Yaasi 7
7
Akaani Shuuneti Axaaxoo
1Tunebaani timeeti mooyon aalliyoo qayona Israꞌeeleenaꞌo Doono Yeerich gibeneyoon qajjiyeete. Yihudi yoodoochee tuneti, Zaari bushoo, Zabidi bushoo, Karimi bushoo Akaani timeeti mooyoochee bi daammitoyich, Doono Yeeri kaaro Israꞌeeleenaꞌo toommooch aaxxehe.
2Yaasi “Hamiree showoon qiidote” iꞌi Beeteelaa aabi-keyo waan beeti, Beet Aweeni gaꞌooch beeti Aayi katemooch asheenaꞌon Yaarikee wochee daachiihe. Ebina asheenaꞌo kechii Aayin qiiddiyeete.
3Yaas waan wottee waaꞌi, “Aayin koyoyich asheenaꞌo bulla hammaayeete. Arooch beeti asheenaꞌo giishecheenaꞌone. Ebich katemeen koyoyich gutte woyee keejje humo beddiye. Asho bulli hami aajjaaye” iyeete. 4Ebich keejje hum bedeenaꞌo baach arooch hammii koyeheete. Tunebaani Aayi asheenaꞌo aafoochee wocee aalleheete. 5Aayi asheenaꞌo Israꞌeeleenaꞌon katemee uxeree kelloochee tiijjiꞌi, Shebariim beddaahaa beeti dugilloon yookkiyeete. Boonoshiyoo yookkiibee dugilloochaa shaashaa shiritta bede asheenaꞌon wuxiyeete. Ebiichee tiyitona Israꞌeeleenaꞌo mullo keqqoona goojjii muujjiye.
6Ebiyooba Yaasi bi tahoon keexxiye; xumemmi wottoon Doono Yeerichi taabootee aafooch baroona guufehe. Israꞌeelee geeneenaꞌoo ebiyoommon tuniiheete; boonoshi shimboochoo buttoon shakkiyeete. 7Yaasiyoo ishichiye: “Woowo! Nuggishoo Doono Yeero, hini asheenaꞌon Yoordaanoosin kimiree hiniich boonoshi woyemmoyich ne tuniito, Amooree asheenaꞌoyich beshii imiree, noon boonoshi ciichemmoyich tuniyaniye? Abo kimaanoon aachee okk echebona! 8Ta Doonocho, Israꞌeeleenaꞌo boonoshi etteenaꞌo aafoochee wocaa aalletinaꞌone. Illa ama getishiye ta gettemmo? 9Kanaaneenaꞌonaa hini showee daggeexi asheenaꞌo bullina ishin waayeree noon giichemminaꞌone; noon wuxi aalliyemminaꞌone. Illa ooge ne shigoyicha getiree amooniye ne tuniyemmo?” iye.
10Doono Yeeriyoo Yaasich ishichiye: “Tibe! Amoyich baroona guufenne? 11Israꞌeeleenaꞌo xuqqitinaꞌone; boonoshi quyemmoyich ta getteti ta wogoon shaaddetinaꞌone. Timeeti mooyon tiijjii daammitinaꞌone; gaajjitinaꞌone; koottitinaꞌone; eboshin boonoshi hajjee qiiceenaꞌona tookkii baccitinaꞌone; koottiinoo itinaꞌone. 12Israꞌeeleenaꞌo boonoshi etteenaꞌon koyoon boonoshi mawiito, ebichiye. Gubb wottee boonoshi woceto, aallo boonoshi toommooch bi nalleetoyichiye. Timeeti mooyon ittoshi daggoochee aalliyoo ittoshi qayigaata, ebiyee bekk ittoshina tookki tuneyaachemmo taane.
13“Tibe! Asheenaꞌo yaafeyemmoyich tuniibe. Boonoshichoo ishichibe: ‘Israꞌeelee Nuggishoo Doono Yeeri ishichiye: “Israꞌeeleenaꞌote, timeeti mooyo ittoshi daggooch bi beetoyich, ebin ittoshi wokkiimmi wottoon, ittoshi etteenaꞌona tookki koyoon hakkaachemmo ittoshine” iye. Ebich, yaachich ittoshi qelloon qanniiree yaafeebote.
