Haddoo 8
8
Ceecheenaꞌo Boonoshi Xaaꞌooch Koto
1Doono Yeeri Muusich ishichiye: 2“Haroonich ishichibe: ‘Shabaatte ceechoon maqirajjee toommooch ne kotii beegaata, ebi shabaatte ceechoo maqirajjee toommooch tuneree bi ciinooch bi bekkiyemmoyich tuniibe’ gete” iye.
3Harooniyoo ebiyoommon tuniihe; Doono Yeeri Muusich gettitoommon, maqirajjee ciinooch bi bekkiyemmoyich ceechoon kotiihe. 4Ebi maqirajjo duchoochee tiijjiꞌi bi cillooch beeti bungooch beddaahaa, qicheti aachoochee shuuneetone; bi shuuneeto Doono Yeeri Muusich bekkiitoommoniye.#Key. 25:31-40; 37:17-24
Leweenaꞌochi Xalloonaa Yaafeyoonochi Qociyoo
5Doono Yeeri Muusich ishichiye: 6“Leweenaꞌon Israꞌeeleenaꞌo daggoochee kichiree boonoshi xallemmoyich tuniibe. 7Boonoshin ne xallii beegaata, ebin tuniibe. Xalliyee aacon boonoshi toommooch wucibe. Boonoshi ashittinee eexo bullin appoona cakke, boonoshi tahoonoo mayi boonoshi xallemmoyich tuniibe. 8Aroochee wuronaa maayi buuroyich zayitoona xirikketi qacini buddinoonon deebeete. Newoo axaaxee maariyee deejjoyich giddemmi bare wuron deebe. 9Leweenaꞌon danee duukkaanee aafooch giddiibe. Israꞌeeleenaꞌochi iitoo bullin kicibe. 10Doono Yeeri ta aafooch ne giddiiti Leweenaꞌo toommooch Israꞌeeleenaꞌo boonoshi kishoon kotiibeete. 11Aroochee Harooni Israꞌeeleenaꞌo daggoochee Leweenaꞌon Doono Yeeri taach boonoshi maddemmoyich, kaama tiijjaa giddeebeeti deejjoommon tunii Doono Yeeri ta aafooch giddiibe.
12“Leweenaꞌo boonoshi kishoon wurinaꞌochi qellooch boonoshi kotiitoyee gubb, boonoshi axaaxoon maariyoyich ikkoon axaaxee deejjoo, wotta ohe ikkoon micciibeeti deejjoo tunii Doono Yeeri taach deejjibe. 13Leweenaꞌon kaama tiijjaa giddeebeeti deejjoommon tuniiree Doono Yeeri ta aafooch giddiibe. Harooninaa bi bushiisheenaꞌonon boonoshi toommooch ukkiriibe. 14Ebina Leweenaꞌo taachinaꞌo boonoshi tunemmoyich Israꞌeeleenaꞌo daggoochee bariibe.
15“Boonoshin xallii, kaama tiijjaa giddeebeeti deejjoommon tuniyaꞌa ne giddiitoyee gubb, shuunee maddoyich danee duukkaanooch giyemminaꞌone. 16Boonoshiyoo Israꞌeelee maacheenaꞌochi maacwaqqoon tuneti, Israꞌeeleenaꞌochi gutenee bushiishoo bullichi qoodoyich, ciroona taach boonoshi ichetoyich, boonoshin taacho tuniito taane. 17Asho tuneba gijjoo, Israꞌeeleenaꞌo daggooch shiichii shiijjeti qaabboo taachone. Gibits beeti qaabboo bullin ta wuxiyooba, taacho boonoshi tunemmoyich boonoshin bariito taane.#Key. 13:2 18Israꞌeeleenaꞌo gutenee bushiishoo bullichi qoodoyich Leweenaꞌon taach tuniito taane. 19Israꞌeeleenaꞌo daggoochee Leweenaꞌon Harooninaa bi bushiishoonoyich wojjaa immeto taane; ebiyoo danee duukkaanoochaa Israꞌeeleenaꞌoyich boonoshi maddemmonaa Israꞌeeleenaꞌo diqq Yaafe Xaaꞌooch katiniree boonoshi naxeyaachemmoyich, Israꞌeeleenaꞌochi axaaxoon boonoshi maariyemmonoyichiye” iye.
