Woraaferasheenaꞌo 16
16
Samsooni Gaaza Hamo
1Ikke areddoon Samsooni Gaaza hammiye. Aroochaa ikke yahechi ureen beeggiꞌi bi waan qeya giyiye. 2Gaazi asheenaꞌo Samsooni katemooch gimon waayeheete. Ebina are xaaꞌoon giichiꞌi xumoon are katemee uxeree kellooch quyee qeyiyeete. Boonoshiyoo “Showoo harimmi wottoon hiniich quye qeyiree, biin wuxemmo noone” iꞌi ottii quyeheete.
3Tunebaani Samsooni arooch bi qeyito, xumi gutte qellimee wottoon baachiye. Biyoo xumi gutte qellimooch tiyii, katemee uxeree kellee shaaqqoon, bi qoomoonaa tuggoonon, eboshi bullin waaxxii bi gogooch shaaggiꞌi, Kebirooni ciinooch beeti geppee toommooch beddaahaa daammiye.
Samsooninaa Daliilinochi Mooyo
4Giisheche aaboyee gubb, Samsooni Sooreeqi bambooch beeti Daliili getteyaabeeti ikke ureen shunniye. 5Filsixeemee taateenaꞌo ure waan hammiꞌi, “Ebi shaahoon giidecho bi tuneto amoona gaata, nowoo biin giishiyoyich, cuyiree aabichi no kishooch biin no dichemmo gaata, biin dachoona eche waayebe. Ebin ne tuniigaata, no ikkikkoona humaa ikke balle sheqeelee birewoon neech immemmo noone” iyeete.
6Ebina Daliili Samsoonin “Ebi shaahoon giidecho ne tuneto amoona gaata, neen giishiyoyich aabichaa ne cucheyemmo gaata, taach gete” iyaꞌa qollahan.
7Biyoo “Shuuꞌaani, shabaatte gaare maqqoona taan boonoshi cuyigaata, giidoon qacheree bare ashoommon tunemmo taane” iye.
8Ebich Filsixeemee taateenaꞌo shuuꞌaani, gaare shabaatte maqqoon deebii biich immiyeete. Biyoo Samsoonin cuchahan. 9Areegaata asheenaꞌo ureechi gatooch aasheꞌi beetinaꞌone. Ureyoo “Samsoono, Filsixeemeenaꞌo shaggitinaꞌone” iyan. Biyoo qaaqqooch giyiti yokkoon kuxoommon are maqqoon kuxxii duppiye. Ebich giidecho bi tuneto amoona gaata aricheyaanoone.
10Daliiliyoo Samsoonich “Taan dawushito neene; koottaanoo ito neene. Aabichaa ne cucheyemmo gaata taach gete” iyaꞌa qollahan.
11Samsooniyoo “Ebiyee aaf shuunee toommooch heeyaani andire woderoona taan boonoshi cuyigaata, giidoon qacheree bare ashoommon tunemmo taane” iye.
12Ebina Daliili andire woderoon deebaꞌa aroona biin cuchahan. Asheenaꞌo waaꞌi bi gatooch aashetinaꞌone. Daliiliyoo “Samsoono, Filsixeemeenaꞌo shaggitinaꞌone” iyan. Tunebaani yokkoon kuxoommon bi mochoo cucheti woderoon muucmuucayii kuxxiye.
13Daliiliyoo Samsoonich “Andoo taan dawushaaniye ne beeto; kootooniye taach ne getteto. Aabichaa ne cucheyemmo gaata taach gete” iyan.
Biyoo “Shabaatte beera qoodeeti ta qelloon daabbuxxoona shippaa, mahenoona tiphaꞌa ne manjiigaata, giidoon qacheree bare ashoommon tunemmo taane” iye.
14Samsooni tokketemmona, shabaatte beera qoodeeti bi qelloon daabbuxxoona shippaꞌa mahenoona tiphaa manjiihan. Aroochee “Samsoono, Filsixeemeenaꞌo shaggitinaꞌone” iyaꞌa cookiyan. Biyoo tokketoochee tiyiye; mahenoon, daabbuxxoonaa bi qello shippeti diroonon geechii waaxxiye.
15Aroochee ure biich “Ne mullo taanna tookkii tuneyaanoon, taan ne shunon ne gettaabeeto, aabichaaniye? Keejje wottoon taan dawushito neene. Aabichaꞌa giidecho ne tuneto gaata andoo taach getaano neene” iyan. 16Qemi qemona ishichaa biin echaabee xuuxiihan; biyoo bi kashoon caammeehe. 17Ebich bi mullooch beeti mooyo bullin gaxxiꞌi biich gettiye; ishichiinoo iye: “Ta shiijjoochee tiijjaꞌa Doono Yeerich icheti Naaziroo ta tunetoyich, appoo (arifoo) ciroona ta qellooch shagaanoone. Ta qello cakkegaata, ta giidoo taan qayi hammemmone; tawoo giidoon qacheree bare ashoommon tunemmo taane” iye.