14“ ‘Maaddoona ittoshi yoodi yoodoona tuneree giddemmo ittoshine. Doono Yeeri ta bariyemmi yoodo bi gumbi gumboona tuneree aaf beshemmone. Ta bariyemmi gumbo bi yari yaroona tuneree aaf beshemmone. Ta bariyemmi yaroo bi ashi ashoona tuneree aaf beshemmone. 15Ebi timeeti mooyo bi waanee danemmi asho, Doono Yeeri ta wogoon bi shaaddetoyich, Israꞌeelee daggoochoo yeelliiti mooyon bi tuniitoyich, biinnaa biicho tuneto bullina qaaqqooch gokkemmone’ gete” iye.
16Bi dechara maaddoona Yaasi tiyiye. Israꞌeeleenaꞌon boonoshi yoodi yoodoona tuneree boonoshi giddemmoyich tuniihe. Eboshiichee Yihudi yoodo bariye. 17Yihudi yoodo bi gumbi gumboona tuneree aaf bi beshemmoyich tuniihe. Eboshiichee Zaarichi gumbo bariye. Zaarichi gumbo bi yari yaroona tuneree bi giddemmoyich tuniihe. Eboshiichee Zabidichi yaroo bariye. 18Zabidi kechi asheenaꞌo ikkikkeree boonoshi giddemmoyich tuniihe. Aroochee Zaari bushoo, Zabidi bushoo, Karimi bushoo Akaani bariye.
19Yaasi Akaanin “Ta bushoocho, Israꞌeelee Nuggishoo Doono Yeerich koottaahine; biichoo ne shuuneton aannibe; ne tuniiton aachaanoon and taach gete” iye.
20Akaaniyoo wochiꞌi Yaasich ishichiye: “Iberoone, Israꞌeelee Nuggishoo Doono Yeerin xuqqeto taane. Ta tuniito ebine: 21Kecceti qiiceenaꞌo daggoochee Shinaaree#7:21 “Baabloonee” ii biisho hakkeehe. showoochee waati ikke macecikkiti gaaboon, gutte balle sheqeelee birewoonaa aache sheqeelee nuuppheti aachoonon ciinnaꞌa dakiyoye; eboshin daammoye. Ebi qiicoon, birewoon dechiich geddaa ta duukkaanee maac showooch duukkaꞌa aachito taane” iye.
22Ebiyooba Yaasi wocheyechinaꞌon wochee daachiihe. Boonoshiyoo Akaani duukkaanooch wocciyeete. Aroochoo birewoo dechiich tuniichaa, qiico duukketon daneheete. 23Duukkaanoocheenoo kichii, Yaasinaa Israꞌeeleenaꞌo bullina beetooch deebii, Doono Yeeri aafooch geddiyeete.
24Yaasinaa Israꞌeeleenaꞌo bullina Zaari yaroochee tuneti Akaanin, birewoon, gaaboon, nuuppheti aachoon, bi anaami bushiisheenaꞌonaa maache bushiisheenaꞌonon, bi miimon, bi kureenaꞌon, bi bageenaꞌonaa bi emmisheenaꞌonon, ebiyoommon bi duukkaanoonaa biicho tuneto bullinon Akoori bambooch daammiyeete. 25Yaasiyoo “Ebi shaahe iritoon amoyich no toommooch deebenne? Ebeege, hanaach ne toommoochoo Doono Yeeri iritoon deebemmone” iye.
Aroochee Israꞌeeleenaꞌo bulli Akaanin, bi kechi asheenaꞌonaa bi gijjeenaꞌonon xaqqoona yexxii wuxiyeete; qaaqqoonoo goggiyeete. 26Hanaach beddaahaa bekkeebeeti, ooge xaqqee gutoon aree toommooch gutiyeete. Ebina Doono Yeeri bi kaaree shiixxoochee wottehe. Ebich hanaach beddaahaa, ebi are xaaꞌoo Akoori#7:26 Akoori geto, “Xuuxo” getone. Bamboo getteehe.
