Leweenaꞌo 11
11
Manjeebeeti Gijjeenaꞌonaa Cooxinaꞌona
(Yibbaatoo 14:3-21)
1Doono Yeeri Muusinaa Harooninoyich ishichiye: 2“Israꞌeeleenaꞌoyich ishichi getote: ‘Showee toommooch beeti kashechi mooyinaꞌoochee ittoshi maayemmo eboshiniye: 3Bi shanekkoo kappheetonaa manjaanaabetona tuneti gijjoon woyee cooxon mamon hakkiyote. 4Tunebaani manjaanaabee boonoshi shanekkoo kappheyaaneenaꞌon, wotta boonoshi shanekkoo kappheechaa manjaaneyaaneenaꞌon maayaahote. Gaalee manjaanaa beetine; tunebaani bi shanekkoo kappheyaano bi tunetoyich, ittoshi waanaa eeꞌeene. 5Ukkeche manjaanaa beetine; tunebaani bi shanekkoo kappheyaano bi tunetoyich, ittoshi waanaa eeꞌeene. 6Goroollishe manjaanaa beetine; tunebaani bi shanekkoo kappheyaano bi tunetoyich, ittoshi waanaa eeꞌeene. 7Gudino bi shanekkoo kappheetone; tunebaani manjaaneyaano bi tunetoyich, ittoshi waanaa eeꞌoone. 8Ebi gijjeenaꞌonaa cooxinaꞌonochi meenon ciroona maayaahote. Boonoshi meeshooch ittoshi kishoon bechiyaahote. Eboshi ittoshi waanaa eeꞌeenaꞌone.
9“ ‘Baharoonaa woce aaconochi daggooch beeti halleenaꞌoochee qoshoommi mooyonaa shoxxoona biich beeton mamon hakkiyote. 10Tunebaani baharoonaa woce aaconochi daggooch beeti halleenaꞌoochee qoshoommi mooyo aalleenaꞌonaa shoxxaalleenaꞌona ittoshi waanaa eeꞌeenaꞌo tunebeete. 11Ittoshi waanaa eeꞌeenaꞌo boonoshi tunetoyich, boonoshi meenon maayaahote. Boonoshi meeshoochoo ittoshi kishoon bechiyaahote. 12Qoshoommi mooyonaa shoxxoona biich aalli, aachi daggooch beeti mooyo amolla ittoshich eeꞌo tunebe.
13“ ‘Kafeenaꞌo daggoochee eeꞌeenaꞌo eboshine; eboshin maayaahote. Eboshiyoo, booyo, aakko, aremoo, 14gooppi gace, ookshooppheroonaa boonoshin shaaheenaꞌo bullina, 15kurecheenaa biin shaaheenaꞌo bullina, 16shaakko, qamini waajjechi yuye, baharee baakkoo, shelli gaceenaa biin shaaheenaꞌo bullina, 17gishiishi yuye, xooro, ooge waajjechi yuyeenaa 18nacce yuyeena, barahee yuyeenaa haashoon yechii maabeeti aaꞌi gacoona, 19maannaakko, maaꞌimaaꞌoonaa biin shaaheenaꞌo bullina, yaacheenaa (keceenaa) shakishakoonane. Eboshin maayaahote.
20“ ‘Qoshechi, guttoyee beshe baatechi kashingixeenaꞌo#11:20 Kashingixeenaꞌo, biittiibeeti gishiishi cooxinaꞌone. bulli eeꞌeenaꞌone. 21Tunebaani qoshechi, guttoyee beshe baatechi kashingixeenaꞌo daggoochee caphoch tunemmi baatoo boonoshich beetinaꞌon mamon hakkiyote. 22Eboshi daggoochee ittoshi maayemminaꞌo ooge gechoon, ooge qellechi gechoon, mocere gechoonaa barahee gechoononiye. 23Tunebaani qoshechi, guttoyee beshe baatechi bare cooxinaꞌo ittoshi waanaa eeꞌeenaꞌone.
24“ ‘Ebi gijjeenaꞌonaa cooxinaꞌonochi meeshoon ittoshi yeshigaata, eeꞌemmo ittoshine. Eboshichi meeshoon yechimmi asho xumemmi wottoon eeꞌemmone. 25Eboshichi meeshoochee tiijjimmi asho bi tahoon maye; biyoo xumemmi wottoon eeꞌo tunemmone. 26Shanekkecho, tunebaani bi shanekkoo kappheyaanoonaa manjaaneyaanoona tuneti gijjoonaa cooxona eeꞌoone. Eboshichi meeshoon yechimmi asho eeꞌo tunemmone. 27Awudde baatechinaꞌo daggoochee baatee madoona showoon neexxii beetinaꞌo eeꞌeenaꞌone; eboshichi meeshoon yechimmo koniyoona xumemmi wottoon eeꞌo tunemmone. 28Eboshichi meeshoon tiijjimmi asho bi tahoon maye; biyoo xumemmi wottoon, eeꞌo tunemmone. Eboshi ittoshi waanaa eeꞌeenaꞌone.
