Leweenaꞌo 23
23
Baaree Aabo
1Doono Yeeri Muusich ishichiye: 2“Israꞌeeleenaꞌoyich ishichi gete: ‘Doono Yeerich goyinnoyich kiceyee yaafeeti aabo getiree ittoshi awaajjemmi, boonoshi goori gooroona baareyemmi, Doono Yeeri ta baareenaꞌo eboshine:
Shambetee Aabo
3“ ‘Shiritte qemon shuunoon shuunemmo ittoshine; tunebaani shabaattinnee qemo yaafeeti kashee shambetoo, taach goyinnoyich ittoshi kiceyemmi yaafeeti aaboone. Doono Yeeri ta shambetee aabo bi tunetoyich, ittoshi koteti showoo aabiichaanona shuunoon shuuneyaahote.#Key. 20:8-10; 23:12; 31:15; 34:21; 35:2; Yibba. 5:12-14
Beshee Baaroonaa Shittoo Giyaani Kochi Baaroona
(Haddoo 28:16-25)
4“ ‘Bi goori gooroona Doono Yeeri taach baareyemmi, taach goyinnoyich ittoshi kiceyemmi aaboon tuniiree ittoshi awaajjemmi, baaree aabeenaꞌo eboshine: 5Doono Yeeri taach baareyemmi Beshee Baaroo ikkinnee agenee aaraa awuddinnee qemoobee xum baareyemmone.#Key. 12:1-13; Yibba. 16:1-2 6Are agenee aaraa uuchinnee qemo Doono Yeeri taach baareyemmi, Shittoo Giyaani Kochi Baaroo giyemmi aaboone. Shabaatte qemi wottoon, shittoo giyaani koshon maayemmo ittoshine. 7Ikkinnee qemooba taach goyinnoyich kiceyemmo ittoshine; shuunoon shuuneyaachemmo ittoshine. 8Shabaatte qemon qaaqqoona micciibeeti deejjoon Doono Yeeri taach deejjibote. Shabaattinnee qemooba taach goyinnoyich ikkooch kiceebote. Ebi arooba shuunoon shuuneyaahote’ itone gete” iye.#Key. 12:14-20; 23:15; 34:18; Yibba. 16:3-8
Cilloon Giddiyee Baaroo
9Doono Yeeri Muusich ishichiye: 10“Israꞌeeleenaꞌoyich ishichi gete: ‘Ittoshich ta immaabeeti showooch giyiꞌi maayoon ittoshi qeciyooba, ittoshi qecciti maayoochee shiichii ittoshi qiriti qiroon qeeshoo waan deebote. 11Ittoshi cilloon Doono Yeeri ta deqqemmoyich, qeeshoo are maayi qiroon ta aafooch kaama tiijjibe. Shambetoobee dechara kaama tiijjibe. 12Maayi qiroon ittoshi giddiihooba, ikke nati, bachaalli bagee baaddoon micciibeeti deejjoon tuniiree Doono Yeeri taach deejjibote. 13Ebi aroona tookki, maayi buuroyich zayitoona xirikketi awudde kobbaye qacini buddinoon, Doono Yeeri taach gaawe cinnoon cinneebeeti, micciibeeti deejjoon tuniiree deejjibote. Wotta uyee deejjoyich ikke neetiree woyinee uyoon giddiibote. 14Ebi cilloon Doono Yeeri taach ittoshi deeboyee shiichiree, andire maayoochee gaaroon woyee gaaweeton woyee kosho tuniitaa kachiton maayaahote. Ebiyoo ittoshi koteti showoo aabiichaanona gubbi ittoshi shiijjeroo bullich, bulli yemeenee qociyoon tunebe.
