Yaasi 5
5
1Ebiyooba Yoordaanoosi aachee beqach, aabi-gimo waan beeti Amooree taateenaꞌonaa baharee gashoona beeti Kanaanee taateenaꞌona bulloshi Israꞌeeleenaꞌo kimmimmi wottoon, Doono Yeeri Yoordaanoosi aacon boonoshich bi shuuꞌiyoon waayeheete. Ebi Israꞌeeleenaꞌochi naboona boonoshi mullo keqqoona goojjii muujjiye.
Galigalaa Tuneti Dokireyoo
2Arooba Doono Yeeri Yaasich “Appoon (arifoon) shaammoochee shuuneree, dokireyaani Israꞌeeleenaꞌon dokiribe” iye. 3Ebich Yaasi appoon shaammoochee shuuneꞌi, Israꞌeeleenaꞌon Gibaat Haralooti#5:3 Gibaat Haralooti geto, “Dokireyee geppoo” getone. getteeti geppoochaa dokiriye.
4Yaasi Israꞌeeleenaꞌon dokiriti naboo ebine: Ginee koyoyich bedditi anaaminaꞌo bulli Gibitsee boonoshi kechitoyee gubb, barahoochaa qititinaꞌone. 5Boonoshi keyoyee aaf anaaminaꞌo bulli dokireetinaꞌone; tunebaani Gibitsee boonoshi kechitoyee gubb, gommooch boonoshi beetaa, barahoochaa shiijjetinaꞌo bulli dokireyaaneenaꞌone. 6Gibitsee kechiti, ginee koyoyich bedditi anaaminaꞌo bulli Doono Yeerich deꞌa getaaneenaꞌo boonoshi tunetoyich, eboshi qitii ciiremmi wottoon, Israꞌeeleenaꞌo barahooch aabbe naton qaxirii beeheete. Ebiyoo Doono Yeeri nooch imma boonoshi qaabbechinaꞌoyich wogoon bi giyiti, ejjoonaa eeyona xuupphiibeeti showoon boonoshi beegaachemmoyich, bi wogetoyichiye.#Had. 14:26-35 7Ebich Yaasi dokirito, boonoshi qoodoon kereeti anaami boonoshi bushiisheenaꞌoniye. Eboshin bi dokirito, gommoochaa dokireyaaneenaꞌo boonoshi tunetoyichiye.
8Bulliyoo boonoshi dokireetoyee gubb, boonoshi mayo wodimmi wottoon, boonoshi kaambooch yagiyeete. 9Aroochee Doono Yeeri Yaasich “Gibits guunon tuneꞌi beemo yeelloone. Tunebaani hanaach ebi are yeelloon ittoshi toommoochee shootteto taane” iye. Ebina ebi are xaaꞌee shigo hanaach beddaahaa Galigali#5:9 Galigali geto, “Shooto” woyee “Gederikkoo” getone. getteehe.
10Israꞌeeleenaꞌo Yaariki bakkooch boonoshi kaamboon geddii Galigala beebee, ikkinnee agenee aaraa awuddinnee qemoobee xum Beshee Baaroon baariyeete.#Key. 12:1-13 11Beshee Baaroobee dechara are showoochee daneebeeti maayoon, ebiyoo shittoo giyaani koshonaa gaaweeti bungoonon maaheete. 12Are showoochee daneebeeti maayoon boonoshi maatoyee gubb, mannoo kindaanoon neexehe. Aroyee gubb Israꞌeeleenaꞌoyich mannoo kindaanoone; aroobee natooba Kanaanee showoochee daneebeeti maayoon maaheete.#Key. 16:35
Doono Yeerichi Ginee Iraashoo Yaasich Bekko
13Yaasi Yaariki katinooch beechii, kaama ciinniꞌi, goraadoon kaaccii yechiti, bi aafooch neexeebeeti ikke uroon beeggiye. Yaasiyoo uro waan giddeꞌi, “No daggeexo neenashi, no etteenaꞌo daggeexo neene?” iꞌi echehe.
14Uroo “Toonoo taane; and ta waato, Doono Yeerichi ginee iraashoo tunaꞌaaniye” ii wochiye.
Yaasiyoo baroona guufee goyinneꞌi, “Ta Doono ta tuniyemmoyich, bi guuno taach bi gettemmi mooyo, amoone?” iye.
15Doono Yeerichi ginee iraashoo Yaasich “Ne neexaabeeti xaaꞌoo yaafoo bi tunetoyich, caammoon ne baatoochee kichibe” iye. Yaasiyoo biich getteetoommon tuniihe.
