Leweenaꞌo 9
9
Harooninaa Bi Bushiisheenaꞌona Deejjiti Batti Batti Deejjoo
1Shimittinnee qemooba Muusi Haroonin, bi anaami bushiisheenaꞌonaa Israꞌeelee geeneenaꞌonon ceeggiye. 2Haroonichoo ishichiye: “Axaaxee deejjoyich tunemmi ikke maamon, wotta micciibeeti deejjoyich tunemmi ikke bagee baaddoon daamiree Doono Yeeri aafooch deejjibe. Eboshiyoo bachaalleenaꞌo tunebeete. 3Israꞌeeleenaꞌoyichoo ishichibe: ‘Axaaxee deejjoyich ikke emmishee baaddoon, micciibeeti deejjoyich bachaalli, ikke nati maamonaa bagee baaddoonon, 4ikkittinee deejjoyich ikke gattoonaa ikke bagee baaddoonon zayitoona xirikketi maayoona tookki Doono Yeeri aafooch giddiibote. Ebiyoo Doono Yeeri hanaach ittoshich bekkemmo bi tunetoyichiye’ gete” iye.
5Asheenaꞌoo Muusi boonoshich gettito bullin danee duukkaanee kellooch deebiyeete. Boonoshi bulliyoo giddeꞌi Doono Yeeri aafooch neexeheete. 6Muusiyoo “Doono Yeeri ittoshi tuniyemmoyich bi gettiti mooyo ebine; ebiyoo bi oogee yiiroo ittoshich bi bekkemmoyichiye” iye.
7Aroochee Muusi Haroonich ishichiye: “Deejjee gudo beetooch gidderee, ne axaaxoonaa asheenaꞌochi axaaxoonon maariyoyich axaaxee deejjoonaa micciibeeti deejjoonon deejjibe. Doono Yeeri gettitoommon, asheenaꞌochi deejjoon deejjiree boonoshi axaaxoon maariibe” iye.
8Ebina Harooni deejjee gudooch giddeꞌi, bi axaaxoyich deejjeebeeti maamon guuriye. 9Bi anaami bushiisheenaꞌo damoon biich boonoshi giddiitaa, bi yapheroon damooch hacciꞌi, deejjee gudee qarooch huuttiye. Echeton deejjee gudee xepphooch ukkiye. 10Ebi axaaxee deejjee gijjoochi awuyon, yeyitoonaa qamee deshi qati kuxonon deejjee gudoochaa michiye. Ebi bullin Doono Yeeri Muusich gettitoommon tuniiꞌi shuunehe. 11Meenonaa gooqqoonon kaamboyee maach kichiꞌi michiye.
12Aroochee Harooni micciibeeti deejjoyich giddeti gijjoon guuriye. Bi anaami bushiisheenaꞌo damoon biich giddiiheete. Biyoo deejjee gudee awudde naabooch tibiye. 13Bi bushiisheenaꞌo quumoon bi ikkikkoona qelloona tookkii deebii biich immiyeete. Eboshin deejjee gudoochaa michiye. 14Maacee meenonaa baatoonon machiꞌi, deejjee gudee toommoochaa micciibeeti deejjoona tookkii michiye.
15Aroochee Harooni asheenaꞌochi deejjoon giddiihe. Asheenaꞌochi axaaxoyich deejjeya giddeti emmishoon daammiꞌi guuriye. Shiichiꞌi bi giddiiti axaaxee deejjoochoommon, hininoo deejjiye. 16Eechiꞌi micciibeeti deejjoon icheti qociyoommon deejjiye. 17Maaddi maaddoona giddeebeeti, micciibeeti deejjoyee bare maayi deejjoon deebiye; ikke ushon aroochee tiijjiꞌi, deejjee gudee toommoochaa deejjiye.
18Harooni asheenaꞌochi ikkittinee deejjoyich giddeti wuronaa bagee baaddoonon guuriye. Bi anaami bushiisheenaꞌo damoon giddiitaa deejjee gudee awudde naabooch tibiye. 19Ebi wuronaa bagoonochi achooch beeti awuyo bullin, naatoon, maacee meechi toommooch beeti awuyon, yeyitoonaa qamee deshi qati kuxonon, 20eboshi bullin deebiꞌi gaggimateenaꞌo toommooch kotiiheete. Biyoo awuyon deejjee gudee toommoochaa michiye. 21Muusi biich gettitoommon, gaggimateenaꞌonaa qanne baatee galloonon Doono Yeeri aafooch kaama tiijjaa giddeebeeti deejjoon tuniiꞌi giddiihe.
22Harooni ebi deejjoo bullin giddii bi ciichitoyee gubb, asheenaꞌo waan bi kishoon yaggiꞌi boonoshin diiriye. Aroochee deejjee gudee toommoochee kindiye.
23Aroyee gubb, Muusinaa Haroonina danee duukkaanooch giyiyeete. Ebi aroochee kechiꞌi asheenaꞌon diiriyeete. Doono Yeerichi oogee yiiroo asheenaꞌo bullich bekkehe. 24Qaaqqoo Doono Yeeri aafoochee kindiꞌi, deejjee gudee toommooch beeti deejjoonaa awuyonon michii aalliihe. Asheenaꞌo bulli ebin beeggiꞌi ililiyeete; baroonoo showooch guufeheete.
