Leweenaꞌo 7
7
Xuꞌoon Maariyoyich Giddeebeeti Deejjoo
1“ ‘Xuꞌoyich giddeebeeti deejjoon giddiyee qocoo ebine: Ebiyoo oogeti yaafoone. 2Micciibeeti deejjoo guureebeeti xaaꞌoochaa xuꞌoyich giddeebeeti deejjoo guureebe. Bi damoo deejjee gudee awudde naabooch tibeebe. 3Bi achooch beeti awuyo bulli deejjee gudoochaa deejjeebe. Naato, maacee meechi toommooch beeti awuyo bulli, 4gutte yeyitoo bi toommooch beeti, shimeteexi awuyona tookki, qamee deshi qati kuxo yeyitoona tookki maacaa keye. 5Qeeshoo ebin Doono Yeeri taach qaaqqoona micciibeeti deejjoon tuniiree deejjee gudoochaa michibe. Ebiyoo xuꞌee deejjoone. 6Qeesheenaꞌochi yaroochee tuneti anaamo bulli aroochee maayemmone. Yaafoo tuneti xaaꞌoochaa mameete. Ebiyoo oogeti yaafoone.
7“ ‘Axaaxee deejjoonaa xuꞌee deejjoonoyich beeti qocoo ikkoone. Ebiyoo deejjoon giddiiti qeeshoyich are meeno icheyoone. 8Asho koniyoona giddiiti, qeeshoo deejjiti gijjoochi gooqqo are deejjiti qeeshoochone. 9Ebiyoommon wotta gudoochaa, shexxoonaa midaadoonoochaa kachiti maayi buuro bulli ebi maayoon deejjoo giddiiti qeeshoochone. 10Tunebaani zayitoona xirikketo tuneba zayitaalloon giddeti kashaani maayo bulli Haroonichi anaami bushiishoyich tunebe. Boonoshichoo tatoon qoodeebe.
Ikkittinee Deejjoon Giddiyoo
11“ ‘Ikke asho ikkittinee deejjoon Doono Yeeri taach bi giddii beegaata, bi tuniyemmi qocoo ebine.
12“ ‘Deejjoon bi giddiibeeto galletoon bechoyich bi tunegaata, galletee deejjoona tookki shittoo giyaani, zayito giyiti qacini buddinoochee kachiti tagge koshon, shittoo giyaani, zayito huutteꞌi shishiitaa kachiti koshonaa zayito geddeti qacini buddinoonoochee kachiti tagge koshonon giddiibe. 13Galletoon bechoyich bi giddiibeeti ikkittinee deejjoona tookki shittoo gedaa kachiti koshon giddiibe. 14Ebi koshon bi ikkikkoochee ikkikkoon tiijjiree, Doono Yeeri taach bariti deejjoon tuniiree giddiibe. Ebiyoo ikkittinee deejjee damoon deejjee gudee awudde naabooch tibiibeeti qeeshoyich tunebe. 15Galletoon bechoyich giddeebeeti ikkittinee deejjee gijjoochi meeno ebi deejjoo giddehooba maataa ciireballi, amolla echeree qeyaaye.
16“ ‘Ebi deejjoo tiikkeshoo woyee mullee daaggoona giddeebeeto bi tunegaata, deejjoo giddehooba manjebe; echeto bi beegaata, bi dechara manjebe. 17Ebi deejjee meenoochee bi sharittich qeyito bi beegaata qaaqqooch gokkebe. 18Ikkittinee deejjoochee bi sharittich qeyito bi manjegaata, Doono Yeeri ta ebi deejjoon deꞌaachemmo taane. Eeꞌo bi tunetoyich deejjoon giddiiti ashich amoonolla gaacaachemmone. Ebi aroochee maati asho bi shuuneti axaaxoyich echeyemmone. 19Ebi meeno eeꞌe mooyona tookkii daneto bi tunegaata, qaaqqooch gokkebani manjeyaaye.
