प्रेरितां केरां कम्मां 1
1
1जनाब थियुफिलुस, मीं अपनि पेइली किताब मां तैना सैरी गल्लां लिखोरिन, ज़ैना यीशु शुरू मां केरतो ते शिखालतो राव, 2तैस दिहैड़ी तगर ज़ेइस तै सुर्गे मांजो नियो जेव। तैस करां पेइले तैनी अपने च़ुनोरे प्रेरितन पवित्र आत्मारे शेक्तरे ज़िरिये सेइं किछ हुक्म भी दित्तोरे थी। 3यीशुए दुख झ़ैल्लनेरां ते मौतरे बाद तैनी अपने ज़ींते भोनेरां काई पक्कां सबूतां तैन हिरां, ते 40 दिहाड़न तगर तैन लेइहोतो राव, ते परमेशरेरे राज़्ज़ेरे गल्लां शुनातो राव। 4एक्की फेरे ज़ैखन यीशुए अपने चेलन सेइं साथी थियो तैनी तैन ठाकू, “कि तुस यरूशलेम नगरे मरां बेइर न गेइयथ ते मेरे बाजी परमेशरेरो तै वाधो पूरो भोनेरो इंतज़ार केरथ, ज़ेसेरे बारे मां तुसेईं मीं करां शुनोरू भी आहे। 5किजोकि यूहन्ना त लोकन पैनी सेइं बपतिस्मो दित्तो, पन तुसन थोड़े दिहैड़ना पत्ती पवित्र आत्मा सेइं बपतिस्मो दित्तो गालो (यानी परमेशर पवित्र आत्मा भेज़ेलो ज़ै तुसन सेइं साथी रालो)”
यीशुएरू सुर्गे जो गानू
6ज़ताली प्रेरित दुबारां यीशु सेइं मिले, त तैनेईं तैस पुछ़ू, “हे प्रभु, कुन तू इस वक्ते फिरी इस्राएले तैसेरू राज़ देने बालोस?” 7तैनी तैन सेइं ज़ोवं, “तैस वक्तेरो या ज़ेइस तैना गल्लां भोल्ही, तैन केरे बारे मां तुसन ज़ान्नेरी कोई ज़रूरत नईं, ज़ैना बाजी परमेशरे अपने अधिकार मां रेखोरिन। 8पन पवित्र आत्मा ज़ैखन तुसन पुड़ उतरेली त तुसन शक्ति मैल्हेली, ते तुस यरूशलेम नगर ते सारे यहूदिया ते सामरिया इलाकन मां बल्के धेरतरे हर पासे मेरे गवाह भोल्हे।” 9एना गल्लां ज़ोनेरां पत्ती यीशु तैन केरे सामने हेरते-हेरते परमेशरे तै सुर्गे जो नियो, ते बिदलारां तै तैन केरे एछ़्छ़न करां छ़ुपाव। 10ज़ैखन तैना यीशुए अम्बरे मांजो गांतो तकने लगोरे थिये, त अचानक, दूई मड़द ज़ैन छ़ित्तां लिगड़ां लग्गोरां थियां तैन कां एइतां खड़े भोए। 11ते ज़ोने लगे, “हे गलीली मड़दव तुस खड़खड़े अम्बरेरे पासे कुन तकने लगोरेथ? एहे यीशु ज़ेन्च़रे तुश्शे सामने परमेशरे, सुर्गे मांजो नियो, ज़ेन्च़रे तुसेईं सुर्गे मांजो गांतो लाहोरोए तेन्च़रे फिरी एइतो लाहेले।”
मत्तियाहे यहूदारो रुतबो मैलते
12ज़ैखन चेले ज़ैतून पहाड़े पुड़ेरां ज़ैन यरूशलेम नगरेरे नेड़े लगभग एक्की किलोमीटर दूरे, यरूशलेम नगरे मांजो वापस आहे। 13नगरे मां एइतां तैना तैस कमरे मां जे ज़ैड़ी तैना रहते थिये, तै कमरो दूइयोवं छती थियो। तैना प्रेरित इना थिये, पतरस, यूहन्ना, याकूब, अन्द्रियास, फिलिप्पुस थोमा, बरतुल्मै, मत्ती ते हलफईरू मट्ठू याकूब ते शमौन जेलोतेस ते याकूबेरू मट्ठू यहूदा रहते थिये। 14एना सब मड़द ते किछ होरि कुआन्शां ज़ैनेईं यीशुएरी मद्दत कियोरी थी, ते यीशुएरी अम्मा मरियम ते यीशुएरे ढ्लान सेइं साथी अक मन भोइतां लगातार प्राथनाई मां लग्गोरे थिये।