Currently Selected:
Leweenaꞌo 9: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Leweenaꞌo 9
9
Harooninaa Bi Bushiisheenaꞌona Deejjiti Batti Batti Deejjoo
1Shimittinnee qemooba Muusi Haroonin, bi anaami bushiisheenaꞌonaa Israꞌeelee geeneenaꞌonon ceeggiye. 2Haroonichoo ishichiye: “Axaaxee deejjoyich tunemmi ikke maamon, wotta micciibeeti deejjoyich tunemmi ikke bagee baaddoon daamiree Doono Yeeri aafooch deejjibe. Eboshiyoo bachaalleenaꞌo tunebeete. 3Israꞌeeleenaꞌoyichoo ishichibe: ‘Axaaxee deejjoyich ikke emmishee baaddoon, micciibeeti deejjoyich bachaalli, ikke nati maamonaa bagee baaddoonon, 4ikkittinee deejjoyich ikke gattoonaa ikke bagee baaddoonon zayitoona xirikketi maayoona tookki Doono Yeeri aafooch giddiibote. Ebiyoo Doono Yeeri hanaach ittoshich bekkemmo bi tunetoyichiye’ gete” iye.
5Asheenaꞌoo Muusi boonoshich gettito bullin danee duukkaanee kellooch deebiyeete. Boonoshi bulliyoo giddeꞌi Doono Yeeri aafooch neexeheete. 6Muusiyoo “Doono Yeeri ittoshi tuniyemmoyich bi gettiti mooyo ebine; ebiyoo bi oogee yiiroo ittoshich bi bekkemmoyichiye” iye.
7Aroochee Muusi Haroonich ishichiye: “Deejjee gudo beetooch gidderee, ne axaaxoonaa asheenaꞌochi axaaxoonon maariyoyich axaaxee deejjoonaa micciibeeti deejjoonon deejjibe. Doono Yeeri gettitoommon, asheenaꞌochi deejjoon deejjiree boonoshi axaaxoon maariibe” iye.
8Ebina Harooni deejjee gudooch giddeꞌi, bi axaaxoyich deejjeebeeti maamon guuriye. 9Bi anaami bushiisheenaꞌo damoon biich boonoshi giddiitaa, bi yapheroon damooch hacciꞌi, deejjee gudee qarooch huuttiye. Echeton deejjee gudee xepphooch ukkiye. 10Ebi axaaxee deejjee gijjoochi awuyon, yeyitoonaa qamee deshi qati kuxonon deejjee gudoochaa michiye. Ebi bullin Doono Yeeri Muusich gettitoommon tuniiꞌi shuunehe. 11Meenonaa gooqqoonon kaamboyee maach kichiꞌi michiye.
12Aroochee Harooni micciibeeti deejjoyich giddeti gijjoon guuriye. Bi anaami bushiisheenaꞌo damoon biich giddiiheete. Biyoo deejjee gudee awudde naabooch tibiye. 13Bi bushiisheenaꞌo quumoon bi ikkikkoona qelloona tookkii deebii biich immiyeete. Eboshin deejjee gudoochaa michiye. 14Maacee meenonaa baatoonon machiꞌi, deejjee gudee toommoochaa micciibeeti deejjoona tookkii michiye.
15Aroochee Harooni asheenaꞌochi deejjoon giddiihe. Asheenaꞌochi axaaxoyich deejjeya giddeti emmishoon daammiꞌi guuriye. Shiichiꞌi bi giddiiti axaaxee deejjoochoommon, hininoo deejjiye. 16Eechiꞌi micciibeeti deejjoon icheti qociyoommon deejjiye. 17Maaddi maaddoona giddeebeeti, micciibeeti deejjoyee bare maayi deejjoon deebiye; ikke ushon aroochee tiijjiꞌi, deejjee gudee toommoochaa deejjiye.
18Harooni asheenaꞌochi ikkittinee deejjoyich giddeti wuronaa bagee baaddoonon guuriye. Bi anaami bushiisheenaꞌo damoon giddiitaa deejjee gudee awudde naabooch tibiye. 19Ebi wuronaa bagoonochi achooch beeti awuyo bullin, naatoon, maacee meechi toommooch beeti awuyon, yeyitoonaa qamee deshi qati kuxonon, 20eboshi bullin deebiꞌi gaggimateenaꞌo toommooch kotiiheete. Biyoo awuyon deejjee gudee toommoochaa michiye. 21Muusi biich gettitoommon, gaggimateenaꞌonaa qanne baatee galloonon Doono Yeeri aafooch kaama tiijjaa giddeebeeti deejjoon tuniiꞌi giddiihe.
22Harooni ebi deejjoo bullin giddii bi ciichitoyee gubb, asheenaꞌo waan bi kishoon yaggiꞌi boonoshin diiriye. Aroochee deejjee gudee toommoochee kindiye.
23Aroyee gubb, Muusinaa Haroonina danee duukkaanooch giyiyeete. Ebi aroochee kechiꞌi asheenaꞌon diiriyeete. Doono Yeerichi oogee yiiroo asheenaꞌo bullich bekkehe. 24Qaaqqoo Doono Yeeri aafoochee kindiꞌi, deejjee gudee toommooch beeti deejjoonaa awuyonon michii aalliihe. Asheenaꞌo bulli ebin beeggiꞌi ililiyeete; baroonoo showooch guufeheete.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.