Zakaariyaasi 11
11
Babbereenaꞌo Dihoo
1Libanoose!
Qaaqqoo ne yigee mixinaꞌon bi maayemmoyich
ne kelleenaꞌon qechibe!
2Ciidoocho, yigoo dihitoyich eefe!
Ogooge mixinaꞌo aalletinaꞌone.
Bashaanee showee meelleenaꞌote,
dunjunje shaareenaꞌo dappetoyich woowo, geti eefote!
3Boonoshi oogo shoottetoyich,
qiddeenaꞌochi eefoon waayebote!
Yoordaanoosi aachi gashooch beeti dunjunje shaaroo aalletoyich,
daahereenaꞌochi gigoon waayebote!
Gutte Qiddeenaꞌo Mooyo
4Ta Nuggishoo Doono Yeeri taach ishichiye: “Basheyemmi bageenaꞌon qiddebe. 5Kemetinaꞌo ebi bageenaꞌon boonoshi guuritoyich sheereyaaneenaꞌone. Bageenaꞌon kemmitinaꞌoo, ‘Gaanneto noone; Doono Yeeri galleteebe’ gettemminaꞌone. Boonoshi qiddeenaꞌoo boonoshich ariqqeyaachemminaꞌone” iye.
6Doono Yeeri ishichiye: “Ebiyee bekk hini showooch beeti asheenaꞌoyich ariqqeyaachemmo taane. Asho bullin bi nuuchoonaa bi taatoonoyich beshiiree immemmo taane. Boonoshiyoo showoon duꞌiyemminaꞌone. Tawoo boonoshi kishoochee wodiyaachemmo taane” iye.
7Ebich kemmii kemee beetinaꞌochi, guureyemmi bageenaꞌon qiddeho. Gutte gumbeenaꞌon deebaa ikkoon Wojjoo wotta ohe ikkoon Ikkittino iyaꞌa shigiiho. Bageenaꞌonoo qiddeho. 8Ikke agenee daggooch keejje qiddeenaꞌon yookkeho.
Boonoshiyoo taan shixxiyeete; tawoo boonoshin sheeneho. 9Tawoo bageenaꞌoyich, “Ebiyee gubb ittoshi qiddoon tuneyaachemmo taane; qitemminaꞌo qitibeete; aallemminaꞌo aallebeete; echetinaꞌoo ikkoo baroon maataa boonoshinaa boonoshina ciirebeete” iyo.
10Aroochee aageteenaꞌo bullina tookkaa ta giyeti wogoon happoyich, Wojjoo iyaꞌa ta shigiiti gumboon daammaꞌa tiicheho. 11Ebiyooba wogo happeehe. Ta tuniiton beeggiti, bageenaꞌon kemmii kemee beetinaꞌo ebi Doono Yeerichi qaaro bi tunoon ariiheete.
12Aroochee ta boonoshich ishichiyo: “Ittoshich gaaweto tuneꞌi bi bekkegaata, ta shuunee gatiyoon taach qocote; tunebaani ittoshi qayenoo qayote” iyo. Boonoshiyoo ta shuunee gatiyoyich shaashe sheqeelee birewoon taach qocciyeete.#Maat. 26:15
13Doono Yeeriyoo taach qocheti boonoshi gijjoon, “Qondee hachechoyich dufe”#11:13 woyee “Ginjabeetooch kotiibe.” iye. Tawoo “Bede gijjoone” iꞌi taach boonoshi immiti shaashe sheqeelee birewoon daammaa Doono Yeerichi yaafee kexooch, qondee hachechoyich duppeho.#11:13 woyee “ginjabeetooch kotiiho.”#Maat. 27:9-10
14Yihudee asheenaꞌonaa Israꞌeeleenaꞌonochi daggooch beeti manaamanittinoon happaꞌa, Ikkittino getteeti guttinnee gumboon tiicheho.
15Aroochee Doono Yeeri taach ishichiye: “Eke wotta qiddoochi qiicoon deꞌiree, yeexere qiddoommon tunebe. 16Ta bageenaꞌon qiddemmon hini showooch tiijjemmo taane. Biyoo aalletoyich aaxxiyaachemmone; shaceton qaawaachemmone. Baata tiisheenaꞌon shepphe wodiyaachemmone; wodoonoo shiimeyaachemmone. Tunebaani awujjitochi meenon maayemmone; bi shanekkoonoo qecciqeccaayemmone.
17Bi bagoon duppiti,
yeexere qiddoyich woowo!
Goraado bi mochoonaa bi qanne aafoonon koye.
Bi mochoo wogibe;
bi qanne aafoo tuchimmi dooge” iye.