18Daliiliyoo bi mullooch beeti mooyo bullin gaxxiꞌi biich bi geton beeggaꞌa, Filsixeemee taateenaꞌo waan wochoon daachiihan. Biyoo “Eke wotta ikke wottoon wobote; bi mullooch beeti mooyo bullin taach gaxxii gettitone” iyan. Filsixeemee taateenaꞌo gijjoon yechiꞌi bi waan waaheete. 19Daliili Samsoonin bi doshooch qeejjaꞌa tokketoo biin daammemmoyich tuniihan; aroochee ikke uroon ceeggaꞌa shabaatte beera qoodeeti bi qelloon bi caggemmoyich tuniihan. Ureyoo biin giishiihan; bi giidoo biin qajjii hammiye.
20Ureyoo “Samsoono, Filsixeemeenaꞌo shaggitinaꞌone” iyan.
Samsooniyoo tokketoochee tiyiꞌi, “Ebiyee aaf ta tuniitoommon, muriciree hammemmo taane” iꞌi gabiye. Tunebaani Doono Yeeri biin qayon ariyaanoone.
21Aroochee Filsixeemeenaꞌo biin yechiyeete; bi aafoon qoqenee kichiꞌi, Gaaza daammiyeete; aroochaa gooshoochee shuuneeti qoqqaannoona cucheꞌi, cuyee kexoochaa maayoon yiikkee beehe. 22Tunebaani cakketi bi qello wochinnoon diccii beehe.
Samsooni Qitoo
23Ikke areddoon Filsixeemee taateenaꞌo “No nuggishoo no etto Samsoonin no kishooch beshiiꞌi immite” iibee boonoshi nuggishoo Daagoonich oogeti deejjoon deejjiya, emiree baaroonoo baariya kiceeheete. 24Asheenaꞌo biin beeggiꞌi, “No showoon duꞌiiti, meeti no asheenaꞌonoo wuxiti no ettoon, no nuggishoo no kishooch beshiiꞌi immite” iibee boonoshi nuggishoon galleteheete.
25Oogichii boonoshi emiriti saatooch “Eke Samsoonin hami ittoshi deebaa, no aafooch kaaye” iyeete. Samsoonin cuyee kexoochee bi woyemmoyich tuniiheete; boonoshi aafoochoo kaachiye.
Biinoo kechi wogaagireenaꞌochi gutte daggooch neechiyeete. 26Samsooniyoo bi kishoona yechiꞌi biin yaabiibeeti bushoon “Kexon tuuggii yechiibeeti wogaagireenaꞌon taach ne yechiitaa, arooch teeqqebona” iye. 27Areegaata, are kechi daggooch anaaminaꞌonaa maacheenaꞌona ceennitinaꞌone. Filsixeemee taateenaꞌo bulliyoo arooch beetinaꞌone. Samsooni kaayaa ciinniibeeti, keejje hum bede anaaminaꞌonaa maacheenaꞌona kechi toommooch beetinaꞌone.
28Aroochee Samsooni Doono Yeer waan ishichiꞌi corootiye: “Nuggishoo Doono Yeero, taan shalligibe! Yeero, ikke wottoon baach ta giidoon ne wochaa, ta gutte aafoon boonoshi kichitoyich, Filsixeemeenaꞌo toommooch nichoon ta gaaccemmoyich neen qollehoye” iye. 29Aroochee Samsooni kexon tuuggii yechiibeeti daggi, gutte wogaagireenaꞌon, ikkoon qanne kishoona wotta ikkoon yooche kishoona manjii yechiye. 30Biyoo “Filsixeemeenaꞌona tookki qitibone” iꞌi wogaagireenaꞌon biich beeti giidoo bullina aaf bi xuqqimmona are kexo taateenaꞌo toommooch, wotta bi daggooch beeti asheenaꞌo bulli toommooch dihiye. Ebina Samsooni kashoona beechii bi wuxitinaꞌoyee beshe asheenaꞌon bi qitoona wuxiye.
31Ebiyee gubb, bi maneenaꞌonaa bi nihoochi kechi asheenaꞌo bullina bi dubenoon daamma arooch dugilla kindiyeete. Aroochee daammiꞌi, Tsoriꞌinaa Eshitaꞌoolinochi gutte daggooch beeti bi nihoo Manuuhichi maashooch duukkiyeete. Biyoo Israꞌeeleenaꞌon hiye naton qeejjitone.
