Haddoo 20
20
Xaqqoochee Aaco Xuupho
(Keyo 17:1-7)
1Israꞌeelee iitoo bulli batti batti agenooch Tsiini barahooch waaꞌi, Qadeesh kotehe. Miiriyamiyoo aroochaa qitiyan; aroochoo duukkehan.
2Ebiyooba asheenaꞌo uchemmi aaco aallehe. Boonoshiyoo Muusinaa Harooninochi toommooch tiyiꞌi, 3Muusina kaareheete; ishichiinoo iyeete: “Doono Yeeri aafoochaa no maneenaꞌo qitiyooba nowoo abo arooba qitibona! 4Noonnaa no gijjeenaꞌona hini barahoochaa qitemmoyich Doono Yeerichi iitoon hini barahooch amoyich deebiyote? 5Hini gonde showooch deeboyich Gibitsee amoyich noon kichiyote? Maayo woyee balaaso woyee woyino woyee romaano shagaani xaaꞌoone; ucheyemmi aacona aalli xaaꞌoone” iyeete.
6Muusinaa Haroonina iiteenaꞌo beetoochee danee duukkaanee kellooch hammiꞌi baroona guufeheete. Doono Yeerichi oogee yiiroo boonoshich bekkehe. 7Doono Yeeriyoo Muusich ishichiye: 8“Gumboon yeshe. Neennaa ne manoo Haroonina iiteenaꞌon ikkooch kicibote. Xaqqo aacon bi kichemmoyich boonoshi ciini beetaa getote. Xaqqoochee aacon boonoshich kichemmo neene; boonoshinaa boonoshi gijjeenaꞌona aacon uchemminaꞌone” iye.
9Ebich Muusi Doono Yeeri aafoochee gumboon daammiye. 10Muusinaa Haroonina iiteenaꞌon xaqqee aafooch ikkooch kiciyeete. Muusiyoo boonoshich ishichiye: “Hini hukkechinaꞌote, and waayebote. Hini xaqqoochee aacon ittoshich kichibona?” iye. 11Muusiyoo bi gumboon kaama tiijjiꞌi, xaqqoon gutte wottoon mutehe. Ooge aaco xuupphiꞌi kechiye. Iiteenaꞌonaa boonoshi gijjeenaꞌona uchiyeete.
12Doono Yeeri Muusinaa Harooninoyich ishichiye: “Ta yaafittinoon bekkiyoona Israꞌeeleenaꞌo aafooch taan gibeneyaano ittoshi tunetoyich, boonoshich ta immeti showooch hini iitoon yeshi giyaachemmo ittoshine” iye. 13Israꞌeeleenaꞌo Doono Yeerina kaareti, biyoo yaafoo bi tunoon boonoshich bi bekkiiti Meriibi#20:13 Meriibi geto, “Kaaro” getone. aaco ebine.
Israꞌeeleenaꞌo Besheyaachemmoyich Edoomeenaꞌo Bayo
14Muusi Qadeeshee ishichiꞌi wocheyechinaꞌon Edoomee taatoo waan daachiihe: “Ne manoo Israꞌeeli ishichii beetone: ‘No toommooch shaggiti iritoo bullin ariibeeto neene. 15No qaabbechinaꞌo Gibits hammiyeete. Nowoo meeti yemeenoon Gibits kotehone. Gibitsee asheenaꞌo no qaabbechinaꞌonaa noonnon duꞌiiheete. 16Tunebaani Doono Yeer waan no cookaa, no cookoon waayehe; maraakoonoo wocheꞌi, Gibitsee noon kichiye.
“ ‘Ebiyoche and ne showee daarooch beeti Qadeesh koteto noone. 17Ne showoona kuxi no beshemmoyich nooch daaggibe. Goyee daggooch tuneba woyinee budooch giyaachemmo noone; oppeexi ne aacoocheenoo uyaachemmo noone. Taatoochi gamini gommona baach hammemmo noone. Ne showoon no beshemmi wottoon qanna yoocha getaachemmo noone’ itone” iye.
18Tunebaani Edoomee asheenaꞌo boonoshich ishichiyeete: “No showoona besheyaachemmo ittoshine; ‘Beshemmo noone’ ittoshi getigaata, waaree ittoshin kochemmo noone” iyeete.