15ते तैन्ने दिहाड़न मां पतरस तैन ढ्लां केरि टोली मां ज़ैन केरि तैधात कोई 120 थी, पतरस खड़ो भोइतां ज़ोने लगो, 16“हे मेरे ढ्लाव, पवित्रशास्त्रेरी तै गल ज़ै पवित्र आत्मा दाऊद राज़ेरी ज़िरिये पेइले ज़ोवरी थी, पूरी भोनी ज़रूरी थी, तै गल यहूदारे बारे मां ज़ोवरी थी, ज़ैनी यीशुएरे ट्लुवांने बालां केरि मद्दत कियोरी थी। 17तै असन सेइं साथी सेवा केरनेबालो थियो, ते असन साथी तै गनो गातो थियो। 18तैनी नीच़ कमैयरे लेई यीशु ट्लुवाव, ते फिरी तैनी तैना पेइंसे यहूदी लीडरन वापस दित्ते, ते तैनेईं तैन पेइंसां केरू अक ऊडार घिन्नू, ज़ैड़ी तै दोग्गेरे भारे खिरकोरो थियो, ते तैसेरू पेट फेटतां तैसेरी एंट्लोड़ी बेइर निस्सी।” 19यरूशलेम नगरेरे सारे लोकन ऐह पतो लग्गोरो थियो, तैनेईं अपने भाषाई मां तैस उडारेरू नवं हकलदमा रख्खू, ज़ेसेरो मतलबे, “खूनेरू ऊडार।”
20किजोकि दाऊदे भजना केरि किताबी मां लिखेरूए कि,
“तैसेरू घर उज़ड़े,
ते तैस मां कोई बस्सने बालो न भोए,
ते इन भी लिखेरूए, तैसेरी पदवी कोई होरो ने।”
21एल्हेरेलेइ एन ज़रूरीए कि अक एरो मैन्हु च़ुनो गाए, ज़ै प्रभु यीशुएरे सारे कम्मां केरे गवाह भोए, यानी यीशुएरो यूहन्ना करां बपतिस्मो नेने करां लेइतां असन करां यीशुएरे सुर्गे गाने तगर, 22तैन मरां अक मैन्हु च़ुनो गाए, ज़ै असन सेइं साथी यीशुएरे ज़ींते भोनेरो गवाह भोए। 23तैखन तैनेईं दूई ज़ने नामज़द किये, अक यूसुफ ज़ैस जो बरसब्बास ज़ोते थिये, ज़ेसेरो खताब यूस्तुस थियो, ते दूइयोवं मत्तियाह थियो। 24ते एन ज़ोइतां प्राथना की, “हे प्रभु, तू सेब्भी केरे मने ज़ानतस ते असन पुड़ बांदू केर, कि इन दूईयन मां तीं कौन ज़ेरो च़ुनोरोए। 25कि तै इस सेवकाई ते प्रेरिताइयोरो पद ने, ज़ै यहूदा शैरतां अपने ठैरी जेवरोए।” 26तैनेईं तैसेरे बारे मां शर्त रखेरू थियूं, ज़ैन मत्तियाह नंव्वे पुड़ निस्सू, एल्हेरेलेइ तै 12 प्रेरितन सेइं साथी गनो जेव।
Currently Selected:
प्रेरितां केरां कम्मां 1: BHDNT
Highlight
Copy
Compare
Share
Want to have your highlights saved across all your devices? Sign up or sign in
Bhadrawahi Bible (भड्लाई बाइबिल), 2020 by Beyond Translation is licensed under a Creative Commons Attribution-ShareAlike 4.0 International License.
