Yaasi 14
14
Aabi-gimo Waani Showoo Qoodeyoo
1Qeeshoo Elazaari, Nuuni bushoo Yaasinaa Israꞌeelee yoodeenaꞌochi yaree ukkireenaꞌona Israꞌeeleenaꞌoyich qoodiꞌi boonoshi maacciti, Yoordaanoosi aacoochaa aabi-gimo waan beeti Kanaanee showoo ebine. 2Doono Yeeri Muusich bi gettitoommon, boonoshi woraashiti showoo yiixiye yoodoonaa qatonoyich ixoona qoodeehe.#Had. 26:52-56; 34:13 3-4Tunebaani Muusi Yoordaanoosi aacoochaa aabi-keyo waan beeti showoon gutte yoodaa qatoyich shiichiꞌi qooditone. Yooseefichi shiijjeroo Minaasinaa Efreemina getaa gutte yoodi qoodeetone. Tunetaa Muusi Leweenaꞌoyich showoon imaanoone. Boonoshich icheto, boonoshi beeyemmi katemeenaꞌonaa ebi katemeenaꞌochi guudoona beeti, boonoshi gijjeenaꞌo mocoon maayemmi miinji gaddoona baachiye.#Had. 32:33; 34:14-15; Yibba. 3:12-17 5Ebiyoommi gommona Israꞌeeleenaꞌo Doono Yeeri Muusich bi gettitoommon, showoon qoodeeheete.
Kebirooni Kaaleebich Icheyoo
6Arooba Yihudee asheenaꞌo Galigalaa Yaas waan giddeheete. Boonoshi daggoochee Qenizi yaroo tuneti, Yefuuni bushoo Kaaleebi Yaasich ishichiye: “Yeer asho Muusich Qadeesh Barinaa neennaa taannochon Doono Yeeri gettiton ariyaabeeto neene.#Had. 14:30 7Doono Yeeri guuno Muusi showoon ta qiiddemmoyich Qadeesh Barinee taan wochee bi deejjiyooba, aabbe nati gurimaashoo taane; ebiyooba ta beeggeti ibere mooyon yechaꞌa, deebaa biich getteto taane.#Had. 13:1-30 8Tunebaani taanna tookkii hammiti ta maneenaꞌo, Israꞌeeleenaꞌo mulloon keqqoona muuchiitinaꞌone. Tunetaa ta, ta Nuggishoo Doono Yeerin mulloochee tiijjaꞌa dabbiyoye. 9Arooba Muusi ‘Ta Nuggishoo Doono Yeerin mulloochee tiijjaꞌa dabbito neene; ebich ne baatoo neexxiti showoon neennaa ne shiijjeroona bulli yemeenoon woraashemmo ittoshine’ iꞌi wogehe.#Had. 14:24; Yibba. 1:36
10“Israꞌeeleenaꞌo barahoona shaꞌee beehooba, Doono Yeeri Muusich bi gettiti aaboochee tiijjiꞌi, aabbaa uuche naton taan quyeebee and beddaahaa bechitone. Hanaachoo shinnaa uuche nati asho taane. 11Muusi taan wochee daachiihooba beeti ta giidoo, and beddaahaa aroone; andoo ginee koyoyich tuneba amee shuunoonolla shuunoyich giidoo taach beetone. 12Ebich arooba Doono Yeeri bi gettitoommon, hini geppe showoon and taach imbe. Arooba Anaaqeenaꞌo arooch beetinaꞌo boonoshi tunoonaa boonoshi katemeenaꞌo xaqqoona uxereeti ogooge katemeenaꞌo boonoshi tunoonon waayeto neene. Doono Yeeri bi gettitoommon, diqqich taanna tookki tune taan bi gaachetaa, boonoshin yoohi kichemmo taane” iye.
13Arooba Yaasi Yefuuni bushoo Kaaleebin diiriye; Kebiroonin iristo tuniiꞌi biich immiye. 14Ebina Israꞌeelee Nuggishoo Doono Yeerin mulloochee tiijjiꞌi bi dabbitoyich, Kebirooni Qenizi yaroo tuneti, Yefuuni bushoo Kaaleebichi iristo tunehe. Hanaach beddaahaa bi shiijjereenaꞌo arooch beetinaꞌone. 15Ebiyee aaf Kebirooni Qiriyaat Aribi gettee beetone; ebi Aribi Anaaqeenaꞌo bulliyee beshe aricheti uroone.
Aroyee gubb showoo ginoochee kashehe.