Currently Selected:
Woraaferasheenaꞌo 16: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Woraaferasheenaꞌo 16
16
Samsooni Gaaza Hamo
1Ikke areddoon Samsooni Gaaza hammiye. Aroochaa ikke yahechi ureen beeggiꞌi bi waan qeya giyiye. 2Gaazi asheenaꞌo Samsooni katemooch gimon waayeheete. Ebina are xaaꞌoon giichiꞌi xumoon are katemee uxeree kellooch quyee qeyiyeete. Boonoshiyoo “Showoo harimmi wottoon hiniich quye qeyiree, biin wuxemmo noone” iꞌi ottii quyeheete.
3Tunebaani Samsooni arooch bi qeyito, xumi gutte qellimee wottoon baachiye. Biyoo xumi gutte qellimooch tiyii, katemee uxeree kellee shaaqqoon, bi qoomoonaa tuggoonon, eboshi bullin waaxxii bi gogooch shaaggiꞌi, Kebirooni ciinooch beeti geppee toommooch beddaahaa daammiye.
Samsooninaa Daliilinochi Mooyo
4Giisheche aaboyee gubb, Samsooni Sooreeqi bambooch beeti Daliili getteyaabeeti ikke ureen shunniye. 5Filsixeemee taateenaꞌo ure waan hammiꞌi, “Ebi shaahoon giidecho bi tuneto amoona gaata, nowoo biin giishiyoyich, cuyiree aabichi no kishooch biin no dichemmo gaata, biin dachoona eche waayebe. Ebin ne tuniigaata, no ikkikkoona humaa ikke balle sheqeelee birewoon neech immemmo noone” iyeete.
6Ebina Daliili Samsoonin “Ebi shaahoon giidecho ne tuneto amoona gaata, neen giishiyoyich aabichaa ne cucheyemmo gaata, taach gete” iyaꞌa qollahan.
7Biyoo “Shuuꞌaani, shabaatte gaare maqqoona taan boonoshi cuyigaata, giidoon qacheree bare ashoommon tunemmo taane” iye.
8Ebich Filsixeemee taateenaꞌo shuuꞌaani, gaare shabaatte maqqoon deebii biich immiyeete. Biyoo Samsoonin cuchahan. 9Areegaata asheenaꞌo ureechi gatooch aasheꞌi beetinaꞌone. Ureyoo “Samsoono, Filsixeemeenaꞌo shaggitinaꞌone” iyan. Biyoo qaaqqooch giyiti yokkoon kuxoommon are maqqoon kuxxii duppiye. Ebich giidecho bi tuneto amoona gaata aricheyaanoone.
10Daliiliyoo Samsoonich “Taan dawushito neene; koottaanoo ito neene. Aabichaa ne cucheyemmo gaata taach gete” iyaꞌa qollahan.
11Samsooniyoo “Ebiyee aaf shuunee toommooch heeyaani andire woderoona taan boonoshi cuyigaata, giidoon qacheree bare ashoommon tunemmo taane” iye.
12Ebina Daliili andire woderoon deebaꞌa aroona biin cuchahan. Asheenaꞌo waaꞌi bi gatooch aashetinaꞌone. Daliiliyoo “Samsoono, Filsixeemeenaꞌo shaggitinaꞌone” iyan. Tunebaani yokkoon kuxoommon bi mochoo cucheti woderoon muucmuucayii kuxxiye.
13Daliiliyoo Samsoonich “Andoo taan dawushaaniye ne beeto; kootooniye taach ne getteto. Aabichaa ne cucheyemmo gaata taach gete” iyan.
Biyoo “Shabaatte beera qoodeeti ta qelloon daabbuxxoona shippaa, mahenoona tiphaꞌa ne manjiigaata, giidoon qacheree bare ashoommon tunemmo taane” iye.
14Samsooni tokketemmona, shabaatte beera qoodeeti bi qelloon daabbuxxoona shippaꞌa mahenoona tiphaa manjiihan. Aroochee “Samsoono, Filsixeemeenaꞌo shaggitinaꞌone” iyaꞌa cookiyan. Biyoo tokketoochee tiyiye; mahenoon, daabbuxxoonaa bi qello shippeti diroonon geechii waaxxiye.
15Aroochee ure biich “Ne mullo taanna tookkii tuneyaanoon, taan ne shunon ne gettaabeeto, aabichaaniye? Keejje wottoon taan dawushito neene. Aabichaꞌa giidecho ne tuneto gaata andoo taach getaano neene” iyan. 16Qemi qemona ishichaa biin echaabee xuuxiihan; biyoo bi kashoon caammeehe. 17Ebich bi mullooch beeti mooyo bullin gaxxiꞌi biich gettiye; ishichiinoo iye: “Ta shiijjoochee tiijjaꞌa Doono Yeerich icheti Naaziroo ta tunetoyich, appoo (arifoo) ciroona ta qellooch shagaanoone. Ta qello cakkegaata, ta giidoo taan qayi hammemmone; tawoo giidoon qacheree bare ashoommon tunemmo taane” iye.