“ ‘Xalloo tuneti asho bulli ebi deejjee meenon mamon hakkiye. 20Tunebaani xalloo tuneyaani asho koniyoona Doono Yeeri taach giddeti ikkittinee deejjee meenon bi maagaata, bi asheenaꞌo daggoochee kichaa yookkebe. 21Asho koniyoona ashi achoochee ufeebeeti eeꞌe mooyon woyee eeꞌe gijjoon woyee eeꞌe mooyo amoonolla yechiichii, Doono Yeeri taach giddeti ikkittinee deejjee meenoochee bi maagaata, bi asheenaꞌo daggoochee kichaa yookkebe’ gete” iye.
22Doono Yeeri Muusich ishichiye: 23“Israꞌeeleenaꞌoyich ishichi gete: ‘Gattee woyee bagee woyee emmishee awuyon ciroona maayaahote. 24Qititi gijjoochi awuyon woyee cooxo yeshaa qititi gijjoochi awuyon bare shuunoyich tuniyoon hakkiyote; tunebaani ciroona maayaahote. 25Qaaqqooch michaa Doono Yeeri taach giddeebeeti deejjee gijjee awuyon maabeeto koniyoona bi asheenaꞌo daggoochee kichaa yookkebe. 26Ittoshi koteti amee showoochaanolla kafee yareenaꞌochi damoon woyee gijjeenaꞌonaa cooxinaꞌonochi damoon maayaahote. 27Damoon maabeeti asho koniyoona bi asheenaꞌo daggoochee kichaa yookkebe’ gete” iye.#Hal. 9:4; Lew. 17:10-14; 19:26; Yibba. 12:16,23; 15:23
28Doono Yeeri Muusich ishichiye: 29“Israꞌeeleenaꞌoyich ishichi gete: ‘Doono Yeeri taach ikkittinee deejjoon giddiibeeti asho ebi aroochee qoodi, bariti wojjoon tuniiree Doono Yeeri taach deebe. 30Ebi michaa giddeebeeti deejjoon bi hajjee kishoona Doono Yeeri taach deebe. Awuyon gaggimatoona tookki giddiibe. Gaggimatoon bariti deejjoo tuniiree Doono Yeeri taach kaama tiijjibe. 31Qeeshoo awuyon deejjee gudoochaa michibe. Gaggimatoo Harooninaa bi anaami bushiishoonoyich ichebe. 32Ittoshi ikkittinee deejjoochee qanne baatee galloon qeeshoyich bariti wojjoon tuniiree imbote. 33Ebi ikkittinee deejjee damoonaa awuyonon giddiibeeti Harooni anaami bushoyich qanne baatee gallo bi qoodoon tuniitaa ichebe. 34Israꞌeeleenaꞌochi ikkittinee deejjoochee kaama tiijjeebeeti gaggimatoonaa giddeebeeti qanne baatee galloonon deqqaꞌa qeeshoo tuneti Harooninaa bi anaami bushiishoonoyich, immeto taane. Ebiyoo Israꞌeeleenaꞌo waanee shiijjeroochee shiijjerooch beddaahaa boonoshi danemmi boonoshi qoodoone.
35“ ‘Doono Yeeri taach maddeya qeesheenaꞌo tuneꞌi boonoshi ukkireti aaboochee tiijjiree, qaaqqooch michaa Doono Yeeri taach giddeebeeti deejjoochee Harooninaa bi anaami bushiisheenaꞌonoyich icheti boonoshi qoodoo ebine. 36Zayito boonoshi shimbooch huuttehooba, Israꞌeeleenaꞌo boonoshi qoodoon tuniiree shiijjeroochee shiijjerooch beddaahaa boonoshich boonoshi immemmoyich, Doono Yeeri ta getteto taane itone’ gete” iye.
37Illa micciibeeti deejjeechi, maayi buureechi, axaaxee deejjeechi, xuꞌee deejjeechi, yaafee kexooch shuunoyich bareechi deejjoonaa ikkittinee deejjoonochi qocoo ebine. 38Doono Yeeri Siini barahoochaa deejjoon biich boonoshi giddiyemmoyich Israꞌeeleenaꞌoyich bi gettiyooba, Siini guudi toommoochaa Muusich bi gettiti geto ebine.
