Woraaferasheenaꞌo 13
13
Samsoonichi Shiijjo
1Israꞌeeleenaꞌo wochinnoon Doono Yeeri aafooch axaaxoon shuuneheete. Doono Yeeriyoo boonoshin aabbe nati wottoon Filsixeemeenaꞌo kishooch beshiiꞌi immiye.
2Daani yoodoochee tuneti, Manuuhi getteebeeti Tsoriꞌi katemee asho beehe. Bi mechee xaafee bi tunetoyich bushoon shiyaaneene. 3Doono Yeerichi maraakoo ureena daneꞌi biich ishichiye: “Xaafee ne tunetoyich bushoon shiyaane neene. Tunebaani xiferee anaami bushoon shiyemmi neene. 4Ebich ne qelloon ariibe; woyinee uyoon woyee mashiibeeti uyoon uchaahine; eeꞌe maayoonoo maayaahine. 5Ebiyoo xiferee anaami bushoon shiyemmi ne tunetoyichiye. Bushoo bi shiijjoochee tiijjiree Doono Yeerich bariti Naaziroo tunemmo bi tunetoyich, bi qellooch appoon (arifoon) shakkiyaahine. Biyoo Israꞌeeleenaꞌon Filsixeemeenaꞌo kishoochee wodiyooch giyemmone” iye.#Had. 6:1-5
6Ureyoo bi keno waan hammaꞌa ishichiyan: “Ikke Yeer asho ta waan waahe. Biyoo Yeerichi maraakoochoommon oogichii keqqichitone. Tawoo amoochee bi waato gaata echeyaane taane; bi shigoonoo taach getaanoone. 7Tunebaani bi taach ‘Xiferee anaami bushoon shiyemmi neene. Bushoo bi shiijjoochee tiijjiree bi qitimmi wottoon, Doono Yeerich bariti Naaziroo tunemmone. Illa ebich woyinee uyoon woyee mashiibeeti uyoon uchaahine; eeꞌe maayoonoo maayaahine’ iye” iyan.
8Aroochee Manuuhi Doono Yeer waan corootiꞌi, “Ta Doonocho, shiijjemmi bushoyich no tuniyemmi mooyo amo gaata nooch bi gettemmoyich, are ne deejjiti Yeer asho wochinnoon no waan bi woyemmoyich neen qollehoye” iye.
9Doono Yeeriyoo Manuuhi qolleti qolloon waayehe; Yeerichi maraakoo ure goyee budooch kotaꞌa bi beetaa, biinna wochinnoon danehe. Areegaata, bi keno Manuuhi biinna tookkii arooch aalloone. 10Ureyoo bi keno waan wocona hammaꞌa, “Ikkooba taanna daneti uro wochinnoon and taach bekketone” iyan.
11Manuuhiyoo tiyii bi mecheen dabbiꞌi hammiye. Uro beetooch shaggiꞌi, “Hini ureena tookkaa yibbaateto neene?” iꞌi echehe.
Biyoo “Eeha, taane” iye.
12Manuuhiyoo wochiꞌi, “Ebi ne getteto ceeniyooba, bushoo beeyemmo am shaahe beemoniye? Wotta bi tuniyemmi mooyochi, amoone?” iye.
13Doono Yeerichi maraakoo Manuuhich ishichiye: “Ne mechee biich ta getteto bullin ceechibuye. 14Woyinee qomboochee daneebeeti amee mooyonona maayaayuye. Woyinee uyo amoonolla uchaayuye; mashiibeeti uyoonoo uchaayuye. Eeꞌe maayo amoonolla maayaayuye. Ebi biich ta getteti mooyo bullin quyebuye” iye.
15Manuuhiyoo Doono Yeerichi maraakoyich “Emmishee bushoon bashaa neech no qanniimmi wottoon hiniich ne beeyemmoyich neen qollehone” iye.
16Yeerichi maraakoo wochiꞌi, “Hiniich ta yagitaa ne maayoon maataache. Tunebaani micciibeeti deejjoon qanniyemmo ne tunegaata, aroon Doono Yeerich deejjibe” iye. Ebi aroo Doono Yeerichi maraakoo bi tunoon Manuuhi ariyaanoone.
