Roomi 5
5
Yeeri Aafoochaa Cadiqito Tuno
1Illa bi toommooch no mulloon tooꞌiyoona no cadiqitoyee, no Doono Yesuus Kiristoosichi gommona Yeerina tookkii diggoo nooch beetone. 2Yesuus Kiristoosiyoo wotta bi toommooch no mulloon tooꞌiyoona no beeti hini wojjooch noon shakkiiꞌi giijjitone. “Yeerichi oogee yiiroochee qoodeyecho tunemmo noone” getona nooch beeti gibenoona geeciyone. 3-4Tunebaani ebi ikkeetona baach toonoone; iritoo haaꞌiyoon, haaꞌiyoo qocee gaawoon, qocee gaawoo gibenoon immemmo bi tunoon ariibee, no iritoonoo wotta geeciyone. 5Nooch icheti Yaafe Ayaanoona Yeeri bi shunoon no mullooch bi ceechitoyich hini gibeno noon yeelliyaache.
6Hakkoon guuteeꞌa no beetaa, Yeeri bi taajjeti yemeenooba Kiristoosi gondeenaꞌoyicha iꞌi qititone. 7Cadiqe ashicha getiree beshe qitemmi ashoon dano oogeton iritoone; deꞌe ashicha getiree beshe qitiya aafoon kupphemmi asho diqqich danemmo tunemmone. 8Tunebaani Yeeri am shaahoon noon bi shunnito gaata xalla bekkiitone: Batt axaaxecho tunaꞌa no beetaa, Kiristoosi noocha iꞌi qititone.
9Ebich and bi damoona cadiqito noone; Kiristoosichi gommonoo Yeerichi kaaree shiixxoochee wodemmo no tuno manjoone. 10Yeerichi shixecho tunaꞌa no beetaa, bi bushoochi qitoona Yeerina tookkaa shuneto noone; illa and no shunetoyee gubb, Kiristoosi kashecho bi tunetoyich, wodemmo no tuno manjoone. 11Tunebaani ebi ikkeeto baach toonoone; and no Doono Yesuus Kiristoosichi gommona no shuneti Yeerina wotta geeciyone.
Addaaminaa Kiristoosinochi Daggooch Beeti Barittino
12Illa axaaxoo ikke ashi naboona hini alemooch giyiye; axaaxee naboonoo qitoo giyiye; ebiyoommon wotta asho bulli axaaxoon bi shuunetoyich, qitoo asho bulli toommooch shaggiye. 13Yeeri bi sheeroon Muusichi kishoona bi imoyee shiichiꞌi, axaaxoo hini alemooch beehe; tunebaani sheeroo aalli xaaꞌooch asho bi shuuneti axaaxoo bi toommooch haddeyaanoone. 14Tunetaa Addaamichoommon Yeeri gettiti qaaroon boonoshi shaaddo qajjitaanona, Addaamiichee tiijjiꞌi Muusichi yemeenooch beddaahaa, asho bulli toommooch qitoo taatehe. Addaamiyoo woyemmone iꞌi asheenaꞌo quyeti Kiristoosichi shaahiyoone.
15Tunebaani Yeerichi wojjoo Addaamichi xuꞌoommon toonoone; ebi are ikke uroochi xuꞌee naboona meetinaꞌo qititinaꞌone; Yeeri immiibeeti wojjoo am shaahoon beshaa beshiꞌi woddete! Ebiyoommon ikke uro Yesuus Kiristoosina Yeeri meetinaꞌoyich wojjoon beshaa beshiiꞌi immitone. 16Yeeri wojjoon bi imaa shaggiti mooyo ikke asho axaaxoon bi shuunetaa shaggiti mooyona tookkii tato toonoone. Ikke ashi axaaxee naboona nalloo ashi toommooch kindiꞌi naxoon deebitone; tunebaani meeti asheenaꞌochi axaaxee naboona icheti wojjoo cadiqoon deebitone. 17Ikke ashi xuꞌoona qitoo are ikkoochi gommona taatetone; ebi tunegaata, Yeerichi wodde wojjoonaa cadiqee wojjoonon danee beetinaꞌo kashecho tuneree ikke asho Yesuus Kiristoosi gommona am shaahoon beshaa beshiree taateheete!
18Illa ikke uro shuuneti xuꞌee naboona Yeerichi naxo asheenaꞌo bulli toommooch bi shaggitoommon, ebiyoommon wotta ikke uro shuuneti cadiqee naboona asheenaꞌo bullin kashechon tuniibeeti cadiqoo danemmone. 19Ikke uro Yeerichi getoon bi shaaddetoyich meetinaꞌo axaaxechinaꞌo tunetoommon, ebiyoommon wotta ikke uro Yeeri gettiton bi ceechitoyich meetinaꞌo cadiqeenaꞌo tunemminaꞌone.
20Wotta xuꞌo woddemmoyich Muusichi Sheeroo daakkeeꞌi ichehe; tunebaani axaaxoo woddehooba, Yeerichi wojjoo beshaa beshoon woddehe. 21Illa axaaxoo qitee gommona bi taatetoommon, wotta Yeerichi wojjoo no Doono Yesuus Kiristoosichi naboona Yeeri nooch immiibeeti cadiqee gommona bulli yemeenee kashooch yaabiibee taatee beetone.
Currently Selected:
Roomi 5: KBRC
Highlight
Share
Copy
Want to have your highlights saved across all your devices? Sign up or sign in
SIM International, 2020.