Maayi Qeci Baaroo
(Haddoo 28:26-31)
15“ ‘Kaama tiijjaa giddeebeeti deejjoon tuniiꞌi maayi qiroon ittoshi giddiiti shambetee decharoobee tiijjiree, ceeni shabaatte kaallee shabaattoon haddibote. 16Shabaattinnee shambetee dechara beddaahaa, aache qemon haddibote. Ebi arooba bare andire maayi buuroon Doono Yeeri taach giddiibote. 17Ittoshi kexi kexoochee awudde kobbaye qacini buddinoochee shittoo gedaa kachiti gutte xekee koshon kaama tiijjaa buuroon tuniitaa Doono Yeeri taach bi giddemmoyich, maayi cilloon deebote. 18Ebi koshona tookki bachaalleenaꞌo tuneti gijjeenaꞌon, eboshiyoo ikke nati shabaatte gishiishi bagee baaddoon, ikke wuronaa gutte ogooge bagee baaddoonon giddiibote. Eboshi bulli ittoshi maayi buuroonaa uyee deejjoona tookki Doono Yeeri taach gaawe cinnoon cinneebeeti, micciibeeti deejjoon tuniitaa giddemminaꞌone. 19Axaaxee deejjoyich ikke emmishee baaddoon, ikkittinee deejjoyichoo ikke nati gutte bagee baaddoon deejjibote. 20Qeeshoo koshon gutte bagee baaddoona tookki Doono Yeeri ta aafooch kaama tiijjaa giddeebeeti deejjoon tuniiree giddiibe. Ebi Doono Yeeri taach giddeebeeti, yaafeeti deejjoone; ebiyoo qeeshoo qoodoone. 21Ebi arooba ikkooch kiceeree taach ittoshi goyinnemmi aaboon tuniiree awaajjibote. Shuunoon shuuneyaahote. Ebiyoo ittoshi koteti showoo aabiichaanona, gubbi ittoshi shiijjeroo bullich, bulli yemeenee qociyoon tunebe.#Key. 23:16; 34:22; Yibba. 16:9-12
22“ ‘Ittoshi maayoon ittoshi qecigaata, taroon echiyaanoon bullin qeccaahote. Maayi buttoonoo butteyaahote. Ebi aroon girechonaa shiqqoonoyich gawukkibote. Ta, ittoshi Nuggishoo Doono Yeeri taane’ itone gete” iye.#Lew. 19:9-10; Yibba. 24:19-22
Tiree Huggi Baaroo
(Haddoo 29:1-6)
23Doono Yeeri Muusich ishichiye: 24“Israꞌeeleenaꞌoyich ishichi gete: ‘Shabaattinnee agenee ikkinnee qemo yaafeeti kashee shambetoo, tiroo (waaringo) huggi shalligichoo, taach goyinnoyich ittoshi kiceyemmi yaafeeti aabo ittoshich tunebe. 25Arooba micciibeeti deejjoon Doono Yeeri taach deejjibote. Shuunoon shuuneyaahote’ itone gete” iye.
Axaaxoo Maariyee Aabo
(Haddoo 29:7-11)
26Doono Yeeri Muusich ishichiye: 27“Shabaattinnee agenee aashirinnee qemo Axaaxoo Maariyee Aaboone. Ebi aroo Doono Yeeri taach goyinnoyich ittoshi kiceyemmi yaafeeti aabo tunebe. Arooboo coomibote. Deejjoon qaaqqooch michiree Doono Yeeri taach deejjibote. 28Ittoshi Nuggishoo Doono Yeeri ta aafooch ittoshi axaaxoo maareebeeti, maaree aabo bi tunetoyich, ebi arooba shuunoon shuuneyaahote. 29Ebi arooba amoonolla maammo bi asheenaꞌo daggoochee kichaa yookkebe. 30Wotta ebi arooba shuunoo amoonolla shuuneebeeti asho koninolla bi asheenaꞌo daggoochee kichi aalliyemmo taane. 31Shuunoon shuuneyaahote. Ebiyoo ittoshi kotemmi xaaꞌoo aabiichaanona, gubbi ittoshi shiijjeroo bullich, bulli yemeenee qociyoon tunebe. 32Ebi ittoshich yaafeeti kashee shambetoone. Are agenee yiixiyinnee qemoobee xumoochee tiijjiree aashirinnee qemoobee xum beddaahaa, kashee shambetoon baaribote. Ebi arooba coomibote” iye.#Lew. 16:29-34
Bashee Baaroo
(Haddoo 29:12-40)
33Doono Yeeri Muusich ishichiye: 34“Israꞌeeleenaꞌoyich ishichi gete: ‘Doono Yeeri ta Bashee (Yambaaree) Baaroo shabaattinnee agenee aaraa uuchinnee qemooba giyiree shabaatte qemon yagemmone. 35Batti batti aabo taach goyinnoyich ittoshi kiceyemmi yaafeeti aabo bi tunetoyich, shuunoon shuuneyaahote. 36Qemi qemona shabaatte qemi wottoon, Doono Yeeri taach micciibeeti deejjoon giddiibote. Shabaattee ciirooba taach goyinnoyich yaafeeti kiceyoon kiceebote. Maayi buuroonoo giddiibote. Shuunoon shuuneyaahote.#Yibba. 16:13-15
37“ ‘Micciibeeti deejjoon, maayi buuroon, bare deejjoonaa uyee deejjoonon Doono Yeeri taach ittoshi deejjemmi, taachoo goyinnoyich yaafeeti kiceyoon ittoshi kiceyemmi, goori gooroona baareyemmi, yaafeeti, Doono Yeeri ta baareenaꞌo eboshine. 38Ebi baareenaꞌo Doono Yeeri ta shambetoyee, ittoshi immemmi wojjoyee, ittoshi giddiyemmi tiikkeshoyee, mullee daaggoona Doono Yeeri taach ittoshi immiibeeti mooyo bulliyee bareenaꞌone.