Currently Selected:
Yaasi 7: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Yaasi 7
7
Akaani Shuuneti Axaaxoo
1Tunebaani timeeti mooyon aalliyoo qayona Israꞌeeleenaꞌo Doono Yeerich gibeneyoon qajjiyeete. Yihudi yoodoochee tuneti, Zaari bushoo, Zabidi bushoo, Karimi bushoo Akaani timeeti mooyoochee bi daammitoyich, Doono Yeeri kaaro Israꞌeeleenaꞌo toommooch aaxxehe.
2Yaasi “Hamiree showoon qiidote” iꞌi Beeteelaa aabi-keyo waan beeti, Beet Aweeni gaꞌooch beeti Aayi katemooch asheenaꞌon Yaarikee wochee daachiihe. Ebina asheenaꞌo kechii Aayin qiiddiyeete.
3Yaas waan wottee waaꞌi, “Aayin koyoyich asheenaꞌo bulla hammaayeete. Arooch beeti asheenaꞌo giishecheenaꞌone. Ebich katemeen koyoyich gutte woyee keejje humo beddiye. Asho bulli hami aajjaaye” iyeete. 4Ebich keejje hum bedeenaꞌo baach arooch hammii koyeheete. Tunebaani Aayi asheenaꞌo aafoochee wocee aalleheete. 5Aayi asheenaꞌo Israꞌeeleenaꞌon katemee uxeree kelloochee tiijjiꞌi, Shebariim beddaahaa beeti dugilloon yookkiyeete. Boonoshiyoo yookkiibee dugilloochaa shaashaa shiritta bede asheenaꞌon wuxiyeete. Ebiichee tiyitona Israꞌeeleenaꞌo mullo keqqoona goojjii muujjiye.
6Ebiyooba Yaasi bi tahoon keexxiye; xumemmi wottoon Doono Yeerichi taabootee aafooch baroona guufehe. Israꞌeelee geeneenaꞌoo ebiyoommon tuniiheete; boonoshi shimboochoo buttoon shakkiyeete. 7Yaasiyoo ishichiye: “Woowo! Nuggishoo Doono Yeero, hini asheenaꞌon Yoordaanoosin kimiree hiniich boonoshi woyemmoyich ne tuniito, Amooree asheenaꞌoyich beshii imiree, noon boonoshi ciichemmoyich tuniyaniye? Abo kimaanoon aachee okk echebona! 8Ta Doonocho, Israꞌeeleenaꞌo boonoshi etteenaꞌo aafoochee wocaa aalletinaꞌone. Illa ama getishiye ta gettemmo? 9Kanaaneenaꞌonaa hini showee daggeexi asheenaꞌo bullina ishin waayeree noon giichemminaꞌone; noon wuxi aalliyemminaꞌone. Illa ooge ne shigoyicha getiree amooniye ne tuniyemmo?” iye.
10Doono Yeeriyoo Yaasich ishichiye: “Tibe! Amoyich baroona guufenne? 11Israꞌeeleenaꞌo xuqqitinaꞌone; boonoshi quyemmoyich ta getteti ta wogoon shaaddetinaꞌone. Timeeti mooyon tiijjii daammitinaꞌone; gaajjitinaꞌone; koottitinaꞌone; eboshin boonoshi hajjee qiiceenaꞌona tookkii baccitinaꞌone; koottiinoo itinaꞌone. 12Israꞌeeleenaꞌo boonoshi etteenaꞌon koyoon boonoshi mawiito, ebichiye. Gubb wottee boonoshi woceto, aallo boonoshi toommooch bi nalleetoyichiye. Timeeti mooyon ittoshi daggoochee aalliyoo ittoshi qayigaata, ebiyee bekk ittoshina tookki tuneyaachemmo taane.
13“Tibe! Asheenaꞌo yaafeyemmoyich tuniibe. Boonoshichoo ishichibe: ‘Israꞌeelee Nuggishoo Doono Yeeri ishichiye: “Israꞌeeleenaꞌote, timeeti mooyo ittoshi daggooch bi beetoyich, ebin ittoshi wokkiimmi wottoon, ittoshi etteenaꞌona tookki koyoon hakkaachemmo ittoshine” iye. Ebich, yaachich ittoshi qelloon qanniiree yaafeebote.