29-30“ ‘Showoona yuummiibeeti halleenaꞌo daggoochee eboshi eeꞌeenaꞌone. Eboshiyoo, eccee, iiccoo, sholloonaa biin shaaheenaꞌo bullina, aayo, arjaanoonaa engeengilleenane. 31Showoona yuummii beetinaꞌo daggoochee eboshi ittoshich eeꞌeenaꞌone. Eboshichi meeshoon yechimmo xumemmi wottoon eeꞌo tunemmone. 32Eboshichi meeshoo amee qiicee toommoochona bi holligaata, ebi are qiico mixoochee woyee qoreddoochee woyee gooqqoochee woyee keeshoochee shuuneeti qiico amolla bi tunegaata, eeꞌoone. Ebi qiico aachi daggooch geddebe; xumemmi wottoonoo eeꞌo tunemmone; aroochee xallemmone. 33Eboshichi meeshoo nuuqqee qiicooch bi holligaata, bi daggooch beeto bulli eeꞌemmone. Ebi are qiicoon tiishote. 34Ebiyoommi qiicee daggoochee aaco manjeebeeti maayi toommooch bi ufegaata, are maayo eeꞌoone. Ebi qiicoochee ucheebeeti mooyo bulli eeꞌoone. 35Eboshichi meeshoo holliti qiico bulli eeꞌoone; maayo gudeebeeti qiico tuneba nuuqqoochee shuuneeti gemmoo tiichebe. Eboshi eeꞌeenaꞌone; ittoshich eeꞌeenaꞌone. 36Tunebaani aachi xuupho woyee aachi oppo xalloone; tunetaa ebi mooyochi achooch shaggimmo koniyoona woyee amee mooyolla eeꞌemmone. 37Shookkemmi maayi yaree toommooch bi holligaata, ebi maayi yaroo eeꞌeyaachemmone. 38Tunebaani maayi yaree toommooch aaco ukkeechaa meeshoo bi toommooch holligaata, ebi maayi yaroo ittoshich eeꞌoone.
39“ ‘Ittoshi maayemmoyich daaggeeti gijjoonaa cooxona bi qitigaata, bi meeshoon yechimmo xumemmi wottoon eeꞌo tunemmone. 40Ebi meeshoon maammo bi qoreddoon maye; biyoo xumemmi wottoon eeꞌo tunemmone. Meeshoon tiijjimmo bi qoreddoon maye; xumemmi wottoonoo eeꞌo tunemmone.
41“ ‘Showoona yuummiibeeti mooyo amolla ittoshich eeꞌoone; manjeyaachemmone. 42Showoona yuummiibeeti mooyo bullin, ebiyoo yuummereenaꞌo woyee awudde baatoona shaꞌee beeton woyee meeti baatechon maayaahote. Eboshi eeꞌeenaꞌone. 43Showoona yuummii beetinaꞌon mamona eeꞌeyaahote. Ittoshin eeꞌiyemminaꞌo boonoshi tunetoyich, boonoshina eeꞌeyaahote. 44Ittoshi Nuggishoo Doono Yeeri ta yaafoo ta tunetoyich, ittoshi qelloon yaafibote. Yaafoonoo tunebote. Showoona yuummiibeeti mooyo amoonolla mamona ittoshi qelloon eeꞌiyaahote. 45Ittoshi Nuggishoo tunoyich, Gibitsee ittoshin kichaꞌa deebeti Doono Yeeri taane. Ebich yaafoo ta tunetoyich, ittoshiyoo yaafoo tunebote.
46“ ‘Gijjoonaa cooxonon, kafoon, aachi daggooch beeti halloonaa showoona yuummiibeeti halloona bulloshin ciinnii beetona icheti sheeroo ebine. 47Ebi sheeroo xalloonaa xalloo tuneyaanoonon, kashechi halloochee manjeyemmonaa manjeyaachemmonon ittoshi barbariyemmoyich ittoshin gaachemmone’ getote” iye.