Currently Selected:
Leweenaꞌo 7: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Leweenaꞌo 7
7
Xuꞌoon Maariyoyich Giddeebeeti Deejjoo
1“ ‘Xuꞌoyich giddeebeeti deejjoon giddiyee qocoo ebine: Ebiyoo oogeti yaafoone. 2Micciibeeti deejjoo guureebeeti xaaꞌoochaa xuꞌoyich giddeebeeti deejjoo guureebe. Bi damoo deejjee gudee awudde naabooch tibeebe. 3Bi achooch beeti awuyo bulli deejjee gudoochaa deejjeebe. Naato, maacee meechi toommooch beeti awuyo bulli, 4gutte yeyitoo bi toommooch beeti, shimeteexi awuyona tookki, qamee deshi qati kuxo yeyitoona tookki maacaa keye. 5Qeeshoo ebin Doono Yeeri taach qaaqqoona micciibeeti deejjoon tuniiree deejjee gudoochaa michibe. Ebiyoo xuꞌee deejjoone. 6Qeesheenaꞌochi yaroochee tuneti anaamo bulli aroochee maayemmone. Yaafoo tuneti xaaꞌoochaa mameete. Ebiyoo oogeti yaafoone.
7“ ‘Axaaxee deejjoonaa xuꞌee deejjoonoyich beeti qocoo ikkoone. Ebiyoo deejjoon giddiiti qeeshoyich are meeno icheyoone. 8Asho koniyoona giddiiti, qeeshoo deejjiti gijjoochi gooqqo are deejjiti qeeshoochone. 9Ebiyoommon wotta gudoochaa, shexxoonaa midaadoonoochaa kachiti maayi buuro bulli ebi maayoon deejjoo giddiiti qeeshoochone. 10Tunebaani zayitoona xirikketo tuneba zayitaalloon giddeti kashaani maayo bulli Haroonichi anaami bushiishoyich tunebe. Boonoshichoo tatoon qoodeebe.
Ikkittinee Deejjoon Giddiyoo
11“ ‘Ikke asho ikkittinee deejjoon Doono Yeeri taach bi giddii beegaata, bi tuniyemmi qocoo ebine.
12“ ‘Deejjoon bi giddiibeeto galletoon bechoyich bi tunegaata, galletee deejjoona tookki shittoo giyaani, zayito giyiti qacini buddinoochee kachiti tagge koshon, shittoo giyaani, zayito huutteꞌi shishiitaa kachiti koshonaa zayito geddeti qacini buddinoonoochee kachiti tagge koshonon giddiibe. 13Galletoon bechoyich bi giddiibeeti ikkittinee deejjoona tookki shittoo gedaa kachiti koshon giddiibe. 14Ebi koshon bi ikkikkoochee ikkikkoon tiijjiree, Doono Yeeri taach bariti deejjoon tuniiree giddiibe. Ebiyoo ikkittinee deejjee damoon deejjee gudee awudde naabooch tibiibeeti qeeshoyich tunebe. 15Galletoon bechoyich giddeebeeti ikkittinee deejjee gijjoochi meeno ebi deejjoo giddehooba maataa ciireballi, amolla echeree qeyaaye.
16“ ‘Ebi deejjoo tiikkeshoo woyee mullee daaggoona giddeebeeto bi tunegaata, deejjoo giddehooba manjebe; echeto bi beegaata, bi dechara manjebe. 17Ebi deejjee meenoochee bi sharittich qeyito bi beegaata qaaqqooch gokkebe. 18Ikkittinee deejjoochee bi sharittich qeyito bi manjegaata, Doono Yeeri ta ebi deejjoon deꞌaachemmo taane. Eeꞌo bi tunetoyich deejjoon giddiiti ashich amoonolla gaacaachemmone. Ebi aroochee maati asho bi shuuneti axaaxoyich echeyemmone. 19Ebi meeno eeꞌe mooyona tookkii daneto bi tunegaata, qaaqqooch gokkebani manjeyaaye.
