Haddoo 23
23
Balaamichi Batti Batti Yibbaatoo
1Balaamiyoo Balaaqich ishichiye: “Shabaatte deejjee gudoon taach hiniich shuunebe. Shabaatte wuronaa shabaatte bagee baaddoonon taach hiniich qanniibe” iye. 2Balaaqiyoo Balaami biich gettitoommon qanniihe. Balaaminaa Balaaqina deejjee gudo bi ikkikkooch ikke wuronaa ikke bagee baaddoonon deejjiyeete.
3Aroochee Balaami Balaaqich ishichiye: “Ta okk ebiich hammemmo taane; ne hini ne deejjee gaꞌooch neexebe. Diqqich Doono Yeeri taanna daneya woyemmone. Taach bi bekkiimmi mooyo amoonolla neech gettemmo taane” iye. Aroochee ikke xoobooch hammiye.
4Yeeriyoo Balaamina danehe. Balaamiyoo biich ishichiye: “Shabaatte deejjee gudoon shuuneto taane. Are deejjee gudo bi ikkikkooch ikke wuronaa ikke bagee baaddoonon deejjito taane” iye.
5Doono Yeeriyoo Balaamich bi wochoon gettiꞌi, “Balaaq waan wotteree ebin biich gete” iye.
6Balaami wottee waaꞌi, Balaaqinaa Moꞌabee iraasheenaꞌo bullina micciibeeti deejjee gaꞌooch neexee beetinaꞌon beeggiye. 7Balaamiyoo ishichiꞌi yibbaatooch giyiye:
“ ‘Waaree taach Yaaqobin ufe.
Waaree taach Israꞌeelin giishiibe’ iꞌi,
Araamee showoochee, aabi-keyo waani guudoochee,
Moꞌabee taatoo Balaaqi taan deebiye.
8Yeeri ufaanoon, aabichi ufote?
Doono Yeeri ufaanoon, aabichi ufote?
9Guudinaꞌo toommoochaa boonoshin ciinnaabeeto taane;
geppeenaꞌo toommoochaa boonoshin beeggaabeeto taane.
Aageteenaꞌona tookkii bacceyaanoon
bariꞌi boonoshi qelloona koteebeeti asheenaꞌone.
10Mattiqutte Yaaqobichi shiijjeroon hakki haddemmo, kone?
Israꞌeelichi shiijjeree heecoon hakki haddemmo, kone?
Tawoo cadiqo qitoommon qitibone;
ta ciiroo wotta bi ciiroon shaahibe” iye.
11Aroochee Balaaqi Balaamich ishichiye: “Aabichaa ebin taach shuunenne? Ta etteenaꞌon ne uppemmoyich neen deeboye. Tunebaani boonoshin diirihinani, amoonolla taach tuniyaano neene” iye.
12Balaamiyoo wochiꞌi, “Doono Yeeri taach gettiton baachiye ta gettemmo” iye.
Balaamichi Guttinnee Yibbaatoo
13Balaaqi Balaamich “Eke ne waataa bare xaaꞌooch hambone; aroochaa bullin tuneyaanoon goceexinaꞌon beeggemmo neene; ebi aroochaa boonoshin taach ufe” iye.
14Ebina Fisigi guudi toommooch beeti Yofiimi gaddooch biin daammiye. Arooch shabaatte deejjee gudoon shuunehe. Deejjee gudo bi ikkikkooch ikke wuronaa ikke bagee baaddoonon deejjiye.
15Balaamiyoo Balaaqich “Doono Yeerina daneya okk ebiich hammemmo taane; ne hini ne deejjee gaꞌooch neexebe” iye.
16Doono Yeeri Balaamina danee bi wochoon biich gettiꞌi, “Balaaq waan wotteree ebin biich gete” iye. 17Balaami wottee waaꞌi; Balaaqi Moꞌabee iraasheenaꞌo bullina tookkii micciibeeti bi deejjee gaꞌooch neexee beeton beeggiye. Balaaqiyoo “Doono Yeeri ama iye?” ii echehe.
18Balaamiyoo ishichiꞌi yibbaatooch giyiye:
“Balaaqo, tibe; waayebe!
Tsifoori bushoocho, ta waanee ellebe!
19Kootoon bi koottemmoyich,
Yeeri asho toonoone.
‘Amoyich ebin tuniitote’ bi gettemmoyich,
ashi bushoo toonoone.