Currently Selected:
Leweenaꞌo 11: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Leweenaꞌo 11
11
Manjeebeeti Gijjeenaꞌonaa Cooxinaꞌona
(Yibbaatoo 14:3-21)
1Doono Yeeri Muusinaa Harooninoyich ishichiye: 2“Israꞌeeleenaꞌoyich ishichi getote: ‘Showee toommooch beeti kashechi mooyinaꞌoochee ittoshi maayemmo eboshiniye: 3Bi shanekkoo kappheetonaa manjaanaabetona tuneti gijjoon woyee cooxon mamon hakkiyote. 4Tunebaani manjaanaabee boonoshi shanekkoo kappheyaaneenaꞌon, wotta boonoshi shanekkoo kappheechaa manjaaneyaaneenaꞌon maayaahote. Gaalee manjaanaa beetine; tunebaani bi shanekkoo kappheyaano bi tunetoyich, ittoshi waanaa eeꞌeene. 5Ukkeche manjaanaa beetine; tunebaani bi shanekkoo kappheyaano bi tunetoyich, ittoshi waanaa eeꞌeene. 6Goroollishe manjaanaa beetine; tunebaani bi shanekkoo kappheyaano bi tunetoyich, ittoshi waanaa eeꞌeene. 7Gudino bi shanekkoo kappheetone; tunebaani manjaaneyaano bi tunetoyich, ittoshi waanaa eeꞌoone. 8Ebi gijjeenaꞌonaa cooxinaꞌonochi meenon ciroona maayaahote. Boonoshi meeshooch ittoshi kishoon bechiyaahote. Eboshi ittoshi waanaa eeꞌeenaꞌone.
9“ ‘Baharoonaa woce aaconochi daggooch beeti halleenaꞌoochee qoshoommi mooyonaa shoxxoona biich beeton mamon hakkiyote. 10Tunebaani baharoonaa woce aaconochi daggooch beeti halleenaꞌoochee qoshoommi mooyo aalleenaꞌonaa shoxxaalleenaꞌona ittoshi waanaa eeꞌeenaꞌo tunebeete. 11Ittoshi waanaa eeꞌeenaꞌo boonoshi tunetoyich, boonoshi meenon maayaahote. Boonoshi meeshoochoo ittoshi kishoon bechiyaahote. 12Qoshoommi mooyonaa shoxxoona biich aalli, aachi daggooch beeti mooyo amolla ittoshich eeꞌo tunebe.
13“ ‘Kafeenaꞌo daggoochee eeꞌeenaꞌo eboshine; eboshin maayaahote. Eboshiyoo, booyo, aakko, aremoo, 14gooppi gace, ookshooppheroonaa boonoshin shaaheenaꞌo bullina, 15kurecheenaa biin shaaheenaꞌo bullina, 16shaakko, qamini waajjechi yuye, baharee baakkoo, shelli gaceenaa biin shaaheenaꞌo bullina, 17gishiishi yuye, xooro, ooge waajjechi yuyeenaa 18nacce yuyeena, barahee yuyeenaa haashoon yechii maabeeti aaꞌi gacoona, 19maannaakko, maaꞌimaaꞌoonaa biin shaaheenaꞌo bullina, yaacheenaa (keceenaa) shakishakoonane. Eboshin maayaahote.
20“ ‘Qoshechi, guttoyee beshe baatechi kashingixeenaꞌo#11:20 Kashingixeenaꞌo, biittiibeeti gishiishi cooxinaꞌone. bulli eeꞌeenaꞌone. 21Tunebaani qoshechi, guttoyee beshe baatechi kashingixeenaꞌo daggoochee caphoch tunemmi baatoo boonoshich beetinaꞌon mamon hakkiyote. 22Eboshi daggoochee ittoshi maayemminaꞌo ooge gechoon, ooge qellechi gechoon, mocere gechoonaa barahee gechoononiye. 23Tunebaani qoshechi, guttoyee beshe baatechi bare cooxinaꞌo ittoshi waanaa eeꞌeenaꞌone.