18Daliiliyoo bi mullooch beeti mooyo bullin gaxxiꞌi biich bi geton beeggaꞌa, Filsixeemee taateenaꞌo waan wochoon daachiihan. Biyoo “Eke wotta ikke wottoon wobote; bi mullooch beeti mooyo bullin taach gaxxii gettitone” iyan. Filsixeemee taateenaꞌo gijjoon yechiꞌi bi waan waaheete. 19Daliili Samsoonin bi doshooch qeejjaꞌa tokketoo biin daammemmoyich tuniihan; aroochee ikke uroon ceeggaꞌa shabaatte beera qoodeeti bi qelloon bi caggemmoyich tuniihan. Ureyoo biin giishiihan; bi giidoo biin qajjii hammiye.
20Ureyoo “Samsoono, Filsixeemeenaꞌo shaggitinaꞌone” iyan.
Samsooniyoo tokketoochee tiyiꞌi, “Ebiyee aaf ta tuniitoommon, muriciree hammemmo taane” iꞌi gabiye. Tunebaani Doono Yeeri biin qayon ariyaanoone.
21Aroochee Filsixeemeenaꞌo biin yechiyeete; bi aafoon qoqenee kichiꞌi, Gaaza daammiyeete; aroochaa gooshoochee shuuneeti qoqqaannoona cucheꞌi, cuyee kexoochaa maayoon yiikkee beehe. 22Tunebaani cakketi bi qello wochinnoon diccii beehe.
Samsooni Qitoo
23Ikke areddoon Filsixeemee taateenaꞌo “No nuggishoo no etto Samsoonin no kishooch beshiiꞌi immite” iibee boonoshi nuggishoo Daagoonich oogeti deejjoon deejjiya, emiree baaroonoo baariya kiceeheete. 24Asheenaꞌo biin beeggiꞌi, “No showoon duꞌiiti, meeti no asheenaꞌonoo wuxiti no ettoon, no nuggishoo no kishooch beshiiꞌi immite” iibee boonoshi nuggishoon galleteheete.
25Oogichii boonoshi emiriti saatooch “Eke Samsoonin hami ittoshi deebaa, no aafooch kaaye” iyeete. Samsoonin cuyee kexoochee bi woyemmoyich tuniiheete; boonoshi aafoochoo kaachiye.
Biinoo kechi wogaagireenaꞌochi gutte daggooch neechiyeete. 26Samsooniyoo bi kishoona yechiꞌi biin yaabiibeeti bushoon “Kexon tuuggii yechiibeeti wogaagireenaꞌon taach ne yechiitaa, arooch teeqqebona” iye. 27Areegaata, are kechi daggooch anaaminaꞌonaa maacheenaꞌona ceennitinaꞌone. Filsixeemee taateenaꞌo bulliyoo arooch beetinaꞌone. Samsooni kaayaa ciinniibeeti, keejje hum bede anaaminaꞌonaa maacheenaꞌona kechi toommooch beetinaꞌone.
28Aroochee Samsooni Doono Yeer waan ishichiꞌi corootiye: “Nuggishoo Doono Yeero, taan shalligibe! Yeero, ikke wottoon baach ta giidoon ne wochaa, ta gutte aafoon boonoshi kichitoyich, Filsixeemeenaꞌo toommooch nichoon ta gaaccemmoyich neen qollehoye” iye. 29Aroochee Samsooni kexon tuuggii yechiibeeti daggi, gutte wogaagireenaꞌon, ikkoon qanne kishoona wotta ikkoon yooche kishoona manjii yechiye. 30Biyoo “Filsixeemeenaꞌona tookki qitibone” iꞌi wogaagireenaꞌon biich beeti giidoo bullina aaf bi xuqqimmona are kexo taateenaꞌo toommooch, wotta bi daggooch beeti asheenaꞌo bulli toommooch dihiye. Ebina Samsooni kashoona beechii bi wuxitinaꞌoyee beshe asheenaꞌon bi qitoona wuxiye.
31Ebiyee gubb, bi maneenaꞌonaa bi nihoochi kechi asheenaꞌo bullina bi dubenoon daamma arooch dugilla kindiyeete. Aroochee daammiꞌi, Tsoriꞌinaa Eshitaꞌoolinochi gutte daggooch beeti bi nihoo Manuuhichi maashooch duukkiyeete. Biyoo Israꞌeeleenaꞌon hiye naton qeejjitone.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.