39“ ‘Maayoon budoochee ittoshi kicitoyee gubb, shabaattinnee agenee aaraa uuchinnee qemoochee tiijjiree, shabaatte qemi wottoon, Doono Yeeri taach baaroon baaribote. Batti batti aaboonaa ciireexi aaboona yaafeeti kashee aabo tunebe. 40Batti batti aabooba manjeebeeti gaawe michi aafoon, yeebbee waamon, wodde waajjechi michi qaakkoonaa aachi gashooch beeti mixonon yeshiree, shabaatte qemi wottoon ittoshi Nuggishoo Doono Yeeri ta aafooch emiribote. 41Ebiyoommi gommona natooch shabaatte qemon Doono Yeeri taach baaribote. Ebiyoo gubbi ittoshi shiijjeroo bullich, bulli yemeenee qociyoon tunebe. Shabaattinnee agenooba baaribote. 42Shabaatte qemi wottoon bashooch kotebote. Israꞌeelee asho tuneto bulli bashooch kotebe. 43Ebina Israꞌeeleenaꞌon Gibitsee kichaa ta deebiyooba, bashooch boonoshi kotemmoyich ta tuniyoon ittoshi shiijjereenaꞌo ariyemminaꞌone. Ta, ittoshi Nuggishoo Doono Yeeri taane’ itone gete” iye.
44Ebina Muusi Israꞌeeleenaꞌoyich bi goori gooroona baareyemmi Doono Yeerichi baaroon gettiye.
Currently Selected:
Leweenaꞌo 23: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Leweenaꞌo 23
23
Baaree Aabo
1Doono Yeeri Muusich ishichiye: 2“Israꞌeeleenaꞌoyich ishichi gete: ‘Doono Yeerich goyinnoyich kiceyee yaafeeti aabo getiree ittoshi awaajjemmi, boonoshi goori gooroona baareyemmi, Doono Yeeri ta baareenaꞌo eboshine:
Shambetee Aabo
3“ ‘Shiritte qemon shuunoon shuunemmo ittoshine; tunebaani shabaattinnee qemo yaafeeti kashee shambetoo, taach goyinnoyich ittoshi kiceyemmi yaafeeti aaboone. Doono Yeeri ta shambetee aabo bi tunetoyich, ittoshi koteti showoo aabiichaanona shuunoon shuuneyaahote.#Key. 20:8-10; 23:12; 31:15; 34:21; 35:2; Yibba. 5:12-14
Beshee Baaroonaa Shittoo Giyaani Kochi Baaroona
(Haddoo 28:16-25)
4“ ‘Bi goori gooroona Doono Yeeri taach baareyemmi, taach goyinnoyich ittoshi kiceyemmi aaboon tuniiree ittoshi awaajjemmi, baaree aabeenaꞌo eboshine: 5Doono Yeeri taach baareyemmi Beshee Baaroo ikkinnee agenee aaraa awuddinnee qemoobee xum baareyemmone.#Key. 12:1-13; Yibba. 16:1-2 6Are agenee aaraa uuchinnee qemo Doono Yeeri taach baareyemmi, Shittoo Giyaani Kochi Baaroo giyemmi aaboone. Shabaatte qemi wottoon, shittoo giyaani koshon maayemmo ittoshine. 7Ikkinnee qemooba taach goyinnoyich kiceyemmo ittoshine; shuunoon shuuneyaachemmo ittoshine. 8Shabaatte qemon qaaqqoona micciibeeti deejjoon Doono Yeeri taach deejjibote. Shabaattinnee qemooba taach goyinnoyich ikkooch kiceebote. Ebi arooba shuunoon shuuneyaahote’ itone gete” iye.#Key. 12:14-20; 23:15; 34:18; Yibba. 16:3-8
Cilloon Giddiyee Baaroo