17Manuuhiyoo Doono Yeerichi maraakoon “Ebi ne getteto ceeniyooba neen no oogiyemmoyich, ne shigoon nooch gete” iye.
18Maraakoo wochiꞌi, “Ta shigo worganikkito bi tunetoyich, amoyichiye ne echaabeeto?” iye.#Hal. 32:29
19Manuuhiyoo emmishee bushoon maayi buuroona tookkii daammii, xaqqee toommoochaa Doono Yeerich deejjiye. Manuuhinaa bi mecheena ciinnii beetaa, Doono Yeeri gaakkechi shuunoon shuunehe. 20Qaaqqee aaxxo deejjee gudoochee shimaayooch kechimmona, Doono Yeerichi maraakoo ebi qaaqqee aaxxoona kaama shimaajj kechiye. Manuuhinaa bi mecheena ebin ciinniꞌi baroona showooch guufeheete.
21Doono Yeerichi maraakoo Manuuhinaa bi mecheenoyich aroobiyee besh bekkeyaano bi tunetoyich, aroo Doono Yeerichi maraakoo bi tunoon Manuuhi ariihe. 22Manuuhiyoo bi mechech “Doono Yeerin no beeggetoyich, no qitoo xiisheeti mooyone” iye.
23Tunebaani bi mechee wochaꞌa, “Doono Yeeri noon wuxiya bi qaawito gaata, micciibeeti deejjoonaa maayi buuroonon no kishoochee deꞌaacheshone; wotta ebi mooyo bullin nooch bekkiyaacheshone; ebiyoommi mooyonoo and ebi goora nooch getaacheshone” iyan.
24Ureyoo bushoon shiyahan; bi shigoonoo Samsooni iyaꞌa shigiihan. Bushoo diccii oogehe; Doono Yeeriyoo ebi bushoon diiriye. 25Tsoriꞌi katemoonaa Eshitaꞌooli katemoonochi gutte daggooch beeti, Mahaneeh Daan bi beetaa, Doono Yeerichi Ayaano biin kupphii beehe.
Currently Selected:
Woraaferasheenaꞌo 13: KBRC
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.
Woraaferasheenaꞌo 13
13
Samsoonichi Shiijjo
1Israꞌeeleenaꞌo wochinnoon Doono Yeeri aafooch axaaxoon shuuneheete. Doono Yeeriyoo boonoshin aabbe nati wottoon Filsixeemeenaꞌo kishooch beshiiꞌi immiye.
2Daani yoodoochee tuneti, Manuuhi getteebeeti Tsoriꞌi katemee asho beehe. Bi mechee xaafee bi tunetoyich bushoon shiyaaneene. 3Doono Yeerichi maraakoo ureena daneꞌi biich ishichiye: “Xaafee ne tunetoyich bushoon shiyaane neene. Tunebaani xiferee anaami bushoon shiyemmi neene. 4Ebich ne qelloon ariibe; woyinee uyoon woyee mashiibeeti uyoon uchaahine; eeꞌe maayoonoo maayaahine. 5Ebiyoo xiferee anaami bushoon shiyemmi ne tunetoyichiye. Bushoo bi shiijjoochee tiijjiree Doono Yeerich bariti Naaziroo tunemmo bi tunetoyich, bi qellooch appoon (arifoon) shakkiyaahine. Biyoo Israꞌeeleenaꞌon Filsixeemeenaꞌo kishoochee wodiyooch giyemmone” iye.#Had. 6:1-5
6Ureyoo bi keno waan hammaꞌa ishichiyan: “Ikke Yeer asho ta waan waahe. Biyoo Yeerichi maraakoochoommon oogichii keqqichitone. Tawoo amoochee bi waato gaata echeyaane taane; bi shigoonoo taach getaanoone. 7Tunebaani bi taach ‘Xiferee anaami bushoon shiyemmi neene. Bushoo bi shiijjoochee tiijjiree bi qitimmi wottoon, Doono Yeerich bariti Naaziroo tunemmone. Illa ebich woyinee uyoon woyee mashiibeeti uyoon uchaahine; eeꞌe maayoonoo maayaahine’ iye” iyan.
