Maatiyoosi 19
19
Mecheen Gawukkeechon Yesuusi Dojjoo
(Maariqoosi 10:1-12)
1Yesuusi ebin gettii bi ciichitoyee gubb, Galiilee showoochee tiyiꞌi Yoordaanoosi aachee beqach beeti Yihudee showooch hammiye. 2Dofee asheenaꞌo biin dabbiyeete; aroochaa biiyetinaꞌon wodiihe.
3Arooba ikkikke Fariseenaꞌo Yesuus waan giddee biin muriciiya qaawiꞌi, “Asho tunemmi mooyona bi mecheen bi gawukkemmoyich Muusichi Sheeroo daaggite?” iꞌi echeheete.
4Yesuusi wochiꞌi ishichiye: “Yeeri shiichiꞌi ashoon anaamonaa maacheenon tuniiꞌi halliye.#Hal. 1:27 5Ishichiinoo iye: ‘Asho bi nihoonaa bi indeenon qayiichi bi mecheena tookki ikkoo tunemmone; gutteenaꞌoo ikke meeno tunemminaꞌone’#Hal. 2:24 ii beeti qaaroon shemmeyaachote? 6Ebich are aaboochee tiijjiꞌi ikkeenaꞌoani gubbich gutteenaꞌo tooneenaꞌone. Illa Yeeri xaaqqiton, asho bariyaaye” iye.
7Fariseenaꞌo wochiꞌi, “Ishigaata, Muusi ‘Bi gawukkeyoon miixeebeeti koorichoon koori imiree gawukkibe’#Yibba. 24:1 iꞌi amoyich gettiye?” iyeete.
8Yesuusi wochiꞌi ishichiye: “Muusi mecheen ittoshi gawukkemmoyich bi daaggito ittoshi mullee muumoon beeggiꞌinalli wonna ebi aalloone. 9Tunebaani ta iberoon ittoshich gettoye: Shunimaaye tuneyaani bi mecheen gawukkiꞌi bareen shaaggiibeeto bulli shunoon maatone” iye.
10Bi dabbeenaꞌo “Mecheenaa kenoonochi mooyo ebi tunegaata, shaagi qayo gaawiye” iyeete.
11Yesuusi wochiꞌi, “Ebi mooyo Yeeri immitinaꞌoyichani bullich toonoone. 12Bi indee maacoochee guruusho tuneꞌi shiijjeto beetone; ashoona nasheeto beetone; shimaajji taatittineyicha iꞌi shaagon qajjitinaꞌo beetinaꞌone. Ebich ebiyoommon tunoon hakkimmoyich tunebe” iye.
Gishiishi Bushiisheenaꞌon Yesuusi Diiroo
(Maariqoosi 10:13-16; Luqaasi 18:15-17)
13Arooba asheenaꞌo, Yesuusi bi kishoon boonoshi toommooch kotiiree boonoshich bi corootemmoyich gishiishi bushiisheenaꞌon bi waan deebiyeete; tunetaa bi dabbeenaꞌo bushiisheenaꞌon deebiti asheenaꞌon noggeheete.
14Tunebaani Yesuusi bi dabbeenaꞌon “Qayote! Shimaajji taatittine tunemmo eboshiyoominaꞌoyichiye; ebich gishiishi bushiisheenaꞌo ta waan wobeete; bajjaahote” iye. 15Bi kishoon boonoshi toommooch bi kotiitoyee gubb aroochee tiyiꞌi hammiye.
Gaannechon Iritiibeeti Mooyo
(Maariqoosi 10:17-31; Luqaasi 18:18-30)
16Ikke areddoon ikke uro Yesuus waan giddeꞌi, “Dojjechocho, bulli yemeenee kashoon ta danemmoyich amee deꞌe shuunoon shuunebote?” iꞌi echehe.
17Yesuusi wochiꞌi, “Deꞌe mooyichon amoyich taan echaa beetine? Deꞌo tuneto ikkeeti Yeeri baachiye. Bulli yemeenee kashoon danoon ne qaawigaata, Muusichi Sheeroo gettiton ceechibe” iye.
18Uroo wochiꞌi, “Bi gettitoochee aabiniye?” iye.
Yesuusi wochiꞌi, “ ‘Ashoon wuxiyaahine; shunoon maayaahine; gaajjaahine; kootoon miixeyaahine; 19ne nihoonaa ne indeenon oogiibe; neenoommi ne manoon neenna tachiree shune’#Key. 20:12-16; Lew. 19:18; Yibba. 5:16-20 ii beetoniye” iye.
20Gurimaashoo wochiꞌi, “Ebi bullin ceechito taane. Ebiyee baroo ta shappiiti mooyo amoone?” iye.
