Haddoo 10
10
Birewoochee Shuuneeti Tireenaꞌo
1Doono Yeeri Muusich ishichiye: 2“Birewoon qiciree, gutte tiroon shuunebe. Ebi birewoochee shuuneti tireenaꞌon, iiteenaꞌon ceegonaa kaamboon happiree boonoshi tiyemmoyich tuniyoonoyich gaachebe. 3Gutte tireenaꞌo hukkegaata, iiteenaꞌo bulli ne waan, danee duukkaanee kellooch kiceebeete. 4Tunebaani ikke tiroo baach hukkegaata, ogoogeenaꞌo, ebi geto Israꞌeelee gumbee ukkireenaꞌo ne waan kiceebeete. 5Tiroon qaaro oogichii ittoshi hugigaata, aabi-keyo waan kaambo geddii kotetinaꞌo qaxiribeete. 6Guttinnoochaa tiroon qaaro oogichii ittoshi hugigaata, deshi-waan kaambo geddii kotetinaꞌo qaxiribeete. 7Iiteenaꞌon kicoyich tiroon hugeete; tunebaani qaaroon oogichi huggaayeete.
8“Qeesheenaꞌo tuneti Harooni bushiisheenaꞌo, tiroon hugeete; ebiyoo gubbi ittoshi shiijjeroo bulliich beddaahaa, bulli yemeenee qociyoon tunebe. 9Ittoshi hajjee showoochaa ittoshin xuqqiti etteenaꞌon koyooch ittoshi keyiyooba, bi qaaroon oogichiree tiroon hugote. Ittoshi Nuggishoo Doono Yeeri ta aafoochaa shalligeyemmo ittoshine; ittoshi etteenaꞌo kishoochee ittoshin wodiyemmo taane. 10Wotta ittoshi emiree aabooba, ittoshi baari baarooba, agenee keyi baarooba, micciibeeti deejjoonaa ikkittinee deejjoonon ittoshi giddiihooba tiroon hugote. Eboshiyoo Doono Yeeri ta aafoochaa ittoshi shalligeyemmoyich tuniyemminaꞌone; ta, ittoshi Nuggishoo Doono Yeeri taane” iye.
Israꞌeeleenaꞌo Siini Barahoochee Timo
11Guttinnee natooba, guttinnee agenee hiyinnee qemooba, qubo miixee duukkaanee toommoochee tiyiye. 12Israꞌeeleenaꞌo Siini barahoochee tiyii boonoshi gommon qaxiriyeete. Qubo Faraani barahooch kindii kotehe. 13Doono Yeeri Muusina bi gettitoommon, batti batt tiyii qaxiriyeete.
14Yihudi kuxeexi asheenaꞌo shiichiꞌi, boonoshi baanderoona boonoshi kuxi kuxona qaxiriyeete. Boonoshi toommooch ukkiroo Aminadaabi bushoo Nahishoonine. 15Yisakoori yoodeenaꞌo toommooch ukkiroo Tsuꞌaari bushoo Netaaneline. 16Wotta Zebulooni yoodeenaꞌoo toommooch ukkiroo Helooni bushoo Eliyaabine.
17Aroochee yaafee duukkaanoo waachehe. Yaafee duukkaanoon shaaggiti, Gerishoonichi gumbeenaꞌonaa Meraarichi gumbeenaꞌona qaxiriyeete.
18Aroochee Roobeeli kuxeexi asheenaꞌo boonoshi baanderoona, boonoshi kuxi kuxona qaxiriyeete. Boonoshi toommooch ukkiroo Sheduuri bushoo Elisuurine. 19Simooni yoodeenaꞌo toommooch ukkiroo Tsurishadayi bushoo Shelumeline. 20Gaadi yoodo toommooch ukkiroo Deweeli bushoo Eliyasaafine. 21Aroochee Qohaateenaꞌo yaafeeti qiicoon shaaggiꞌi qaxiriyeete. Boonoshi shagoyee shiichiꞌi, yaafee duukkaanoo xogee beehe.
22Aroochee wotta Efreemi kuxeexi asheenaꞌo boonoshi baanderoona, boonoshi kuxi kuxona qaxiriyeete. Boonoshi toommooch ukkiroo Amihuudi bushoo Elishamine. 23Minaasi yoodeenaꞌo toommooch ukkiroo Fedatsuuri bushoo Gamaleeline. 24Biiniyaami yoodeenaꞌo toommooch ukkiroo Gideꞌooni bushoo Abidanine.