9Doono Yeeri Muusich ishichiye: 10“Israꞌeeleenaꞌoyich ishichi gete: ‘Ittoshich ta immaabeeti showooch giyiꞌi maayoon ittoshi qeciyooba, ittoshi qecciti maayoochee shiichii ittoshi qiriti qiroon qeeshoo waan deebote. 11Ittoshi cilloon Doono Yeeri ta deqqemmoyich, qeeshoo are maayi qiroon ta aafooch kaama tiijjibe. Shambetoobee dechara kaama tiijjibe. 12Maayi qiroon ittoshi giddiihooba, ikke nati, bachaalli bagee baaddoon micciibeeti deejjoon tuniiree Doono Yeeri taach deejjibote. 13Ebi aroona tookki, maayi buuroyich zayitoona xirikketi awudde kobbaye qacini buddinoon, Doono Yeeri taach gaawe cinnoon cinneebeeti, micciibeeti deejjoon tuniiree deejjibote. Wotta uyee deejjoyich ikke neetiree woyinee uyoon giddiibote. 14Ebi cilloon Doono Yeeri taach ittoshi deeboyee shiichiree, andire maayoochee gaaroon woyee gaaweeton woyee kosho tuniitaa kachiton maayaahote. Ebiyoo ittoshi koteti showoo aabiichaanona gubbi ittoshi shiijjeroo bullich, bulli yemeenee qociyoon tunebe.
Maayi Qeci Baaroo
(Haddoo 28:26-31)
15“ ‘Kaama tiijjaa giddeebeeti deejjoon tuniiꞌi maayi qiroon ittoshi giddiiti shambetee decharoobee tiijjiree, ceeni shabaatte kaallee shabaattoon haddibote. 16Shabaattinnee shambetee dechara beddaahaa, aache qemon haddibote. Ebi arooba bare andire maayi buuroon Doono Yeeri taach giddiibote. 17Ittoshi kexi kexoochee awudde kobbaye qacini buddinoochee shittoo gedaa kachiti gutte xekee koshon kaama tiijjaa buuroon tuniitaa Doono Yeeri taach bi giddemmoyich, maayi cilloon deebote. 18Ebi koshona tookki bachaalleenaꞌo tuneti gijjeenaꞌon, eboshiyoo ikke nati shabaatte gishiishi bagee baaddoon, ikke wuronaa gutte ogooge bagee baaddoonon giddiibote. Eboshi bulli ittoshi maayi buuroonaa uyee deejjoona tookki Doono Yeeri taach gaawe cinnoon cinneebeeti, micciibeeti deejjoon tuniitaa giddemminaꞌone. 19Axaaxee deejjoyich ikke emmishee baaddoon, ikkittinee deejjoyichoo ikke nati gutte bagee baaddoon deejjibote. 20Qeeshoo koshon gutte bagee baaddoona tookki Doono Yeeri ta aafooch kaama tiijjaa giddeebeeti deejjoon tuniiree giddiibe. Ebi Doono Yeeri taach giddeebeeti, yaafeeti deejjoone; ebiyoo qeeshoo qoodoone. 21Ebi arooba ikkooch kiceeree taach ittoshi goyinnemmi aaboon tuniiree awaajjibote. Shuunoon shuuneyaahote. Ebiyoo ittoshi koteti showoo aabiichaanona, gubbi ittoshi shiijjeroo bullich, bulli yemeenee qociyoon tunebe.#Key. 23:16; 34:22; Yibba. 16:9-12
22“ ‘Ittoshi maayoon ittoshi qecigaata, taroon echiyaanoon bullin qeccaahote. Maayi buttoonoo butteyaahote. Ebi aroon girechonaa shiqqoonoyich gawukkibote. Ta, ittoshi Nuggishoo Doono Yeeri taane’ itone gete” iye.#Lew. 19:9-10; Yibba. 24:19-22
Tiree Huggi Baaroo
(Haddoo 29:1-6)
23Doono Yeeri Muusich ishichiye: 24“Israꞌeeleenaꞌoyich ishichi gete: ‘Shabaattinnee agenee ikkinnee qemo yaafeeti kashee shambetoo, tiroo (waaringo) huggi shalligichoo, taach goyinnoyich ittoshi kiceyemmi yaafeeti aabo ittoshich tunebe. 25Arooba micciibeeti deejjoon Doono Yeeri taach deejjibote. Shuunoon shuuneyaahote’ itone gete” iye.
