Leweenaꞌo 14
14
Qeddee Shaddee Biiyoochee Wodoo
1Doono Yeeri Muusich ishichiye: 2“Qeddee shaddee biiyechi asho bi wodiyooba, bi tuniyemmi sheeroo ebine: Bi woditi aabooba, uroon qeeshoo waan daambeete. 3Qeeshoo kaamboyee mach keyiree uroon manjii ciine. Uro ebi qeddee shaddee biiyoochee wodito bi tunegaata, 4qeeshoo xalloo tuneti, kashechi gutte kafoon, yigee mixon, ceelle woshiqoonaa hisoophee michi waamonon asheenaꞌo deebemmoyich gete. 5Aroochee ikke kafoon daamiree, woce aacoochee kitaa qondoona koteti aachi toommoochaa boonoshi guuremmoyich gete. 6Kashoona beeti kafoon yigee mixona, ceelle woshiqoonaa hisoophee michi waamona tookki daamiree, woce aacoochee kitaa koteti aachi toommoochaa guureeti kafee damooch hace. 7Qeddee shaddee biiyoochee woditi uro toommooch shabaatte wottoon wucibe. Uro xalleto bi tunoonoo arichiibe; kashechi kafoon kichi gawukkiree daachiibe.
8“Biiyoochee woditi uro bi tahoon maye; bi qelloon bulla cakkebe; bi qeddoonoo machebe. Aroochee xalloo tunemmone. Ebiyee gubb, kaambooch giyemmone; tunebaani shabaatte qemi wottoon bi duukkaanoyee mach beebe. 9Shabaattinnee qemooba bi qelloon, bi ishaanoon, bi qillifoonaa bi achooch beeti eexo bullinon cakkebe. Bi tahoon maye; bi qeddoonoo machebe; aroochee xalloo tunemmone.
10“Shimittinnee qemooba bachaalli gutte bagee baaddoon, ikke nati bagee gidereen, maayi buuroyich zayitoona xirikketi shiritte kobbaye qacini buddinoonaa ikke neetiree heeca bede zayitoonon deebe. 11Uroon xalliibeeti, qeeshoo ebi qiiceenaꞌonaa uroonon Doono Yeeri ta aafooch, danee duukkaanee kellooch daambe.
12“Aroochee qeeshoo ikke bagee baaddoon ikke neetiree heeca bede zayitoona tookki daamiree deejjoon deejjibe; xuꞌee deejjoon tuniiree Doono Yeeri ta aafooch kaama tiijji giddiiree deejjibe. 13Bagee baaddoon axaaxee deejjoonaa micciibeeti deejjoona guureebeeti, yaafe xaaꞌoochaa guuribe. Ebiyoo axaaxee deejjoochoommon xuꞌee deejjoo qeeshoocho bi tunetoyichiye. Ebi aroo oogeti yaafoone. 14Qeeshoo ebi xuꞌoyich deejjeebeeti bagee baaddoochi damoochee giishechoon daamiree, xalleebeeti uroochi qanne waajji dechi caappooch, bi qanne kishee indechoonaa bi qanne baatee indechoonooch huute. 15Aroochee zayitoochee giishechoon bi yooche kishee madooch ukkiree, 16bi kishee madooch beeti zayitooch bi qanne kishee yapheroon haciree, Doono Yeeri ta aafoochaa shabaatte wottoon wucibe. 17Bi kishooch echeti zayitoon daamiree, xalleebeeti uroochi qanne waajji dechi caappooch, bi qanne kishee indechoonaa bi qanne baatee indechoonooch, xuꞌee deejjee damoon bi huuttiti xaaꞌooch huute. 18Bi kishooch echeti zayitoon ebi xalleebeeti uroochi shimbooch huute. Ebin tuniyoona Doono Yeeri ta aafoochaa ebi eeꞌoochee bi xallemmoyich tuniyemmone.
19“Aroochee qeeshoo axaaxee deejjoon giddiiree uro ebi eeꞌoochee bi xallemmoyich tuniibe. Aroyee gubb micciibeeti deejjee gijjoon guuribe. 20Micciibeeti deejjoonaa maayi buuroonon deejjee gudee toommoochaa deejjibe. Ebin tuniyoona bi xallemmoyich bi tuniitaa, uro xallemmone.