21Yesuusi “Deꞌoon tuno ne shunigaata, hamiree neech beeto bullin kemiree iriteetinaꞌoyich imbe. Neech shimaajji kexooch kiceeree beeyemmone. Aroyee gubb waaree taan dabbibe” iye.
22Tunetaa are gurimaashoo wodde gijjoo biich beeto bi tunetoyich, ebin waayeꞌi tiyii ayiniibee wotteꞌi hammiye.
23Aree hillooch Yesuusi bi dabbeenaꞌoyich ishichiye: “Iberoon ittoshich gettoye: Gaannechoyich shimaajji taatittineech gimo am shaahe maggoone! 24Wochinnoon ittoshich gettoye: Gaaleyich nappee aahoona besho maggoone; tunebaani gaannechi uroyich Yeerichi taatittineech gimo ebiyee beshoon maggoone” iye.
25Bi dabbeenaꞌo ishin waayeꞌi oogichii worganeebee, “Ishigaata, konine wodoon hakkemmo?” iyeete.
26Yesuusi boonoshin ciinniꞌi, “Asho hini mooyon tuniyoo hakkaache; tunebaani Yeeri bulli mooyon tuniyoyich hakkechone” iye.
27Arooba Pheexiroosi wochiꞌi, “Ebiyoche, bullin qajjaꞌa neen dabbito noone. Ishigaata, no danemmo amooniye?” iye.
28Yesuusiyoo boonoshich wochiꞌi ishichiye: “Iberoon ittoshich gettoye: Bulli mooyo andiremmi yemeenooba Ashi Bushoo oogee yiiree taatee qeenooch bi kotehooba, taan dabbiibeeti ittoshi wotta aaraa gutte taatee qeenooch koteree aaraa gutte Israꞌeelee yoodeenaꞌo toommooch nallemmo ittoshine. 29Taacha iꞌi bi kexon woyee bi anaami maneenaꞌon woyee bi maache maneenaꞌon woyee bi indeen woyee bi nihoon woyee bi bushiishoon woyee bi gochiibeeti showoon qajjito bulli, eboshi bullin balle kishoon daakkaa danemmone; wotta bulli yemeenee kashoon danemmone. 30Tunebaani shiichitinaꞌo getteeti meetinaꞌo gubbemminaꞌone; gubbetinaꞌo getteeti meetinaꞌo shiichemminaꞌone” iye.
Currently Selected:
Maatiyoosi 19: KBRC
Highlight
Share
Copy
Want to have your highlights saved across all your devices? Sign up or sign in
SIM International, 2020.
Maatiyoosi 19
19
Mecheen Gawukkeechon Yesuusi Dojjoo
(Maariqoosi 10:1-12)
1Yesuusi ebin gettii bi ciichitoyee gubb, Galiilee showoochee tiyiꞌi Yoordaanoosi aachee beqach beeti Yihudee showooch hammiye. 2Dofee asheenaꞌo biin dabbiyeete; aroochaa biiyetinaꞌon wodiihe.
3Arooba ikkikke Fariseenaꞌo Yesuus waan giddee biin muriciiya qaawiꞌi, “Asho tunemmi mooyona bi mecheen bi gawukkemmoyich Muusichi Sheeroo daaggite?” iꞌi echeheete.
4Yesuusi wochiꞌi ishichiye: “Yeeri shiichiꞌi ashoon anaamonaa maacheenon tuniiꞌi halliye.#Hal. 1:27 5Ishichiinoo iye: ‘Asho bi nihoonaa bi indeenon qayiichi bi mecheena tookki ikkoo tunemmone; gutteenaꞌoo ikke meeno tunemminaꞌone’#Hal. 2:24 ii beeti qaaroon shemmeyaachote? 6Ebich are aaboochee tiijjiꞌi ikkeenaꞌoani gubbich gutteenaꞌo tooneenaꞌone. Illa Yeeri xaaqqiton, asho bariyaaye” iye.
7Fariseenaꞌo wochiꞌi, “Ishigaata, Muusi ‘Bi gawukkeyoon miixeebeeti koorichoon koori imiree gawukkibe’#Yibba. 24:1 iꞌi amoyich gettiye?” iyeete.
8Yesuusi wochiꞌi ishichiye: “Muusi mecheen ittoshi gawukkemmoyich bi daaggito ittoshi mullee muumoon beeggiꞌinalli wonna ebi aalloone. 9Tunebaani ta iberoon ittoshich gettoye: Shunimaaye tuneyaani bi mecheen gawukkiꞌi bareen shaaggiibeeto bulli shunoon maatone” iye.
10Bi dabbeenaꞌo “Mecheenaa kenoonochi mooyo ebi tunegaata, shaagi qayo gaawiye” iyeete.