19Israꞌeeleenaꞌo ishichii wochiyeete: “Qaxxee gommoochee keyaachemmo noone. No woyee no gijjeenaꞌo ne aacoochee uyigaata, gatiyoon qoccemmo noone. Baatoona kuxxii beshoyee besh baroo amoonolla tuniyaachemmo noone” iyeete.
20Tunebaani Edoomeenaꞌo,
“Hinina besheyaachemmo ittoshine” iyeete.
Aroochee dofee ginee naayinaꞌo tuneꞌi, Israꞌeeleenaꞌon kocha waaheete. 21Ebina Edoomee taatoo bi showoona boonoshi besheyaachemmoyich bi bajjitoyich, Israꞌeeleenaꞌo bi waanee qajjii wotteheete.
Harooni Qitoo
22Israꞌeelee iitoo bulli Qadeeshee tiyii, Hoori guudooch waahe. 23Doono Yeeriyoo Edoomee showee gashooch beeti Hoori guudoochaa Muusinaa Harooninoyich ishichiye: 24“Harooni bi qaabbechinaꞌo waan xaꞌeyemmone. Meriibi aacoochaa ta getee toommooch hukkoon ittoshi tiijjitoyich, Israꞌeeleenaꞌoyich ta immeti showooch giyaachemmone. 25Harooninaa bi bushoo Elazaarinon Hoori guudooch yeshi keye. 26Haroonichi tahoon shootiree, bi bushoo Elazaarich tajjibe. Harooni aroochaa qitemmone. Bi qaabbechinaꞌo waan xaꞌeyemmone” iye.
27Muusiyoo Doono Yeeri gettitoommon tuniihe. Israꞌeeleenaꞌo bulli ciinnii beetaa, Hoori guudooch kechiyeete. 28Aroochaa Muusi Haroonichi tahoon shoottiꞌi bi bushoo Elazaarich tajjiye. Harooniyoo are guudi toommoochaa qitiye. Muusinaa Elazaarina guudoochee kindiyeete. 29Asheenaꞌo bulli Harooni qitoon ariiꞌi, shaashe qemon biich goppii eeppiyeete.
Currently Selected:
Haddoo 20: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Haddoo 20
20
Xaqqoochee Aaco Xuupho
(Keyo 17:1-7)
1Israꞌeelee iitoo bulli batti batti agenooch Tsiini barahooch waaꞌi, Qadeesh kotehe. Miiriyamiyoo aroochaa qitiyan; aroochoo duukkehan.
2Ebiyooba asheenaꞌo uchemmi aaco aallehe. Boonoshiyoo Muusinaa Harooninochi toommooch tiyiꞌi, 3Muusina kaareheete; ishichiinoo iyeete: “Doono Yeeri aafoochaa no maneenaꞌo qitiyooba nowoo abo arooba qitibona! 4Noonnaa no gijjeenaꞌona hini barahoochaa qitemmoyich Doono Yeerichi iitoon hini barahooch amoyich deebiyote? 5Hini gonde showooch deeboyich Gibitsee amoyich noon kichiyote? Maayo woyee balaaso woyee woyino woyee romaano shagaani xaaꞌoone; ucheyemmi aacona aalli xaaꞌoone” iyeete.
6Muusinaa Haroonina iiteenaꞌo beetoochee danee duukkaanee kellooch hammiꞌi baroona guufeheete. Doono Yeerichi oogee yiiroo boonoshich bekkehe. 7Doono Yeeriyoo Muusich ishichiye: 8“Gumboon yeshe. Neennaa ne manoo Haroonina iiteenaꞌon ikkooch kicibote. Xaqqo aacon bi kichemmoyich boonoshi ciini beetaa getote. Xaqqoochee aacon boonoshich kichemmo neene; boonoshinaa boonoshi gijjeenaꞌona aacon uchemminaꞌone” iye.
9Ebich Muusi Doono Yeeri aafoochee gumboon daammiye. 10Muusinaa Haroonina iiteenaꞌon xaqqee aafooch ikkooch kiciyeete. Muusiyoo boonoshich ishichiye: “Hini hukkechinaꞌote, and waayebote. Hini xaqqoochee aacon ittoshich kichibona?” iye. 11Muusiyoo bi gumboon kaama tiijjiꞌi, xaqqoon gutte wottoon mutehe. Ooge aaco xuupphiꞌi kechiye. Iiteenaꞌonaa boonoshi gijjeenaꞌona uchiyeete.