21“Tunebaani girecho tuneꞌi, ebi bullin giddiyoyich bi hakkoo guutigaata, ebi eeꞌoochee bi xallemmoyich, ikke bagee baaddoon baach xuꞌee deejjoyich kaama tiijjaa bi giddemmoyich, maayi buuroyich zayitoona xirikketi gutte kobbaye qacini buddinoonaa ikke neetiree heeca bede zayitoonon deebe. 22Wotta gutte daabbichoon woyee gutte uggee cobbelloon, bi hakkimmon, ikkoon axaaxee deejjoyich, wotta ohe ikkoon micciibeeti deejjoyich giddiibe. 23Shimittinnee qemooba bi eeꞌoochee bi xallemmoyich, qeeshoo waan, danee duukkaanee kellooch, Doono Yeeri ta aafooch giddiibe. 24Qeeshoo xuꞌoyich giddeti bagee baaddoon ikke neetiree heeca bede zayitoona tookki daami, Doono Yeeri ta aafooch kaama tiijjaa giddeebeeti deejjoon tuniiree giddiibe. 25Ebi xuꞌee deejjoyich giddeti bagee baaddoon guuri, damoochee giishechoon daamiree, xalleebeeti uroochi qanne waajji dechi caappooch, bi qanne kishee indechoonaa bi qanne baatee indechoonooch huute. 26Aroochee zayitoochee giishechoon bi yooche kishee madooch ukkibe. 27Bi kishee madooch beeti zayitoochee giishechoon bi qanne kishee yapheroona haciree Doono Yeeri ta aafoochaa shabaatte wottoon wucibe. 28Bi kishooch beeti zayitoochee giishechoon daamiree, xalleebeeti uroochi qanne waajji dechi caappooch, bi qanne kishee indechoonaa bi qanne baatee indechoonooch, ebiyoo xuꞌee deejjee damoon bi huuttiti xaaꞌooch huute. 29Bi kishooch echeti zayitoon ebi xalleebeeti uroochi shimbooch huute. Ebin tuniyoona Doono Yeeri ta aafooch ebi eeꞌoochee bi xallemmoyich tuniyemmone. 30Uro daabbicheenaꞌon woyee uggee cobbelleenaꞌon, biich hakkeeton bi giddiitaa, qeeshoo ikkoon 31axaaxee deejjoyich, wotta ohe ikkoon micciibeeti deejjoyich maayi buuroona tookki giddiibe. Ebin tuniyoona qeeshoo Doono Yeeri ta aafoochaa uro eeꞌoochee bi xallemmoyich tuniyemmone.
32“Qeddee shaddee biiyoon biiyeti, tunebaani ebi biiyoochee bi xallemmoyich getteeti deejjoon giddiyoyich hakkoo guuteeti ashich icheti sheeroo ebine” iye.
Kexon Bukkoo Yexigaata Tunemmi Doyoo
33Doono Yeeri Muusinaa Harooninoyich ishichiye: 34“Ittoshi hajjoo bi tunemmoyich, ittoshich ta immaabeeti Kanaanee showooch ittoshi giyiyooba, are showoochee ikke kexon bukkoo yexxemmoyich ta tuniigaata, 35are kechi doono qeeshoo waan hamiree, ‘Ta kechi daggooch bukkoo yexxitoommi mooyon beeggeto taane’ gete. 36Qeeshoo ciinoyich kexooch bi gimoyee shiichiree, kechi daggooch beeti qiico bulli eeꞌeyaachemmoyich, qiico bulli maach bi kechemmoyich gete; aroyee gubb kexooch giyiree ciine. 37Giyiꞌi dufee toommooch beeti bukketi mooyon manjii bi ciinaa, mocero woyee ceello tuneꞌi, dufoon hottii giyii beeton biich bi shaahigaata, 38are kexoochee maach keyiree, kexon shabaatte qemi wottoon hici kotiibe. 39Shabaattinnee qemooba wotteree kexon wochinnoon ciine. Ebi bukketi mooyo dufee toommooch gaminnii hammiibeeto bi tunegaata, 40bukketi mooyo kechiti xaaꞌooch beeti xaqqeenaꞌo waaxaa katemoyee maach beeti eeꞌe xaaꞌooch boonoshi duppeyemmoyich gete. 41Kechi maac beeti dufo bulli ophee, ebi aroo wotta katemoyee maach beeti eeꞌe xaaꞌooch bi duppeyemmoyich gete. 42Ebi waaxaa kechiti xaqqeenaꞌochi xaaꞌooch asheenaꞌo bare xaqqeenaꞌon keribeete; kexonoo wochinnoon dengoona dufeete.
43“Xaqqo waaxaa bacheechaa, dufo oppheꞌi wochinnoon bare dengo duppetoyee gubb, ebi bukketi mooyo wochinnoon bi bekkegaata, 44qeeshoo hamiree ciine; bi ciinaa, ebi bukketi mooyo gaminnii hammiibeeto bi tunegaata, bukkoo yexxite getone; are kexoo eeꞌoone. 45Ebi kexo happaa, mixo, xaqqoonaa dufo bullina katemoyee maach beeti eeꞌe xaaꞌooch duppebe.