Currently Selected:
Yaasi 14: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Yaasi 14
14
Aabi-gimo Waani Showoo Qoodeyoo
1Qeeshoo Elazaari, Nuuni bushoo Yaasinaa Israꞌeelee yoodeenaꞌochi yaree ukkireenaꞌona Israꞌeeleenaꞌoyich qoodiꞌi boonoshi maacciti, Yoordaanoosi aacoochaa aabi-gimo waan beeti Kanaanee showoo ebine. 2Doono Yeeri Muusich bi gettitoommon, boonoshi woraashiti showoo yiixiye yoodoonaa qatonoyich ixoona qoodeehe.#Had. 26:52-56; 34:13 3-4Tunebaani Muusi Yoordaanoosi aacoochaa aabi-keyo waan beeti showoon gutte yoodaa qatoyich shiichiꞌi qooditone. Yooseefichi shiijjeroo Minaasinaa Efreemina getaa gutte yoodi qoodeetone. Tunetaa Muusi Leweenaꞌoyich showoon imaanoone. Boonoshich icheto, boonoshi beeyemmi katemeenaꞌonaa ebi katemeenaꞌochi guudoona beeti, boonoshi gijjeenaꞌo mocoon maayemmi miinji gaddoona baachiye.#Had. 32:33; 34:14-15; Yibba. 3:12-17 5Ebiyoommi gommona Israꞌeeleenaꞌo Doono Yeeri Muusich bi gettitoommon, showoon qoodeeheete.
Kebirooni Kaaleebich Icheyoo
6Arooba Yihudee asheenaꞌo Galigalaa Yaas waan giddeheete. Boonoshi daggoochee Qenizi yaroo tuneti, Yefuuni bushoo Kaaleebi Yaasich ishichiye: “Yeer asho Muusich Qadeesh Barinaa neennaa taannochon Doono Yeeri gettiton ariyaabeeto neene.#Had. 14:30 7Doono Yeeri guuno Muusi showoon ta qiiddemmoyich Qadeesh Barinee taan wochee bi deejjiyooba, aabbe nati gurimaashoo taane; ebiyooba ta beeggeti ibere mooyon yechaꞌa, deebaa biich getteto taane.#Had. 13:1-30 8Tunebaani taanna tookkii hammiti ta maneenaꞌo, Israꞌeeleenaꞌo mulloon keqqoona muuchiitinaꞌone. Tunetaa ta, ta Nuggishoo Doono Yeerin mulloochee tiijjaꞌa dabbiyoye. 9Arooba Muusi ‘Ta Nuggishoo Doono Yeerin mulloochee tiijjaꞌa dabbito neene; ebich ne baatoo neexxiti showoon neennaa ne shiijjeroona bulli yemeenoon woraashemmo ittoshine’ iꞌi wogehe.#Had. 14:24; Yibba. 1:36
10“Israꞌeeleenaꞌo barahoona shaꞌee beehooba, Doono Yeeri Muusich bi gettiti aaboochee tiijjiꞌi, aabbaa uuche naton taan quyeebee and beddaahaa bechitone. Hanaachoo shinnaa uuche nati asho taane. 11Muusi taan wochee daachiihooba beeti ta giidoo, and beddaahaa aroone; andoo ginee koyoyich tuneba amee shuunoonolla shuunoyich giidoo taach beetone. 12Ebich arooba Doono Yeeri bi gettitoommon, hini geppe showoon and taach imbe. Arooba Anaaqeenaꞌo arooch beetinaꞌo boonoshi tunoonaa boonoshi katemeenaꞌo xaqqoona uxereeti ogooge katemeenaꞌo boonoshi tunoonon waayeto neene. Doono Yeeri bi gettitoommon, diqqich taanna tookki tune taan bi gaachetaa, boonoshin yoohi kichemmo taane” iye.
13Arooba Yaasi Yefuuni bushoo Kaaleebin diiriye; Kebiroonin iristo tuniiꞌi biich immiye. 14Ebina Israꞌeelee Nuggishoo Doono Yeerin mulloochee tiijjiꞌi bi dabbitoyich, Kebirooni Qenizi yaroo tuneti, Yefuuni bushoo Kaaleebichi iristo tunehe. Hanaach beddaahaa bi shiijjereenaꞌo arooch beetinaꞌone. 15Ebiyee aaf Kebirooni Qiriyaat Aribi gettee beetone; ebi Aribi Anaaqeenaꞌo bulliyee beshe aricheti uroone.
Aroyee gubb showoo ginoochee kashehe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.