25Ciiroochaa Daani kuxeexi asheenaꞌo boonoshi baanderoona, boonoshi kuxi kuxona, bullich gubbaa deebo tuneꞌi qaxiriyeete. Boonoshi toommooch ukkiroo Amishadaayi bushoo Ahezeerine. 26Aseeri yoodeenaꞌo toommooch ukkiroo Okiraani bushoo Fageeline. 27Nifitaali yoodeenaꞌo toommooch ukkiroo Enaani bushoo Ahiirine. 28Israꞌeeleenaꞌo eechiꞌi, boonoshi kuxi kuxona qaxiriyeete.
29Muusiyoo Miidiyamee asho tuneti, bi abboo Reweeli bushoo Hobaabich ishichiye: “Doono Yeeri ‘Ittoshich immemmo taane’ bi iti xaaꞌooch hammaabeeto noone. Doono Yeeri Israꞌeeleenaꞌoyich gaawe mooyon tuniyoyich gibenikkitone; noonna tookki hambe. Nowoo gaawe mooyon neech tuniyemmo noone” iye.
30Tunebaani Hobaabi Muusich, “Ta hamaache; ta hajjee showoonaa ta xibeenaꞌona waaniye wotteree ta hammemmo” iye.
31Muusi wochiꞌi, “Noon dufi ne hamaachemmoyich qollehoye. Barahee daggooch aabiich kaamboon gedi no kotemmo gaata xaaꞌoon ne arii beetoyich, nooch aafo tunemmo neene; 32noonna tookkii ne hamigaata, Doono Yeeri nooch tuniimmi gaawe mooyo bulliichee, nowoo neech tuniyemmo noone” iye.
33Asheenaꞌo Doono Yeeri guudoochee tiyii keejje qemi gommon qaxiriyeete. Doono Yeeri wogee taabooto boonoshi kashemmi xaaꞌoon qaawiibee, ebi keejje qemi gommon boonoshi aafooch shiichiye. 34Kaambo bulliichee tiyii boonoshi qaxirii beehooba, Doono Yeerichi qubo areddoon boonoshi toommooch beehe.
35Muusi, taabooto tiyii qaxirimmona
“Doono Yeero, tibe;
ne etteenaꞌo shacebeete;
ne shixechinaꞌo ne aafoochee aallebeete” ii beehe.#Shod. 68:1
36Taabooto kashemmona,
“Doono Yeero,
humaa xume Israꞌeeleenaꞌo waan wottebe” ii beehe.
Currently Selected:
Haddoo 10: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Haddoo 10
10
Birewoochee Shuuneeti Tireenaꞌo
1Doono Yeeri Muusich ishichiye: 2“Birewoon qiciree, gutte tiroon shuunebe. Ebi birewoochee shuuneti tireenaꞌon, iiteenaꞌon ceegonaa kaamboon happiree boonoshi tiyemmoyich tuniyoonoyich gaachebe. 3Gutte tireenaꞌo hukkegaata, iiteenaꞌo bulli ne waan, danee duukkaanee kellooch kiceebeete. 4Tunebaani ikke tiroo baach hukkegaata, ogoogeenaꞌo, ebi geto Israꞌeelee gumbee ukkireenaꞌo ne waan kiceebeete. 5Tiroon qaaro oogichii ittoshi hugigaata, aabi-keyo waan kaambo geddii kotetinaꞌo qaxiribeete. 6Guttinnoochaa tiroon qaaro oogichii ittoshi hugigaata, deshi-waan kaambo geddii kotetinaꞌo qaxiribeete. 7Iiteenaꞌon kicoyich tiroon hugeete; tunebaani qaaroon oogichi huggaayeete.
8“Qeesheenaꞌo tuneti Harooni bushiisheenaꞌo, tiroon hugeete; ebiyoo gubbi ittoshi shiijjeroo bulliich beddaahaa, bulli yemeenee qociyoon tunebe. 9Ittoshi hajjee showoochaa ittoshin xuqqiti etteenaꞌon koyooch ittoshi keyiyooba, bi qaaroon oogichiree tiroon hugote. Ittoshi Nuggishoo Doono Yeeri ta aafoochaa shalligeyemmo ittoshine; ittoshi etteenaꞌo kishoochee ittoshin wodiyemmo taane. 10Wotta ittoshi emiree aabooba, ittoshi baari baarooba, agenee keyi baarooba, micciibeeti deejjoonaa ikkittinee deejjoonon ittoshi giddiihooba tiroon hugote. Eboshiyoo Doono Yeeri ta aafoochaa ittoshi shalligeyemmoyich tuniyemminaꞌone; ta, ittoshi Nuggishoo Doono Yeeri taane” iye.