24“ ‘Ebi gijjeenaꞌonaa cooxinaꞌonochi meeshoon ittoshi yeshigaata, eeꞌemmo ittoshine. Eboshichi meeshoon yechimmi asho xumemmi wottoon eeꞌemmone. 25Eboshichi meeshoochee tiijjimmi asho bi tahoon maye; biyoo xumemmi wottoon eeꞌo tunemmone. 26Shanekkecho, tunebaani bi shanekkoo kappheyaanoonaa manjaaneyaanoona tuneti gijjoonaa cooxona eeꞌoone. Eboshichi meeshoon yechimmi asho eeꞌo tunemmone. 27Awudde baatechinaꞌo daggoochee baatee madoona showoon neexxii beetinaꞌo eeꞌeenaꞌone; eboshichi meeshoon yechimmo koniyoona xumemmi wottoon eeꞌo tunemmone. 28Eboshichi meeshoon tiijjimmi asho bi tahoon maye; biyoo xumemmi wottoon, eeꞌo tunemmone. Eboshi ittoshi waanaa eeꞌeenaꞌone.
29-30“ ‘Showoona yuummiibeeti halleenaꞌo daggoochee eboshi eeꞌeenaꞌone. Eboshiyoo, eccee, iiccoo, sholloonaa biin shaaheenaꞌo bullina, aayo, arjaanoonaa engeengilleenane. 31Showoona yuummii beetinaꞌo daggoochee eboshi ittoshich eeꞌeenaꞌone. Eboshichi meeshoon yechimmo xumemmi wottoon eeꞌo tunemmone. 32Eboshichi meeshoo amee qiicee toommoochona bi holligaata, ebi are qiico mixoochee woyee qoreddoochee woyee gooqqoochee woyee keeshoochee shuuneeti qiico amolla bi tunegaata, eeꞌoone. Ebi qiico aachi daggooch geddebe; xumemmi wottoonoo eeꞌo tunemmone; aroochee xallemmone. 33Eboshichi meeshoo nuuqqee qiicooch bi holligaata, bi daggooch beeto bulli eeꞌemmone. Ebi are qiicoon tiishote. 34Ebiyoommi qiicee daggoochee aaco manjeebeeti maayi toommooch bi ufegaata, are maayo eeꞌoone. Ebi qiicoochee ucheebeeti mooyo bulli eeꞌoone. 35Eboshichi meeshoo holliti qiico bulli eeꞌoone; maayo gudeebeeti qiico tuneba nuuqqoochee shuuneeti gemmoo tiichebe. Eboshi eeꞌeenaꞌone; ittoshich eeꞌeenaꞌone. 36Tunebaani aachi xuupho woyee aachi oppo xalloone; tunetaa ebi mooyochi achooch shaggimmo koniyoona woyee amee mooyolla eeꞌemmone. 37Shookkemmi maayi yaree toommooch bi holligaata, ebi maayi yaroo eeꞌeyaachemmone. 38Tunebaani maayi yaree toommooch aaco ukkeechaa meeshoo bi toommooch holligaata, ebi maayi yaroo ittoshich eeꞌoone.
39“ ‘Ittoshi maayemmoyich daaggeeti gijjoonaa cooxona bi qitigaata, bi meeshoon yechimmo xumemmi wottoon eeꞌo tunemmone. 40Ebi meeshoon maammo bi qoreddoon maye; biyoo xumemmi wottoon eeꞌo tunemmone. Meeshoon tiijjimmo bi qoreddoon maye; xumemmi wottoonoo eeꞌo tunemmone.
41“ ‘Showoona yuummiibeeti mooyo amolla ittoshich eeꞌoone; manjeyaachemmone. 42Showoona yuummiibeeti mooyo bullin, ebiyoo yuummereenaꞌo woyee awudde baatoona shaꞌee beeton woyee meeti baatechon maayaahote. Eboshi eeꞌeenaꞌone. 43Showoona yuummii beetinaꞌon mamona eeꞌeyaahote. Ittoshin eeꞌiyemminaꞌo boonoshi tunetoyich, boonoshina eeꞌeyaahote. 44Ittoshi Nuggishoo Doono Yeeri ta yaafoo ta tunetoyich, ittoshi qelloon yaafibote. Yaafoonoo tunebote. Showoona yuummiibeeti mooyo amoonolla mamona ittoshi qelloon eeꞌiyaahote. 45Ittoshi Nuggishoo tunoyich, Gibitsee ittoshin kichaꞌa deebeti Doono Yeeri taane. Ebich yaafoo ta tunetoyich, ittoshiyoo yaafoo tunebote.
46“ ‘Gijjoonaa cooxonon, kafoon, aachi daggooch beeti halloonaa showoona yuummiibeeti halloona bulloshin ciinnii beetona icheti sheeroo ebine. 47Ebi sheeroo xalloonaa xalloo tuneyaanoonon, kashechi halloochee manjeyemmonaa manjeyaachemmonon ittoshi barbariyemmoyich ittoshin gaachemmone’ getote” iye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.