46“Kexo hicceꞌi beetaa, are kexooch giyimmo koniyoona showoo xumemmi wottoon eeꞌo tunemmone. 47Are kexooch giyiꞌi qeyimmo woyee aroochaa maayoon maammo koniyoona bi tahoon maye.
48“Tunebaani qeeshoo hammii ciinaa, kexo duppetoyee gubb bukketi mooyo wochinnoon keyaano bi tunegaata, ebi mooyo gawukkito bi tunetoyich, kexo xalloo bi tunoon arichiibe. 49Kexon xalliyoyich, gutte gishiishi kafoon, yigee mixon, ceelle woshiqoonaa hisoophee michi waamonon deꞌiree, 50ikke kafoon daami woce aacoochee kitaa qondoona koteti aachi toommoochaa guuribe. 51Aroochee yigee mixon, hisoophee michi waamon, ceelle woshiqoonaa kashoona beeti kafoonon daamiree, woce aacoochee kitaa koteti aachi toommoochaa guureeti kafee damooch hace; kexoochoo shabaatte wottoon wucibe. 52Ebin tuniyoona kexon kafee damoona, woce aacoochee kitteti aacona, kashechi kafoona, yigee mixona, hisoophee michi waamonaa ceelle woshiqoona xalliyemmone. 53Kashechi kafoo katemee daggoochee keyi biitiree bi hammemmoyich tuniibe. Ebin tuniyoona kexo eeꞌoochee xallemmoyich bi tuniitaa, are kexo xallemmone” iye.
54Ebi, qeddee shaddee biiyo taane ito bullich tunemmi sheeroone. Ebiyoo quciibeeti biiyoyich, 55tahee toommooch kechiibeeti woyee kechi daggooch kechiibeeti bukketi mooyoyich, 56qeddee toommooch nafiibeeti biiyoyich, mayoyich woyee qucoyich, shoonnoyichoo tunemmi sheeroone. 57Ebi sheeroo ikke mooyo aata xalloo bi tunemmo gaata woyee wotta aata eeꞌo bi tunemmo gaata bekkiibeeti sheeroone.
Currently Selected:
Leweenaꞌo 14: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Leweenaꞌo 14
14
Qeddee Shaddee Biiyoochee Wodoo
1Doono Yeeri Muusich ishichiye: 2“Qeddee shaddee biiyechi asho bi wodiyooba, bi tuniyemmi sheeroo ebine: Bi woditi aabooba, uroon qeeshoo waan daambeete. 3Qeeshoo kaamboyee mach keyiree uroon manjii ciine. Uro ebi qeddee shaddee biiyoochee wodito bi tunegaata, 4qeeshoo xalloo tuneti, kashechi gutte kafoon, yigee mixon, ceelle woshiqoonaa hisoophee michi waamonon asheenaꞌo deebemmoyich gete. 5Aroochee ikke kafoon daamiree, woce aacoochee kitaa qondoona koteti aachi toommoochaa boonoshi guuremmoyich gete. 6Kashoona beeti kafoon yigee mixona, ceelle woshiqoonaa hisoophee michi waamona tookki daamiree, woce aacoochee kitaa koteti aachi toommoochaa guureeti kafee damooch hace. 7Qeddee shaddee biiyoochee woditi uro toommooch shabaatte wottoon wucibe. Uro xalleto bi tunoonoo arichiibe; kashechi kafoon kichi gawukkiree daachiibe.
8“Biiyoochee woditi uro bi tahoon maye; bi qelloon bulla cakkebe; bi qeddoonoo machebe. Aroochee xalloo tunemmone. Ebiyee gubb, kaambooch giyemmone; tunebaani shabaatte qemi wottoon bi duukkaanoyee mach beebe. 9Shabaattinnee qemooba bi qelloon, bi ishaanoon, bi qillifoonaa bi achooch beeti eexo bullinon cakkebe. Bi tahoon maye; bi qeddoonoo machebe; aroochee xalloo tunemmone.
10“Shimittinnee qemooba bachaalli gutte bagee baaddoon, ikke nati bagee gidereen, maayi buuroyich zayitoona xirikketi shiritte kobbaye qacini buddinoonaa ikke neetiree heeca bede zayitoonon deebe. 11Uroon xalliibeeti, qeeshoo ebi qiiceenaꞌonaa uroonon Doono Yeeri ta aafooch, danee duukkaanee kellooch daambe.