12Doono Yeeri Muusinaa Harooninoyich ishichiye: “Ta yaafittinoon bekkiyoona Israꞌeeleenaꞌo aafooch taan gibeneyaano ittoshi tunetoyich, boonoshich ta immeti showooch hini iitoon yeshi giyaachemmo ittoshine” iye. 13Israꞌeeleenaꞌo Doono Yeerina kaareti, biyoo yaafoo bi tunoon boonoshich bi bekkiiti Meriibi#20:13 Meriibi geto, “Kaaro” getone. aaco ebine.
Israꞌeeleenaꞌo Besheyaachemmoyich Edoomeenaꞌo Bayo
14Muusi Qadeeshee ishichiꞌi wocheyechinaꞌon Edoomee taatoo waan daachiihe: “Ne manoo Israꞌeeli ishichii beetone: ‘No toommooch shaggiti iritoo bullin ariibeeto neene. 15No qaabbechinaꞌo Gibits hammiyeete. Nowoo meeti yemeenoon Gibits kotehone. Gibitsee asheenaꞌo no qaabbechinaꞌonaa noonnon duꞌiiheete. 16Tunebaani Doono Yeer waan no cookaa, no cookoon waayehe; maraakoonoo wocheꞌi, Gibitsee noon kichiye.
“ ‘Ebiyoche and ne showee daarooch beeti Qadeesh koteto noone. 17Ne showoona kuxi no beshemmoyich nooch daaggibe. Goyee daggooch tuneba woyinee budooch giyaachemmo noone; oppeexi ne aacoocheenoo uyaachemmo noone. Taatoochi gamini gommona baach hammemmo noone. Ne showoon no beshemmi wottoon qanna yoocha getaachemmo noone’ itone” iye.
18Tunebaani Edoomee asheenaꞌo boonoshich ishichiyeete: “No showoona besheyaachemmo ittoshine; ‘Beshemmo noone’ ittoshi getigaata, waaree ittoshin kochemmo noone” iyeete.
19Israꞌeeleenaꞌo ishichii wochiyeete: “Qaxxee gommoochee keyaachemmo noone. No woyee no gijjeenaꞌo ne aacoochee uyigaata, gatiyoon qoccemmo noone. Baatoona kuxxii beshoyee besh baroo amoonolla tuniyaachemmo noone” iyeete.
20Tunebaani Edoomeenaꞌo,
“Hinina besheyaachemmo ittoshine” iyeete.
Aroochee dofee ginee naayinaꞌo tuneꞌi, Israꞌeeleenaꞌon kocha waaheete. 21Ebina Edoomee taatoo bi showoona boonoshi besheyaachemmoyich bi bajjitoyich, Israꞌeeleenaꞌo bi waanee qajjii wotteheete.
Harooni Qitoo
22Israꞌeelee iitoo bulli Qadeeshee tiyii, Hoori guudooch waahe. 23Doono Yeeriyoo Edoomee showee gashooch beeti Hoori guudoochaa Muusinaa Harooninoyich ishichiye: 24“Harooni bi qaabbechinaꞌo waan xaꞌeyemmone. Meriibi aacoochaa ta getee toommooch hukkoon ittoshi tiijjitoyich, Israꞌeeleenaꞌoyich ta immeti showooch giyaachemmone. 25Harooninaa bi bushoo Elazaarinon Hoori guudooch yeshi keye. 26Haroonichi tahoon shootiree, bi bushoo Elazaarich tajjibe. Harooni aroochaa qitemmone. Bi qaabbechinaꞌo waan xaꞌeyemmone” iye.
27Muusiyoo Doono Yeeri gettitoommon tuniihe. Israꞌeeleenaꞌo bulli ciinnii beetaa, Hoori guudooch kechiyeete. 28Aroochaa Muusi Haroonichi tahoon shoottiꞌi bi bushoo Elazaarich tajjiye. Harooniyoo are guudi toommoochaa qitiye. Muusinaa Elazaarina guudoochee kindiyeete. 29Asheenaꞌo bulli Harooni qitoon ariiꞌi, shaashe qemon biich goppii eeppiyeete.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.