Woraaferasheenaꞌo 6
6
Geediyooni Woraaferashoo Tuno
1Israꞌeeleenaꞌo wochinnoon Doono Yeeri aafooch axaaxoon shuuneheete. Doono Yeeriyoo boonoshin shabaatte naton Miidiyameenaꞌo kishooch beshiiꞌi immiye. 2Miidiyameenaꞌo boonoshiyee beshiꞌi sharitoyich, Israꞌeeleenaꞌo geppooch beeti xaqqee gogginooch, xaqqee gofoonaa mishigoonooch boonoshi aashemmi xaaꞌoon qanniiheete. 3Israꞌeeleenaꞌo maayoon boonoshi shookkitoyee gubb, Miidiyameenaꞌo, Amaleeqeenaꞌonaa aabi-keyo waani asheenaꞌona waaꞌi boonoshin kochii beeheete. 4Boonoshi showooch waa kaamboon geddiꞌi, Gaazi katemooch beddaahaa beeti boonoshi maayoon aallii beeheete. Boonoshi gijjoo bullin, ebiyoo bagoon, miimonaa kuroonon gashee daammiibee, boonoshi yeshi deqqemmi amee mooyonona mucciiheete. 5Boonoshi gijjeenaꞌon gashee, boonoshi duukkaanoon yechiꞌi boonoshi waa beegaata, boonoshi haddoo gechoommone. Ebi asheenaꞌonaa boonoshi gaaleenaꞌona haddaa ciyaani dofeenaꞌone. Boonoshiyoo waaꞌi showoon aallii beeheete. 6Ebi Miidiyameenaꞌo boonoshin duꞌitoyich Israꞌeeleenaꞌo Doono Yeer waan cookiyeete.
7Israꞌeeleenaꞌo Miidiyameenaꞌochi naboona Doono Yeer waan cookaa, 8Doono Yeeri ikke keemechon boonoshi waan daachiihe. Biyoo hammiꞌi boonoshich ishichiye: “Israꞌeelee Nuggishoo Doono Yeeri ishichiye: ‘Guuchittinooch hajjeeꞌi ittoshi beeti Gibitsee ittoshin kichiyoye; 9Gibitseenaꞌo kishoochee ittoshin wodiihoye; ittoshin neexxii hajjii beetinaꞌo bulli kishoocheenoo ittoshin shiwoye; ittoshi aafoochee boonoshin yookkaa kichiyoye; boonoshi showoonoo ittoshich immehoye. 10Ittoshichoo “Ta, ittoshi Nuggishoo Doono Yeeri taane. Boonoshi showooch ittoshi beeti Amooreenaꞌochi nuggisheenaꞌoyich goyinne maddeyaahote” iyoye. Tunebaani ta qaaroon waayemmon qajjiyote’ itone” iye.
11Aroochee Doono Yeerichi maraakoo Ofiri gafooch waaꞌi, Abezeerichi yaroo Yoꞌaashi budochi daggooch beeti ikke ooge michi xepphooch kotehe. Yoꞌaashi bushoo Geediyooni Miidiyameenaꞌo beegaachemmoyich aashoona woyinee hiicci oppoochaa teepphoon buchii beehe. 12Doono Yeerichi maraakoo biich bekkeꞌi, “Giidechi ginee anaamocho, Doono Yeeri neenna tookkiiniye” iye.
13Geediyooniyoo wochiꞌi, “Ta doonocho, Doono Yeeri noonna tookkii bi beeto gaata, ebi mooyo bulli amoyich no toommooch shaggiye? No qaabbechinaꞌo ‘Doono Yeeri Gibitsee noon kichitone’ iibee boonoshi gettiti, worganikkiti gaakkechi mooyo bulli and aaye? Doono Yeeri noon qajjitone; Miidiyameenaꞌo kishooch beshiiꞌi immitone” iye.
14Areegaata, Doono Yeeri bi waan wotteꞌi, “Ebi ooge ne giidoona hamiree, Israꞌeeleenaꞌon Miidiyameenaꞌo kishoochee wodiibe; neen wochaa daachiibeeto ta qelloona taane” iye.
15Geediyooni wochiꞌi, “Ta Doonocho, Israꞌeeleenaꞌon wodiyoon ta hakkemmo aabichireeshiye? Ta yaroo Minaasi yoodee daggoochee hakka guute yaroone; tawoo wotta ta nihoochi kechi asheenaꞌo daggoochee giisho taane” iye.
16Doono Yeeriyoo wochiꞌi, “Iberoon ta neenna tookki tunemmo taane. Miidiyameenaꞌon ikke ashoon wuxoommon wuxi aalliyemmo neene” iye.