8Aroochee Manuuhi Doono Yeer waan corootiꞌi, “Ta Doonocho, shiijjemmi bushoyich no tuniyemmi mooyo amo gaata nooch bi gettemmoyich, are ne deejjiti Yeer asho wochinnoon no waan bi woyemmoyich neen qollehoye” iye.
9Doono Yeeriyoo Manuuhi qolleti qolloon waayehe; Yeerichi maraakoo ure goyee budooch kotaꞌa bi beetaa, biinna wochinnoon danehe. Areegaata, bi keno Manuuhi biinna tookkii arooch aalloone. 10Ureyoo bi keno waan wocona hammaꞌa, “Ikkooba taanna daneti uro wochinnoon and taach bekketone” iyan.
11Manuuhiyoo tiyii bi mecheen dabbiꞌi hammiye. Uro beetooch shaggiꞌi, “Hini ureena tookkaa yibbaateto neene?” iꞌi echehe.
Biyoo “Eeha, taane” iye.
12Manuuhiyoo wochiꞌi, “Ebi ne getteto ceeniyooba, bushoo beeyemmo am shaahe beemoniye? Wotta bi tuniyemmi mooyochi, amoone?” iye.
13Doono Yeerichi maraakoo Manuuhich ishichiye: “Ne mechee biich ta getteto bullin ceechibuye. 14Woyinee qomboochee daneebeeti amee mooyonona maayaayuye. Woyinee uyo amoonolla uchaayuye; mashiibeeti uyoonoo uchaayuye. Eeꞌe maayo amoonolla maayaayuye. Ebi biich ta getteti mooyo bullin quyebuye” iye.
15Manuuhiyoo Doono Yeerichi maraakoyich “Emmishee bushoon bashaa neech no qanniimmi wottoon hiniich ne beeyemmoyich neen qollehone” iye.
16Yeerichi maraakoo wochiꞌi, “Hiniich ta yagitaa ne maayoon maataache. Tunebaani micciibeeti deejjoon qanniyemmo ne tunegaata, aroon Doono Yeerich deejjibe” iye. Ebi aroo Doono Yeerichi maraakoo bi tunoon Manuuhi ariyaanoone.
17Manuuhiyoo Doono Yeerichi maraakoon “Ebi ne getteto ceeniyooba neen no oogiyemmoyich, ne shigoon nooch gete” iye.
18Maraakoo wochiꞌi, “Ta shigo worganikkito bi tunetoyich, amoyichiye ne echaabeeto?” iye.#Hal. 32:29
19Manuuhiyoo emmishee bushoon maayi buuroona tookkii daammii, xaqqee toommoochaa Doono Yeerich deejjiye. Manuuhinaa bi mecheena ciinnii beetaa, Doono Yeeri gaakkechi shuunoon shuunehe. 20Qaaqqee aaxxo deejjee gudoochee shimaayooch kechimmona, Doono Yeerichi maraakoo ebi qaaqqee aaxxoona kaama shimaajj kechiye. Manuuhinaa bi mecheena ebin ciinniꞌi baroona showooch guufeheete.
21Doono Yeerichi maraakoo Manuuhinaa bi mecheenoyich aroobiyee besh bekkeyaano bi tunetoyich, aroo Doono Yeerichi maraakoo bi tunoon Manuuhi ariihe. 22Manuuhiyoo bi mechech “Doono Yeerin no beeggetoyich, no qitoo xiisheeti mooyone” iye.
23Tunebaani bi mechee wochaꞌa, “Doono Yeeri noon wuxiya bi qaawito gaata, micciibeeti deejjoonaa maayi buuroonon no kishoochee deꞌaacheshone; wotta ebi mooyo bullin nooch bekkiyaacheshone; ebiyoommi mooyonoo and ebi goora nooch getaacheshone” iyan.
24Ureyoo bushoon shiyahan; bi shigoonoo Samsooni iyaꞌa shigiihan. Bushoo diccii oogehe; Doono Yeeriyoo ebi bushoon diiriye. 25Tsoriꞌi katemoonaa Eshitaꞌooli katemoonochi gutte daggooch beeti, Mahaneeh Daan bi beetaa, Doono Yeerichi Ayaano biin kupphii beehe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
SIM International, 2020.