Currently Selected:
Yaasi 5: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Yaasi 5
5
1Ebiyooba Yoordaanoosi aachee beqach, aabi-gimo waan beeti Amooree taateenaꞌonaa baharee gashoona beeti Kanaanee taateenaꞌona bulloshi Israꞌeeleenaꞌo kimmimmi wottoon, Doono Yeeri Yoordaanoosi aacon boonoshich bi shuuꞌiyoon waayeheete. Ebi Israꞌeeleenaꞌochi naboona boonoshi mullo keqqoona goojjii muujjiye.
Galigalaa Tuneti Dokireyoo
2Arooba Doono Yeeri Yaasich “Appoon (arifoon) shaammoochee shuuneree, dokireyaani Israꞌeeleenaꞌon dokiribe” iye. 3Ebich Yaasi appoon shaammoochee shuuneꞌi, Israꞌeeleenaꞌon Gibaat Haralooti#5:3 Gibaat Haralooti geto, “Dokireyee geppoo” getone. getteeti geppoochaa dokiriye.
4Yaasi Israꞌeeleenaꞌon dokiriti naboo ebine: Ginee koyoyich bedditi anaaminaꞌo bulli Gibitsee boonoshi kechitoyee gubb, barahoochaa qititinaꞌone. 5Boonoshi keyoyee aaf anaaminaꞌo bulli dokireetinaꞌone; tunebaani Gibitsee boonoshi kechitoyee gubb, gommooch boonoshi beetaa, barahoochaa shiijjetinaꞌo bulli dokireyaaneenaꞌone. 6Gibitsee kechiti, ginee koyoyich bedditi anaaminaꞌo bulli Doono Yeerich deꞌa getaaneenaꞌo boonoshi tunetoyich, eboshi qitii ciiremmi wottoon, Israꞌeeleenaꞌo barahooch aabbe naton qaxirii beeheete. Ebiyoo Doono Yeeri nooch imma boonoshi qaabbechinaꞌoyich wogoon bi giyiti, ejjoonaa eeyona xuupphiibeeti showoon boonoshi beegaachemmoyich, bi wogetoyichiye.#Had. 14:26-35 7Ebich Yaasi dokirito, boonoshi qoodoon kereeti anaami boonoshi bushiisheenaꞌoniye. Eboshin bi dokirito, gommoochaa dokireyaaneenaꞌo boonoshi tunetoyichiye.
8Bulliyoo boonoshi dokireetoyee gubb, boonoshi mayo wodimmi wottoon, boonoshi kaambooch yagiyeete. 9Aroochee Doono Yeeri Yaasich “Gibits guunon tuneꞌi beemo yeelloone. Tunebaani hanaach ebi are yeelloon ittoshi toommoochee shootteto taane” iye. Ebina ebi are xaaꞌee shigo hanaach beddaahaa Galigali#5:9 Galigali geto, “Shooto” woyee “Gederikkoo” getone. getteehe.
10Israꞌeeleenaꞌo Yaariki bakkooch boonoshi kaamboon geddii Galigala beebee, ikkinnee agenee aaraa awuddinnee qemoobee xum Beshee Baaroon baariyeete.#Key. 12:1-13 11Beshee Baaroobee dechara are showoochee daneebeeti maayoon, ebiyoo shittoo giyaani koshonaa gaaweeti bungoonon maaheete. 12Are showoochee daneebeeti maayoon boonoshi maatoyee gubb, mannoo kindaanoon neexehe. Aroyee gubb Israꞌeeleenaꞌoyich mannoo kindaanoone; aroobee natooba Kanaanee showoochee daneebeeti maayoon maaheete.#Key. 16:35
Doono Yeerichi Ginee Iraashoo Yaasich Bekko
13Yaasi Yaariki katinooch beechii, kaama ciinniꞌi, goraadoon kaaccii yechiti, bi aafooch neexeebeeti ikke uroon beeggiye. Yaasiyoo uro waan giddeꞌi, “No daggeexo neenashi, no etteenaꞌo daggeexo neene?” iꞌi echehe.
14Uroo “Toonoo taane; and ta waato, Doono Yeerichi ginee iraashoo tunaꞌaaniye” ii wochiye.
Yaasiyoo baroona guufee goyinneꞌi, “Ta Doono ta tuniyemmoyich, bi guuno taach bi gettemmi mooyo, amoone?” iye.
15Doono Yeerichi ginee iraashoo Yaasich “Ne neexaabeeti xaaꞌoo yaafoo bi tunetoyich, caammoon ne baatoochee kichibe” iye. Yaasiyoo biich getteetoommon tuniihe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.