17Biyoo wochiꞌi, “Ishigaata, ne aafooch gidoon daneto ta tunegaata, taanna tookkaa yibbaataabeeto iberoon Doono Yeeri ne tunoyich malletoon taach bekkiibe. 18Wottaa waaꞌa buuroon ne aafooch ta giddiimmi wottoon, hiniich ne beeyemmoyich qollehoye” iye.
Doono Yeeriyoo “Ne wottemmi wottoon quyemmo taane” iye.
19Ebina Geediyooni bi kexooch hammii ikke emmishee bushoon bashii kiijjiye; keejje qunna bede buddinoon daammiꞌi shittoo giyaani koshon kachiihe. Meenon gemooch geddii, cabboonoo qullooch geddii yechii, are ooge michi xepphooch deebiꞌi, biich giddiihe. 20Yeerichi maraakoo biich, “Meenonaa koshonon daamiree ebi xaqqee toommooch kotiichi, cabboon bi toommooch ukkibe” iye. Biyoo ebin tuniihe. 21Doono Yeerichi maraakoo bi kisheexi gumbee cilloona meenonaa koshonon tupphehe. Qaaqqoo are xaqqoochee kechiꞌi, meenonaa koshonon michiye. Aroochee Yeerichi maraakoo bi aafoochee shiwirimiye. 22Geediyooniyoo bi beeggito Doono Yeerichi maraakoo bi tunoon ariiꞌi, “Nuggishoo Doono Yeero, baroona danaꞌa Doono Yeerichi maraakoon beeggeto taane; illa taach woowo!” iye.
23Tunebaani Doono Yeeri biich “Diggoo neech tunebe; shattaahine; qitaachemmo neene” iye.
24Geediyooni arooch Doono Yeerich deejjee gudoon shuuneꞌi, Doono Yeeri Diggee Nuggishoo iꞌi shigiihe. Ebi deejjee gudo hanaach beddaahaa Abezeerichi yareenaꞌo showoo tuneti Ofira neexeꞌi beetone.
25Aroobee xum Doono Yeeri Geediyoonich ishichiye: “Ne nihoochi gattoochee shabaatte nato tuneti guttinnee wuron daambe; ne nihoocho tuneti, Baꞌaaloochi deejjee gudoon happibe; bi gaꞌooch beeti, nuggishee Asheeri misiloon kuxi baye. 26Ebi happeeti gutee toommooch ne Nuggishoo Doono Yeerich deejjee gudoon mashaamiiree shuunebe. Ebi ne kuxxaa bajjeti, Asheeri misilo shuuneeti mixona guttinnee wuron daamiree michi deejjibe” iye.
27Ebina Geediyooni bi naayinaꞌo daggoochee aashireenaꞌon yechii hammiꞌi, Doono Yeeri biich gettitoommon tuniihe. Tunebaani bi kechi asheenaꞌonaa are katemeexi asheenaꞌonon oogichii bi shattitoyich, ebin bi tuniito areddoon tuneyaanoon xumooniye.
28Are katemeexi asheenaꞌo haree maaddoona boonoshi tiyaahaa, Baꞌaaloochi deejjee gudo happeeton, bi gaꞌooch beeti Asheeri misilo kucheton, wotta arooch shuuneeti deejjee gudee toommoochoo guttinnee wuro deejjeeton daneheete. 29Boonoshiyoo “Ebi mooyon tuniito, konine?” iibee boonoshinaa boonoshina yibbaateheete. Mooyon manjii echeꞌi, ebin tuniito Yoꞌaashi bushoo Geediyooni tunoon ariiheete.
30Boonoshiyoo Yoꞌaashin “Ne bushoo Baꞌaaloochi deejjee gudoon happitone; bi gaꞌooch beeti Asheeri misiloon kuxxii bajjitone; ebich biin maach ne kichaa wuxibone” iyeete.
31Tunebaani Yoꞌaashi biinna tookkii hayeebeeti asheenaꞌoyich ishichiye: “Ittoshi Baꞌaaloyich taggeeniye ittoshi beeto? Biin wodiiya qiicceeniye ittoshi beeto? Biich taggeebeeto bi beegaata, yaachi maadda beddaahaa qitibe. Baꞌaalo iberoon nuggishoo bi gaata, ebi happeeto bi deejjee gudo bi tunetoyich, bi qellich bi taggebe” iye.
32Ebich aroobiyee tiijjiꞌi Geediyooni Yerubaꞌali getaa ceekkehe; ebiyoo Yoꞌaashi “Ebi happeeto bi deejjee gudo bi tunetoyich, Baꞌaalo biinna taggebe” bi itoyichiye.
