Shoosho 2
2
Yerusaalemi Toommooch Yeeri Deebiti Naxo
1Doono Tsiyoonin bi kaaroona
am shaahoon qubo shiixxoommon shiixxiye!
Israꞌeelichi oogoon shimaayoochee
showooch ceqqehe;
Tsiyooni bi baatee neexi xaaꞌee bi tunoon
bi kaaree aabooba gabaanoone.
2Doono, Yaaqobichi beeyi xaaꞌoo bullin
amoonolla ariqqeyaanoon aalliihe;
Yihudee asheenaꞌochi mishigoon bi kaaroona happiye;
taatee showoonaa bi iraasheenaꞌonon showooch kindii cooniihe.
3Bi kaaree shiixxoona
Israꞌeelee hakkoo bullin niriihe;
etto no waan waammona,
bi qanne kishoon no waanee gubb wochiye;
michiibeeti qaaqqee aaxxo bi guudoo bullina aaxxeꞌi,
Yaaqobin michiye.
4Ettoochoommon bi maꞌoon ciixxiye;
shixechochoommon bi qanne kishoon kupphiihe;
Tsiyooni asheenaꞌochi duukkaanoochaa
no aafooch macecikkito bullin wuxiye;
bi kaaree shiixxoon qaaqqoochoommon kindiihe.
5Doono ettoon tunehe;
Israꞌeeleenaꞌon aalliihe;
bi taatee kexo bullin aalliihe;
bi mishigeenaꞌon happiye;
Yihudee asheenaꞌoyich,
eefonaa shooshoonon woddiihe.
6Bi yaafee kexon, budeexi bashoochoommon happii aalliihe;
baaree xaaꞌoon aalliihe;
Doono Yeeri Tsiyoonichi nati baaroonaa shambetoonon battiihe;
bi kaaree shiixxoona taatoonaa qeeshoonon giishiihe.
7Doono bi deejjee gudoon qajjiye;
bi yaafee kexonoo ciigehe;
bi uxeroon ettoochi kishooch beshii immiye;
nati baarooba tunee beetoommon,
Doono Yeerichi yaafee kexoochaa oogeti kokkoree qaaro waayeehe.
8Doono Yeeri Yerusaalemi katemee uxeroon happoyich maaccii tiyiye;
qeellee woderoon geechiye;
aalliyoochee bi kishoon wochaanoone;
mishigoonaa uxeroona shooshemmoyich tuniihe;
ikkittinoonoo eboshi happeeheete.
9Uxeree kelleenaꞌo showee dechiich giyiyeete;
tuggeenaꞌonoo tiichii aalliihe;
taatoonaa bi iraasheenaꞌona boonoshi beeto,
kecooch, aageteenaꞌo showoochiye;
illa sheeroon doyoo echetone;
keemechinaꞌoo Doono Yeer waanee yaaꞌoon beegaachemminaꞌone.
10Yerusaalemi katemee geeneenaꞌo
cikkimmiꞌi shidooch kotetinaꞌone;
boonoshi qellooch quttoon shakkitinaꞌone;
dookoonoo tahetinaꞌone.
Yerusaalemi katemee gidiideenaꞌo
boonoshi qelloon showooch yittitinaꞌone.
11Ta asheenaꞌo tiishee aalletoyich,
katemeexi gommoochaa
gaggereenaꞌonaa xanon xammii beetinaꞌona naqaretoyich,
ta aafoo eefona doojjiye;
ta maacee meenoo qewehe;
ta mulloo kakarii gaahehe.
12Kochee mayeti ashochoommon
katemee gommoochaa naqareebee,
boonoshi indeenaꞌochi sheenoochaa
maayoon, uyoonoo boonoshi indeenaꞌon echeebee,
boonoshi kasho kechiye.
13Yerusaalemi asheenaꞌote,
ittoshichon ama getote?
Amoona ittoshin shaahiibote?
Ittoshin goggiyoyich amoona tachibote?
Ittoshi aallo baharoommi gamino bi tunetoyich,
ittoshin wodiyemmo konine?
14Ittoshi keemechinaꞌochi yaaꞌoo
kootoonaa maroonane;
boonoshiyoo, ittoshi kecoon wochoyich,
ittoshi xuꞌoon gaxxii beekkiyaaneenaꞌone;
tunebaani muricoonaa kootoona tuneti yaaꞌoon,
ittoshich beeggiyeete.
15Gommon beshee beetinaꞌo bulli
ittoshi toommooch kishoon koppeheete;
Yerusaalemi asheenaꞌochi toommooch shokkeheete;
“Malletee balli, showoo bulli emiriibeeti katemee, ebine?”
iibee qelloon qeeqqereheete.