Israꞌeeleenaꞌo Siini Barahoochee Timo
11Guttinnee natooba, guttinnee agenee hiyinnee qemooba, qubo miixee duukkaanee toommoochee tiyiye. 12Israꞌeeleenaꞌo Siini barahoochee tiyii boonoshi gommon qaxiriyeete. Qubo Faraani barahooch kindii kotehe. 13Doono Yeeri Muusina bi gettitoommon, batti batt tiyii qaxiriyeete.
14Yihudi kuxeexi asheenaꞌo shiichiꞌi, boonoshi baanderoona boonoshi kuxi kuxona qaxiriyeete. Boonoshi toommooch ukkiroo Aminadaabi bushoo Nahishoonine. 15Yisakoori yoodeenaꞌo toommooch ukkiroo Tsuꞌaari bushoo Netaaneline. 16Wotta Zebulooni yoodeenaꞌoo toommooch ukkiroo Helooni bushoo Eliyaabine.
17Aroochee yaafee duukkaanoo waachehe. Yaafee duukkaanoon shaaggiti, Gerishoonichi gumbeenaꞌonaa Meraarichi gumbeenaꞌona qaxiriyeete.
18Aroochee Roobeeli kuxeexi asheenaꞌo boonoshi baanderoona, boonoshi kuxi kuxona qaxiriyeete. Boonoshi toommooch ukkiroo Sheduuri bushoo Elisuurine. 19Simooni yoodeenaꞌo toommooch ukkiroo Tsurishadayi bushoo Shelumeline. 20Gaadi yoodo toommooch ukkiroo Deweeli bushoo Eliyasaafine. 21Aroochee Qohaateenaꞌo yaafeeti qiicoon shaaggiꞌi qaxiriyeete. Boonoshi shagoyee shiichiꞌi, yaafee duukkaanoo xogee beehe.
22Aroochee wotta Efreemi kuxeexi asheenaꞌo boonoshi baanderoona, boonoshi kuxi kuxona qaxiriyeete. Boonoshi toommooch ukkiroo Amihuudi bushoo Elishamine. 23Minaasi yoodeenaꞌo toommooch ukkiroo Fedatsuuri bushoo Gamaleeline. 24Biiniyaami yoodeenaꞌo toommooch ukkiroo Gideꞌooni bushoo Abidanine.
25Ciiroochaa Daani kuxeexi asheenaꞌo boonoshi baanderoona, boonoshi kuxi kuxona, bullich gubbaa deebo tuneꞌi qaxiriyeete. Boonoshi toommooch ukkiroo Amishadaayi bushoo Ahezeerine. 26Aseeri yoodeenaꞌo toommooch ukkiroo Okiraani bushoo Fageeline. 27Nifitaali yoodeenaꞌo toommooch ukkiroo Enaani bushoo Ahiirine. 28Israꞌeeleenaꞌo eechiꞌi, boonoshi kuxi kuxona qaxiriyeete.
29Muusiyoo Miidiyamee asho tuneti, bi abboo Reweeli bushoo Hobaabich ishichiye: “Doono Yeeri ‘Ittoshich immemmo taane’ bi iti xaaꞌooch hammaabeeto noone. Doono Yeeri Israꞌeeleenaꞌoyich gaawe mooyon tuniyoyich gibenikkitone; noonna tookki hambe. Nowoo gaawe mooyon neech tuniyemmo noone” iye.
30Tunebaani Hobaabi Muusich, “Ta hamaache; ta hajjee showoonaa ta xibeenaꞌona waaniye wotteree ta hammemmo” iye.
31Muusi wochiꞌi, “Noon dufi ne hamaachemmoyich qollehoye. Barahee daggooch aabiich kaamboon gedi no kotemmo gaata xaaꞌoon ne arii beetoyich, nooch aafo tunemmo neene; 32noonna tookkii ne hamigaata, Doono Yeeri nooch tuniimmi gaawe mooyo bulliichee, nowoo neech tuniyemmo noone” iye.
33Asheenaꞌo Doono Yeeri guudoochee tiyii keejje qemi gommon qaxiriyeete. Doono Yeeri wogee taabooto boonoshi kashemmi xaaꞌoon qaawiibee, ebi keejje qemi gommon boonoshi aafooch shiichiye. 34Kaambo bulliichee tiyii boonoshi qaxirii beehooba, Doono Yeerichi qubo areddoon boonoshi toommooch beehe.
35Muusi, taabooto tiyii qaxirimmona
“Doono Yeero, tibe;
ne etteenaꞌo shacebeete;
ne shixechinaꞌo ne aafoochee aallebeete” ii beehe.#Shod. 68:1
36Taabooto kashemmona,
“Doono Yeero,
humaa xume Israꞌeeleenaꞌo waan wottebe” ii beehe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.