Leweenaꞌo 3
3
Ikkittinee Deejjoon Giddiyoo
1“ ‘Asho koniyoona bi giddiibeeti deejjoo miimoochee giddeebeeti ikkittinee deejjoo bi tunegaata, bachaalli gattoon woyee miimin Doono Yeeri taach giddiibe. 2Biyoo deejjoyich bi giddiiti gijjoochi qellooch bi kishoon kotiibe. Ebi aroonoo danee duukkaanee kelloochaa guuribe. Qeesheenaꞌo tuneti Harooni anaami bushiisheenaꞌo damoon deejjee gudee awudde naabooch tibibeete. 3Uro ebi ikkittinee deejjoochee, qaaqqooch michaa giddeebeeti deejjoon tuniiree Doono Yeeri taach giddiibe. Biyoo maacee meechi toommooch beeti awuyo bullin, 4gutte yeyitoon bi toommooch beeti shimeteexi awuyona tookki, qamee deshi qati kuxon yeyitoona tookki maaci kichiree giddiibe. 5Aroochee Harooni anaami bushiisheenaꞌo ebi bullin micciibeeti deejjoona tookki deejjee gudoochaa deejjibeete. Ebiyoo Doono Yeeri taach qaaqqooch michaa giddeebeeti, gaawe cinnechi deejjoo tunemmone.
6“ ‘Ikkittinee deejjoyich Doono Yeeri taach giddeebeeto, bago woyee emmisho bi tunegaata, bachaalli gideree woyee baaddoo tunebe. 7Deejjoyich bi giddiibeeto, bagoon bi tunegaata, Doono Yeeri ta aafooch deebi, 8bi kishoon ebi bagoochi qellooch kotiichi danee duukkaanee kelloochaa guuribe. Harooni anaami bushiisheenaꞌo bi damoon deejjee gudee awudde naabooch tibibeete. 9Uro ebi ikkittinee deejjoochee, qaaqqooch michaa giddeebeeti deejjoon tuniiree taach giddiibe. Biyoo awuyon, ceeree duchoochaa ikkot kucheti naatoon, maacee meechi toommooch beeti awuyo bullin, 10gutte yeyitoon bi toommooch beeti shimeteexi awuyona tookki, qamee deshi qati kuxon yeyitoona tookki maaci kichiree giddiibe. 11Qeeshoo eboshi bullin taach giddeebeeti maayi deejjoon tuniiree deejjee gudoochaa michibe.
12“ ‘Deejjoyich bi giddiibeeto emmishoon bi tunegaata, Doono Yeeri ta aafooch deebi, 13bi kishoon ebi emmishoochi qellooch kotiichi, danee duukkaanee kelloochaa guuribe. Harooni anaami bushiisheenaꞌo bi damoon deejjee gudee awudde naabooch tibibeete. 14Uro ebi ikkittinee deejjoochee qaaqqooch michaa giddeebeeti deejjoon tuniiree taach giddiibe. Biyoo maacee meechi toommooch beeti awuyo bullin, 15gutte yeyitoon bi toommooch beeti shimeteexi awuyona tookki, qamee deshi qati kuxon yeyitoona tookki maaci kichiree giddiibe. 16Qeeshoo eboshi bullin qaaqqooch michaa taach giddeebeeti, gaawe cinnechi maayi deejjoon tuniiree deejjee gudoochaa michibe. Deejjeyoyich giddeti gijjoochi awuyo bulli taachone.
17“ ‘Ittoshi kotemmi xaaꞌoo aabiichaanona, awuyon woyee damoon maayaahote. Ebiyoo gubbi ittoshi shiijjeroo bulliich beddaahaa, kuxeyaanoon beeyemmi qociyoone’ gete” iye.
Currently Selected:
Leweenaꞌo 3: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Leweenaꞌo 3
3
Ikkittinee Deejjoon Giddiyoo
1“ ‘Asho koniyoona bi giddiibeeti deejjoo miimoochee giddeebeeti ikkittinee deejjoo bi tunegaata, bachaalli gattoon woyee miimin Doono Yeeri taach giddiibe. 2Biyoo deejjoyich bi giddiiti gijjoochi qellooch bi kishoon kotiibe. Ebi aroonoo danee duukkaanee kelloochaa guuribe. Qeesheenaꞌo tuneti Harooni anaami bushiisheenaꞌo damoon deejjee gudee awudde naabooch tibibeete. 3Uro ebi ikkittinee deejjoochee, qaaqqooch michaa giddeebeeti deejjoon tuniiree Doono Yeeri taach giddiibe. Biyoo maacee meechi toommooch beeti awuyo bullin, 4gutte yeyitoon bi toommooch beeti shimeteexi awuyona tookki, qamee deshi qati kuxon yeyitoona tookki maaci kichiree giddiibe. 5Aroochee Harooni anaami bushiisheenaꞌo ebi bullin micciibeeti deejjoona tookki deejjee gudoochaa deejjibeete. Ebiyoo Doono Yeeri taach qaaqqooch michaa giddeebeeti, gaawe cinnechi deejjoo tunemmone.
6“ ‘Ikkittinee deejjoyich Doono Yeeri taach giddeebeeto, bago woyee emmisho bi tunegaata, bachaalli gideree woyee baaddoo tunebe. 7Deejjoyich bi giddiibeeto, bagoon bi tunegaata, Doono Yeeri ta aafooch deebi, 8bi kishoon ebi bagoochi qellooch kotiichi danee duukkaanee kelloochaa guuribe. Harooni anaami bushiisheenaꞌo bi damoon deejjee gudee awudde naabooch tibibeete. 9Uro ebi ikkittinee deejjoochee, qaaqqooch michaa giddeebeeti deejjoon tuniiree taach giddiibe. Biyoo awuyon, ceeree duchoochaa ikkot kucheti naatoon, maacee meechi toommooch beeti awuyo bullin, 10gutte yeyitoon bi toommooch beeti shimeteexi awuyona tookki, qamee deshi qati kuxon yeyitoona tookki maaci kichiree giddiibe. 11Qeeshoo eboshi bullin taach giddeebeeti maayi deejjoon tuniiree deejjee gudoochaa michibe.
12“ ‘Deejjoyich bi giddiibeeto emmishoon bi tunegaata, Doono Yeeri ta aafooch deebi, 13bi kishoon ebi emmishoochi qellooch kotiichi, danee duukkaanee kelloochaa guuribe. Harooni anaami bushiisheenaꞌo bi damoon deejjee gudee awudde naabooch tibibeete. 14Uro ebi ikkittinee deejjoochee qaaqqooch michaa giddeebeeti deejjoon tuniiree taach giddiibe. Biyoo maacee meechi toommooch beeti awuyo bullin, 15gutte yeyitoon bi toommooch beeti shimeteexi awuyona tookki, qamee deshi qati kuxon yeyitoona tookki maaci kichiree giddiibe. 16Qeeshoo eboshi bullin qaaqqooch michaa taach giddeebeeti, gaawe cinnechi maayi deejjoon tuniiree deejjee gudoochaa michibe. Deejjeyoyich giddeti gijjoochi awuyo bulli taachone.
17“ ‘Ittoshi kotemmi xaaꞌoo aabiichaanona, awuyon woyee damoon maayaahote. Ebiyoo gubbi ittoshi shiijjeroo bulliich beddaahaa, kuxeyaanoon beeyemmi qociyoone’ gete” iye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.