12“Aroochee qeeshoo ikke bagee baaddoon ikke neetiree heeca bede zayitoona tookki daamiree deejjoon deejjibe; xuꞌee deejjoon tuniiree Doono Yeeri ta aafooch kaama tiijji giddiiree deejjibe. 13Bagee baaddoon axaaxee deejjoonaa micciibeeti deejjoona guureebeeti, yaafe xaaꞌoochaa guuribe. Ebiyoo axaaxee deejjoochoommon xuꞌee deejjoo qeeshoocho bi tunetoyichiye. Ebi aroo oogeti yaafoone. 14Qeeshoo ebi xuꞌoyich deejjeebeeti bagee baaddoochi damoochee giishechoon daamiree, xalleebeeti uroochi qanne waajji dechi caappooch, bi qanne kishee indechoonaa bi qanne baatee indechoonooch huute. 15Aroochee zayitoochee giishechoon bi yooche kishee madooch ukkiree, 16bi kishee madooch beeti zayitooch bi qanne kishee yapheroon haciree, Doono Yeeri ta aafoochaa shabaatte wottoon wucibe. 17Bi kishooch echeti zayitoon daamiree, xalleebeeti uroochi qanne waajji dechi caappooch, bi qanne kishee indechoonaa bi qanne baatee indechoonooch, xuꞌee deejjee damoon bi huuttiti xaaꞌooch huute. 18Bi kishooch echeti zayitoon ebi xalleebeeti uroochi shimbooch huute. Ebin tuniyoona Doono Yeeri ta aafoochaa ebi eeꞌoochee bi xallemmoyich tuniyemmone.
19“Aroochee qeeshoo axaaxee deejjoon giddiiree uro ebi eeꞌoochee bi xallemmoyich tuniibe. Aroyee gubb micciibeeti deejjee gijjoon guuribe. 20Micciibeeti deejjoonaa maayi buuroonon deejjee gudee toommoochaa deejjibe. Ebin tuniyoona bi xallemmoyich bi tuniitaa, uro xallemmone.
21“Tunebaani girecho tuneꞌi, ebi bullin giddiyoyich bi hakkoo guutigaata, ebi eeꞌoochee bi xallemmoyich, ikke bagee baaddoon baach xuꞌee deejjoyich kaama tiijjaa bi giddemmoyich, maayi buuroyich zayitoona xirikketi gutte kobbaye qacini buddinoonaa ikke neetiree heeca bede zayitoonon deebe. 22Wotta gutte daabbichoon woyee gutte uggee cobbelloon, bi hakkimmon, ikkoon axaaxee deejjoyich, wotta ohe ikkoon micciibeeti deejjoyich giddiibe. 23Shimittinnee qemooba bi eeꞌoochee bi xallemmoyich, qeeshoo waan, danee duukkaanee kellooch, Doono Yeeri ta aafooch giddiibe. 24Qeeshoo xuꞌoyich giddeti bagee baaddoon ikke neetiree heeca bede zayitoona tookki daami, Doono Yeeri ta aafooch kaama tiijjaa giddeebeeti deejjoon tuniiree giddiibe. 25Ebi xuꞌee deejjoyich giddeti bagee baaddoon guuri, damoochee giishechoon daamiree, xalleebeeti uroochi qanne waajji dechi caappooch, bi qanne kishee indechoonaa bi qanne baatee indechoonooch huute. 26Aroochee zayitoochee giishechoon bi yooche kishee madooch ukkibe. 27Bi kishee madooch beeti zayitoochee giishechoon bi qanne kishee yapheroona haciree Doono Yeeri ta aafoochaa shabaatte wottoon wucibe. 28Bi kishooch beeti zayitoochee giishechoon daamiree, xalleebeeti uroochi qanne waajji dechi caappooch, bi qanne kishee indechoonaa bi qanne baatee indechoonooch, ebiyoo xuꞌee deejjee damoon bi huuttiti xaaꞌooch huute. 29Bi kishooch echeti zayitoon ebi xalleebeeti uroochi shimbooch huute. Ebin tuniyoona Doono Yeeri ta aafooch ebi eeꞌoochee bi xallemmoyich tuniyemmone. 30Uro daabbicheenaꞌon woyee uggee cobbelleenaꞌon, biich hakkeeton bi giddiitaa, qeeshoo ikkoon 31axaaxee deejjoyich, wotta ohe ikkoon micciibeeti deejjoyich maayi buuroona tookki giddiibe. Ebin tuniyoona qeeshoo Doono Yeeri ta aafoochaa uro eeꞌoochee bi xallemmoyich tuniyemmone.