14“ ‘Maaddoona ittoshi yoodi yoodoona tuneree giddemmo ittoshine. Doono Yeeri ta bariyemmi yoodo bi gumbi gumboona tuneree aaf beshemmone. Ta bariyemmi gumbo bi yari yaroona tuneree aaf beshemmone. Ta bariyemmi yaroo bi ashi ashoona tuneree aaf beshemmone. 15Ebi timeeti mooyo bi waanee danemmi asho, Doono Yeeri ta wogoon bi shaaddetoyich, Israꞌeelee daggoochoo yeelliiti mooyon bi tuniitoyich, biinnaa biicho tuneto bullina qaaqqooch gokkemmone’ gete” iye.
16Bi dechara maaddoona Yaasi tiyiye. Israꞌeeleenaꞌon boonoshi yoodi yoodoona tuneree boonoshi giddemmoyich tuniihe. Eboshiichee Yihudi yoodo bariye. 17Yihudi yoodo bi gumbi gumboona tuneree aaf bi beshemmoyich tuniihe. Eboshiichee Zaarichi gumbo bariye. Zaarichi gumbo bi yari yaroona tuneree bi giddemmoyich tuniihe. Eboshiichee Zabidichi yaroo bariye. 18Zabidi kechi asheenaꞌo ikkikkeree boonoshi giddemmoyich tuniihe. Aroochee Zaari bushoo, Zabidi bushoo, Karimi bushoo Akaani bariye.
19Yaasi Akaanin “Ta bushoocho, Israꞌeelee Nuggishoo Doono Yeerich koottaahine; biichoo ne shuuneton aannibe; ne tuniiton aachaanoon and taach gete” iye.
20Akaaniyoo wochiꞌi Yaasich ishichiye: “Iberoone, Israꞌeelee Nuggishoo Doono Yeerin xuqqeto taane. Ta tuniito ebine: 21Kecceti qiiceenaꞌo daggoochee Shinaaree#7:21 “Baabloonee” ii biisho hakkeehe. showoochee waati ikke macecikkiti gaaboon, gutte balle sheqeelee birewoonaa aache sheqeelee nuuppheti aachoonon ciinnaꞌa dakiyoye; eboshin daammoye. Ebi qiicoon, birewoon dechiich geddaa ta duukkaanee maac showooch duukkaꞌa aachito taane” iye.
22Ebiyooba Yaasi wocheyechinaꞌon wochee daachiihe. Boonoshiyoo Akaani duukkaanooch wocciyeete. Aroochoo birewoo dechiich tuniichaa, qiico duukketon daneheete. 23Duukkaanoocheenoo kichii, Yaasinaa Israꞌeeleenaꞌo bullina beetooch deebii, Doono Yeeri aafooch geddiyeete.
24Yaasinaa Israꞌeeleenaꞌo bullina Zaari yaroochee tuneti Akaanin, birewoon, gaaboon, nuuppheti aachoon, bi anaami bushiisheenaꞌonaa maache bushiisheenaꞌonon, bi miimon, bi kureenaꞌon, bi bageenaꞌonaa bi emmisheenaꞌonon, ebiyoommon bi duukkaanoonaa biicho tuneto bullinon Akoori bambooch daammiyeete. 25Yaasiyoo “Ebi shaahe iritoon amoyich no toommooch deebenne? Ebeege, hanaach ne toommoochoo Doono Yeeri iritoon deebemmone” iye.
Aroochee Israꞌeeleenaꞌo bulli Akaanin, bi kechi asheenaꞌonaa bi gijjeenaꞌonon xaqqoona yexxii wuxiyeete; qaaqqoonoo goggiyeete. 26Hanaach beddaahaa bekkeebeeti, ooge xaqqee gutoon aree toommooch gutiyeete. Ebina Doono Yeeri bi kaaree shiixxoochee wottehe. Ebich hanaach beddaahaa, ebi are xaaꞌoo Akoori#7:26 Akoori geto, “Xuuxo” getone. Bamboo getteehe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.