“ ‘Xalloo tuneti asho bulli ebi deejjee meenon mamon hakkiye. 20Tunebaani xalloo tuneyaani asho koniyoona Doono Yeeri taach giddeti ikkittinee deejjee meenon bi maagaata, bi asheenaꞌo daggoochee kichaa yookkebe. 21Asho koniyoona ashi achoochee ufeebeeti eeꞌe mooyon woyee eeꞌe gijjoon woyee eeꞌe mooyo amoonolla yechiichii, Doono Yeeri taach giddeti ikkittinee deejjee meenoochee bi maagaata, bi asheenaꞌo daggoochee kichaa yookkebe’ gete” iye.
22Doono Yeeri Muusich ishichiye: 23“Israꞌeeleenaꞌoyich ishichi gete: ‘Gattee woyee bagee woyee emmishee awuyon ciroona maayaahote. 24Qititi gijjoochi awuyon woyee cooxo yeshaa qititi gijjoochi awuyon bare shuunoyich tuniyoon hakkiyote; tunebaani ciroona maayaahote. 25Qaaqqooch michaa Doono Yeeri taach giddeebeeti deejjee gijjee awuyon maabeeto koniyoona bi asheenaꞌo daggoochee kichaa yookkebe. 26Ittoshi koteti amee showoochaanolla kafee yareenaꞌochi damoon woyee gijjeenaꞌonaa cooxinaꞌonochi damoon maayaahote. 27Damoon maabeeti asho koniyoona bi asheenaꞌo daggoochee kichaa yookkebe’ gete” iye.#Hal. 9:4; Lew. 17:10-14; 19:26; Yibba. 12:16,23; 15:23
28Doono Yeeri Muusich ishichiye: 29“Israꞌeeleenaꞌoyich ishichi gete: ‘Doono Yeeri taach ikkittinee deejjoon giddiibeeti asho ebi aroochee qoodi, bariti wojjoon tuniiree Doono Yeeri taach deebe. 30Ebi michaa giddeebeeti deejjoon bi hajjee kishoona Doono Yeeri taach deebe. Awuyon gaggimatoona tookki giddiibe. Gaggimatoon bariti deejjoo tuniiree Doono Yeeri taach kaama tiijjibe. 31Qeeshoo awuyon deejjee gudoochaa michibe. Gaggimatoo Harooninaa bi anaami bushiishoonoyich ichebe. 32Ittoshi ikkittinee deejjoochee qanne baatee galloon qeeshoyich bariti wojjoon tuniiree imbote. 33Ebi ikkittinee deejjee damoonaa awuyonon giddiibeeti Harooni anaami bushoyich qanne baatee gallo bi qoodoon tuniitaa ichebe. 34Israꞌeeleenaꞌochi ikkittinee deejjoochee kaama tiijjeebeeti gaggimatoonaa giddeebeeti qanne baatee galloonon deqqaꞌa qeeshoo tuneti Harooninaa bi anaami bushiishoonoyich, immeto taane. Ebiyoo Israꞌeeleenaꞌo waanee shiijjeroochee shiijjerooch beddaahaa boonoshi danemmi boonoshi qoodoone.
35“ ‘Doono Yeeri taach maddeya qeesheenaꞌo tuneꞌi boonoshi ukkireti aaboochee tiijjiree, qaaqqooch michaa Doono Yeeri taach giddeebeeti deejjoochee Harooninaa bi anaami bushiisheenaꞌonoyich icheti boonoshi qoodoo ebine. 36Zayito boonoshi shimbooch huuttehooba, Israꞌeeleenaꞌo boonoshi qoodoon tuniiree shiijjeroochee shiijjerooch beddaahaa boonoshich boonoshi immemmoyich, Doono Yeeri ta getteto taane itone’ gete” iye.
37Illa micciibeeti deejjeechi, maayi buureechi, axaaxee deejjeechi, xuꞌee deejjeechi, yaafee kexooch shuunoyich bareechi deejjoonaa ikkittinee deejjoonochi qocoo ebine. 38Doono Yeeri Siini barahoochaa deejjoon biich boonoshi giddiyemmoyich Israꞌeeleenaꞌoyich bi gettiyooba, Siini guudi toommoochaa Muusich bi gettiti geto ebine.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.