Bi gettiton, aroon tuniihe;
bi gibenikkiton, aroon ceechiye.
20‘Diiribe’ getteeto taane;
bi diiriton ta shaddoo hakkaache.
21Gubbich, Yaaqobi toommooch shaggemmi gonde mooyo bekkeyaanoone;
Israꞌeel waanoo shaggemmi duꞌo aalloone.
Boonoshi Nuggishoo Doono Yeeri boonoshina tookkii beetone;
taatoyich ilileebeeti ililoo boonoshi daggoochiye.
22Boonoshin Gibitsee kichito, Yeerine.
Boonoshi giidoo gaahee giidoommone.
23Yaaqobi toommooch iicoo shuuneyaache;
Israꞌeeli toommoochoo qaaxo shuuneyaache.
Illa and, ‘Yaaqobich, Israꞌeelichoo Yeeri tuniiton beegote’ getteyemmone.
24Ebiyoche asheenaꞌo maache daaherechoommon tiyemminaꞌone.
Bi yechiton bi maammi wottoon,
bi wuxitochi damoon bi uchimmi wottoon,
tokketetaani daaheroochoommon tiyemminaꞌone” iye.
25Balaaqiyoo Balaamin “Ufon ne qayi gaatoona boonoshin diiriyaahine” iye.
26Tunebaani Balaami biich wochiꞌi, “Doono Yeeri taach gettimmon baach tuniyemmo ta tunoon neech getaano taane?” iye.
Balaamichi Keejjinnee Yibbaatoo
27Balaaqi Balaamin “Eke ne waataa wotta neen bare xaaꞌooch daambona. Diqqich aroochaa boonoshin taach ne uppemmoyich Yeeri daaggemmone” iye. 28Ebich Balaaqi Balaamin aroochaa barahoo dugilla ciicheebeeti Feꞌoori guudi cullullooch daammiye.
29Balaamiyoo Balaaqin “Shabaatte deejjee gudoon taach shuunebe. Shabaatte wuronaa shabaatte bagee baaddoonon taach qanniibe” iye. 30Balaaqiyoo Balaami gettitoommon tuniihe. Deejjee gudo bi ikkikkooch ikke wuronaa ikke bagee baaddoonon deejjiye.
Currently Selected:
Haddoo 23: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Haddoo 23
23
Balaamichi Batti Batti Yibbaatoo
1Balaamiyoo Balaaqich ishichiye: “Shabaatte deejjee gudoon taach hiniich shuunebe. Shabaatte wuronaa shabaatte bagee baaddoonon taach hiniich qanniibe” iye. 2Balaaqiyoo Balaami biich gettitoommon qanniihe. Balaaminaa Balaaqina deejjee gudo bi ikkikkooch ikke wuronaa ikke bagee baaddoonon deejjiyeete.
3Aroochee Balaami Balaaqich ishichiye: “Ta okk ebiich hammemmo taane; ne hini ne deejjee gaꞌooch neexebe. Diqqich Doono Yeeri taanna daneya woyemmone. Taach bi bekkiimmi mooyo amoonolla neech gettemmo taane” iye. Aroochee ikke xoobooch hammiye.
4Yeeriyoo Balaamina danehe. Balaamiyoo biich ishichiye: “Shabaatte deejjee gudoon shuuneto taane. Are deejjee gudo bi ikkikkooch ikke wuronaa ikke bagee baaddoonon deejjito taane” iye.
5Doono Yeeriyoo Balaamich bi wochoon gettiꞌi, “Balaaq waan wotteree ebin biich gete” iye.
6Balaami wottee waaꞌi, Balaaqinaa Moꞌabee iraasheenaꞌo bullina micciibeeti deejjee gaꞌooch neexee beetinaꞌon beeggiye. 7Balaamiyoo ishichiꞌi yibbaatooch giyiye:
“ ‘Waaree taach Yaaqobin ufe.
Waaree taach Israꞌeelin giishiibe’ iꞌi,
Araamee showoochee, aabi-keyo waani guudoochee,
Moꞌabee taatoo Balaaqi taan deebiye.
8Yeeri ufaanoon, aabichi ufote?
Doono Yeeri ufaanoon, aabichi ufote?
9Guudinaꞌo toommoochaa boonoshin ciinnaabeeto taane;
geppeenaꞌo toommoochaa boonoshin beeggaabeeto taane.
Aageteenaꞌona tookkii bacceyaanoon
bariꞌi boonoshi qelloona koteebeeti asheenaꞌone.