11Yesuusi wochiꞌi, “Ebi mooyo Yeeri immitinaꞌoyichani bullich toonoone. 12Bi indee maacoochee guruusho tuneꞌi shiijjeto beetone; ashoona nasheeto beetone; shimaajji taatittineyicha iꞌi shaagon qajjitinaꞌo beetinaꞌone. Ebich ebiyoommon tunoon hakkimmoyich tunebe” iye.
Gishiishi Bushiisheenaꞌon Yesuusi Diiroo
(Maariqoosi 10:13-16; Luqaasi 18:15-17)
13Arooba asheenaꞌo, Yesuusi bi kishoon boonoshi toommooch kotiiree boonoshich bi corootemmoyich gishiishi bushiisheenaꞌon bi waan deebiyeete; tunetaa bi dabbeenaꞌo bushiisheenaꞌon deebiti asheenaꞌon noggeheete.
14Tunebaani Yesuusi bi dabbeenaꞌon “Qayote! Shimaajji taatittine tunemmo eboshiyoominaꞌoyichiye; ebich gishiishi bushiisheenaꞌo ta waan wobeete; bajjaahote” iye. 15Bi kishoon boonoshi toommooch bi kotiitoyee gubb aroochee tiyiꞌi hammiye.
Gaannechon Iritiibeeti Mooyo
(Maariqoosi 10:17-31; Luqaasi 18:18-30)
16Ikke areddoon ikke uro Yesuus waan giddeꞌi, “Dojjechocho, bulli yemeenee kashoon ta danemmoyich amee deꞌe shuunoon shuunebote?” iꞌi echehe.
17Yesuusi wochiꞌi, “Deꞌe mooyichon amoyich taan echaa beetine? Deꞌo tuneto ikkeeti Yeeri baachiye. Bulli yemeenee kashoon danoon ne qaawigaata, Muusichi Sheeroo gettiton ceechibe” iye.
18Uroo wochiꞌi, “Bi gettitoochee aabiniye?” iye.
Yesuusi wochiꞌi, “ ‘Ashoon wuxiyaahine; shunoon maayaahine; gaajjaahine; kootoon miixeyaahine; 19ne nihoonaa ne indeenon oogiibe; neenoommi ne manoon neenna tachiree shune’#Key. 20:12-16; Lew. 19:18; Yibba. 5:16-20 ii beetoniye” iye.
20Gurimaashoo wochiꞌi, “Ebi bullin ceechito taane. Ebiyee baroo ta shappiiti mooyo amoone?” iye.
21Yesuusi “Deꞌoon tuno ne shunigaata, hamiree neech beeto bullin kemiree iriteetinaꞌoyich imbe. Neech shimaajji kexooch kiceeree beeyemmone. Aroyee gubb waaree taan dabbibe” iye.
22Tunetaa are gurimaashoo wodde gijjoo biich beeto bi tunetoyich, ebin waayeꞌi tiyii ayiniibee wotteꞌi hammiye.
23Aree hillooch Yesuusi bi dabbeenaꞌoyich ishichiye: “Iberoon ittoshich gettoye: Gaannechoyich shimaajji taatittineech gimo am shaahe maggoone! 24Wochinnoon ittoshich gettoye: Gaaleyich nappee aahoona besho maggoone; tunebaani gaannechi uroyich Yeerichi taatittineech gimo ebiyee beshoon maggoone” iye.
25Bi dabbeenaꞌo ishin waayeꞌi oogichii worganeebee, “Ishigaata, konine wodoon hakkemmo?” iyeete.
26Yesuusi boonoshin ciinniꞌi, “Asho hini mooyon tuniyoo hakkaache; tunebaani Yeeri bulli mooyon tuniyoyich hakkechone” iye.
27Arooba Pheexiroosi wochiꞌi, “Ebiyoche, bullin qajjaꞌa neen dabbito noone. Ishigaata, no danemmo amooniye?” iye.
28Yesuusiyoo boonoshich wochiꞌi ishichiye: “Iberoon ittoshich gettoye: Bulli mooyo andiremmi yemeenooba Ashi Bushoo oogee yiiree taatee qeenooch bi kotehooba, taan dabbiibeeti ittoshi wotta aaraa gutte taatee qeenooch koteree aaraa gutte Israꞌeelee yoodeenaꞌo toommooch nallemmo ittoshine. 29Taacha iꞌi bi kexon woyee bi anaami maneenaꞌon woyee bi maache maneenaꞌon woyee bi indeen woyee bi nihoon woyee bi bushiishoon woyee bi gochiibeeti showoon qajjito bulli, eboshi bullin balle kishoon daakkaa danemmone; wotta bulli yemeenee kashoon danemmone. 30Tunebaani shiichitinaꞌo getteeti meetinaꞌo gubbemminaꞌone; gubbetinaꞌo getteeti meetinaꞌo shiichemminaꞌone” iye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
SIM International, 2020.