33Aroochee Miidiyameenaꞌo bulli, Amaleeqeenaꞌonaa aabi-keyo waani asheenaꞌona bulloshi ikkottee Yoordaanoosin kimmii waaꞌi, Yezireeli bambooch kaamboon geddii koteheete. 34Areegaata, Doono Yeerichi Ayaano Geediyooni toommooch kindiye. Biyoo tiroon huggiꞌi Abezeeri yaree asheenaꞌo biin dabbemmoyich ceeggiye. 35Wotta Minaasi yoodo bulli beetooch wochoon daachiiꞌi, biin boonoshi dabbemmoyich gettiye. Ebiyoommon wotta Aseeri yoodoyich, Zebulooni yoodoonaa Nifitaali yoodoona waan wochoon daachiihe; boonoshiyoo bi waan waaheete.
36Aroochee Geediyooni Yeerich ishichiye: “Israꞌeeleenaꞌon ta kishoona wodiyemmo ne tunoon getteto neene. 37Illa tawoo haatteeti bagee eexon maayo bucheebeeti xaaꞌooch geddemmo taane. Ebi bagee eexooch baach doshoo (caagibano) kindiichaa showoo bulli shuuꞌo bi tunegaata, taach ne gettetoommon, Israꞌeeleenaꞌon ta kishoona wodiyemmo ne tunoon ariyemmo taane” iye. 38Ebi bi gettitoommonoo tunehe. Geediyooni bi dechara maaddoona tiyiꞌi bagee eexooch beeti doshoon bi hiicaa kechiti aaco gafetooch ceenniye.
39Aroochee Geediyooni Yeerich ishichiye: “Taan kaareyaahine; eke ikke kaalleen baach neen echebona. Ebi haatteeti bagee eexona eke ikke mooyon tuniiree ta xiishemmoyich taach daaggibe; and illa showoo bulliich doshoo kindimmona, ebi bagee eexo baach shuuꞌon tunebe” iye. 40Ebina Yeeri aroobee xum ebiyoommon tuniihe; showoo bulliich doshoo kindiichaa, ebi bagee eexo baach shuuꞌon tunehe.
Currently Selected:
Woraaferasheenaꞌo 6: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Woraaferasheenaꞌo 6
6
Geediyooni Woraaferashoo Tuno
1Israꞌeeleenaꞌo wochinnoon Doono Yeeri aafooch axaaxoon shuuneheete. Doono Yeeriyoo boonoshin shabaatte naton Miidiyameenaꞌo kishooch beshiiꞌi immiye. 2Miidiyameenaꞌo boonoshiyee beshiꞌi sharitoyich, Israꞌeeleenaꞌo geppooch beeti xaqqee gogginooch, xaqqee gofoonaa mishigoonooch boonoshi aashemmi xaaꞌoon qanniiheete. 3Israꞌeeleenaꞌo maayoon boonoshi shookkitoyee gubb, Miidiyameenaꞌo, Amaleeqeenaꞌonaa aabi-keyo waani asheenaꞌona waaꞌi boonoshin kochii beeheete. 4Boonoshi showooch waa kaamboon geddiꞌi, Gaazi katemooch beddaahaa beeti boonoshi maayoon aallii beeheete. Boonoshi gijjoo bullin, ebiyoo bagoon, miimonaa kuroonon gashee daammiibee, boonoshi yeshi deqqemmi amee mooyonona mucciiheete. 5Boonoshi gijjeenaꞌon gashee, boonoshi duukkaanoon yechiꞌi boonoshi waa beegaata, boonoshi haddoo gechoommone. Ebi asheenaꞌonaa boonoshi gaaleenaꞌona haddaa ciyaani dofeenaꞌone. Boonoshiyoo waaꞌi showoon aallii beeheete. 6Ebi Miidiyameenaꞌo boonoshin duꞌitoyich Israꞌeeleenaꞌo Doono Yeer waan cookiyeete.
7Israꞌeeleenaꞌo Miidiyameenaꞌochi naboona Doono Yeer waan cookaa, 8Doono Yeeri ikke keemechon boonoshi waan daachiihe. Biyoo hammiꞌi boonoshich ishichiye: “Israꞌeelee Nuggishoo Doono Yeeri ishichiye: ‘Guuchittinooch hajjeeꞌi ittoshi beeti Gibitsee ittoshin kichiyoye; 9Gibitseenaꞌo kishoochee ittoshin wodiihoye; ittoshin neexxii hajjii beetinaꞌo bulli kishoocheenoo ittoshin shiwoye; ittoshi aafoochee boonoshin yookkaa kichiyoye; boonoshi showoonoo ittoshich immehoye. 10Ittoshichoo “Ta, ittoshi Nuggishoo Doono Yeeri taane. Boonoshi showooch ittoshi beeti Amooreenaꞌochi nuggisheenaꞌoyich goyinne maddeyaahote” iyoye. Tunebaani ta qaaroon waayemmon qajjiyote’ itone” iye.