16Ittoshi etteenaꞌo bulli
ittoshi toommooch noonoo keexeheete;
shokkeebee boonoshi gashoonoo shaacciibee,
“Boonoshin aalliito noone;
no qaatiibee echeti aabo hinine;
and aroon danaa beeggeto noone” iyeete.
17Doono Yeeri bi gabiton tuniitone;
wonnee yemeenooch bi gettitoommon ariqqaalloon ittoshin happiye;
ittoshi etteenaꞌo ittoshi toommooch emiremmoyich tuniihe;
ittoshi etteenaꞌochi hakkoon kupphiihe.
18Yerusaalemi xaqqee uxeree daggooch beeti asheenaꞌote,
Doono waan cookibote;
acimoon aacochoommon,
areddoonaa xumoonon ukkibote;
kashe wotteyaahote;
ittoshi aafoonoo tooꞌiyaahote.
19Xumoona tiyi wochi wochi cookibote;
ittoshi mullooch beeto bullin,
Doonochi aafooch aacochoommon woniibote;
gommo bulliichaa shaacoona naqereti,
ittoshi bushiisheenaꞌochi kashoyich,
ittoshi kishoon bi waan yaggibote.
20Yerusaalemiyoo “Doono Yeero, ciine:
Ebiyoommon ne tuniito koni toommoochiye?
Maacheenaꞌo boonoshi gaggereenaꞌon,
aaxxii boonoshi dichiti bushiisheenaꞌon,
maayi beddiyeete?
Qeesheenaꞌonaa keemechinaꞌona
Doonochi yaafee kexoochaa qita beddiyeete?
21“Gurimaashoonaa geenoona
gommeexi buttooch dihiyeete;
gurimaashe maacheenaꞌonaa anaaminaꞌona,
goraadoona dihitinaꞌone;
ne kaaree aabooba boonoshin wuxihine;
boonoshich ariqqeyaanoon guurihine.
22“Baarooba gifirooch ceegoommon
ta etteenaꞌon bulli xaaꞌoochee
ta toommooch ceeggehine;
Doono Yeeri ne kaaree aabooba
echeto koniyoona aalloone;
aaxxiyaa ta dichitinaꞌon ta etto aalliihe” iyan.
Currently Selected:
Shoosho 2: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Shoosho 2
2
Yerusaalemi Toommooch Yeeri Deebiti Naxo
1Doono Tsiyoonin bi kaaroona
am shaahoon qubo shiixxoommon shiixxiye!
Israꞌeelichi oogoon shimaayoochee
showooch ceqqehe;
Tsiyooni bi baatee neexi xaaꞌee bi tunoon
bi kaaree aabooba gabaanoone.
2Doono, Yaaqobichi beeyi xaaꞌoo bullin
amoonolla ariqqeyaanoon aalliihe;
Yihudee asheenaꞌochi mishigoon bi kaaroona happiye;
taatee showoonaa bi iraasheenaꞌonon showooch kindii cooniihe.
3Bi kaaree shiixxoona
Israꞌeelee hakkoo bullin niriihe;
etto no waan waammona,
bi qanne kishoon no waanee gubb wochiye;
michiibeeti qaaqqee aaxxo bi guudoo bullina aaxxeꞌi,
Yaaqobin michiye.
4Ettoochoommon bi maꞌoon ciixxiye;
shixechochoommon bi qanne kishoon kupphiihe;
Tsiyooni asheenaꞌochi duukkaanoochaa
no aafooch macecikkito bullin wuxiye;
bi kaaree shiixxoon qaaqqoochoommon kindiihe.
5Doono ettoon tunehe;
Israꞌeeleenaꞌon aalliihe;
bi taatee kexo bullin aalliihe;
bi mishigeenaꞌon happiye;
Yihudee asheenaꞌoyich,
eefonaa shooshoonon woddiihe.
6Bi yaafee kexon, budeexi bashoochoommon happii aalliihe;
baaree xaaꞌoon aalliihe;
Doono Yeeri Tsiyoonichi nati baaroonaa shambetoonon battiihe;
bi kaaree shiixxoona taatoonaa qeeshoonon giishiihe.
7Doono bi deejjee gudoon qajjiye;
bi yaafee kexonoo ciigehe;
bi uxeroon ettoochi kishooch beshii immiye;
nati baarooba tunee beetoommon,
Doono Yeerichi yaafee kexoochaa oogeti kokkoree qaaro waayeehe.
