Woraaferasheenaꞌo 21
21
Echeti Biiniyaameenaꞌoyich Mechee Dano
1Ebiyee aaf Israꞌeeleenaꞌo Mitsipha boonoshi kiceehooba, “Koniyoona bi busheen Biiniyaami yoodee asheenaꞌoyich shaakkiyaaye” iꞌi wogoon giyitinaꞌone. 2Boonoshiyoo Beeteel hammii Yeeri aafooch xumemmi wottoon koteheete. Boonoshi qaaroon oogichii caammeꞌi eeppiyeete. 3Ishichiinoo iyeete: “Israꞌeelee Nuggishoo Doono Yeero, hanaach Israꞌeeleenaꞌo daggoochee ikke yoodo aalloona, ebi mooyo amoyich Israꞌeeleenaꞌo toommooch tunehe?” iyeete.
4Bi dechara maaddoona asheenaꞌo tiyii deejjee gudoon shuuneꞌi, micciibeeti deejjoonaa ikkittinee deejjoonon giddiiheete.
5Aroochee “Israꞌeelee yoodeenaꞌo daggoochee hini iitooch, Doono Yeeri aafooch waataano, konine?” iyeete. Ebiyoo “Mitsiphaa Doono Yeeri aafooch giddeyaano bulli qitibe” iꞌi kupphii boonoshi wogetoyichiye. 6Israꞌeeleenaꞌoo boonoshi maneenaꞌo tuneti Biiniyaameenaꞌoyich ayiniꞌi ishichiyeete: “Hanaach Israꞌeelee yoodeenaꞌo daggoochee ikkoo aalletone. 7No maache bushiishoon boonoshich no shaakkiyaachemmoyich, Doono Yeerichi shigoona no wogetoyich, illa and ebi echeti Biiniyaameenaꞌoyich mecheen danoyich, amooniye no tuniyemmo?” iyeete.
8Boonoshiyoo “Israꞌeelee yoodeenaꞌo daggoochee Doono Yeeri aafooch, Mitsipha waataanoon echeto, konine?” iꞌi echeheete. Arooba Gilaadee showooch beeti Yabeeshi katemoochee ikke asholla arooch waataanoone. 9Asheenaꞌon boonoshi haddaa, Yabeeshi katemoochee arooch daneti ikkolla aallehe. 10Ebich arooch kiceeti iitoo aaraa gutte hume aricheti ginee naayinaꞌoyich ishichiyeete: “Hamiree Gilaadee showooch beeti Yabeeshi asheenaꞌon, maacheenaa bushiishoona tookkiree goraadoona qecce wuxibote. 11Ittoshi tuniyemmo ebiniye: Anaamo bullin, wotta anaamona tookkii daneti maachee bullin wuxi ciroona aalliibote” iyeete. 12Boonoshiyoo Gilaadee showeexi Yabeeshee anaamona tookkii daneyaani awudde balle gidiide bushiisheenaꞌon daneheete. Boonoshinoo kaambo beeti, Kanaanee showooch beeti Shilooha deebiyeete.
13Aroochee kiceeti iitoo bulli Rimooni ooge xaqqooch beeti Biiniyaameenaꞌoyich wochoon daachiiꞌi, ginee koyo ciiroon arichiiheete. 14Ebich Biiniyaameenaꞌo wotteꞌi waaheete; Israꞌeeleenaꞌoo Yabeeshee wuxaanoon boonoshi echiiti maacheenaꞌon boonoshich immiyeete. Tunebaani ebi maacheenaꞌo boonoshich bedaaneenaꞌone. 15Asheenaꞌo Biiniyaameenaꞌoyich oogichii ayinitinaꞌone; ebiyoo Doono Yeeri Israꞌeelee yoodeenaꞌo daggooch beeti ikkittinoon bi kuxxitoyichiye.
16Aroochee iitee ukkireenaꞌo ishichiyeete: “Biiniyaamee showoochee maacheenaꞌo hidaa aalletoyich, illa ebi echeti asheenaꞌoyich mecheen danoyich, amooniye no tuniyemmo?” iyeete. 17Wotta daakkiꞌi, “Israꞌeeleenaꞌo daggoochee ikke yoodo kuxeyaachemmoyich, and wodii echeti Biiniyaameenaꞌoyich woraasho tunemmi yaroo beemo qaawiihe. 18Tunebaani ‘Bi busheen Biiniyaameenaꞌoyich shaakkiimmo uppeton tunebe’ iyaꞌa no wogetoyich, no busheen boonoshich shaakkiyoon hakkaachone” iyeete.