11Aroochee Doono Yeerichi maraakoo Ofiri gafooch waaꞌi, Abezeerichi yaroo Yoꞌaashi budochi daggooch beeti ikke ooge michi xepphooch kotehe. Yoꞌaashi bushoo Geediyooni Miidiyameenaꞌo beegaachemmoyich aashoona woyinee hiicci oppoochaa teepphoon buchii beehe. 12Doono Yeerichi maraakoo biich bekkeꞌi, “Giidechi ginee anaamocho, Doono Yeeri neenna tookkiiniye” iye.
13Geediyooniyoo wochiꞌi, “Ta doonocho, Doono Yeeri noonna tookkii bi beeto gaata, ebi mooyo bulli amoyich no toommooch shaggiye? No qaabbechinaꞌo ‘Doono Yeeri Gibitsee noon kichitone’ iibee boonoshi gettiti, worganikkiti gaakkechi mooyo bulli and aaye? Doono Yeeri noon qajjitone; Miidiyameenaꞌo kishooch beshiiꞌi immitone” iye.
14Areegaata, Doono Yeeri bi waan wotteꞌi, “Ebi ooge ne giidoona hamiree, Israꞌeeleenaꞌon Miidiyameenaꞌo kishoochee wodiibe; neen wochaa daachiibeeto ta qelloona taane” iye.
15Geediyooni wochiꞌi, “Ta Doonocho, Israꞌeeleenaꞌon wodiyoon ta hakkemmo aabichireeshiye? Ta yaroo Minaasi yoodee daggoochee hakka guute yaroone; tawoo wotta ta nihoochi kechi asheenaꞌo daggoochee giisho taane” iye.
16Doono Yeeriyoo wochiꞌi, “Iberoon ta neenna tookki tunemmo taane. Miidiyameenaꞌon ikke ashoon wuxoommon wuxi aalliyemmo neene” iye.
17Biyoo wochiꞌi, “Ishigaata, ne aafooch gidoon daneto ta tunegaata, taanna tookkaa yibbaataabeeto iberoon Doono Yeeri ne tunoyich malletoon taach bekkiibe. 18Wottaa waaꞌa buuroon ne aafooch ta giddiimmi wottoon, hiniich ne beeyemmoyich qollehoye” iye.
Doono Yeeriyoo “Ne wottemmi wottoon quyemmo taane” iye.
19Ebina Geediyooni bi kexooch hammii ikke emmishee bushoon bashii kiijjiye; keejje qunna bede buddinoon daammiꞌi shittoo giyaani koshon kachiihe. Meenon gemooch geddii, cabboonoo qullooch geddii yechii, are ooge michi xepphooch deebiꞌi, biich giddiihe. 20Yeerichi maraakoo biich, “Meenonaa koshonon daamiree ebi xaqqee toommooch kotiichi, cabboon bi toommooch ukkibe” iye. Biyoo ebin tuniihe. 21Doono Yeerichi maraakoo bi kisheexi gumbee cilloona meenonaa koshonon tupphehe. Qaaqqoo are xaqqoochee kechiꞌi, meenonaa koshonon michiye. Aroochee Yeerichi maraakoo bi aafoochee shiwirimiye. 22Geediyooniyoo bi beeggito Doono Yeerichi maraakoo bi tunoon ariiꞌi, “Nuggishoo Doono Yeero, baroona danaꞌa Doono Yeerichi maraakoon beeggeto taane; illa taach woowo!” iye.
23Tunebaani Doono Yeeri biich “Diggoo neech tunebe; shattaahine; qitaachemmo neene” iye.
24Geediyooni arooch Doono Yeerich deejjee gudoon shuuneꞌi, Doono Yeeri Diggee Nuggishoo iꞌi shigiihe. Ebi deejjee gudo hanaach beddaahaa Abezeerichi yareenaꞌo showoo tuneti Ofira neexeꞌi beetone.