20Muusi, Harooninaa Israꞌeelee iitoo bullina, Doono Yeeri Muusich gettitoommon Leweenaꞌoyich tuniiheete. 21Leweenaꞌo axaaxoochee boonoshi qelloon xalliiheete; boonoshi tahoonoo machiyeete. Harooniyoo kaama tiijjaa giddeebeeti deejjoochoommon, Doono Yeeri aafooch boonoshin giddiihe; wotta boonoshi axaaxoon xalliyee doyoonoo tuniihe. 22Asheenaꞌo, Doono Yeeri Leweenaꞌochon Muusich bi gettitoommon, boonoshich tuniiheete. Ebiyee gubb, Leweenaꞌo Harooninaa bi bushiisheenaꞌonoyee desh tuneꞌi, boonoshi maddoon maddoyich danee duukkaanooch giyiyeete.
23Doono Yeeri Muusich ishichiye: 24“Leweenaꞌochon ciinnii beetona qociyoo ebine: Hiyaa uuche natoochee tiijjii, ebiyee dambeenaꞌo maddoyich danee duukkaanooch woyemminaꞌone. 25Boonoshi eeno aache natt bedigaata, boonoshi maddoon neechemminaꞌone; ebiyee gubb shuuneyaachemminaꞌone. 26Aroyee gubb, danee duukkaanoochaa boonoshi maneenaꞌon gaachebeetani, boonoshi qelloona maddaayeete; illa Leweenaꞌochi maddoon ciinnii beetona ne dojjemmo ebiniye” iye.
Currently Selected:
Haddoo 8: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Haddoo 8
8
Ceecheenaꞌo Boonoshi Xaaꞌooch Koto
1Doono Yeeri Muusich ishichiye: 2“Haroonich ishichibe: ‘Shabaatte ceechoon maqirajjee toommooch ne kotii beegaata, ebi shabaatte ceechoo maqirajjee toommooch tuneree bi ciinooch bi bekkiyemmoyich tuniibe’ gete” iye.
3Harooniyoo ebiyoommon tuniihe; Doono Yeeri Muusich gettitoommon, maqirajjee ciinooch bi bekkiyemmoyich ceechoon kotiihe. 4Ebi maqirajjo duchoochee tiijjiꞌi bi cillooch beeti bungooch beddaahaa, qicheti aachoochee shuuneetone; bi shuuneeto Doono Yeeri Muusich bekkiitoommoniye.#Key. 25:31-40; 37:17-24
Leweenaꞌochi Xalloonaa Yaafeyoonochi Qociyoo
5Doono Yeeri Muusich ishichiye: 6“Leweenaꞌon Israꞌeeleenaꞌo daggoochee kichiree boonoshi xallemmoyich tuniibe. 7Boonoshin ne xallii beegaata, ebin tuniibe. Xalliyee aacon boonoshi toommooch wucibe. Boonoshi ashittinee eexo bullin appoona cakke, boonoshi tahoonoo mayi boonoshi xallemmoyich tuniibe. 8Aroochee wuronaa maayi buuroyich zayitoona xirikketi qacini buddinoonon deebeete. Newoo axaaxee maariyee deejjoyich giddemmi bare wuron deebe. 9Leweenaꞌon danee duukkaanee aafooch giddiibe. Israꞌeeleenaꞌochi iitoo bullin kicibe. 10Doono Yeeri ta aafooch ne giddiiti Leweenaꞌo toommooch Israꞌeeleenaꞌo boonoshi kishoon kotiibeete. 11Aroochee Harooni Israꞌeeleenaꞌo daggoochee Leweenaꞌon Doono Yeeri taach boonoshi maddemmoyich, kaama tiijjaa giddeebeeti deejjoommon tunii Doono Yeeri ta aafooch giddiibe.