Axaaxoo Maariyee Aabo
(Haddoo 29:7-11)
26Doono Yeeri Muusich ishichiye: 27“Shabaattinnee agenee aashirinnee qemo Axaaxoo Maariyee Aaboone. Ebi aroo Doono Yeeri taach goyinnoyich ittoshi kiceyemmi yaafeeti aabo tunebe. Arooboo coomibote. Deejjoon qaaqqooch michiree Doono Yeeri taach deejjibote. 28Ittoshi Nuggishoo Doono Yeeri ta aafooch ittoshi axaaxoo maareebeeti, maaree aabo bi tunetoyich, ebi arooba shuunoon shuuneyaahote. 29Ebi arooba amoonolla maammo bi asheenaꞌo daggoochee kichaa yookkebe. 30Wotta ebi arooba shuunoo amoonolla shuuneebeeti asho koninolla bi asheenaꞌo daggoochee kichi aalliyemmo taane. 31Shuunoon shuuneyaahote. Ebiyoo ittoshi kotemmi xaaꞌoo aabiichaanona, gubbi ittoshi shiijjeroo bullich, bulli yemeenee qociyoon tunebe. 32Ebi ittoshich yaafeeti kashee shambetoone. Are agenee yiixiyinnee qemoobee xumoochee tiijjiree aashirinnee qemoobee xum beddaahaa, kashee shambetoon baaribote. Ebi arooba coomibote” iye.#Lew. 16:29-34
Bashee Baaroo
(Haddoo 29:12-40)
33Doono Yeeri Muusich ishichiye: 34“Israꞌeeleenaꞌoyich ishichi gete: ‘Doono Yeeri ta Bashee (Yambaaree) Baaroo shabaattinnee agenee aaraa uuchinnee qemooba giyiree shabaatte qemon yagemmone. 35Batti batti aabo taach goyinnoyich ittoshi kiceyemmi yaafeeti aabo bi tunetoyich, shuunoon shuuneyaahote. 36Qemi qemona shabaatte qemi wottoon, Doono Yeeri taach micciibeeti deejjoon giddiibote. Shabaattee ciirooba taach goyinnoyich yaafeeti kiceyoon kiceebote. Maayi buuroonoo giddiibote. Shuunoon shuuneyaahote.#Yibba. 16:13-15
37“ ‘Micciibeeti deejjoon, maayi buuroon, bare deejjoonaa uyee deejjoonon Doono Yeeri taach ittoshi deejjemmi, taachoo goyinnoyich yaafeeti kiceyoon ittoshi kiceyemmi, goori gooroona baareyemmi, yaafeeti, Doono Yeeri ta baareenaꞌo eboshine. 38Ebi baareenaꞌo Doono Yeeri ta shambetoyee, ittoshi immemmi wojjoyee, ittoshi giddiyemmi tiikkeshoyee, mullee daaggoona Doono Yeeri taach ittoshi immiibeeti mooyo bulliyee bareenaꞌone.
39“ ‘Maayoon budoochee ittoshi kicitoyee gubb, shabaattinnee agenee aaraa uuchinnee qemoochee tiijjiree, shabaatte qemi wottoon, Doono Yeeri taach baaroon baaribote. Batti batti aaboonaa ciireexi aaboona yaafeeti kashee aabo tunebe. 40Batti batti aabooba manjeebeeti gaawe michi aafoon, yeebbee waamon, wodde waajjechi michi qaakkoonaa aachi gashooch beeti mixonon yeshiree, shabaatte qemi wottoon ittoshi Nuggishoo Doono Yeeri ta aafooch emiribote. 41Ebiyoommi gommona natooch shabaatte qemon Doono Yeeri taach baaribote. Ebiyoo gubbi ittoshi shiijjeroo bullich, bulli yemeenee qociyoon tunebe. Shabaattinnee agenooba baaribote. 42Shabaatte qemi wottoon bashooch kotebote. Israꞌeelee asho tuneto bulli bashooch kotebe. 43Ebina Israꞌeeleenaꞌon Gibitsee kichaa ta deebiyooba, bashooch boonoshi kotemmoyich ta tuniyoon ittoshi shiijjereenaꞌo ariyemminaꞌone. Ta, ittoshi Nuggishoo Doono Yeeri taane’ itone gete” iye.
44Ebina Muusi Israꞌeeleenaꞌoyich bi goori gooroona baareyemmi Doono Yeerichi baaroon gettiye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.