Mikiyaasi 5
5
Iraashoo Beetilehemee Wommichon Keemmeti Keemo
1Hini ginee naayinaꞌochi katemoocho, ginee naayinaꞌon kicibe; giicheto noone. Israꞌeelee wulloochi gaakkoon gumboona xoobbii beetinaꞌone.
2Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.#Maat. 2:6; Yowa. 7:42
3Ebich, bi indee ebi bushoon bi shiyemmi wottoon, Doono Yeeri bi asheenaꞌon qajjemmone. Aroochee kecooch beeti bi asheenaꞌo wotteree boonoshi maneenaꞌona danemminaꞌone.
4Biyoo qiddoo bi bagoon quyoommon, Doono Yeerichi giidoona, bi Nuggishoo Doono Yeerichi oogee yiiroona, bi asheenaꞌon quye qeejjemmone. Bi oogo showee toommo bulliich aricheto bi tunetoyich, bi asheenaꞌo keqqaalloon beeyemminaꞌone. 5Boonoshich diggoon tuniyemmone.
Asooreenaꞌo no showooch boonoshi shagigaata, no mishigoonoo tiichii boonoshi giyigaata, boonoshin kochemmi shabaatte qiddeenaꞌon, shimitte woraaferasheenaꞌonoo daachiyemmo noone. 6Boonoshiyoo Namiroodichi showoo tuneti Asooree showoon koyi wochiree hajjemminaꞌone; Asooreenaꞌo no showoon koyigaata, no showee daarooch shagigaata, bi boonoshi waanee noon wodiyemminaꞌone.#Hal. 10:8-11
7Curo tuneꞌi echeti Israꞌeeleenaꞌo meeti aageteenaꞌo daggooch, dicciibeeti mocee toommooch Doono Yeer waanee kindiibeeti doshoommon (caagibanoommon), kucheebeeti amiyoommon tunemminaꞌone. Boonoshiyoo boonoshi gibenemmo Yeerinalli ashoon toonoone. 8Aageteenaꞌo daggooch curo tuneꞌi echeti ebi Israꞌeeleenaꞌo, kubbi cooxinaꞌo daggooch giyiti daaheroommon, bageenaꞌo daggooch giyiꞌi neexxii yangixxiibeeti, bi kishoochee koniyoona dichoon hakkaani more daaheroommon tunemminaꞌone. 9Israꞌeeleenaꞌote, ittoshi etteenaꞌo toommooch ittoshi mochoon tiijjemmo ittoshine; ittoshi etteenaꞌo bulliyoo aallemminaꞌone.
10Doono Yeeri ishichiye: “Ebi arooba, ittoshi haresheenaꞌon ittoshi kishoochee tiijjemmo taane; ittoshi gaarinaꞌonoo aalliyemmo taane. 11Ittoshi showooch beeti katemeenaꞌo bullin aalliyemmo taane; ittoshi mishigoonoo happemmo taane; 12qaaxoon ittoshi waanee aalliyemmo taane; allaamoo ittoshi waan daneyaachemmone. 13Qiicaa shuuneeti ittoshi shahalleenaꞌon, ittoshi goyinnee xaqqee giimboonoo aalliyemmo taane; ebiyee gubb, ittoshi kishoona ittoshi shuuneti mooyoyich goyinneyaachemmo ittoshine. 14Asheeri misiloon ittoshi showoochee waaxi aalliyemmo taane; ittoshi katemeenaꞌonoo aalliyemmo taane. 15Taach deꞌa gettemmon qajjiti aageteenaꞌo bulli toommoochoo ta kaaree shiixxoon kindiyoona nichoon kichemmo taane” iye.
Currently Selected:
Mikiyaasi 5: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Mikiyaasi 5
5
Iraashoo Beetilehemee Wommichon Keemmeti Keemo
1Hini ginee naayinaꞌochi katemoocho, ginee naayinaꞌon kicibe; giicheto noone. Israꞌeelee wulloochi gaakkoon gumboona xoobbii beetinaꞌone.
2Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.#Maat. 2:6; Yowa. 7:42
3Ebich, bi indee ebi bushoon bi shiyemmi wottoon, Doono Yeeri bi asheenaꞌon qajjemmone. Aroochee kecooch beeti bi asheenaꞌo wotteree boonoshi maneenaꞌona danemminaꞌone.
4Biyoo qiddoo bi bagoon quyoommon, Doono Yeerichi giidoona, bi Nuggishoo Doono Yeerichi oogee yiiroona, bi asheenaꞌon quye qeejjemmone. Bi oogo showee toommo bulliich aricheto bi tunetoyich, bi asheenaꞌo keqqaalloon beeyemminaꞌone. 5Boonoshich diggoon tuniyemmone.
Asooreenaꞌo no showooch boonoshi shagigaata, no mishigoonoo tiichii boonoshi giyigaata, boonoshin kochemmi shabaatte qiddeenaꞌon, shimitte woraaferasheenaꞌonoo daachiyemmo noone. 6Boonoshiyoo Namiroodichi showoo tuneti Asooree showoon koyi wochiree hajjemminaꞌone; Asooreenaꞌo no showoon koyigaata, no showee daarooch shagigaata, bi boonoshi waanee noon wodiyemminaꞌone.#Hal. 10:8-11
7Curo tuneꞌi echeti Israꞌeeleenaꞌo meeti aageteenaꞌo daggooch, dicciibeeti mocee toommooch Doono Yeer waanee kindiibeeti doshoommon (caagibanoommon), kucheebeeti amiyoommon tunemminaꞌone. Boonoshiyoo boonoshi gibenemmo Yeerinalli ashoon toonoone. 8Aageteenaꞌo daggooch curo tuneꞌi echeti ebi Israꞌeeleenaꞌo, kubbi cooxinaꞌo daggooch giyiti daaheroommon, bageenaꞌo daggooch giyiꞌi neexxii yangixxiibeeti, bi kishoochee koniyoona dichoon hakkaani more daaheroommon tunemminaꞌone. 9Israꞌeeleenaꞌote, ittoshi etteenaꞌo toommooch ittoshi mochoon tiijjemmo ittoshine; ittoshi etteenaꞌo bulliyoo aallemminaꞌone.
10Doono Yeeri ishichiye: “Ebi arooba, ittoshi haresheenaꞌon ittoshi kishoochee tiijjemmo taane; ittoshi gaarinaꞌonoo aalliyemmo taane. 11Ittoshi showooch beeti katemeenaꞌo bullin aalliyemmo taane; ittoshi mishigoonoo happemmo taane; 12qaaxoon ittoshi waanee aalliyemmo taane; allaamoo ittoshi waan daneyaachemmone. 13Qiicaa shuuneeti ittoshi shahalleenaꞌon, ittoshi goyinnee xaqqee giimboonoo aalliyemmo taane; ebiyee gubb, ittoshi kishoona ittoshi shuuneti mooyoyich goyinneyaachemmo ittoshine. 14Asheeri misiloon ittoshi showoochee waaxi aalliyemmo taane; ittoshi katemeenaꞌonoo aalliyemmo taane. 15Taach deꞌa gettemmon qajjiti aageteenaꞌo bulli toommoochoo ta kaaree shiixxoon kindiyoona nichoon kichemmo taane” iye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.