12“Leweenaꞌo boonoshi kishoon wurinaꞌochi qellooch boonoshi kotiitoyee gubb, boonoshi axaaxoon maariyoyich ikkoon axaaxee deejjoo, wotta ohe ikkoon micciibeeti deejjoo tunii Doono Yeeri taach deejjibe. 13Leweenaꞌon kaama tiijjaa giddeebeeti deejjoommon tuniiree Doono Yeeri ta aafooch giddiibe. Harooninaa bi bushiisheenaꞌonon boonoshi toommooch ukkiriibe. 14Ebina Leweenaꞌo taachinaꞌo boonoshi tunemmoyich Israꞌeeleenaꞌo daggoochee bariibe.
15“Boonoshin xallii, kaama tiijjaa giddeebeeti deejjoommon tuniyaꞌa ne giddiitoyee gubb, shuunee maddoyich danee duukkaanooch giyemminaꞌone. 16Boonoshiyoo Israꞌeelee maacheenaꞌochi maacwaqqoon tuneti, Israꞌeeleenaꞌochi gutenee bushiishoo bullichi qoodoyich, ciroona taach boonoshi ichetoyich, boonoshin taacho tuniito taane. 17Asho tuneba gijjoo, Israꞌeeleenaꞌo daggooch shiichii shiijjeti qaabboo taachone. Gibits beeti qaabboo bullin ta wuxiyooba, taacho boonoshi tunemmoyich boonoshin bariito taane.#Key. 13:2 18Israꞌeeleenaꞌo gutenee bushiishoo bullichi qoodoyich Leweenaꞌon taach tuniito taane. 19Israꞌeeleenaꞌo daggoochee Leweenaꞌon Harooninaa bi bushiishoonoyich wojjaa immeto taane; ebiyoo danee duukkaanoochaa Israꞌeeleenaꞌoyich boonoshi maddemmonaa Israꞌeeleenaꞌo diqq Yaafe Xaaꞌooch katiniree boonoshi naxeyaachemmoyich, Israꞌeeleenaꞌochi axaaxoon boonoshi maariyemmonoyichiye” iye.
20Muusi, Harooninaa Israꞌeelee iitoo bullina, Doono Yeeri Muusich gettitoommon Leweenaꞌoyich tuniiheete. 21Leweenaꞌo axaaxoochee boonoshi qelloon xalliiheete; boonoshi tahoonoo machiyeete. Harooniyoo kaama tiijjaa giddeebeeti deejjoochoommon, Doono Yeeri aafooch boonoshin giddiihe; wotta boonoshi axaaxoon xalliyee doyoonoo tuniihe. 22Asheenaꞌo, Doono Yeeri Leweenaꞌochon Muusich bi gettitoommon, boonoshich tuniiheete. Ebiyee gubb, Leweenaꞌo Harooninaa bi bushiisheenaꞌonoyee desh tuneꞌi, boonoshi maddoon maddoyich danee duukkaanooch giyiyeete.
23Doono Yeeri Muusich ishichiye: 24“Leweenaꞌochon ciinnii beetona qociyoo ebine: Hiyaa uuche natoochee tiijjii, ebiyee dambeenaꞌo maddoyich danee duukkaanooch woyemminaꞌone. 25Boonoshi eeno aache natt bedigaata, boonoshi maddoon neechemminaꞌone; ebiyee gubb shuuneyaachemminaꞌone. 26Aroyee gubb, danee duukkaanoochaa boonoshi maneenaꞌon gaachebeetani, boonoshi qelloona maddaayeete; illa Leweenaꞌochi maddoon ciinnii beetona ne dojjemmo ebiniye” iye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.