प्रेरितां केरां कम्मां 1
1
1जनाब थियुफिलुस, मीं अपनि पेइली किताब मां तैना सैरी गल्लां लिखोरिन, ज़ैना यीशु शुरू मां केरतो ते शिखालतो राव, 2तैस दिहैड़ी तगर ज़ेइस तै सुर्गे मांजो नियो जेव। तैस करां पेइले तैनी अपने च़ुनोरे प्रेरितन पवित्र आत्मारे शेक्तरे ज़िरिये सेइं किछ हुक्म भी दित्तोरे थी। 3यीशुए दुख झ़ैल्लनेरां ते मौतरे बाद तैनी अपने ज़ींते भोनेरां काई पक्कां सबूतां तैन हिरां, ते 40 दिहाड़न तगर तैन लेइहोतो राव, ते परमेशरेरे राज़्ज़ेरे गल्लां शुनातो राव। 4एक्की फेरे ज़ैखन यीशुए अपने चेलन सेइं साथी थियो तैनी तैन ठाकू, “कि तुस यरूशलेम नगरे मरां बेइर न गेइयथ ते मेरे बाजी परमेशरेरो तै वाधो पूरो भोनेरो इंतज़ार केरथ, ज़ेसेरे बारे मां तुसेईं मीं करां शुनोरू भी आहे। 5किजोकि यूहन्ना त लोकन पैनी सेइं बपतिस्मो दित्तो, पन तुसन थोड़े दिहैड़ना पत्ती पवित्र आत्मा सेइं बपतिस्मो दित्तो गालो (यानी परमेशर पवित्र आत्मा भेज़ेलो ज़ै तुसन सेइं साथी रालो)”
यीशुएरू सुर्गे जो गानू
6ज़ताली प्रेरित दुबारां यीशु सेइं मिले, त तैनेईं तैस पुछ़ू, “हे प्रभु, कुन तू इस वक्ते फिरी इस्राएले तैसेरू राज़ देने बालोस?” 7तैनी तैन सेइं ज़ोवं, “तैस वक्तेरो या ज़ेइस तैना गल्लां भोल्ही, तैन केरे बारे मां तुसन ज़ान्नेरी कोई ज़रूरत नईं, ज़ैना बाजी परमेशरे अपने अधिकार मां रेखोरिन। 8पन पवित्र आत्मा ज़ैखन तुसन पुड़ उतरेली त तुसन शक्ति मैल्हेली, ते तुस यरूशलेम नगर ते सारे यहूदिया ते सामरिया इलाकन मां बल्के धेरतरे हर पासे मेरे गवाह भोल्हे।” 9एना गल्लां ज़ोनेरां पत्ती यीशु तैन केरे सामने हेरते-हेरते परमेशरे तै सुर्गे जो नियो, ते बिदलारां तै तैन केरे एछ़्छ़न करां छ़ुपाव। 10ज़ैखन तैना यीशुए अम्बरे मांजो गांतो तकने लगोरे थिये, त अचानक, दूई मड़द ज़ैन छ़ित्तां लिगड़ां लग्गोरां थियां तैन कां एइतां खड़े भोए। 11ते ज़ोने लगे, “हे गलीली मड़दव तुस खड़खड़े अम्बरेरे पासे कुन तकने लगोरेथ? एहे यीशु ज़ेन्च़रे तुश्शे सामने परमेशरे, सुर्गे मांजो नियो, ज़ेन्च़रे तुसेईं सुर्गे मांजो गांतो लाहोरोए तेन्च़रे फिरी एइतो लाहेले।”
मत्तियाहे यहूदारो रुतबो मैलते