Currently Selected:
Zakaariyaasi 11: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Zakaariyaasi 11
11
Babbereenaꞌo Dihoo
1Libanoose!
Qaaqqoo ne yigee mixinaꞌon bi maayemmoyich
ne kelleenaꞌon qechibe!
2Ciidoocho, yigoo dihitoyich eefe!
Ogooge mixinaꞌo aalletinaꞌone.
Bashaanee showee meelleenaꞌote,
dunjunje shaareenaꞌo dappetoyich woowo, geti eefote!
3Boonoshi oogo shoottetoyich,
qiddeenaꞌochi eefoon waayebote!
Yoordaanoosi aachi gashooch beeti dunjunje shaaroo aalletoyich,
daahereenaꞌochi gigoon waayebote!
Gutte Qiddeenaꞌo Mooyo
4Ta Nuggishoo Doono Yeeri taach ishichiye: “Basheyemmi bageenaꞌon qiddebe. 5Kemetinaꞌo ebi bageenaꞌon boonoshi guuritoyich sheereyaaneenaꞌone. Bageenaꞌon kemmitinaꞌoo, ‘Gaanneto noone; Doono Yeeri galleteebe’ gettemminaꞌone. Boonoshi qiddeenaꞌoo boonoshich ariqqeyaachemminaꞌone” iye.
6Doono Yeeri ishichiye: “Ebiyee bekk hini showooch beeti asheenaꞌoyich ariqqeyaachemmo taane. Asho bullin bi nuuchoonaa bi taatoonoyich beshiiree immemmo taane. Boonoshiyoo showoon duꞌiyemminaꞌone. Tawoo boonoshi kishoochee wodiyaachemmo taane” iye.
7Ebich kemmii kemee beetinaꞌochi, guureyemmi bageenaꞌon qiddeho. Gutte gumbeenaꞌon deebaa ikkoon Wojjoo wotta ohe ikkoon Ikkittino iyaꞌa shigiiho. Bageenaꞌonoo qiddeho. 8Ikke agenee daggooch keejje qiddeenaꞌon yookkeho.
Boonoshiyoo taan shixxiyeete; tawoo boonoshin sheeneho. 9Tawoo bageenaꞌoyich, “Ebiyee gubb ittoshi qiddoon tuneyaachemmo taane; qitemminaꞌo qitibeete; aallemminaꞌo aallebeete; echetinaꞌoo ikkoo baroon maataa boonoshinaa boonoshina ciirebeete” iyo.
10Aroochee aageteenaꞌo bullina tookkaa ta giyeti wogoon happoyich, Wojjoo iyaꞌa ta shigiiti gumboon daammaꞌa tiicheho. 11Ebiyooba wogo happeehe. Ta tuniiton beeggiti, bageenaꞌon kemmii kemee beetinaꞌo ebi Doono Yeerichi qaaro bi tunoon ariiheete.
12Aroochee ta boonoshich ishichiyo: “Ittoshich gaaweto tuneꞌi bi bekkegaata, ta shuunee gatiyoon taach qocote; tunebaani ittoshi qayenoo qayote” iyo. Boonoshiyoo ta shuunee gatiyoyich shaashe sheqeelee birewoon taach qocciyeete.#Maat. 26:15
13Doono Yeeriyoo taach qocheti boonoshi gijjoon, “Qondee hachechoyich dufe”#11:13 woyee “Ginjabeetooch kotiibe.” iye. Tawoo “Bede gijjoone” iꞌi taach boonoshi immiti shaashe sheqeelee birewoon daammaa Doono Yeerichi yaafee kexooch, qondee hachechoyich duppeho.#11:13 woyee “ginjabeetooch kotiiho.”#Maat. 27:9-10
14Yihudee asheenaꞌonaa Israꞌeeleenaꞌonochi daggooch beeti manaamanittinoon happaꞌa, Ikkittino getteeti guttinnee gumboon tiicheho.
15Aroochee Doono Yeeri taach ishichiye: “Eke wotta qiddoochi qiicoon deꞌiree, yeexere qiddoommon tunebe. 16Ta bageenaꞌon qiddemmon hini showooch tiijjemmo taane. Biyoo aalletoyich aaxxiyaachemmone; shaceton qaawaachemmone. Baata tiisheenaꞌon shepphe wodiyaachemmone; wodoonoo shiimeyaachemmone. Tunebaani awujjitochi meenon maayemmone; bi shanekkoonoo qecciqeccaayemmone.
17Bi bagoon duppiti,
yeexere qiddoyich woowo!
Goraado bi mochoonaa bi qanne aafoonon koye.
Bi mochoo wogibe;
bi qanne aafoo tuchimmi dooge” iye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.