Roomi 5
5
Yeeri Aafoochaa Cadiqito Tuno
1Illa bi toommooch no mulloon tooꞌiyoona no cadiqitoyee, no Doono Yesuus Kiristoosichi gommona Yeerina tookkii diggoo nooch beetone. 2Yesuus Kiristoosiyoo wotta bi toommooch no mulloon tooꞌiyoona no beeti hini wojjooch noon shakkiiꞌi giijjitone. “Yeerichi oogee yiiroochee qoodeyecho tunemmo noone” getona nooch beeti gibenoona geeciyone. 3-4Tunebaani ebi ikkeetona baach toonoone; iritoo haaꞌiyoon, haaꞌiyoo qocee gaawoon, qocee gaawoo gibenoon immemmo bi tunoon ariibee, no iritoonoo wotta geeciyone. 5Nooch icheti Yaafe Ayaanoona Yeeri bi shunoon no mullooch bi ceechitoyich hini gibeno noon yeelliyaache.
6Hakkoon guuteeꞌa no beetaa, Yeeri bi taajjeti yemeenooba Kiristoosi gondeenaꞌoyicha iꞌi qititone. 7Cadiqe ashicha getiree beshe qitemmi ashoon dano oogeton iritoone; deꞌe ashicha getiree beshe qitiya aafoon kupphemmi asho diqqich danemmo tunemmone. 8Tunebaani Yeeri am shaahoon noon bi shunnito gaata xalla bekkiitone: Batt axaaxecho tunaꞌa no beetaa, Kiristoosi noocha iꞌi qititone.
9Ebich and bi damoona cadiqito noone; Kiristoosichi gommonoo Yeerichi kaaree shiixxoochee wodemmo no tuno manjoone. 10Yeerichi shixecho tunaꞌa no beetaa, bi bushoochi qitoona Yeerina tookkaa shuneto noone; illa and no shunetoyee gubb, Kiristoosi kashecho bi tunetoyich, wodemmo no tuno manjoone. 11Tunebaani ebi ikkeeto baach toonoone; and no Doono Yesuus Kiristoosichi gommona no shuneti Yeerina wotta geeciyone.
Addaaminaa Kiristoosinochi Daggooch Beeti Barittino
12Illa axaaxoo ikke ashi naboona hini alemooch giyiye; axaaxee naboonoo qitoo giyiye; ebiyoommon wotta asho bulli axaaxoon bi shuunetoyich, qitoo asho bulli toommooch shaggiye. 13Yeeri bi sheeroon Muusichi kishoona bi imoyee shiichiꞌi, axaaxoo hini alemooch beehe; tunebaani sheeroo aalli xaaꞌooch asho bi shuuneti axaaxoo bi toommooch haddeyaanoone. 14Tunetaa Addaamichoommon Yeeri gettiti qaaroon boonoshi shaaddo qajjitaanona, Addaamiichee tiijjiꞌi Muusichi yemeenooch beddaahaa, asho bulli toommooch qitoo taatehe. Addaamiyoo woyemmone iꞌi asheenaꞌo quyeti Kiristoosichi shaahiyoone.
15Tunebaani Yeerichi wojjoo Addaamichi xuꞌoommon toonoone; ebi are ikke uroochi xuꞌee naboona meetinaꞌo qititinaꞌone; Yeeri immiibeeti wojjoo am shaahoon beshaa beshiꞌi woddete! Ebiyoommon ikke uro Yesuus Kiristoosina Yeeri meetinaꞌoyich wojjoon beshaa beshiiꞌi immitone. 16Yeeri wojjoon bi imaa shaggiti mooyo ikke asho axaaxoon bi shuunetaa shaggiti mooyona tookkii tato toonoone. Ikke ashi axaaxee naboona nalloo ashi toommooch kindiꞌi naxoon deebitone; tunebaani meeti asheenaꞌochi axaaxee naboona icheti wojjoo cadiqoon deebitone. 17Ikke ashi xuꞌoona qitoo are ikkoochi gommona taatetone; ebi tunegaata, Yeerichi wodde wojjoonaa cadiqee wojjoonon danee beetinaꞌo kashecho tuneree ikke asho Yesuus Kiristoosi gommona am shaahoon beshaa beshiree taateheete!
18Illa ikke uro shuuneti xuꞌee naboona Yeerichi naxo asheenaꞌo bulli toommooch bi shaggitoommon, ebiyoommon wotta ikke uro shuuneti cadiqee naboona asheenaꞌo bullin kashechon tuniibeeti cadiqoo danemmone. 19Ikke uro Yeerichi getoon bi shaaddetoyich meetinaꞌo axaaxechinaꞌo tunetoommon, ebiyoommon wotta ikke uro Yeeri gettiton bi ceechitoyich meetinaꞌo cadiqeenaꞌo tunemminaꞌone.
20Wotta xuꞌo woddemmoyich Muusichi Sheeroo daakkeeꞌi ichehe; tunebaani axaaxoo woddehooba, Yeerichi wojjoo beshaa beshoon woddehe. 21Illa axaaxoo qitee gommona bi taatetoommon, wotta Yeerichi wojjoo no Doono Yesuus Kiristoosichi naboona Yeeri nooch immiibeeti cadiqee gommona bulli yemeenee kashooch yaabiibee taatee beetone.
Currently Selected:
:
Highlight
Share
Copy
Want to have your highlights saved across all your devices? Sign up or sign in
SIM International, 2020.