19Aroochee “Nati natona Shiloohaa Doono Yeerich baareebeeti baaroo katinnitone” iꞌi gabiyeete. Shiloohi katemoo beeto, Beeteelaa dambi-waan, Beeteelee Shekeem daammiibeeti gommoochaa aabi-keyo waan, wotta Lebooni katemoochaa deshi-waaniye. 20Ebich Biiniyaameenaꞌoyich ishichiyeete: “Hamiree woyinee goyo beeti xaaꞌooch aashebote; 21arooch aasheechi quyebote. Shiloohee maache bushiisheenaꞌo duubon duubba arooch boonoshi waammona, woyinee goyee daggoochee keyote; ittoshi ikkikkoyich mecheen are maache bushiisheenaꞌo daggoochee shochiree, Biiniyaamee showooch yeshi hambote. 22Boonoshi niheenaꞌo woyee maneenaꞌo kaareꞌi no waan boonoshi waagaata, ‘Noocha getiree boonoshin maaribote; no, boonoshich mecheen koyaꞌa deebaano noone; wotta ittoshiyoo boonoshich shaakkiyaano ittoshi tunetoyich, xuꞌecho tuneyaachemmo ittoshine’ gettemmo noone” iyeete.
23Biiniyaameenaꞌoo boonoshich getteetoommon tuniiheete. Duubon duubbiibeeti maache bushiisheenaꞌo daggoochee boonoshi ikkikkoona boonoshich mecheen tunemmin shochiꞌi daammiyeete. Boonoshi showooch daammii, boonoshi katemi katemoon wochinnoon shuuneꞌi arooch koteheete. 24Arooba Israꞌeeleenaꞌo tiyii boonoshi yoodo waan, boonoshi yaroo waan, boonoshi showooch wotteheete.
25Ebi yemeenooba Israꞌeeleenaꞌoyich taatoo aalloone. Asho bi ikkikkoona gaaweto tuneꞌi biich bekketon tunii beehe.#Wora. 17:6
Currently Selected:
Woraaferasheenaꞌo 21: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Woraaferasheenaꞌo 21
21
Echeti Biiniyaameenaꞌoyich Mechee Dano
1Ebiyee aaf Israꞌeeleenaꞌo Mitsipha boonoshi kiceehooba, “Koniyoona bi busheen Biiniyaami yoodee asheenaꞌoyich shaakkiyaaye” iꞌi wogoon giyitinaꞌone. 2Boonoshiyoo Beeteel hammii Yeeri aafooch xumemmi wottoon koteheete. Boonoshi qaaroon oogichii caammeꞌi eeppiyeete. 3Ishichiinoo iyeete: “Israꞌeelee Nuggishoo Doono Yeero, hanaach Israꞌeeleenaꞌo daggoochee ikke yoodo aalloona, ebi mooyo amoyich Israꞌeeleenaꞌo toommooch tunehe?” iyeete.
4Bi dechara maaddoona asheenaꞌo tiyii deejjee gudoon shuuneꞌi, micciibeeti deejjoonaa ikkittinee deejjoonon giddiiheete.
5Aroochee “Israꞌeelee yoodeenaꞌo daggoochee hini iitooch, Doono Yeeri aafooch waataano, konine?” iyeete. Ebiyoo “Mitsiphaa Doono Yeeri aafooch giddeyaano bulli qitibe” iꞌi kupphii boonoshi wogetoyichiye. 6Israꞌeeleenaꞌoo boonoshi maneenaꞌo tuneti Biiniyaameenaꞌoyich ayiniꞌi ishichiyeete: “Hanaach Israꞌeelee yoodeenaꞌo daggoochee ikkoo aalletone. 7No maache bushiishoon boonoshich no shaakkiyaachemmoyich, Doono Yeerichi shigoona no wogetoyich, illa and ebi echeti Biiniyaameenaꞌoyich mecheen danoyich, amooniye no tuniyemmo?” iyeete.
