Shoosho 5
5
Maaroon Danoyich Corooteeti Corooto
1Doono Yeero, no toommooch shaggiton batteyaahine;
ciine, no cooneyoonoo beege!
2No iristo bare showee asheenaꞌoyich,
no kexo dallaaweenaꞌoyich tunehe.
3Nihaalloon tuneto noone;
no indeenaꞌoo xuumeenaꞌon tuneheete.
4No uchaabeeti aacoyich gijjoon qoccehone;
mixo no danaabeeto kemaꞌaniye.
5Waanjoo no qettooch haxaa, yookkaabeeto noone;
taahito noone; tooqqii kashoon mucceto noone.
6Koshon michii mamoyich,
Gibitseenaꞌonaa Asooreenaꞌoyich kishoon immehone.
7Axaaxoon shuunetinaꞌo no qaabbechinaꞌone;
boonoshiyoo and aalleenaꞌone;
tunebaani no boonoshi axaaxoon miꞌehone.
8Guuninaꞌo no toommooch taateheete;
boonoshi kishoochee noon wodiyemmo aalloone.
9 Barahooch goraado bi beetoyich,
no maayoon no danaabeeto,
qitoona qiiccabeenane.
10Shaacoo machmachaayii michoochee tiyitona
no achoo gudee gaamoommon gaamiye.
11Maacheenaꞌo Tsiyoonaa,
gidiideenaꞌoo Yihudee katemeenaꞌoochaa,
giidoona yeshaa mecheheete.
12Iraasheenaꞌo kishoo cucheꞌi yooddeheete;
geeneenaꞌoyichoo oogo bachehe.
13Gurimaasheenaꞌo giidoona yeshaa xaqqoon yiikkeheete.
Anaami bushiisheenaꞌo michi maggoochee tiyitona tattelleheete.
14Geeneenaꞌo iitee xaaꞌoochee wokkiyeete;
gurimaasheenaꞌo shoddoon qajjiyeete.
15No mulloochee emiroo aalletone;
no duubo eefona shaddeetone.
16No qelloochee gubbichoo hollitone;
axaaxoon no shuunetoyich nooch woowo!
17No mullo biiyetone;
no aafo doojjitone.
18Ebiyoo Tsiyooni guudo qixeetoyich,
boqqelleenaꞌoo arooch kuufaareetoyichiye.
19Doono Yeero, ne, bulli yemeenoon taatemmo neene;
ne taatee qeeno shiijjeroo bulliich manjoone.
20Bulli yemeenoon noon ne batteto amoyichiye?
Yage yemeenoon noon ne qajjeto amoyichiye?
21Doono Yeero, ne waan noon wochibe;
nowoo wottemmo noone;
no yemeenoonoo wonneechoommon andiriibe!
22Ebi tuno qayigaata,
noon ciiroona duppetine,
no toommoochoo oogichaa kaaretine, getone.
Currently Selected:
Shoosho 5: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Shoosho 5
5
Maaroon Danoyich Corooteeti Corooto
1Doono Yeero, no toommooch shaggiton batteyaahine;
ciine, no cooneyoonoo beege!
2No iristo bare showee asheenaꞌoyich,
no kexo dallaaweenaꞌoyich tunehe.
3Nihaalloon tuneto noone;
no indeenaꞌoo xuumeenaꞌon tuneheete.
4No uchaabeeti aacoyich gijjoon qoccehone;
mixo no danaabeeto kemaꞌaniye.
5Waanjoo no qettooch haxaa, yookkaabeeto noone;
taahito noone; tooqqii kashoon mucceto noone.
6Koshon michii mamoyich,
Gibitseenaꞌonaa Asooreenaꞌoyich kishoon immehone.
7Axaaxoon shuunetinaꞌo no qaabbechinaꞌone;
boonoshiyoo and aalleenaꞌone;
tunebaani no boonoshi axaaxoon miꞌehone.
8Guuninaꞌo no toommooch taateheete;
boonoshi kishoochee noon wodiyemmo aalloone.
9 Barahooch goraado bi beetoyich,
no maayoon no danaabeeto,
qitoona qiiccabeenane.
10Shaacoo machmachaayii michoochee tiyitona
no achoo gudee gaamoommon gaamiye.
11Maacheenaꞌo Tsiyoonaa,
gidiideenaꞌoo Yihudee katemeenaꞌoochaa,
giidoona yeshaa mecheheete.
12Iraasheenaꞌo kishoo cucheꞌi yooddeheete;
geeneenaꞌoyichoo oogo bachehe.
13Gurimaasheenaꞌo giidoona yeshaa xaqqoon yiikkeheete.
Anaami bushiisheenaꞌo michi maggoochee tiyitona tattelleheete.
14Geeneenaꞌo iitee xaaꞌoochee wokkiyeete;
gurimaasheenaꞌo shoddoon qajjiyeete.
15No mulloochee emiroo aalletone;
no duubo eefona shaddeetone.
16No qelloochee gubbichoo hollitone;
axaaxoon no shuunetoyich nooch woowo!
17No mullo biiyetone;
no aafo doojjitone.
18Ebiyoo Tsiyooni guudo qixeetoyich,
boqqelleenaꞌoo arooch kuufaareetoyichiye.
19Doono Yeero, ne, bulli yemeenoon taatemmo neene;
ne taatee qeeno shiijjeroo bulliich manjoone.
20Bulli yemeenoon noon ne batteto amoyichiye?
Yage yemeenoon noon ne qajjeto amoyichiye?
21Doono Yeero, ne waan noon wochibe;
nowoo wottemmo noone;
no yemeenoonoo wonneechoommon andiriibe!
22Ebi tuno qayigaata,
noon ciiroona duppetine,
no toommoochoo oogichaa kaaretine, getone.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.