25Aroobee xum Doono Yeeri Geediyoonich ishichiye: “Ne nihoochi gattoochee shabaatte nato tuneti guttinnee wuron daambe; ne nihoocho tuneti, Baꞌaaloochi deejjee gudoon happibe; bi gaꞌooch beeti, nuggishee Asheeri misiloon kuxi baye. 26Ebi happeeti gutee toommooch ne Nuggishoo Doono Yeerich deejjee gudoon mashaamiiree shuunebe. Ebi ne kuxxaa bajjeti, Asheeri misilo shuuneeti mixona guttinnee wuron daamiree michi deejjibe” iye.
27Ebina Geediyooni bi naayinaꞌo daggoochee aashireenaꞌon yechii hammiꞌi, Doono Yeeri biich gettitoommon tuniihe. Tunebaani bi kechi asheenaꞌonaa are katemeexi asheenaꞌonon oogichii bi shattitoyich, ebin bi tuniito areddoon tuneyaanoon xumooniye.
28Are katemeexi asheenaꞌo haree maaddoona boonoshi tiyaahaa, Baꞌaaloochi deejjee gudo happeeton, bi gaꞌooch beeti Asheeri misilo kucheton, wotta arooch shuuneeti deejjee gudee toommoochoo guttinnee wuro deejjeeton daneheete. 29Boonoshiyoo “Ebi mooyon tuniito, konine?” iibee boonoshinaa boonoshina yibbaateheete. Mooyon manjii echeꞌi, ebin tuniito Yoꞌaashi bushoo Geediyooni tunoon ariiheete.
30Boonoshiyoo Yoꞌaashin “Ne bushoo Baꞌaaloochi deejjee gudoon happitone; bi gaꞌooch beeti Asheeri misiloon kuxxii bajjitone; ebich biin maach ne kichaa wuxibone” iyeete.
31Tunebaani Yoꞌaashi biinna tookkii hayeebeeti asheenaꞌoyich ishichiye: “Ittoshi Baꞌaaloyich taggeeniye ittoshi beeto? Biin wodiiya qiicceeniye ittoshi beeto? Biich taggeebeeto bi beegaata, yaachi maadda beddaahaa qitibe. Baꞌaalo iberoon nuggishoo bi gaata, ebi happeeto bi deejjee gudo bi tunetoyich, bi qellich bi taggebe” iye.
32Ebich aroobiyee tiijjiꞌi Geediyooni Yerubaꞌali getaa ceekkehe; ebiyoo Yoꞌaashi “Ebi happeeto bi deejjee gudo bi tunetoyich, Baꞌaalo biinna taggebe” bi itoyichiye.
33Aroochee Miidiyameenaꞌo bulli, Amaleeqeenaꞌonaa aabi-keyo waani asheenaꞌona bulloshi ikkottee Yoordaanoosin kimmii waaꞌi, Yezireeli bambooch kaamboon geddii koteheete. 34Areegaata, Doono Yeerichi Ayaano Geediyooni toommooch kindiye. Biyoo tiroon huggiꞌi Abezeeri yaree asheenaꞌo biin dabbemmoyich ceeggiye. 35Wotta Minaasi yoodo bulli beetooch wochoon daachiiꞌi, biin boonoshi dabbemmoyich gettiye. Ebiyoommon wotta Aseeri yoodoyich, Zebulooni yoodoonaa Nifitaali yoodoona waan wochoon daachiihe; boonoshiyoo bi waan waaheete.
36Aroochee Geediyooni Yeerich ishichiye: “Israꞌeeleenaꞌon ta kishoona wodiyemmo ne tunoon getteto neene. 37Illa tawoo haatteeti bagee eexon maayo bucheebeeti xaaꞌooch geddemmo taane. Ebi bagee eexooch baach doshoo (caagibano) kindiichaa showoo bulli shuuꞌo bi tunegaata, taach ne gettetoommon, Israꞌeeleenaꞌon ta kishoona wodiyemmo ne tunoon ariyemmo taane” iye. 38Ebi bi gettitoommonoo tunehe. Geediyooni bi dechara maaddoona tiyiꞌi bagee eexooch beeti doshoon bi hiicaa kechiti aaco gafetooch ceenniye.
39Aroochee Geediyooni Yeerich ishichiye: “Taan kaareyaahine; eke ikke kaalleen baach neen echebona. Ebi haatteeti bagee eexona eke ikke mooyon tuniiree ta xiishemmoyich taach daaggibe; and illa showoo bulliich doshoo kindimmona, ebi bagee eexo baach shuuꞌon tunebe” iye. 40Ebina Yeeri aroobee xum ebiyoommon tuniihe; showoo bulliich doshoo kindiichaa, ebi bagee eexo baach shuuꞌon tunehe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.