12ज़ैखन चेले ज़ैतून पहाड़े पुड़ेरां ज़ैन यरूशलेम नगरेरे नेड़े लगभग एक्की किलोमीटर दूरे, यरूशलेम नगरे मांजो वापस आहे। 13नगरे मां एइतां तैना तैस कमरे मां जे ज़ैड़ी तैना रहते थिये, तै कमरो दूइयोवं छती थियो। तैना प्रेरित इना थिये, पतरस, यूहन्ना, याकूब, अन्द्रियास, फिलिप्पुस थोमा, बरतुल्मै, मत्ती ते हलफईरू मट्ठू याकूब ते शमौन जेलोतेस ते याकूबेरू मट्ठू यहूदा रहते थिये। 14एना सब मड़द ते किछ होरि कुआन्शां ज़ैनेईं यीशुएरी मद्दत कियोरी थी, ते यीशुएरी अम्मा मरियम ते यीशुएरे ढ्लान सेइं साथी अक मन भोइतां लगातार प्राथनाई मां लग्गोरे थिये।
15ते तैन्ने दिहाड़न मां पतरस तैन ढ्लां केरि टोली मां ज़ैन केरि तैधात कोई 120 थी, पतरस खड़ो भोइतां ज़ोने लगो, 16“हे मेरे ढ्लाव, पवित्रशास्त्रेरी तै गल ज़ै पवित्र आत्मा दाऊद राज़ेरी ज़िरिये पेइले ज़ोवरी थी, पूरी भोनी ज़रूरी थी, तै गल यहूदारे बारे मां ज़ोवरी थी, ज़ैनी यीशुएरे ट्लुवांने बालां केरि मद्दत कियोरी थी। 17तै असन सेइं साथी सेवा केरनेबालो थियो, ते असन साथी तै गनो गातो थियो। 18तैनी नीच़ कमैयरे लेई यीशु ट्लुवाव, ते फिरी तैनी तैना पेइंसे यहूदी लीडरन वापस दित्ते, ते तैनेईं तैन पेइंसां केरू अक ऊडार घिन्नू, ज़ैड़ी तै दोग्गेरे भारे खिरकोरो थियो, ते तैसेरू पेट फेटतां तैसेरी एंट्लोड़ी बेइर निस्सी।” 19यरूशलेम नगरेरे सारे लोकन ऐह पतो लग्गोरो थियो, तैनेईं अपने भाषाई मां तैस उडारेरू नवं हकलदमा रख्खू, ज़ेसेरो मतलबे, “खूनेरू ऊडार।”
20किजोकि दाऊदे भजना केरि किताबी मां लिखेरूए कि,
“तैसेरू घर उज़ड़े,
ते तैस मां कोई बस्सने बालो न भोए,
ते इन भी लिखेरूए, तैसेरी पदवी कोई होरो ने।”
21एल्हेरेलेइ एन ज़रूरीए कि अक एरो मैन्हु च़ुनो गाए, ज़ै प्रभु यीशुएरे सारे कम्मां केरे गवाह भोए, यानी यीशुएरो यूहन्ना करां बपतिस्मो नेने करां लेइतां असन करां यीशुएरे सुर्गे गाने तगर, 22तैन मरां अक मैन्हु च़ुनो गाए, ज़ै असन सेइं साथी यीशुएरे ज़ींते भोनेरो गवाह भोए। 23तैखन तैनेईं दूई ज़ने नामज़द किये, अक यूसुफ ज़ैस जो बरसब्बास ज़ोते थिये, ज़ेसेरो खताब यूस्तुस थियो, ते दूइयोवं मत्तियाह थियो। 24ते एन ज़ोइतां प्राथना की, “हे प्रभु, तू सेब्भी केरे मने ज़ानतस ते असन पुड़ बांदू केर, कि इन दूईयन मां तीं कौन ज़ेरो च़ुनोरोए। 25कि तै इस सेवकाई ते प्रेरिताइयोरो पद ने, ज़ै यहूदा शैरतां अपने ठैरी जेवरोए।” 26तैनेईं तैसेरे बारे मां शर्त रखेरू थियूं, ज़ैन मत्तियाह नंव्वे पुड़ निस्सू, एल्हेरेलेइ तै 12 प्रेरितन सेइं साथी गनो जेव।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bhadrawahi Bible (भड्लाई बाइबिल), 2020 by Beyond Translation is licensed under a Creative Commons Attribution-ShareAlike 4.0 International License.