लैव्यव्यवस्था 1
1
होमबलि की विधि
1यहोवा नै मिलापआळे तम्बू म्ह तै मूसा ताहीं बुलाकै उसतै कह्या, 2“इस्राएलियाँ तै कह के थारे म्ह तै जो कोए माणस यहोवा कै खात्तर पशु का चढ़ावा चढ़ावै, तो उसका बलिपशु गां-बळध या भेड़-बकरियाँ म्ह तै एक का हो।”
3“जै वो गां-बळध म्ह तै होमबलि करै, तो बेकसूर नर मिलापआळे तम्बू कै दरबाजे पै चढ़ावै के यहोवा उस ताहीं कबूल करै। 4वो अपणा हाथ होमबलि पशु कै सिर पै धरै, अर वो उनकै खात्तर प्रायश्चित करण नै कबूल करया जावैगा। 5फेर वो उस बाछड़े नै यहोवा कै स्याम्ही बलि करै; अर हारुन के बेट्टे जो याजक सै वे लहू नै धोरै ले जाकै उस वेदी कै चौगरदे नै छिड़कै जो मिलापआळे तम्बू कै दरबाजे पै सै। 6फेर वो होमबलि पशु की खाल लिकाड़कै उस पशु नै टुकड़े-टुकड़े करै; 7फेर हारुन याजक के बेट्टे वेदी पै आग धरे, अर आग पै लाकड़ी सजा कै धरै; 8अर हारुन के बेट्टे जो याजक सैं वे सिर अर चर्बी सुधा पशु के टुकड्या नै उस लाकड़ी पै जो वेदी की आग पै होवैगी सजा कै धरै; 9अर वो उसकी आंतड़ी अर पैरां नै पाणी तै धोकै। फेर याजक सारया नै वेदी पै जळावै के वो होमबलि यहोवा कै खात्तर सुखदायक सुगन्धआळा हवन ठहरै।”
10“जै वो भेड्डां या बकरयां म्ह तै एक की होमबलि चढ़ावै, तो बेकसूर नर नै चढ़ावै। 11अर वो उस ताहीं यहोवा कै आग्गै वेदी कै उत्तरी ओड़ बलि करै; अर हारुन के बेट्टे जो याजक सै वे उसकै लहू नै वेदी कै चौगरदे नै छिड़कै। 12अर वो उसनै सिर अर चर्बी सुधा टुकड़े-टुकड़े करै, अर याजक इन सारया नै उस लाकड़ी पै सजा कै धर लेवै जो वेदी की आग पै होवैगी; 13वो उसकी आंतड़ी अर पैरां नै पाणी तै धोवै। अर याजक वेदी पै जळावै के वो होमबलि हो अर यहोवा कै खात्तर सुखदायक सुगन्धआळा हवन ठहरै।”
14“जै वो यहोवा कै खात्तर पंछियाँ का होमबलि चढ़ावै, तो पंडुक या कबूतरां का चढ़ावा चढ़ावै। 15याजक उसनै वेदी कै धोरै ले जाकै उसका गळा मरोड़कै सिर नै धड़ तै न्यारा करै, अर वेदी पै जळावै; अर उसका सारा लहू उस वेदी कै बाजू पै गेरया जावै; 16अर वो उसकी गळ-थेल्ली नै मल सुधा लिकाड़कै वेदी कै पूरब की ओड़ तै राख गेरण की जगहां पै गेर दे; 17अर वो उसनै पंखां कै बिचाळै तै पाड़ै, पर न्यारा-न्यारा ना करै। फेर याजक उसनै वेदी पै उस लाकड़ी कै उप्पर धरकै जो आग पै होवैगी जळावै के वो होमबलि अर यहोवा कै खात्तर सुखदायक सुगन्धआळा हवन ठहरै।”
Currently Selected:
लैव्यव्यवस्था 1: BGC
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.
लैव्यव्यवस्था 1
1
होमबलि की विधि
1यहोवा नै मिलापआळे तम्बू म्ह तै मूसा ताहीं बुलाकै उसतै कह्या, 2“इस्राएलियाँ तै कह के थारे म्ह तै जो कोए माणस यहोवा कै खात्तर पशु का चढ़ावा चढ़ावै, तो उसका बलिपशु गां-बळध या भेड़-बकरियाँ म्ह तै एक का हो।”
3“जै वो गां-बळध म्ह तै होमबलि करै, तो बेकसूर नर मिलापआळे तम्बू कै दरबाजे पै चढ़ावै के यहोवा उस ताहीं कबूल करै। 4वो अपणा हाथ होमबलि पशु कै सिर पै धरै, अर वो उनकै खात्तर प्रायश्चित करण नै कबूल करया जावैगा। 5फेर वो उस बाछड़े नै यहोवा कै स्याम्ही बलि करै; अर हारुन के बेट्टे जो याजक सै वे लहू नै धोरै ले जाकै उस वेदी कै चौगरदे नै छिड़कै जो मिलापआळे तम्बू कै दरबाजे पै सै। 6फेर वो होमबलि पशु की खाल लिकाड़कै उस पशु नै टुकड़े-टुकड़े करै; 7फेर हारुन याजक के बेट्टे वेदी पै आग धरे, अर आग पै लाकड़ी सजा कै धरै; 8अर हारुन के बेट्टे जो याजक सैं वे सिर अर चर्बी सुधा पशु के टुकड्या नै उस लाकड़ी पै जो वेदी की आग पै होवैगी सजा कै धरै; 9अर वो उसकी आंतड़ी अर पैरां नै पाणी तै धोकै। फेर याजक सारया नै वेदी पै जळावै के वो होमबलि यहोवा कै खात्तर सुखदायक सुगन्धआळा हवन ठहरै।”
10“जै वो भेड्डां या बकरयां म्ह तै एक की होमबलि चढ़ावै, तो बेकसूर नर नै चढ़ावै। 11अर वो उस ताहीं यहोवा कै आग्गै वेदी कै उत्तरी ओड़ बलि करै; अर हारुन के बेट्टे जो याजक सै वे उसकै लहू नै वेदी कै चौगरदे नै छिड़कै। 12अर वो उसनै सिर अर चर्बी सुधा टुकड़े-टुकड़े करै, अर याजक इन सारया नै उस लाकड़ी पै सजा कै धर लेवै जो वेदी की आग पै होवैगी; 13वो उसकी आंतड़ी अर पैरां नै पाणी तै धोवै। अर याजक वेदी पै जळावै के वो होमबलि हो अर यहोवा कै खात्तर सुखदायक सुगन्धआळा हवन ठहरै।”
14“जै वो यहोवा कै खात्तर पंछियाँ का होमबलि चढ़ावै, तो पंडुक या कबूतरां का चढ़ावा चढ़ावै। 15याजक उसनै वेदी कै धोरै ले जाकै उसका गळा मरोड़कै सिर नै धड़ तै न्यारा करै, अर वेदी पै जळावै; अर उसका सारा लहू उस वेदी कै बाजू पै गेरया जावै; 16अर वो उसकी गळ-थेल्ली नै मल सुधा लिकाड़कै वेदी कै पूरब की ओड़ तै राख गेरण की जगहां पै गेर दे; 17अर वो उसनै पंखां कै बिचाळै तै पाड़ै, पर न्यारा-न्यारा ना करै। फेर याजक उसनै वेदी पै उस लाकड़ी कै उप्पर धरकै जो आग पै होवैगी जळावै के वो होमबलि अर यहोवा कै खात्तर सुखदायक सुगन्धआळा हवन ठहरै।”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.