8Doono Yeeri Yerusaalemi katemee uxeroon happoyich maaccii tiyiye;
qeellee woderoon geechiye;
aalliyoochee bi kishoon wochaanoone;
mishigoonaa uxeroona shooshemmoyich tuniihe;
ikkittinoonoo eboshi happeeheete.
9Uxeree kelleenaꞌo showee dechiich giyiyeete;
tuggeenaꞌonoo tiichii aalliihe;
taatoonaa bi iraasheenaꞌona boonoshi beeto,
kecooch, aageteenaꞌo showoochiye;
illa sheeroon doyoo echetone;
keemechinaꞌoo Doono Yeer waanee yaaꞌoon beegaachemminaꞌone.
10Yerusaalemi katemee geeneenaꞌo
cikkimmiꞌi shidooch kotetinaꞌone;
boonoshi qellooch quttoon shakkitinaꞌone;
dookoonoo tahetinaꞌone.
Yerusaalemi katemee gidiideenaꞌo
boonoshi qelloon showooch yittitinaꞌone.
11Ta asheenaꞌo tiishee aalletoyich,
katemeexi gommoochaa
gaggereenaꞌonaa xanon xammii beetinaꞌona naqaretoyich,
ta aafoo eefona doojjiye;
ta maacee meenoo qewehe;
ta mulloo kakarii gaahehe.
12Kochee mayeti ashochoommon
katemee gommoochaa naqareebee,
boonoshi indeenaꞌochi sheenoochaa
maayoon, uyoonoo boonoshi indeenaꞌon echeebee,
boonoshi kasho kechiye.
13Yerusaalemi asheenaꞌote,
ittoshichon ama getote?
Amoona ittoshin shaahiibote?
Ittoshin goggiyoyich amoona tachibote?
Ittoshi aallo baharoommi gamino bi tunetoyich,
ittoshin wodiyemmo konine?
14Ittoshi keemechinaꞌochi yaaꞌoo
kootoonaa maroonane;
boonoshiyoo, ittoshi kecoon wochoyich,
ittoshi xuꞌoon gaxxii beekkiyaaneenaꞌone;
tunebaani muricoonaa kootoona tuneti yaaꞌoon,
ittoshich beeggiyeete.
15Gommon beshee beetinaꞌo bulli
ittoshi toommooch kishoon koppeheete;
Yerusaalemi asheenaꞌochi toommooch shokkeheete;
“Malletee balli, showoo bulli emiriibeeti katemee, ebine?”
iibee qelloon qeeqqereheete.
16Ittoshi etteenaꞌo bulli
ittoshi toommooch noonoo keexeheete;
shokkeebee boonoshi gashoonoo shaacciibee,
“Boonoshin aalliito noone;
no qaatiibee echeti aabo hinine;
and aroon danaa beeggeto noone” iyeete.
17Doono Yeeri bi gabiton tuniitone;
wonnee yemeenooch bi gettitoommon ariqqaalloon ittoshin happiye;
ittoshi etteenaꞌo ittoshi toommooch emiremmoyich tuniihe;
ittoshi etteenaꞌochi hakkoon kupphiihe.
18Yerusaalemi xaqqee uxeree daggooch beeti asheenaꞌote,
Doono waan cookibote;
acimoon aacochoommon,
areddoonaa xumoonon ukkibote;
kashe wotteyaahote;
ittoshi aafoonoo tooꞌiyaahote.
19Xumoona tiyi wochi wochi cookibote;
ittoshi mullooch beeto bullin,
Doonochi aafooch aacochoommon woniibote;
gommo bulliichaa shaacoona naqereti,
ittoshi bushiisheenaꞌochi kashoyich,
ittoshi kishoon bi waan yaggibote.
20Yerusaalemiyoo “Doono Yeero, ciine:
Ebiyoommon ne tuniito koni toommoochiye?
Maacheenaꞌo boonoshi gaggereenaꞌon,
aaxxii boonoshi dichiti bushiisheenaꞌon,
maayi beddiyeete?
Qeesheenaꞌonaa keemechinaꞌona
Doonochi yaafee kexoochaa qita beddiyeete?
21“Gurimaashoonaa geenoona
gommeexi buttooch dihiyeete;
gurimaashe maacheenaꞌonaa anaaminaꞌona,
goraadoona dihitinaꞌone;
ne kaaree aabooba boonoshin wuxihine;
boonoshich ariqqeyaanoon guurihine.
22“Baarooba gifirooch ceegoommon
ta etteenaꞌon bulli xaaꞌoochee
ta toommooch ceeggehine;
Doono Yeeri ne kaaree aabooba
echeto koniyoona aalloone;
aaxxiyaa ta dichitinaꞌon ta etto aalliihe” iyan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.