8Boonoshiyoo “Israꞌeelee yoodeenaꞌo daggoochee Doono Yeeri aafooch, Mitsipha waataanoon echeto, konine?” iꞌi echeheete. Arooba Gilaadee showooch beeti Yabeeshi katemoochee ikke asholla arooch waataanoone. 9Asheenaꞌon boonoshi haddaa, Yabeeshi katemoochee arooch daneti ikkolla aallehe. 10Ebich arooch kiceeti iitoo aaraa gutte hume aricheti ginee naayinaꞌoyich ishichiyeete: “Hamiree Gilaadee showooch beeti Yabeeshi asheenaꞌon, maacheenaa bushiishoona tookkiree goraadoona qecce wuxibote. 11Ittoshi tuniyemmo ebiniye: Anaamo bullin, wotta anaamona tookkii daneti maachee bullin wuxi ciroona aalliibote” iyeete. 12Boonoshiyoo Gilaadee showeexi Yabeeshee anaamona tookkii daneyaani awudde balle gidiide bushiisheenaꞌon daneheete. Boonoshinoo kaambo beeti, Kanaanee showooch beeti Shilooha deebiyeete.
13Aroochee kiceeti iitoo bulli Rimooni ooge xaqqooch beeti Biiniyaameenaꞌoyich wochoon daachiiꞌi, ginee koyo ciiroon arichiiheete. 14Ebich Biiniyaameenaꞌo wotteꞌi waaheete; Israꞌeeleenaꞌoo Yabeeshee wuxaanoon boonoshi echiiti maacheenaꞌon boonoshich immiyeete. Tunebaani ebi maacheenaꞌo boonoshich bedaaneenaꞌone. 15Asheenaꞌo Biiniyaameenaꞌoyich oogichii ayinitinaꞌone; ebiyoo Doono Yeeri Israꞌeelee yoodeenaꞌo daggooch beeti ikkittinoon bi kuxxitoyichiye.
16Aroochee iitee ukkireenaꞌo ishichiyeete: “Biiniyaamee showoochee maacheenaꞌo hidaa aalletoyich, illa ebi echeti asheenaꞌoyich mecheen danoyich, amooniye no tuniyemmo?” iyeete. 17Wotta daakkiꞌi, “Israꞌeeleenaꞌo daggoochee ikke yoodo kuxeyaachemmoyich, and wodii echeti Biiniyaameenaꞌoyich woraasho tunemmi yaroo beemo qaawiihe. 18Tunebaani ‘Bi busheen Biiniyaameenaꞌoyich shaakkiimmo uppeton tunebe’ iyaꞌa no wogetoyich, no busheen boonoshich shaakkiyoon hakkaachone” iyeete.
19Aroochee “Nati natona Shiloohaa Doono Yeerich baareebeeti baaroo katinnitone” iꞌi gabiyeete. Shiloohi katemoo beeto, Beeteelaa dambi-waan, Beeteelee Shekeem daammiibeeti gommoochaa aabi-keyo waan, wotta Lebooni katemoochaa deshi-waaniye. 20Ebich Biiniyaameenaꞌoyich ishichiyeete: “Hamiree woyinee goyo beeti xaaꞌooch aashebote; 21arooch aasheechi quyebote. Shiloohee maache bushiisheenaꞌo duubon duubba arooch boonoshi waammona, woyinee goyee daggoochee keyote; ittoshi ikkikkoyich mecheen are maache bushiisheenaꞌo daggoochee shochiree, Biiniyaamee showooch yeshi hambote. 22Boonoshi niheenaꞌo woyee maneenaꞌo kaareꞌi no waan boonoshi waagaata, ‘Noocha getiree boonoshin maaribote; no, boonoshich mecheen koyaꞌa deebaano noone; wotta ittoshiyoo boonoshich shaakkiyaano ittoshi tunetoyich, xuꞌecho tuneyaachemmo ittoshine’ gettemmo noone” iyeete.
23Biiniyaameenaꞌoo boonoshich getteetoommon tuniiheete. Duubon duubbiibeeti maache bushiisheenaꞌo daggoochee boonoshi ikkikkoona boonoshich mecheen tunemmin shochiꞌi daammiyeete. Boonoshi showooch daammii, boonoshi katemi katemoon wochinnoon shuuneꞌi arooch koteheete. 24Arooba Israꞌeeleenaꞌo tiyii boonoshi yoodo waan, boonoshi yaroo waan, boonoshi showooch wotteheete.
25Ebi yemeenooba Israꞌeeleenaꞌoyich taatoo aalloone. Asho bi ikkikkoona gaaweto tuneꞌi biich bekketon tunii beehe.#Wora. 17:6
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.