेजणे औल़यां ले विदा कित्ते। 34(कने सीलासा जो तित्थी रैहणा खरा लगया, पर यहूदा वापस यरूशलेम चलिग्या।) 35कने पौलुस कने बरनबास अन्ताकिया नगरा च रईगे : कने होरी मतयां लोकां ने सौगी प्रभु यीशुये रे वचना रा उपदेश देन्दे कने खुशखबरी सुणांदे रये।
पौलुस री दुज्जी प्रचार यात्रा, पौलुस कने बरनबासा च मतभेद
36किछ दिना बाद पौलुसे बरनबासा ने गलाया, “तिन्हां-तिन्हां नगराँ च जे अहें प्रभुये रा वचन सुणाई रा, आओ, फेरी भीं तिन्हां च चलिये कने अपणे विश्वासियां जो देखिये भई सै केढ़े।” 37तां बरनबासे यूहन्ना जो तिस्सो जे मरकुस बोलां ये, सौगी नेणे रा बचार कित्या। 38पर पौलुसे तिस्सो सौगी नेणा अच्छा नीं समझया काँह्भई पंफूलिया प्रदेशा च सै तिन्हांते लग हुईगरा था, कने कम्मा पर तिन्हां सौगी नीं गया था। 39मतलब येढ़ि बैहस हुई भई पौलुस कने बरनबास इक्की दूये ते लग हुईगे; कने बरनबास, मरकुसा जो लईने जहाजा पर साइप्रस टापुये जो चलिग्या।
40पर पौलुसे सीलासा जो चुणी लया, कने विश्वासियां ते परमेशरा रे अनुग्रह च सौंपया जाईने अन्ताकिया नगरा ते चली गया; 41कने सै सीरिया कने किलिकिया प्रदेशा ते हुन्दे हुये कलीसिया रे लोकां जो मजबूत करदा गया।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.