32“Qeddee shaddee biiyoon biiyeti, tunebaani ebi biiyoochee bi xallemmoyich getteeti deejjoon giddiyoyich hakkoo guuteeti ashich icheti sheeroo ebine” iye.
Kexon Bukkoo Yexigaata Tunemmi Doyoo
33Doono Yeeri Muusinaa Harooninoyich ishichiye: 34“Ittoshi hajjoo bi tunemmoyich, ittoshich ta immaabeeti Kanaanee showooch ittoshi giyiyooba, are showoochee ikke kexon bukkoo yexxemmoyich ta tuniigaata, 35are kechi doono qeeshoo waan hamiree, ‘Ta kechi daggooch bukkoo yexxitoommi mooyon beeggeto taane’ gete. 36Qeeshoo ciinoyich kexooch bi gimoyee shiichiree, kechi daggooch beeti qiico bulli eeꞌeyaachemmoyich, qiico bulli maach bi kechemmoyich gete; aroyee gubb kexooch giyiree ciine. 37Giyiꞌi dufee toommooch beeti bukketi mooyon manjii bi ciinaa, mocero woyee ceello tuneꞌi, dufoon hottii giyii beeton biich bi shaahigaata, 38are kexoochee maach keyiree, kexon shabaatte qemi wottoon hici kotiibe. 39Shabaattinnee qemooba wotteree kexon wochinnoon ciine. Ebi bukketi mooyo dufee toommooch gaminnii hammiibeeto bi tunegaata, 40bukketi mooyo kechiti xaaꞌooch beeti xaqqeenaꞌo waaxaa katemoyee maach beeti eeꞌe xaaꞌooch boonoshi duppeyemmoyich gete. 41Kechi maac beeti dufo bulli ophee, ebi aroo wotta katemoyee maach beeti eeꞌe xaaꞌooch bi duppeyemmoyich gete. 42Ebi waaxaa kechiti xaqqeenaꞌochi xaaꞌooch asheenaꞌo bare xaqqeenaꞌon keribeete; kexonoo wochinnoon dengoona dufeete.
43“Xaqqo waaxaa bacheechaa, dufo oppheꞌi wochinnoon bare dengo duppetoyee gubb, ebi bukketi mooyo wochinnoon bi bekkegaata, 44qeeshoo hamiree ciine; bi ciinaa, ebi bukketi mooyo gaminnii hammiibeeto bi tunegaata, bukkoo yexxite getone; are kexoo eeꞌoone. 45Ebi kexo happaa, mixo, xaqqoonaa dufo bullina katemoyee maach beeti eeꞌe xaaꞌooch duppebe.
46“Kexo hicceꞌi beetaa, are kexooch giyimmo koniyoona showoo xumemmi wottoon eeꞌo tunemmone. 47Are kexooch giyiꞌi qeyimmo woyee aroochaa maayoon maammo koniyoona bi tahoon maye.
48“Tunebaani qeeshoo hammii ciinaa, kexo duppetoyee gubb bukketi mooyo wochinnoon keyaano bi tunegaata, ebi mooyo gawukkito bi tunetoyich, kexo xalloo bi tunoon arichiibe. 49Kexon xalliyoyich, gutte gishiishi kafoon, yigee mixon, ceelle woshiqoonaa hisoophee michi waamonon deꞌiree, 50ikke kafoon daami woce aacoochee kitaa qondoona koteti aachi toommoochaa guuribe. 51Aroochee yigee mixon, hisoophee michi waamon, ceelle woshiqoonaa kashoona beeti kafoonon daamiree, woce aacoochee kitaa koteti aachi toommoochaa guureeti kafee damooch hace; kexoochoo shabaatte wottoon wucibe. 52Ebin tuniyoona kexon kafee damoona, woce aacoochee kitteti aacona, kashechi kafoona, yigee mixona, hisoophee michi waamonaa ceelle woshiqoona xalliyemmone. 53Kashechi kafoo katemee daggoochee keyi biitiree bi hammemmoyich tuniibe. Ebin tuniyoona kexo eeꞌoochee xallemmoyich bi tuniitaa, are kexo xallemmone” iye.
54Ebi, qeddee shaddee biiyo taane ito bullich tunemmi sheeroone. Ebiyoo quciibeeti biiyoyich, 55tahee toommooch kechiibeeti woyee kechi daggooch kechiibeeti bukketi mooyoyich, 56qeddee toommooch nafiibeeti biiyoyich, mayoyich woyee qucoyich, shoonnoyichoo tunemmi sheeroone. 57Ebi sheeroo ikke mooyo aata xalloo bi tunemmo gaata woyee wotta aata eeꞌo bi tunemmo gaata bekkiibeeti sheeroone.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.