10Mattiqutte Yaaqobichi shiijjeroon hakki haddemmo, kone?
Israꞌeelichi shiijjeree heecoon hakki haddemmo, kone?
Tawoo cadiqo qitoommon qitibone;
ta ciiroo wotta bi ciiroon shaahibe” iye.
11Aroochee Balaaqi Balaamich ishichiye: “Aabichaa ebin taach shuunenne? Ta etteenaꞌon ne uppemmoyich neen deeboye. Tunebaani boonoshin diirihinani, amoonolla taach tuniyaano neene” iye.
12Balaamiyoo wochiꞌi, “Doono Yeeri taach gettiton baachiye ta gettemmo” iye.
Balaamichi Guttinnee Yibbaatoo
13Balaaqi Balaamich “Eke ne waataa bare xaaꞌooch hambone; aroochaa bullin tuneyaanoon goceexinaꞌon beeggemmo neene; ebi aroochaa boonoshin taach ufe” iye.
14Ebina Fisigi guudi toommooch beeti Yofiimi gaddooch biin daammiye. Arooch shabaatte deejjee gudoon shuunehe. Deejjee gudo bi ikkikkooch ikke wuronaa ikke bagee baaddoonon deejjiye.
15Balaamiyoo Balaaqich “Doono Yeerina daneya okk ebiich hammemmo taane; ne hini ne deejjee gaꞌooch neexebe” iye.
16Doono Yeeri Balaamina danee bi wochoon biich gettiꞌi, “Balaaq waan wotteree ebin biich gete” iye. 17Balaami wottee waaꞌi; Balaaqi Moꞌabee iraasheenaꞌo bullina tookkii micciibeeti bi deejjee gaꞌooch neexee beeton beeggiye. Balaaqiyoo “Doono Yeeri ama iye?” ii echehe.
18Balaamiyoo ishichiꞌi yibbaatooch giyiye:
“Balaaqo, tibe; waayebe!
Tsifoori bushoocho, ta waanee ellebe!
19Kootoon bi koottemmoyich,
Yeeri asho toonoone.
‘Amoyich ebin tuniitote’ bi gettemmoyich,
ashi bushoo toonoone.
Bi gettiton, aroon tuniihe;
bi gibenikkiton, aroon ceechiye.
20‘Diiribe’ getteeto taane;
bi diiriton ta shaddoo hakkaache.
21Gubbich, Yaaqobi toommooch shaggemmi gonde mooyo bekkeyaanoone;
Israꞌeel waanoo shaggemmi duꞌo aalloone.
Boonoshi Nuggishoo Doono Yeeri boonoshina tookkii beetone;
taatoyich ilileebeeti ililoo boonoshi daggoochiye.
22Boonoshin Gibitsee kichito, Yeerine.
Boonoshi giidoo gaahee giidoommone.
23Yaaqobi toommooch iicoo shuuneyaache;
Israꞌeeli toommoochoo qaaxo shuuneyaache.
Illa and, ‘Yaaqobich, Israꞌeelichoo Yeeri tuniiton beegote’ getteyemmone.
24Ebiyoche asheenaꞌo maache daaherechoommon tiyemminaꞌone.
Bi yechiton bi maammi wottoon,
bi wuxitochi damoon bi uchimmi wottoon,
tokketetaani daaheroochoommon tiyemminaꞌone” iye.
25Balaaqiyoo Balaamin “Ufon ne qayi gaatoona boonoshin diiriyaahine” iye.
26Tunebaani Balaami biich wochiꞌi, “Doono Yeeri taach gettimmon baach tuniyemmo ta tunoon neech getaano taane?” iye.
Balaamichi Keejjinnee Yibbaatoo
27Balaaqi Balaamin “Eke ne waataa wotta neen bare xaaꞌooch daambona. Diqqich aroochaa boonoshin taach ne uppemmoyich Yeeri daaggemmone” iye. 28Ebich Balaaqi Balaamin aroochaa barahoo dugilla ciicheebeeti Feꞌoori guudi cullullooch daammiye.
29Balaamiyoo Balaaqin “Shabaatte deejjee gudoon taach shuunebe. Shabaatte wuronaa shabaatte bagee baaddoonon taach qanniibe” iye. 30Balaaqiyoo Balaami gettitoommon tuniihe. Deejjee gudo bi ikkikkooch ikke wuronaa ikke bagee baaddoonon deejjiye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.